ناکامورا هغه جاپانۍ ډاکټر چې تېره ورځ په جلال اباد ښار کې نا معلومو وسله والو وواژه نن په کابل کې د مدني ټولنو یوشمېر استازيو او کابل ښاریانو د نوموړي په یاد شمعې بلې کړې لېمه هادي دغو مراسمو ته ورغلې وه او دغه راپور یې پرې چمتو کړي
پاني پت هندي فلم د جمعې له ورځې په سینماګانو کې نندارې ته وړاندې کېږي. دا فلم پاني پت د اتلسمې پېړۍ مشهوره جګړه تصویروي. سلطانمحمدسرور په دې اړه د امریکا د ملي دفاعي پوهنتون له استاد علي احمدجلالي سره مرکه کړې. ښاغلی جلالي په دې مرکه کې د پاني پت په جګړه کې د تاریخي پېښو په اړه معلومات ورکوي.
زلمی خلیلزاد د بین الافغاني خبرو او د تاوتریخوالي د کمښت لپاره د هڅو د ملاتړ پخاطر کابل او دوحې ته سفر پیل کړی. په فرانسه کې میلیونونه دولتي کارکوونکو اعتصاب پيل کړی. هندۍ اداکاره عالیه بټ د رواني روغتیا د پوهاوي دلوړولوپه هڅه کې ده. ازادي ستوډیو د شپې په ۸ بجو له پيشګام ټلویزیون وګورئ.
د افغانستان د ولسمشرۍ کاندید او د ملي امنیت پخوانی ريیس رحمت الله نبیل وايي، سوله او ټاکنې له بن بست سره مخ شوي او له همدې کبله باید په افغانستان کې د مصالحې یا سولې په نامه حکومت جوړ شي.
د افغانستان ولسمشر محمد اشرف غني د مالیې وزارت سرپرست محمد همایون قیومي هغه وړاندیز منظور کړی چې له دې وروسته نوموړی ټولو بهرنیو اقتصادي ناستو ته پرته له اجازې ولاړ شي.
د امریکا په هاوایي ایالت کې د امریکا پلي سمندري ځواکونو یوه اډه پرون وروسته له هغې محاصره او په موقت ډول وتړل شوه چې یوه سرتیري په ډزو د امریکا د دفاع وزارت دوه تنه ملکي کارکونکي ووژل او یو یې ټپي کړ. د دغه پوځي چې په پیرل هاربور اډه کې یې دغه درې تنه په ډزوویشتي او وروسته یې خپل ځان په ډزو وژلی، هویت اوانګیزه په ډاګه شوي نه دي. د دې پوځي اډې قومندان رابرټ چادویک په یوه خبري کنفرانس د دوو تنو وژل کېدل تایید کړل او د ټپي شوي په اړه یې ویل چې هغه په روغتون کې دی او روغتیایي وضعیت یې ثابت دی. ... Читать дальше...
فرانسې، جرمني او بریتانیا د ملګروملتونو سرمنشي ته اندیښنه څرګنده کړې چې ایران د لیرې واټن ویشتونکو توغندیو ته چې د اټومي سروکو د لیږدولو قابلیت لري او هغه د دې سازمان د امنیت شورا له پرېکړه لیک څخه سرغړونه ده، پراختیا ورکړې ده.
د افغانستان د ټاکنو خپلواک کمېسیون چارواکي وايي، د ټاکنیزو جنجالونو د حل په هدف یې د څارونکو بنسټونو، ټاکنیزو ډلو او سیاسي ګوندونو استازي یوې ناستې ته وربللي دي.
نړیوالو مطبوعاتو د افغانستان په ننګرهار کې د جاپان د مرستندویه موسسې د رئیس تیتسو ناکامورا وژل کېدو ته ډېر پام اړولی دی.
د امریکا متحده ایالاتو د بهرنیو چارو وزارت وايی، د زلمي خلیلزاد د سفر هدف دا دی چې د سولې بین الافغاني مذاکرات ژر پیل شي.
د جرمونو نړیوالې محکمې (ای سي سي) په افغانستان کې د احتمالي جنګي جرمونو او له بشري حقونو د سرغړونو په اړه پر هغې غوښتنې بیا غور پیل کړ چې پخوا یې رد کړې وه.
