Новости за 24.05.2018

Атом энергетикасы боюнча эл аралык агенттик – МАГАТЭнин 24-майда билдиргенине караганда, Иран өзөктүк программасын АКШ 2015-жылкы көп тараптуу өзөктүк келишимден чыгып кеткенине карабай, ошол документте каралган чектөөлөрдүн алкагында кармоодо. Бул МАГАТЭнин президент Дональд Трамп быйыл 8-майда АКШ 2015-жылкы келишимден чыкканын жарыялагандан берки биринчи баяндамасы болду.  Атом энергетикасы боюнча эл аралык агенттик белгилегендей, Иран уранды байытуу дэңгээлинин жана байытылган уран корунун... Читать дальше...

АКШ президенти Дональд Трамп Түндүк Кореянын лидери Ким Чен Ын менен 12-июнда Сингапурда өтөрү кабарланган саммитин токтотту.

Жогорку Кеңештеги Жогорку соттун судьялыгына үч талапкердин өтпөй калышын кадрдык тазалануу катары бааласак болобу?

Өзгөчө кырдаалда өтчү шайлоо. Түркия мөөнөтсүз парламенттик жана президенттик шайлоого даярданып жатат. Президент Эрдоганга чыныгы атаандаш болчу талапкерлер барбы? Махатхирдин жолу. Малайзияда ардагер саясатчы, мурдагы өкмөт башчы Махатхир Мухаммаддын 92 жашында кайрадан бийликке келиши менен мурдагы аткаминерлердин коррупциялык иштери жанданды.

АКШ президентинин Түндүк Корея лидерине жазган катын бүгүн Ак үй таратты. Анда Трамп Түндүк Кореянын акыркы билдирүүлөрүндөгү “эбегейсиз кыжырдануудан жана ачык кастыктан” улам узактан бери күтүлгөн жолугушууну азыркы тушта өткөрүүнү орунсуз деп тапканын белгилеген. Эгер Ким Чен Ын көз карашын өзгөртүп, жолугушуунун жаңы убактысын аныктагысы келсе, ага “телефон чалып же кат жаза аларын” кошумчалаган. Ал Түндүк кореялыктар өзөктүк кубаты жөнүндө айтып жатканына, АКШнын өзөктүк мүмкүнчүлгү андан “кыйла чоң жана күчтүү” экенине... Читать дальше...

Кыргызстандын “Акылтай” футбол командасынын оюнчулары Испанияда өтө турган "Barcelona football festival" аттуу өспүрүмдөрдүн эл аралык футбол мелдешине катышат. Бул тууралуу “Азаттыкка” команданын машыктыруучусу Мирлан Жумабаев билдирди. Анын айтымында, турнир 26-27-май күндөрү Испаниянын Барселона шаарында өтөт. Ага 30дан ашык өлкөдөн 100гө жакын команда катышат. Оюндар жети куракта: 2003-жылдан 2009-жылга чейинки жылдары төрөлгөн оюнчулардан түзүлгөн командалар арасында, өз-өзүнчө өтөт. - Былтыркы... Читать дальше...

Британияда ууландырылган орус чалгынчысы Сергей Скрипалдын кызы Юлия атасы экөөнө жасалган кол салуу - алардын жашоосун өзгөрткөнүн айтты. Түркиянын улуттук акчасы - лира дагы беш пайызга наркын жоготту. Казакстанда дин жөнүндө жаңыланган мыйзамды Мажилис экинчи окууда жактырды.

24-май күнкү калың жааган кардын кесепетинен Ысык-Көл облусунун Ысык-Көл районунда эки короо кой кырылды. Баштапкы маалыматтарга караганда, Тамчы айыл аймагынын Кайкы жайлоосунда бир чабандын 60 коюу жана Ачык-Таш (Чок-Тал жайлоосу эмес) жайлоосунда бир чабандын 50 коюу өлгөн. Өзгөчө кырдаалдар министрлиги кабарлагандай, Чырпыкты айылынан Чырпыкты жайлоосуна баруучу жол жабылып калган. Учурда жолду тазалоого айыл аймагы тарабынан техника тартуу жагы каралууда. Чырпыкты жайлоосунда үч үй-бүлө отурукташкан... Читать дальше...

Немис канцлери Кытайга иш сапары менен бүгүн барды. Президент Си Цзиньпин менен сүйлөшүүлөрдүн алдында Ангела Меркел Бээжинде премьер-министр Ли Кэцян менен жолугушууда Кытай жана Германия ортосундагы диалогдун маанилүүлүгүнө көңүл бурду. Дал азыркы тушта Кошмо Штаттар менен соода мамиледен жана Вашингтондун Ирандын өзөктүк программасы боюнча 2015-жылкы көп тараптуу келишимден чыгышынан улам Берлин менен Бээжиндин камтамачылыктары окшош болуп турат. - Эгер Кошмо Штаттар Иран боюнча дагы санкцияларды киргизсе... Читать дальше...

