Новости за 10.05.2018

Орусия менен Германиянын тышкы иштер министрлери Ирандын өзөктүк программасы боюнча 2015-жылы түзүлгөн келишимди сактап калуу ниеттерин билдиришти.   10-майда Орусиянын тышкы иштер министри Сергей Лавров бул маселени Москвада немис кесиптеши Хайко Маас менен жолуккан кезде талкуулады. Лавровдун белгилешинче, макулдашуудан чыкпаган өлкөлөр - Орусия, Германия, Кытай, Британия жана Франция аймактын коопсуздугу үчун маанилүү болгон документтин бузулбашына аракет кылышы керек. Маас да Иран келишимдеги... Читать дальше...

92 жаштагы Махатхир Мухаммад Малайзиянын премьер-министри болуп шайланды жана бүгүн ант берди. 9-майда өткөн парламенттик шайлоодо ардагер саясатчы жетектеген оппозициялык блок парламенттеги 222 орундун 113 мандатын алды. Ал эми азыр бийликте турган башкаруучу партияга болгону 79 орун тийди. Шайлоонун алдын ала жыйынтыгы жарыялангандан 12 сааттан кийин өлкөнүн падышасы өкмөттү түзүүнү Махатмир Мухаммадга тапшырган. Британиядан эгемендик алган 1957-жылдан бери өлкөнү башкарып келе жаткан бийликтеги коалиция үчүн бул чоң сокку болду. Читать дальше...

Былтыр Орусияда эмгек акысын албай калган эки миңден ашуун мигрант Кыргызстандын мамлекеттик миграция кызматына кайрылган. Жумуш берүүчүлөр төлөбөгөн маяналардын көлөмү 100 миллион рублдан ашкан. Быйыл төрт айда миңдей адам эмгек акысын албай калганына арызданып, анын жалпы суммасы 48 миллион рублга жеткен. Орусиядагы мигранттардын көздөн учкан эмгек акысы тууралуу "Азаттыктын" “Биз жана дүйнө” берүүсүндө сөз болду.

10-майда Астанада Европарламенттин делегациясы Казакстан мажилисинде спикер Нурлан Ныгматуллин баштаган парламент депутаттары менен жолугушту. Жолугушуудан кийинки маалымат жыйынында Европарламенттин делегациясынын башчысы Ивета Григуле Петерс Казакстандагы нааразылык акциялары, анда коюлган талаптар тууралуу укканын билдирди. Ал бул маселени казак бийлиги менен сүйлөшкөнүн да айтты: - Бул маселе биздин күн тартибибизде болду. Бул жакка келердин алдында электрондук почтабызга туткундарга байланышуу каттар келди. Читать дальше...

Жогорку Кеңеш Бишкектин Жылуулук электр борборундагы (ЖЭБ) кырсыктын себебин жана аны модернизациялоого жумшалган 386 миллион доллардын чоо-жайын иликтеген депутаттык комиссиянын корутундусун талкуулады.

Жогорку Кеңеш Бишкектин Жылуулук электр борборундагы (ЖЭБ) кырсыктын себебин жана аны модернизациялоого жумшалган 386 миллион доллардын чоо-жайын иликтеген депутаттык комиссиянын корутундусун талкуулады.

АКШнын президенти Дональд Трамп Түндүк Кореянын лидери Ким Чен Ын менен 12-июнда Сингапурда жолугушат. Бул тууралуу Трамп бүгүн өзүнүн «Твиттер» баракчасына жазды. "Менин Ким Чен Ын менен жолугушуум 12-июнда Сингапурда өтөт. Биз экөөбүз тең бүткүл дүйнө тынчтыгы үчүн өзгөчө иш жасоого аракет кылып жатабыз", деди Дональд Трамп.  Трамптын бул билдирүүсү Пхеньян туткундаган корей улутундагы үч америкалык жаран бошотулуп, алар бүгүн АКШга келгенден кийин жасалды. Кечээ Түндүк Кореяда сапарда жүргөн... Читать дальше...

Бишкектин Жылуулук электр борборунун (ЖЭБ) айланасында түзүлгөн кырдаал үчүн өлкөнүн парламенти да жооптуу. Бүгүн Жогорку Кеңештин жалпы жыйынында сүйлөп жатып “Республика - Ата Журт” фракциясынын депутаты Кенжебек Бокоев ушундай пикирин билдирди. Бокоев ЖЭБди оңдоого насыя алуу тууралуу келишимди буга чейинки чакырылыштагы парламент бир күндө үч окуудан өткөрүп бергенин эске салды. Ушундай эле пикирин эркин депутат Жанар Акаев да билдирди. Ал бүгүн бардык кемчиликтер үчүн өкмөт айыпталып жатканы... Читать дальше...

