Новости за 03.08.2019

د افغانستان لپاره د ملګرو ملتونو مرستندویې ادارې یوناما ویلي چې یوازې په تېرې جولای میاشت کې ۱۵۰۰ ملکي وګړو ته په افغانستان کې مرګ ژوبله اوښتې ده. د دغې ادارې په یوې اعلامیې کې چې نن خپره شوې دا شمېره د تېر ۲۰۱۷ کال د مې میاشتې راهیسې تر ټولو لوړه ښیي. د یوناما اعلامیې زیاته کړې چې تر ډېره دا ملکي مرګ ژوبله د وسله والو مخالفینو په بریدونو کې اوښتې ده. دا اندېښنه داسې مهال خپره شوې چې په دې وروستیو اوونیو کې د افغانستان د سولې هڅې ډېرې شوي، خو د یوناما په خبره، په هماغه اندازه شخړې هم ډېرې شوې دي. Читать дальше...

افغان امنیتي چارواکي وایي، په تېرو ۲۴ ساعتونو کې په کندهار او دایکنډي ولایتونو کې پنځه دېرش وسله والو مخالفینو ته مرګ ژوبله اوښتې ده. په کندهار کې د ۲۰۵ اتل قول اردو مرستیال ویاند احمد صادق عیسی ازادي راډیو ته وویل چې د دایکنډي په ګجران ولسوالۍ کې د ګډو تصفیوي عملیاتو پر مهال ۱۲ طالبان وژل شوي او ۱۰ نور ټپیان دي. د ښاغلي عیسی په خبره، د کندهار په پنجوایي کې هم په تېرو ۲۴ ساعتونو کې د یوه سرګروپ په ګډون دیارلسو کسانو ته مرګ ژوبله اوښتې ده. ده وویل: د ۲۰۵ اتل قول اردو د لومړۍ پلي لوا قوماندانۍ... Читать дальше...

د افغانستان دفاع وزارت د افغانستان د بیارغونې لپاره د امریکا د ځانګړي سرپلټونکي سیګار هغه راپور له حقیقه لېرې بولي چې په کې ویل شوي، د افغان ځواکونو د بایومټریک بهیر له پيل راهیسې تر دې مهاله د ملي اردو له لیکو ۴۲ زره خیالي نومونه ايستل شوي دي.

په داسې حال کې چې د افغانستان ولسي جرګې د بودجې او تقنیني اسنادو د تصویب او د جرګې د لږ کار کولو له امله د اوړي رخصتۍ ځنډولي، د ولسي جرګې غړي وايي چې لاهم د دوی نصاب پوره نه وي او تر ډېره وکیلان په شخصي کارونو بوخت دي.

د محمد اشرف غني او ګلبدین حکمتیار په مشرۍ انتخاباتي ټيمونو د انتخاباتي مبارزو غونډې وکړې. ښاغلی حکمتیار وایي، د بریالیتوب په صورت کې الهي عدل تامینوي. بل خوا په کابل کې د لویې جرګې په خېمه کې یو شمېر دیني عالمانو په یوه غونډه کې د اشرف غني په مشرۍ له دولت جوړوونکي ټيمه ملاتړ اعلان کړ. ویډيو ذکریا صفري او نصرت پارسا اېډېټ: ذکریا صفري

د ایران د بهرنیو چارو وزیر وایي، هېواد به یې د ۲۰۱۵ کال د اټمي تړون د ژمنو د راکمولو په اړه درېیم ګام واخلي. د ایران د پارلمان خبري اژانس د جواد ظریف په حواله لیکلي چې د اګست په درېیمه یې ویلي: په اوسنیو شرایطو سره به ایران د اټمي تړون په برخه کې د خپلو ژمنو د راکمولو درېیم ګام واخلي. خو نوموړي د راتلونکي اقدام جزیات نه دي ورکړي. ایران په مې میاشت کې اعلان وکړ چې که د دې تړون نور لاسلیکوونکي هېوادونه خپلو ژمنو ته په بشپړه توګه درناوی ونه کړي، ایران به په تدریج سره د دې تړون په برخه کې خپلې ژمني راکمې کړي. Читать дальше...

د امریکا دفاع وزیر مارک اسپر وایي، واشنګټن غواړي چې په نږدې راتلونکي کې په اسیا کې د منځني واټن ویشتونکي نوي توغندي ځای پرځای کړي. د ښاغلي اسپر دا څرګندونې یوه ورځ وروسته له هغه شوي چې امریکا او روسیه په رسمي ډول د (آی. اېن. اېف) یا د منځني واټن ویشتونکو توغندیو د کنټرول له تړونه ووتل. د اټمي وسلې د کنټرول هغه تړون یو دېرش کاله دمخه د امریکا او روسیې د هغه مهال ولسمشرانو لاسلیک کړی و. د امریکا دفاع وزیر چې نن یې په استرالیا کې خبري کولې، دا ونه ویل چې د امریکا متحده ایالات به د اسیا په کوم ځای کې دا نوي توغندي ځای پر ځای کړي. Читать дальше...