Мындай билдирүүнү бүгүн Түндүк Кореянын мамлекеттик кабар агенттиги таратты. Анын маалыматына караганда, сыноо жүргүзүлүүчү жай “өзөктүк сыноо улантылбай жатканы тууралуу ачык-айкындыкты камсыз кылыш” үчүн “толугу менен бузулду”.  Өлкөнүн түндүк-чыгышына Пхеньян кеминде алты өзөктүк сыноо өткөргөн Пунгери полигонунун бузулушуна эркин эксперттер катыштырылган жок. Бирок ал аймакка барган чет элдик журналисттер бир катар жардыруулардын добушун угушканын билдиришти. Пунгери полигонунан кабары бар чет элдик окумуштуулардын айтымында... Читать дальше...

Жогорку Кеңеш кабыл алган акыркы чечимдерден улам "мыйзам чыгаруучу бийлик көз каранды эмес саясат жүргүзө баштады" деген пикирлерге жол ачылды.

Кыргызстандын футбол федерациясынын дисциплинардык комитети 20-майда Кант шаарында болгон, футболчулар аралашкан мушташ боюнча 23-майда жыйын өткөрдү. Кыргызстандын Футбол лигасынын 24-майда тараткан маалыматына караганда “Алга” жана “Алай” футбол клубдарынын өкүлдөрүнүн жүйөлөрүн угуп, материалдарын карагандан кийин комитет Дисциплинардык кодекске ылайык чечим чыгарды. Чечимге ылайык: “Алга” клубу коомдук тартипти сактоого жана коопсуздукту камсыз кылууга жетиштүү чара көрбөгөндүгү үчүн 50 миң сом айып төлөйт. Читать дальше...

Казакстанда “Диний кызмат жана диний уюмдар жөнүндө” мыйзамга киргизилген өзгөртүүлөр күчүнө кирсе, бетти жапканга, сыйынуучу жайдан башка жерде нике кыюуга тыюу салынат. Ошондой эле жаңы мыйзам долбооруна ылайык, 16 жашка толо элек балдардын ата-энесиз мечиттерге, чиркөөлөргө киришине уруксат берилбейт.

Бул тууралуу Архитектура, курулуш жана турак жай, коммуналдык чарба боюнча мамлекеттик агенттиктин басма сөз кызматы “Азаттыкка” кабарлады. Ага ылайык, Мамлекеттик тарых музейине мамлекеттен жалпысынан 1,5 млрд. сом бөлүнгөн. Анын 700,0 млн. сому оңдоп-түзөө иштерине, 864,4 млн. сому экспонаттарды коюуга, жабдыктарды оңдоого арналган.  Буга чейин парламентеги "Ата Мекен" фракциясынын жетекчиси Алмамбет Шыкмаматов музейди оңдоп-түзөө иштеринде баалар жогору көрсөтүлгөнү тууралуу маалыматтар бар экенин айтып чыккан. Читать дальше...

Бул тууралуу Архитектура, курулуш жана турак жай, коммуналдык чарба боюнча мамлекеттик агенттиктин басма сөз кызматы “Азаттыкка” кабарлады. Ага ылайык, Мамлекеттик тарых музейине мамлекеттен жалпысынан 1569,4 млн. сом бөлүнгөн. Анын 700,0 млн. сому оңдоп-түзөө иштерине, 864,4 млн. сом ал эми экспонаттарды коюуга, жабдыктарды оңдоого арналган.  Буга чейин парламентеги "Ата Мекен" фракциясынын жетекчиси Алмамбет Шыкмаматов музейди оңдоп-түзөө иштеринде баалар жогору көрсөтүлгөнү тууралуу маалыматтар бар экенин айтып чыккан. Читать дальше...

Жалал-Абад район аралык соту шаардын борборунда жер астындагы өтмөк жолдун курулушун жеке ишкердин арызына ылайык убактылуу токтотту.

25-26-майда түнкүсүн Ысык-Көлдө жана Нарын облусунун дыйканчылык аймактарында 0 -2 градус үшүк жүрүшү мүмкүн. Мындай үшүк жылуулук сүйүүчү айыл чарба өсүмдүктөрү үчүн коркунучтуу.        Абанын температурасы:  Чүйдө түнкүсүн 6…11, күндүз 24…29 градус;  Талас облусунда түнкүсүн 5…10, күндүз 22…27 градус;  Баткен облусунда түнкүсүн 10…15, күндүз 25…30 градус;  Ошто жана Жалал-Абадда түнкүсүн 8…13, күндүз 25…30 градус;  Ысык-Көл облусунда 1…6, күндүз 17…22 градуска чейин жылыйт;  Нарын облусунда түнкүсүн 0…-2... Читать дальше...

Президент Сооронбай Жээнбеков 24-майда Канаданын, Мексиканын, Эстониянын, Финляндиянын жана Кувейттин атайын жана ыйгарым укуктуу элчилеринен ишеним грамоталарын кабыл алды. Президент элчилерди Кыргызстандагы дипломатиялык ишмердигинин башталышы менен куттуктап, өлкөлөрдүн мамилеси алардын жеке аракеттеринен көз каранды экенин белгиледи. Элчилердин аткарган иштери байланыштарды бекемдөөгө жана эки тараптуу кызматташтыкты өнүктүрүүгө көмөктөшөөрүнө ишенимин билдирди. Мамлекет башчы ар бир элчи менен... Читать дальше...