Стамбул шаарында быйыл үчүнчү жолу уюштурулуп жаткан этноспорт маданият фестивалында көк бөрү, тогуз коргоол, күрөш, жаа атуу сыяктуу көчмөндөрдүн улуттук оюндары боюнча таймаштар өтөт.

Кыргыз өкмөтү Бишкектин Жылуулук электр борборун (ЖЭБ) жаңылоого насыя алуу боюнча келишим түзүүдө бир катар сунуштарды эске алган эмес. Бул тууралуу бүгүн ЖЭБдеги кырсыкты жана аны модернизациялоонун чоо-жайын иликтеген депутаттык комиссиянын корутундусун талкуулоо учурунда комиссиянын төрагасы Улан Примов билдирди. Ал ошол кездеги экономика министри Темир Сариевдин "ЖЭБди оңдой турган компанияны тендердин негизинде тандаш керек. ТВЕА буга чейин "Датка-Кемин" долбоорун ишке ашырган, эгер ал тандалса... Читать дальше...

Кыргызстанда коомдук ишмер Рустам Маманов менен ишкер Рустам Воинов камалды. Бул тууралуу Улуттук коопсуздук боюнча мамлекеттик комитеттин басма сөз катчысы Рахат Сулайманов “Азаттык” радиосуна билдирди. Анын айтымында, аты аталган эки жаран буга чейин козголгон кылмыш ишинин алкагында камакка алынган. УКМКнын өкүлү тергөөнүн кызыкчылыгына байланыштуу башка маалымат айтылбай турганын билдирди. Ишенимдүү булактар Воинов менен Маманов жер талашка байланыштуу кармалышы ыктымал экенин айткан.  (КЕ)

Казакстандык ири ишкер жана банкир, 2009-жылдан бери Европада бозгунда жашап жүргөн Мухтар Аблязов бүгүн Казакстандын бир канча шаарында өткөн митингдерди өзү уюштурганын "Азаттыктын" казак кызматынын суроосуна жооп берип жатып айтты.  10-майда Казакстандын Астана, Алматы, Орол, Актөбө, Атырау, Семей жана Чымкент шаарларында “саясий туткундарды камактан чыгарууну талап кылган” нааразылык акциялары өттү. Астана менен Алматыдагы митингге катышкан ондогон адамды полиция "урусат берилбеген көчө жыйынын... Читать дальше...

Ноокат районунун 94 жаштагы тургуну Исак Кубатов Экинчи Дүйнөлүк согушка катышып, Улуу Жеңишти Австрияга жакын аймакта согуш талаасында тоскон. Тилекке каршы жыл сайын алардын катары суюлуп баратат дейт өзү.

Бишкек Жылуулук электр борборунун (ЖЭБ) мурдагы директору Нурлан Өмүркул уулу "Улуттук энергохолдинг" коомчулукка жарыялаган аспаптар топтому жана конвейер тасмасы ишканадагы авариядан кийин гана сатып алынганын бүгүн парламентте билдирди:  - Бишкек ЖЭБинин азыркы директору аспаптар топтомун, эки конвейер лентасынын рулонун көрсөттү. Башында ал бир эле аттиш болчу. Коомдо резонанс жаралгандан кийин ага комплектти алып келип кошушту. Конвейер лентасын да алып келишти. Ушундай эле комплект берки тизмеде 105 доллардан бар болчу. Читать дальше...

Кыргызстандын Кикбоксинг федерациясынын президенти Александр Воинов менен коомдук ишмер жана бизнесмен Рустам Маманов камалды. Бул тууралуу Улуттук коопсуздук боюнча мамлекеттик комитеттин (УКМК) басма сөз катчысы Рахат Сулайманов “Азаттык” билдирди. Анын айтымында, алар буга чейин козголгон кылмыш ишинин алкагында камакка алынган. УКМКнын өкүлү тергөөнүн кызыкчылыгына байланыштуу башка маалымат айтылбай турганын билдирди. Ишенимдүү булактар Александр Воинов менен Рустам Маманов жер талашка... Читать дальше...

Бүгүн таңда Израил жана Иран ракета менен атышты. Казакстандын бир нече шаарларында саясий туткундарды бошотууну талап кылган митингдер кармоолор менен коштолду. Өзбекстандын президенти Шавкат Мирзиёев АКШнын президенти Дональд Трамп менен Вашингтондо эмки аптада жолугушат.