جګړې د رزمي ورزشونو د لوبغاړي خدای بیردي ژوند له څه ستونزو سره مخ کړی دی؟ د ازادي راډیو خبریال عالم رحمانیار د نوموړي ژوند ته په دې ویډيويي راپور کې تم شوی دی. اېډېټ: لېمه هادي

د امریکا ولسمشر ډونالد ټرمپ د افغان جګړې په اړه خپلې دا خبرې چې د افغانستان جګړه په څو ورځو کې ګټلی شی، خو نه غواړي چې په دغه هېواد کې لس ملیونه کسان ووژل شي، یو ځل بیا تکرار کړې.

د افغانستان د سولې عالي شورا په قطر کې د امریکایي چارواکو او طالبانو ترمنځ د سولې اتم پړاو خبرې د دې هېواد لپاره مهمې او هیله بخښونکې بولي.

د رحمت الله نبیل په مشرۍ د امنیت او عدالت انتخاباتي ټیم د جمهوري ریاست نوماندانو ته چلنج ورکړ چې په مناظرو کې ورسره ګډون وکړي.

د افغانستان د کرکټ بورډ له خوا د شپږیزې لیګ د شپږم پړاو سیالیو لپاره د لوبغاړو د پېر مراسم تېره شپه په کابل کې ترسره شول. د افغانستان د کرکټ بورډ ویاند فرید هوتک نن ازادي راډیو ته وویل، د شپږیزې لیګ روان پړاو سیالیو لپاره سلګونه افغان لوبغاړي په بېلابېلو کټګوریو کې بولۍ ته وړاندې شول چې د دغه لیګ د شپږو لوبډلو د مسؤلینو له خوا هرې لوبډلې ته ۱۶ـ ۱۶ لوبغاړي واخیستل شول. د ښاغلي هوتک په خبره، پر يادو ۱۶ لوبغاړو سربېره هرې لوبډلې د دې حق درلود چې يوـ يو لوبغاړی د تېر پړاو له سیالیو له ځانه سره وساتي... Читать дальше...

په کندهار کې موټرسایکل بم چاودنې ۸ ملکي کسان ټپيان کړل. پېښه نن ۱۱ بجې د کندهار ښار اړوند د اخند صاحب دانې په سيمه کې رامنځته شوې ده. د کندهار د پوليسو ویاند جمال ناصر بارکزی وايي چې يو وسله وال چې غوښتل يې موټرسایکل بم انتقال کړي، ځای پر ځای ورباندې چاوېدلی چې له امله یې د ښځو او کوچنیانو په ګډون اته ملکي کسان ټپيان شوي دي. بارکزی وایي چې په چاودنه کې خپله د موټرسایکل انتقالوونکی هم وژل شوی دی. وسله والو طالبانو تراوسه په دې اړه رسنیو ته څه نه دي ویلي.

د امریکا د متحدو ایالتونو ولسمشر ډونالد ټرمپ خپلو همکارانو ته ویلي دي چې دی غواړي د راتلونکي کال تر نومبر پورې چې د امریکا د ولسمشرۍ د انتخاباتو وخت دی، ټول امریکایي ځواکونه له افغانستانه وباسي. دا خبر امریکایي خبرې سرچینو د یو شمېر اوسنیو او پخوانیو چارواکو په وینا ورکړی دی چې د دې کسانو نومونه یې نه دي اخیستي. په ورته وخت کې امریکایي رسنیو د یو شمېر سرچینو په وینا ویلي دي چې واشنګټن دې ته چمتو دی چې د دې په بدل کې له افغانستانه د خپلو پوځیانو یوه لویه برخه وباسي چې طالبان له کابل سره د ۱۸ کلنې... Читать дальше...

په ملګرو ملتونو کې د چین سفیر ژانګ جون پرون وویل، چین د امریکا او روسیې ترمنځ د منځني واټن اټمي وسلو د تړون پر لغوه کېدو خواشینی دی او پېکنګ به د وسلو د نوي تړون لپاره د ټرمپ وړاندیز ونه مني. د امریکا او روسیې ترمنځ د منځني واټن اټمي وسلو تړون (آی. اېن. اېف) په ۱۹۸۷کال کې د امریکا د هغه مهال ولسمشر رونالډ ریګن او د شوروي اتحاد ولسمشر میخایل ګورباچوف لاسلیک کړی و چې پرون واشنګټن په رسمي ډول له دې تړونه بهر شو. د سږ کال په لومړیو کې امریکا او ناټو پر روسیې د نویو کروز توغندیو د ځای پرځای کولو تور پور کړ، مسکو دغه تور رد کړی دی. Читать дальше...