25-майда “Акыркы коңгуроо” салтанатын өткөрүү учурунда облус аймагында коомдук коопсуздук камсыздалып, коомдук эс алуу жайлары текшерүүгө алынат. Бул күнү Баткен милициясы күчөтүлгөн тартипте иштейт. Коомдук тартипти жана түрдүү укук бузуулардын алдын алуу үчүн район-шаарлардын аймагына жана эс алууга чыгуучу багыттарда көзөмөл күчөтүлөт.  Май айында Баткен милициясы билим берүү кызматкерлери менен чогуу облус аймагындагы бардык мектептерде ата-энелерге, окуучуларга «Бүтүрүүчү-2018» кечелерин ресторан-кафелерде... Читать дальше...

24-майда парламенттин 63 депутаты  “Бешинчи каналдын” статусун өзгөртүү боюнча мыйзам долбооруна каршы добуш берди.   Депутат Дастан Бекешев мамлекеттик "Бешинчи каналды" "парламенттик канал" деген статусунан ажыратып, сатыкка чыгарууну сунуш кылган. 5-чакырылыштагы парламент "Бешинчи каналдын" статусун "парламенттик канал" кылып өзгөртүү жөнүндө мыйзамды колдоп берген. Бекешевдин айтымында, саясатка жана бир топ документтерге байланыштуу бул мыйзам толук аткарылган эмес. Учурда "Бешинчи каналдын" жалпы карызы 85 млн. Читать дальше...

Орусиялык мурдагы тыңчы Сергей Скрипалдын кызы Юлия кечээ медиа үчүн билдирүү жасады. Атасы экөө уландырылгандан кийин ооруканага жатып чыккан Юлия өмүрүнө кол салуу жашоосун өзгөрткөнүн, аларга каршы нервди шал кылчу зат колдонулганына таң калаарын айтты. Британиянын Солсбери шаарында болгон бул окуя үчүн Лондон Москваны күнөөлөп келсе, орус бийлиги муну четке кагууда.

Эл аралык иликтөө тобу "Украинанын аба мейкиндигинде 2014-жылы Малайзиянын жүргүнчү учагын атууда колдонулган “Бук” ракеталык системасы Орусиянын №53 зениттик-ракеталык бригадасынан келген" деген тыянагын жарыялады. Курамына Австралиянын, Бельгиянын, Малайзиянын, Нидерландынын жана Украинананын бийлик адамдары кирген биргелешкен иликтөө тобу мындай бүтүмүн бүгүн Нидерланддын Утрехт шаарындагы басма сөз жыйынында айтып чыкты. Малайзиянын Амстредам - Куала-Лумпур каттамындагы учагы 2014-жылдын... Читать дальше...

Бул тууралуу ички иштер министринин орун басары Курсан Асанов парламенттеги жыйында билдирди. Анын айтымында ушул күнгө чейин “Курал жөнүндөгү” мыйзамына ылайык, башка өлкөнүн мамлекеттик жана коомдук ишмерлерине 1435 курал сыйлыкка берилген. Бирок эки жылдан бери эч кимге мындай сыйлык бериле элек.   Депутат Аалы Карашев чет өлкөлүктөргө сыйлыкка тапанча берүүнү көзөмөлгө алыш керек экенин билдирди. Учурда парламентте Евразия Экономикалык Биримдигиндеги өлкөлөрдө курал алып жүрүү боюнча мыйзам доолбоору талкууланып жатат. Читать дальше...

23-майда калың жааган кардан Ат-Башынын Аксай жайлоосундагы Үч-Эмчек тилкесинде 200 кой кырылган. Бул тууралуу Өзгөчө кырдаалдар министрлиги кабарлады. Аймактагы башка чабандардын абалынан кабар алыш үчүн ӨКМдин жергиликтүү бөлүмүнүн кызматкерлери жана бийлик өкүлдөрү кар калың түшкөн жерге жөнөп кетишти. 23-24-май күндөрү жааган кардын айынан Ысык-Көл, Нарын облусундагы жайлоолордо мал чыгаша болду. Ысык-Көл районундагы Сары-Камыш жайлоосунда 112 кой, 1 уй өлгөн. (MiK)

Саруу окуясы боюнча сегиз жылга соттолуп, президенттин ырайымы менен эркиндикке чыккан Наристе Калчаев абакта отурганда саясатчы Садыр Жапаровго каршы көрсөтмө алуу аракеттери болгонун билдирип маалымат жыйын берди. Анын айтымында, Калчаевди 2013-жылдын 7-октябрында Улуттук коопсуздук мамлекеттик комитетинин имаратында башына желим пакет кийгизип, кыйноого алышкан. Ошондой ал Жапаровго каршы көрсөтмө бербегенин кошумчалады. Бул айыптоо боюнча УКМКнын маалымат кызматы комментарий бербей турганын билдирди. Читать дальше...