Новости за 07.05.2018

Улуттар Уюмунун Ооганстандагы атайын миссиясы өлкө түндүгүндө жайгашкан Кундуз провинциясындагы ооган коопсуздук күчтөрүнүн аба соккуларынан 36 киши, анын ичинде 30 баланын өмүрү кыйылган операциянын жүргүзүлүшүн сындады. Эл аралык миссиянын 7-майдагы билдирүүсүндө операция маалында ооган аба күчтөрү тик учактардан ракета атып, пулеметтордон ок жаадырганын сындап, карапайым жарандарды сактоого канчалык көңүл бурулган деген суроо коёт. Атайын операция 2-апрелде Лагмани кыштагында жүздөгөн эркектер менен балдар намаз окуп жатканда ишке ашкан. Читать дальше...

Кайрымдуулук кылган ноокендик согуш ардагери, эл ташыган нарындык мугалим, отуз жылдан бери базарда ырдап үй-бүлөсүн баккан майып, эне тилин унуткан кыргызстандык немистер, эл кыдырган ырчылар. Ушул жана башка баяндарды “Данисте” телетоптомунан көрүңүз.

Казакстанда аскерий жана геосаясий коркунучтардан коргонуу максатында атайын аскердик бөлүк түзүлдү. Бул тууралуу 7-майда өткөн аскердик парадда президент Нурсултан Назарбаев билдирди.     «Жаңы коркунучтарга эффективдүү жооп берүү жана коопсуздукту камсыздоо максатында атайын операцияларды аткара турган күчтөр түзүлдү. Жаңы бөлүк киберкоркунучтарга каршы аракеттенет. Ал өлкөнүн коргонуу системасына киргизилди”, - деди Назарбаев. Аскердик парад Жамбыл облусундагы “Отар” базасында өттү. Ага үч миң жоокер жана 40тай учуучу аппараттар... Читать дальше...

Ош облустук соту "өгөй кызын зордуктады" деп айыпталган кишини 20 жылга абакка кести. Беш жыл бою өгөй атанын запкысын көрүп, 16 жашында көз жарган кыздын жакындары жаза жеңил болуп калды деп нааразы.

Бүгүн Ташкент шаардык соту "конституциялык түзүлүшкө каршы чыккан" деп айыпталган журналист Бобомурад Абдуллаевдин жана аны менен кошо үч жарандын иши боюнча өкүм чыгарды. Сот Абдуллаевди Кылмыш кодексинин 159-беренеси боюнча күнөөлүү деп таап, бир жарым жылга кара жумушка кесип, маянасынан 20% кармап калуу шарты менен сот залынан бошотту. Сот залынан чыккандан кийин Абдуллаев журналисттерге камакта жатканда ​"азаттык, эркиндик, демократия, сөз эркиндиги жаатында иштеп жүргөн инсандар, кесиптештерим... Читать дальше...

Бишкек Жылуулук электр борбору (ЖЭБ) боюнча депутаттык комиссия бардык мүчөлөрдүн сунуштарын корутундуга кошмой болду. Мындай чечим комиссиянын акыркы жыйынында кабыл алынды. Буга чейин депутаттык комиссиянын эки мүчөсү иликтөө корутундусуна кол коюудан баш тарткан эле.

Арменияда оппозициялык лидер Никол Пашинян элдин баарын  демонстрацияларга чакырды. Эртең армян парламенти өкмөт башчыны тандайт. Дүйшөмбүнүн кечинде Пашинян сүрөөнчүлөрү менен АКШдан келаткан рок-жылдыз Серж Танкиянды тоскону барды. Теги армян америкалык ырчы океандын ары жагынан Пашинянга колдоо көрсөткөнү атайын учуп келди. Ал кечинде Еревандын Республика аянтына келип сүйлөй турганы кабарланды. Пашинян болсо жактоочуларын 8-майда кайрадан көчөгө чыгып, парламентте шайлоо башталганда башкаруучу... Читать дальше...

Түркияда сабалган Малика Ноотиева Кыргызстанга кетти. Бул тууралуу Малика Ноотиеванын адвокаты Энис Зияли "Азаттыкка" билдирди.  - Учурда Маликанын соту аяктап баратат. Буга чейин бир канча соттук отурум болду. Маликанын ооруканадагы анализдеринин баарын соттук-медициналык экспертизага жөнөттүк. Эми кийинки соттук отурум качан болору белгисиз. Шектүү бир түрк жараны учурда камакта. Ага Түркиянын Кылмыш-жаза кодексинин 147-беренеси жана 87-беренеси боюнча кылмыш иши коюлган. Анда киши өлтүрүүгө... Читать дальше...