د افغانستان د سوداګرۍ او صنایعو خونه وایي، هېواد ته د پاکستان او ایران له لوري قاچاقي وارداتو ستونزې جوړې کړي. د دغې خونې مرستیال خان جان الکوزي نن ازادي راډيو ته وویل چې د قاچاقو اصلي لاملونه د سرحداتو نه کنټرول، د زورواکو شتون، فساد او جګړه ده. ده وویل: په دې کې هېڅ شک نشته چې ځيني اموال قاچاق کېږي، خو دا ستونزه یوازې د پاکستان او ایران له لوري ده او دا واقعیت دی، د افغانستان له لوري هم یو څه محصولات لکه قیمتي ډبرې، لرګي او کرومایت نورو ملکونو ته قاچاق کېږي. ښاغلی الکوزی وایي، که د دې قاچاقو... Читать дальше...

د "حقیقت څه دی؟" د دې اونۍ په خپره کې مو په افغانستان کې د روغتیایي خدمتونو د څرنګوالي موضوع څېړلې ده.

د مقالې عنوان دی، د افغانستان په جګړه کې امريکا ته بریا مهمه ده، خو دا بریا باید د سولې په میدان کې له ماتې سره یو ځای نه وي.

کابل چاپ نننیو ورځپاڼو د بېلابېلو موضوعاتو ترڅنګ د افغان سولې او د انتخاباتو په اړه لیکنې او تبصرې کړي.

د افغانستان د کډوالو او بېرته راستنېدونکو چارو وزارت وايي چې له ایران او پاکستانه د افغان کډوالو د جبري ستنولو بهیر بند شوی دی. د دې وزارت ویاند سید عبدالباسط انصاري پرون جمعه د اګست په دوهمه ، ازادي راډیو ته وویل چې د ایران، پاکستان، افغانستان او ملګرو ملتونو د پرېکړې پر اساس، ایران او پاکستان په جبر د افغان کډوالو له ستنولو لاس اخیستی دی. سید عبدالباسط انصاري: د جون د میاشتې له اتلسمې، نولسمې او شلمې راهیسې له ایران او پاکستانه هېڅ افغان کډوال په جبري ډول نه دی ایستل شوی. د افغانستان حکومت... Читать дальше...

په افغانستان کې د سولې د ولسي حرکت غړي به نن شنبه د کابل په قره باغ ولسوالۍ کې غونډه وکړي. د دې حرکت له لوري په خپره شوې اعلامیه کې ویل شوي چې په قره باغ کې به د سولې، اوربند او د ملکي تلفاتو پر مخنیوي خبرې وشي. د سولې د ولسي حرکت غړي وايي چې د افغانستان هر ګوډ ته د سولې د غږ رسولو او د ملاتړ راغونډولو هڅې کوي. هغوی څو اوونۍ وړاندې په هلمند کې هغو سیمو ته هم ورغلي وو چې د وسله والو طالبانو تر ولکې لاندې دي او د هغوی د سیمه یېزو قوماندانانو سره یې د سولې او اوربند په اړه خبرې وکړې. د سولې ولسي حرکت تېر کال له هلمنده پیل شو.

د امریکا د متحدو ایالاتو ولسمشر ډونالد ټرمپ پرون د اګست په دوهمه پر روسیې نوي بندیزونه ولګول. پر روسیې تور لګېدلی چې په ۲۰۱۸ میلادي کال کې يې په بریتانیا کې د روسيې د استخباراتو پر پخواني مامور سرګي سکریپال او د هغه پر لور د کېمیاوي موادو په حمله کې لاس درلود. په حمله کې د نووي چوک په نوم کېمیاوي مواد کارول شوي وو. سکرېپال او د هغه لور نږدې مړه شوي وو. د امریکا حکومت له دې امله پر روسیې بندیزونه لګولي دي. د امریکا ولسمشر پرون د اګست په دوهمه یو فرمان لاسلیک کړ او پر روسیې یې د بندیزونو... Читать дальше...

په مرکزي مکسیکو کې پرون جمعه لږترلږه درې زره کورنۍ د ګاز د خپرېدو له امله بېځایه شوي. د رپوټونو پر اساس، یو شمېر مشکوکو غلو د طبیعي ګازو یوه نل لیکه څو ځایه شلولې ده. د مکسیکو په مرکزي مکسیکو ولایت کې چارواکو رسنیو ته ویلي چې خلک یې د مصؤن پاتې کېدو لپاره له سیمې ایستلي او په موقتي استوګن ځایونو کې یې ځای پرځای کړي دي. دا تخریب شوې نل لیکه د تېلو د انتقال لپاره هم استعمالېږي او په مکسیکو کې د تېلو او ګازو د انتقال مرکزي نل لیکه ده. داسې انګېرل کېږي چې غلو د تېلو د غلا لپاره دا نل لیکه تخریب کړې او شلولې ده. Читать дальше...

د افغانستان د سولې لپاره د امریکا د حکومت خاص استازی زلمی خلیلزاد دوحې ته ورسېد.

د امریکا د متحدو ایالتونو ولسمشر ډونالد ټرمپ د افغانستان د سولې په تړاو خبرې وکړې او یو ځل بیا یې خبرداری ورکړ چې هېواد یې دا توان لري چې د افغانستان جګړه وګتي، خو نه غواړي چې میلیونونه انسانان د دې ګټې لپاره ووژل شي.