نوماند رحمت الله نبیل وایي، د سولې په خبرو اترو کې تر ډېره افغان حکومت څنډې ته کړای شوی دی. دی په انتخاباتي مبارزو کې تر ټولو لوی رقیب د محمد اشرف غني په مشرۍ دولت ساز انتخاباتي ټیم یادوي.
د افغانستان لویه څارنوالي وايي، د هېواد د ټولو زندانونو د څېړنې په نتیجه کې یې موندلې چې نږدې ۱۷۰۰ افغان نظامیان په زندانونو کې دي.
په کابل کې د پاکستان سفیر وايي، د کشمیر جنجالونه هېڅ کله هم د افغانستان له جنګ سره تړاو نه لري.
په واشنګتن کې افغان سفیره رویا رحماني وایي د طالبانو مرګوني بریدونه د سولې خبرې کمزورې کوي. پاکستان ګواښ کړی چې له هند سره ډپلوماټیکې اړیکې کموي او تجارت ورسره ځنډوي. او د کعبې شریفې د پوښ په اړه ځانګړی لنډ راپور هم لیدلی شئ. د نړۍ دا مهم خبرونه د شپې په ۸ بجو له پيشګام ټلویزیون وګورئ.
د محمد اتمر د انتخاباتي ټیم ځیني کلیدي غړي وايي، دغه ټیم د داخلي اختلافاتو له امله وپاشل شو.
د روان میلادي کال په لومړیو ۷ میاشتو کې شااوخوا ۲۰۰ افغان پانګه والو د نا امنیو له کبله خپلې پانګې نورو هېوادونو ته ایستلي دي.
د وسله والو طالبانو د مشر له اختریز پيغام وروسته چې په سوله په کې ټینګار شوی، افغان ولسمشر محمد اشرف غني وايي چې اول باید ټاکنې وشي او وروسته دې د سولې په اړه تصمیم ونیول شي.
د افغانستان د معلولینو کرکټ ملي لوبډله د معلولینو په نړیوال سیریز کې له پرله پسې درېيو بریاوو وروسته نن د خپل څلورم سیال هندوستان پر وړاندې د لوبې ډګر ته ځي. دغه لوبه د افغانستان په وخت نن مازیګر په شپږ نیمو بجو په انګلستان کې کېږي. له دې وړاندې د افغانستان د معلولینو کرکټ لوبډلې په خپله لومړۍ لوبه کې بنګله دېش ته په ۸ ویکټو، په دوهمه لوبه کې پاکستان ته په ۲۶ منډو او په درېیمه لوبه کې کوربه انګلستان ته په ۷ ویکټو ماتې ورکړي دي. بل خوا ټاکل شوې چې د سید جمال الدین افغان ایلیټ کپ لومړۍ درجه ولایتي... Читать дальше...
په خوست کې دوو بمي چاودنو نهه کسان ټپيان کړل. د خوست د امنیې قوماندانۍ د رسنیو مسؤل عادل حیدر ازادي راډیو ته وویل چې لومړۍ پېښه نن سهار شااوخوا لس بجې د دې ښار سپین جومات ته څېرمه پر یوه سراچه ډوله موټر د مقناطیسي ماین د چاودنې له کبله وشوه چې اووه کسان پکې ټپیان شول. د ښاغلي حیدر په خبره، ټول ټپیان ملکي وګړي دي. تر دې یو ساعت وروسته په یوه بله سیمه کې د پولیسو پر موټر د مقناطیسي بم چاودنه وشوه چې دوه پولیس پکې ټپیان شوي دي. د دې پېښو مسؤلیت چا نه دی اخيستی.
د پاکستان د فساد پر وړاندې د مبارزې ملي ادارې د دغه هېواد سیاسي مخالفه مریم نواز نیولې ده. پاکستاني چارواکو او د مېرمن نواز د ګوند ویاندې دا خبر تأیید کړی دی. مریم نواز د پاکستان د مسلم لیګ ګوند مرستیاله ده او نن داسې مهال نیول شوې چې د خپل بندي پلار نواز شریف چې د مسلم لیګ نواز ګوند مشر او پخوانی صدراعظم دی، د لیدو لپاره لاهور ته تللې وه. د پاکستان د مسلم لیګ نواز ګوند ویانده مریم اورنګزیب وايي چې تر اوسه د هغې د نیول کېدو د دلیل په اړه څه نه دي ورته ویل شوي. د پاکستان د فساد پر وړاندې د... Читать дальше...