Кыргызстанда 11-майда жаан-чачын күтүлбөйт. Түштүк-чыгыштан соккон шамалдын ылдамдыгы секундасына 3-8 метрге жетет. Абанын температурасы: Чүй өрөөнүндө түнкүсүн 11...16, күндүз 30...35; Таласта түнкүсүн 11...16, күндүз 30...34; Ош жана Жалал-Абад жана Баткен облустарында түнкүсүн 13...18, күндүз 30...35; Ысык-Көлдө түнкүсүн 5...10, күндүз 22...27; Нарын облусунда түнкүсүн 4...9, күндүз 22...27 градус ысык болот. Бишкекте 11-майда түнкүсүн жаан-чачын жаабайт. Батыштан соккон шамалдын... Читать дальше...

Бишкекте Биринчи май райондук соту 10-майдан тартып Мамлекеттик бажы кызматынын төрагасынын мурунку орун басары Райымбек Матраимовдун мурдагы өкмөт башчы Сапар Исаковдун чечими боюнча арызын карай баштады. Матраимов өкмөттү "кызматтан мыйзамсыз алган" деп айыптап жатат.

Жогорку Кеңеш Бишкектин Жылуулук электр борборундагы (ЖЭБ) кырсыктын себебин жана аны модернизациялоого жумшалган 386 миллион доллардын чоо-жайын иликтеген депутаттык комиссиянын корутундусун талкуулады.

Жогорку Кеңеш Бишкектин Жылуулук электр борборундагы (ЖЭБ) кырсыктын себебин жана аны модернизациялоого жумшалган 386 миллион доллардын чоо-жайын иликтеген депутаттык комиссиянын корутундусун талкуулады.

Жогорку Кеңештин депутаты Аскарбек Шадиевдин эсепчиси Бишкек ЖЭБин оңдоп-түзөөгө катышкан кытайлык ТВЕА компаниясынын да эсепчиси болгон. Бул тууралуу парламент депутаты Кожобек Рыспаев ЖЭБ чырын талкуулаган жыйында билдирди. - Шадиев Аскарбектин бухгалтери ТВЕА компаниясынын бухгалтери болуп чыгып жатат. Калп эмес. Эмне себептен мындай болуп калат? Бул шек жаратпайбы? Ушул эле комиссияга "Датка-Кеминди" иликтөөнү бериш керек. Аягына чейин иликтеп чыгыш керек. 1 чакырым чубалгы 640 миң долларга бааланып жатат. Читать дальше...

"Бирдиктүү Орусия" партиясынын депутаттары Мамлекеттик Думага жашы жете элек балдарды уруксат берилбеген митингдерге кошкондорду административдик жазага тартууну караган мыйзам долбоорун сунуш кылышты. Анда күнөөлүүлөргө 500 миң рубль айып салуу же 15 суткага камоо каралган. Мыйзамдын авторлору бул сунуш жашы жете элек балдарды "саясий популисттердин" колдонушуна бөгөт коюу, өспүрүмдөрдүн турмушун, ден соолугун жана өнүгүшүн коргоо максатын көздөй турганын билдирүүдө.  Февралда Орусиянын президенти... Читать дальше...

Бишкек Жылуулук электр станциясын модернизациялоо үчүн техникаларды алууда баалар атайылап көтөрүлгөн. Бул тууралуу бүгүн Бишкек ЖЭБиндеги кырсык жана аны модернизациялоого Кытайдан алынган 386 млн. доллардын чоо-жайын иликтеген депутаттык комиссиянын мүчөсү Алмазбек Токторов Жогорку Кеңештин сессиясында билдирди. - Келишим 2009-жылдан бери даярдалып келген. Ага көп киши катышкан. Мурдагы, кечээги президенттер да катышкан. Масалиев жакшы айтты, бизде президенттин чечими жок бир дагы маселе чечилбейт. Читать дальше...

Израил менен Иран бири-бирине ракета атышты. Израил армиясынын билдиргенине караганда, ал Ирандын Сириядагы “ондогон” аскердик жайларына ракеталар менен сокку урду. Израилдин маалыматына караганда, ага чейин Иран анын Голлан дөңсөлөрүн карай жыйырмадай ракета аткан. Аймагы Израил тараптан аткыланганын Сирия да ырастады. Бул окуя Иран менен Израилдин кайым айтышуусу күчөгөн учурга туш келди.

Украинанын чыгышындагы Орусия колдогон жикчилдер көзөмөлдөгөн Донецк шаарында 9-майда Жеңиш парады өттү. “Франс-Пресс” агенттигинин жазышынча, бул сыяктуу майрам өткөрүү жана анда оор техникаларды, танктарды колдонуу 2015-жылдагы тынчтык келишимге каршы келет.  Үч жыл мурдагы тынчтык келишими эки тарапты тең минометтерду, ракеталарды жана башка ири калибрдеги куралдарды талаштуу аймактардан чыгарып кетүүгө милдеттендирген.  “Франс-Пресс” агенттиги танк, артиллериялык система, ракета алып жүрүүчү машина сыяктуу 45 оор техниканы санаган. Читать дальше...