Чүйдүн бир топ айылдарында сүт арзандап, уй кармагандардын чыгымы акталбай жатат. Учурда ортомчу ишканалар сүттүн литрин 14 сомдон алып жатса, жайында анын баасы 10 сомго чейин түшүп кетет. Өлкөдө сүт иштетүүчү мамлекеттик заводдордун жоктугунан жеке менчик ишканалар каалаган баасын коюшат. Айрым айылдарда уйдун сүтү үй-бүлөдө жалгыз киреше булагы болуп саналат. Ал эми Кыргызстандын дүкөндөрүндө сүттүн литри 50-100 сомдон сатылат.

Жогорку Кеңештеги "Бир Бол" фракциясынын депутаты, мурунку биринчи вице-премьер-министр Аскарбек Шадиевдин мүлкү аткаминерлердин байлыгы, бизнеси тууралуу талаш-талкууну жандантты.

Бүгүн ант берип, төртүнчү президенттик мөөнөтүнө расмий киришкен Владимир Путин премьер-министрликке кайра эле Дмитрий Медведевди сунуш кылды. Мыйзамга ылайык, президенттин сунушун Мамлекеттик дума карап, бекитиши керек.  Путиндин эски санаалашы Дмитрий Медведев премьер-министр катары 2012-жылдан бери иштеп келе жатат. Ага чейин төрт жыл Орусиянын президенти болгон. Бул учурда Путин өкмөт башчы кызматын аткарып турган. 65 жаштагы Владимир Путин бүгүн ант берип, дагы алты жылга Орусиянын президенти кызматына расмий киришти. Читать дальше...

Орусиянын лидери Владимир Путин ант берип, төртүнчү президенттик мөөнөтүнө расмий киришти. Түркияда мөөнөтсүз президенттик жана парламенттик шайлоо өнөктүгү башталды. Президент Эрдоганга атаандаш болом дегендердин арасында аял саясатчы да бар. Эл аралык коомчулуктун каршылыгына карабай, кийинки аптада АКШ Израилдеги элчилигин Тел-Авивден Иерусалимге көчүрмөкчү.

Кыргызстандын Маданият, маалымат жана туризм министрлиги казак ырчысы Роза Рымбаеванын оркестр тууралуу сөзүнө жооп берип, кийинки жолу концерт уюштурганда түз эле министрликке кайрылууну cунуш кылды. Министрликтин басма сөз кызматы билдиргендей, Рымбаева 3-майда Бишкекте концерт койгон учурда "Бишкек бул - борбор шаар, ошондуктан өз оркестри болгону туура" деген өңүттө сүйлөгөн. Ал оркестрдин коштоосунда ырдоону каалаганын айткан.  Министрлик Кыргызстанда бир канча оркестр ансамбли бар экенин эске салып... Читать дальше...

"Азаттыктын" өзбек кызматы өз булактарына таянып, Мирзиёев түркмөн президентинин Ташкенттеги сапарынын убагында кетирген кемчиликтери үчүн эки жетекчини кызматтан бошотконун кабарлады. Президенттин коопсуздук кызматынын жетекчиси Абдурахим Муминов иштен алынып, Ташкент шаарынын Жол коопсуздугу инспекциясынын башчысы Барат Маменов беш күнгө камалды.  Журналисттерге сүйлөп берген, аты-жөнүн жашырган эки кишинин айтканына караганда, Түркмөнстандын президенти Гурбангулы Бердымухаммовдун сапарынын учурунда... Читать дальше...

Президент Сооронбай Жээнбеков Экинчи дүйнөлүк согуштун ардагери, Социалисттик эмгектин баатыры Корчубек Акназаровдун үйүнө барып, учурашып келди.  Мамлекет башчынын басма сөз кызматы билдиргендей, 7-май күнү Жээнбеков ардагер менен жолугуп, келе жаткан Жеңиш күнү менен куттуктады. Экөөнүн жолугушуусу дасторкон четинде өттү.  Ардагер кыргызстандыктарды биримдикте болууга чакырып, Жээнбековго өзүнүн “Өмүрдөгү ак жол” аттуу китебин белек кылды.  96 жаштагы Корчубек Акназаров 1-Белорус фронтунда согушкан. Читать дальше...

Ата Мекендик согуштун катышуучусу Арзыкул Мамарасулов Жеңиш майрамын утурлай өзүнүн кайрымдуулук иштерин баштады. Ардагер пенсиясын өзү жашаган Ноокен районунун Сай-Бою айылындагы муктаждарга акчалай жана азык-түлүк иретинде таратып жатат. Кан майданда ачарчылыкты баштан өткөргөн согуш ардагери азыркы балдар кыйынчылыкты көрбөсүн дейт.

Түркияда мөөнөтсүз президенттик жана парламенттик шайлоо өнөктүгү башталды. Ал өзгөчө абалдын шартында өткөнү турат. Президент Режеп Тайып Эрдоган өзү шайлоо программасын жарыялап жатып, Анкара өлкөнүн коопсуздугу үчүн чек араларында жаңы аскердик операцияларды жүргүзө алаарына убада берди. Бул арада алдыдагы шайлоодо Эрдоганга чакырык таштай алчулардын да аты-жөнү белгилүү болду.