امنسټي انټر نېشنل یا د بښنې نړیوال سازمان د امریکا متحده ایالاتو ته د سفر په اړه خبرداری ورکړی دی. دا خبرداری په امریکا کې د هغو بریدونو وروسته شوی چې لسګونه کسانو ته پکې مرګ ژوبله واوښته. د بښنې نړیوال سازمان په اعلامیې کې له ټولو هغو کسانو چې امریکا ته سفر کوي، غوښتنه شوې چې له احتیاطه کار واخلي. تېره اوونۍ د امریکا په کلفورنیا، تګزاس او اوهایو کې په وسله والو بریدونو کې ۳۴ تنه وژل شوي او لسګونه نور ټپیان شوي دي.
د افغانستان د شفافو انتخاباتو د بنسټ ټيفا یوه نوې نظرپوښتنه ښيي چې ۵۷ فیصده خلک په انتخاباتو کې د ګډون علاقه نه لري.
د هلمند د پوهنې ریاست په ښوونځیو کې د ماشومانو د شمولیت لپاره کمپاین پیل کړ.
د افغانستان امریکايي پوهنتون یو ځل بیا د دغه پوهنتون د دوو برمته شویو بهرنيو استادانو د خوشې کېدو غوښتنه وکړه. د دغه پوهنتون د ادارې له خوا په خپره شوې اعلامیه کې راغلي چې استادان او تعلیمي بنسټونه باید د جګړې د ښکېلو اړخونو له خوا په هېڅ صورت هدف ونه ګرځول شي. په اعلامیه کې زیاته شوې چې د دغو دوو استادانو هر يو کیوین کېنګ او تیموتي جان وېکس په برمته ساتلو سره وسله والې ډلې هېڅ هم نشي ترلاسه کولای. د افغانستان امریکایي پوهنتون دغه دوه استادان د وسله والو طالبانو له خوا د ۲۰۱۶ میلادي کال د... Читать дальше...
بهرنیو ځواکونو په پروان ولایت کې د تېلو پر یوه ټانکر ډزې کړي، ټانکر اور اخستی او چلوونکی یې وژل شوی دی. د پروان ولایت د بګرام ولسوالۍ امنیه قوماندان عبدالرقیب کوهستاني ازادي راډیو ته وویل چې دا پېښه تېره شپه د بګرام ولسوالۍ په پنج قلعه کلي کې شوې ده. د ښاغلي کوهستاني په خبره، په بګرام هوایې ډګر کې دېره بهرنیو ځواکونو هغه مهال ډزې وکړې چې د تېلو ټانکر غوښتل د دوی له کاروانه مخکې ولاړ شي او د دې ځواکونو له خوا د درېدو غوښتنې ته یې پام ونه کړ. د غوڅ ملاتړ ماموریت تر اوسه د دې پېښې په اړه څه نه دي ویلي.
د وسله والو طالبانو مشر ملا هبت الله ویلي چې امریکا د افغانستان د سولې د هغه احتمالي توافق په اړه شکونه راپورته کړي دي چې له مخې به یې امریکایي ځواکونه له افغانستانه وځي او په دې هېواد کې اوږد مهاله جګړه پای ته رسولی شي. ملا هبت الله د پنجشنبې په ورځ د اختریز پیغام په خپرولو سره دا څرګندونې کړي دي. دا پیغام یوه ورځ وروسته له هغه خپور شوی چې په کابل کې د طالبانو په یوه خونړي برید کې نږدې ۱۶۰ کسانو ته مرګ ژوبله واوښته چې ډېری یې ملکي وګړي دي. افغان حکومت ویلي، دغه برید د طالبانو له لوري د سولې په ژمنو کې پوښتنې راپورته کوي. Читать дальше...
اوکراین او ترکیه په خپلو کې د ازادې سوداګرۍ پر یوه داسې توافق غور کوي چې د دواړو خواوو سوداګري دوه برابره یعنې په کال کې ۱۰ میلیاردو ډالرو ته ډېرولی شي. دا خبره د اوکراین د ولسمشرۍ دفتر پر ویبپاڼه خپور شوی دی. خبرپاڼې دا خبره د ترکیې د ولسمشر رجب طیب اردغان له قوله کړې چې د اګست په ۷ نېټه یې په انقره کې د اوکراین له ولسمشر ولادیمیر زیلینسکي سره په یوه ګډه خبري غونډه کې کړې ده. ښاغلي زیلینسکي ویلي چې د دواړو هېوادونو ترمنځ د سوداګرۍ کچه په ۲۰۱۸ میلادي کال کې څه باندې ۴ میلیارده ډالره وه. د... Читать дальше...
ګلاجان احمدزي د بدن ښکلا په برخه کې د افغانستان په کچه د غوره لوبغاړي يا مسټر افغانستان لقب خپل کړ. د افغانستان د بدنې روزنې ریاست ویاند عارف پیمان نن ازادي راډیو ته وویل، د افغانستان د بدن ښکلا ملي لوبډلې ټاکنیزې او د هېواد په کچه د غوره باډي بلډر ټاکلو سیالۍ له ۲۲ ولایتونو څخه د ۳۷۱ لوبغاړو ترمنځ په کابل کې وشوې. ښاغلی پیمان وايي، دغه سیالۍ په ۹ کټګوریو کې په بېلابېلو وزنونو کې ترسره شوې، چې په پایله کې ګلاجان احمدزی وتوانېد چې تر نورو لوبغاړو زیاتې نمرې واخلي او د افغانستان په کچه د ۲۰۱۹ کال غوره لوبغاړی شي. Читать дальше...
د راډیويي مجلې دا ګڼه مو په لاندې هنري او فرهنګي مسایلو راښکلې کړې ده.
د افغانستان د نجونو د فوټبال د ملي ټیم روزونکې کیلي لینزي وايي، فیفا یا د فوټبال نړیوال فدراسیون باید د افغان لوبغاړو د جنسي ځورونې په اړه د څېړنو لمن پراخه کړي. نوموړې په یوه لیک کې چې د اګست په ۶مه یې د فوټبال د نړیوال فدراسیون د رئیس ګیاني انیفانټینو په نوم استولی، ویلي چې د افغانستان د فوټبال فدراسیون د پخواني رئیس کرام الدین کریم له خوا د افغانستان د نجونو د فوټبال د ټیم د غړو د جنسي ځورونې په اړه څېړنې ورو پر مخ ځي. د افغانستان د نجونو د فوټبال د ټیم لږترلږه پنځو غړو کرام الدین کریم د ۲۰۱۳... Читать дальше...
د ایران دولتي ټلویزیون راپور ورکړی چې د چهارشنبې په ورځ د ایران د سپاه پاسدارن ځواک دوه سرتېري د دې هېواد په شمال لوېدیځ کې د وسله والو سره په نښتو کې وژل شوي دي. پېښه لوېدیځ اذربایجان ولایت کې د ترکیې پولې ته نږدې د ماکو په سیمه کې شوې ده. دا سیمه عراقي کردستان ته هم نږدې پرته ده. د ماکو والي حسن عباسي ایراني رسنیو ته ویلي چې دوه سرتېري په جګړه کې وژل شوي او یو بل ټپي شوی دی. په وروستیو میاشتو کې د ایران په هغو سیمو کې چې د ترکیې او عراق سره په پولو پرتې دي، د ایراني ځواکونو او وسله والو ډلو ترمنځ نښتې زیاتې شوې دي. Читать дальше...
د مخابراتو په تخنیکي موزیم کې هغه ټيلیفون چې ۱۲۱ کاله تاریخي مخینه لري. دا موزیم په ۱۳۷۸ لمریز کال کې د افغانستان د مخابراتو وزارت له لوري جوړ شوی او د اړیکو او ارتباطاتو بېلابېل پخواني وسایل په کې ساتل کېږي. لېمه هادي دغه موزیم ته ورغلې او په دې اړه یې راپور چمتو کړی دی. اېډېټ: لېمه هادي
ګڼ شمېر لوېدیځو رسنیو په کابل کې د چهارشنبې د ورځې د برید په اړه مقالې لیکلي دي.
په واشنګټن کې د افغانستان سفیره وايي، د طالبانو خونړي بریدونه د سولې د خبرو اترو اعتبار ته زیان رسوي. رویا رحماني د چهارشنبې په ورځ د روېټرز خبري اژانس سره په مرکه کې ویلي، د افغانستان په بېلابېلو سیمو کې د طالبانو په بریدونو کې زیاتوالی د دې سبب کېږي چې عام افغانان د امریکا او طالبانو ترمنځ د سولې پر روانو خبرو باور له لاسه ورکړي. مېرمن رحماني زیاتوي، په داسې حال کې چې طالبان وايي د سولې له لارې د جګړې پای ته رسول غواړي، د دې درک ستونزمن دی چې بیا ولې د خلکو وژنو ته دوام ورکوي. په واشنګټن... Читать дальше...
افغان ولسمشر امنیتي سکټورونو ته سپارښتنه کړې چې په روانو حساسو شرایطو کې په کابل او ټول هېواد کې امنیتي تدابیر دقیق او جدي کړي. نوموړي په ځانګړي ډول د کابل امنیت ډېر مهم بللی او غوښتنه یې کړې چې د امنیت په برخه کې باید د خلکو اندېښنې رفعه شي. له ارګه په یوې اعلامیې کې راغلي چې محمد اشرف غني تېر ماښام د انتخاباتو د پروسې او د خپلواکۍ د سلمې کلیزې د مراسمو د امنیتي تدابیرو په اړه په یوې امنیتي غونډه کې دا خبره کړې ده. دا څرګندونې داسې مهال کېږي چې پرون په کابل کې یو خونړی برید وشو. د کورنیو... Читать дальше...