Экинчи дүйнөлүк согуш учурунда Кыргызстандын эли 131 миң адамга азайган. Улуттук статистика комитетинин маалыматына ылайык, 1941-жылдын башында Кыргызстанда 1 миллион 588 миң адам каттоого алынган. 1946-жылкы каттоодо 1 миллион 457 миң адам калган.  Кыргызстан 360 миңден ашуун жаранын же ар бир төртүнчү кишини армияга жөнөткөн. Ошондой эле 300 миңден ашуун адамды кабыл алган. Отуз миңден көбүрөөк кыргызстандыктар өлкөдөн тыштагы аскердик өндүрүш ишканаларына жиберилген.   Согуш маалында колхоз-совхоздор коргоо фондуна 74 миң тоннадай  дан... Читать дальше...

Бишкек Жылуулук электр борбору (ЖЭБ) боюнча депутаттык комиссиянын корутундусуна борборду модернизациялоого иштерине түз жана кыйыр тиешеси болгон дагы бир катар саясатчылардын аттары кошула турган болду. Бул тууралуу комиссиянын мүчөсү, депутат Сайдулла Нышанов “Азаттыкка” билдирди: - Биз өткөндө айыптуулардын катарында эки-үч адамдын аттарын айтып жатканбыз. Бирок бүгүн чечим кабыл алып, кагазды даярдаган кишиден баштап, кол койгон, катышкан кишилердин баарынын аты-жөнүн киргизе турган болдук. Читать дальше...

65 жаштагы Владимир Путин бүгүн ант берип, дагы алты жылга Орусиянын президенти кызматына расмий киришти. Анын төртүнчү президенттик мөөнөтүнө каршы 5-майда Орусиянын ондогон шаарында митингдер өттү. 18 жылдан бери өлкөнү башкарып келе жаткан Владимир Путин жаңы президенттик мөөнөткө кириши менен Орусияда Сталинден кийин эле бийликте эң узак отурган лидер болуп калат.

Москвада 65 жаштагы Владимир Путин дагы алты жылга Орусиянын президенти катары бүгүн расмий кызматына киришип, ант берди. Анын төртүнчү президенттик мөөнөтүнө каршы 5-майда Орусиянын ондогон шаарында митингдер өттү. 18 жылдан бери бийлик башындагы Владимир Путин жаңы мөөнөткө кызматка кириши менен эми Орусияда Сталинден кийин эле бийликте эң узак отурган лидер болуп калат.

Үч жума мурун Таластын Манас районунун Көк-Дөбө айылындагы кыштоодо жоголгон 115 баш жылкы 5-майда Казакстандан табылды.  Облустук милициянын басма сөз катчысы Динара Сарногоева "Азаттыкка" билдиргендей, үйүр Жамбыл районунун Гродиково айылынан табылган.   Жергиликтүү бийлик өкүлдөрүнүн эки тараптуу сүйлөшүүлөрүнүн жыйынтыгында 107 баш жылкы ээлерине кайтарылды. Калганы өлүп калганы кабарланды. Үйүр 17-апрель күнү Таластын Казакстан менен чектеш жайгашкан «Иван-Караван» деп аталган кыштоодо жайылып жүргөн жеринен дайыны чыкпай калган эле.

“Рейтер” агенттиги Иерусалимде “АКШнын элчилиги” деген жазуу кеминде үч жерге илингенин кабарлады. Англис, араб жана иврит тилдериндеги жол белгилер АКШнын дипломатиялык миссиясынын расмий ачылышына бир жума калганда пайда болду.   14-майда Кошмо Штаттардын элчилиги Тель-Авив шаарынан Иерусалимге көчөт.  Былтыр 6-декабрда президент Дональд Трамп АКШ Иерусалимди Израилдин борбору деп тааныган чечимди бекиткен. Мындай чечим АКШнын Европа менен Жакынкы Чыгыштагы башкы өнөктөштөрүнүн сын-пикирлерин... Читать дальше...

Бишкек Жылуулук борбору боюнча депутаттык комиссия бардык мүчөлөрдүн сунуштарын корутундуга кошмой болду. Мындай чечим комиссиянын бүгүнкү жыйынында кабыл алынды. Буга чейин депутаттык комиссиянын эки мүчөсү иликтөө корутундусуна кол коюудан баш тарткан эле. Алар корутундуда Жылуулук борборундагы кырсык жана аны оңдоого бөлүнгөн 386 миллион доллардын сарамжалсыз пайдаланышы боюнча жоопкерчиликтүү айрым адамдар тизмеге киргизилбей калганын билдиришкен.

Бүгүн Орусиянын президенти Владимир Путиндин инаугурациясы өттү. Ушуну менен ал төртүнчү жолу өлкөнүн башчысы катары расмий түрдө ишке киришип, 18 жылдык башкаруусун улантат.