دا ژمنه د ناټو د اویایمې کلیزې په ویاړ په لندن کې د دې تړون د سرمشریزې د پای په اعلامیه کې شوې ده. پرون تر غونډې وروسته په خپرې شوې اعلامیې کې راغلې چې غړي هېوادونه د اروپا او د امریکا د شمال ترمنځ خپلو اړیکو ته ادامه ورکوي. په دې اعلامیه کې همداراز غړو هېوادو د تړون پر پخوانۍ پنځمه ماده ټینګار کړی چې پکې ویل شوي، د ناټو پر یوه غړي برید دا معنی لري چې د دې تړون پر ټولو غړو برید شوی دی. د ناټو د سرمشریزې د پای په اعلامیه کې دا ټکی زیات شوی چې دې ته اړتیا شته چې هغو فرصتونو او ګواښونو ته پاملرنه... Читать дальше...
د جلال اباد په ښار کې تېره شپه یوشمېر مدني فعالانو د جاپانۍ موسسې (پي ایم ایس) د مشر تیستو ناکامورا په یاد شمعې بلې کړې. ویرجنو د هغه تر عکس لاندې ولیکل، "تا لکه یو افغان ژوند وکړ او لکه یو افغان ووژل شوې، وبخښه موږ ستا حمایت ونه کړ، جاپانه وبخښه." د ویر په دې محفل کې د علي شاداب په نوم یو مدني فعال وویل: "سخت زیات خواشیني شوي یوو، سخت پرې ودردیدو، ناکامورا زموږ ویاړ و د کونړ پر سیند یې بندونه جوړ کړي وو. پلان یې دا و چې دلته د برق یو بند جوړ کړي خو د دې هېواد د ابادۍ دښمنانو دی پرېنښود." د... Читать дальше...
د ناټو عمومي منشي ینس سټولټنبرګ په لندن کې د دې تړون د سرمشریزې په پای کې پرون وویل چې د افغانستان امنیتي او دفاعي ځواکونو ملاتړ په دغه هېواد کې سولې ته د رسېدو غوره لار ده. ښاغلي سټولټنبرګ وویل: "موږ ژمن یوو چې د افغانستان ملاتړ ته ادامه ورکړو. ځکه چې موږ په دې ژور باور لرو چې د افغان ځواکونو روزل، هغوی ته سلامشوره ورکول او مرسته کول د سولې د هڅو تر ټولو ښه لار ده، ترڅو طالبان پوه شي چې د جګړې په ډګر کې به کله هم بریالي نه شي. هغوی باید د خبرو میز ته کښیني او نویو موافقو ته مخه کړي." تمه ده... Читать дальше...
چین پرون په پیکنګ کې د امریکا متحده ایالتونو د سفارت شارژدافیر ویلیم کلین احضار کړ او د هغې لایحې پرضد یې اعتراض وکړ چې د امریکا کانګرس یوه ورځ مخکې تر دې تصویب کړه. کانګرس د سې شنبې په ورځ د ۴۰۷ موافقو او یوې مخالفې رایي سره د چین پر یوشمېر چارواکو د بندیزونو لایحه تصویب کړه او ولسمشر ډونالد ټرمپ ته یې د توشیح لپاره واستوله. واشنګتن پر چین تور پورې کړی دی چې په خپله خاوره کې له اویغور مسلمانانو سره زیاتی کوي او د هغوی بشري حقونه تر پښو لاندې کوي. د چین حکومت د دغه هېواد په شمال لویدیځ کې د... Читать дальше...
د افغانستان د ملي امنیت سلاکار حمد الله محب په کابل کې د جرمني له سفیر پیتر پروګل سره پر انتخاباتو او سولې خبرې کړي. د ملي امنیت شورا ویاند کبیر حقمل ازادي راډيو ته وویل: "د ملي امنیت سلاکار په دواړو پروسو کې له جرمني مننه وکړه چې همکاري کوي او په ځانګړي ډول یې د سولې په برخه کې وویل چې د افغانستان حکومت تل د افغانانو په مشرۍ او مالکیت د سولې مذاکراتو ته ژمن دی او له دې ډول مذاکراتو سره چې هر ډول همکاري وي، حکومت ورته تیاره دی." د جرمني سفیر ژمنه وکړه چې د سولې په برخه کې به له افغانستان سره مرسته وکړي. Читать дальше...
د افغانستان د بشري حقونو خپلواک کمېسیون د سترې محکمې له لورې د افغان لیکوال محمد زمان احمدي د زندان حکم لغوه کېدو هرکلی کړی دی. ابتداییه محکمې محمد زمان احمدي په شل کاله بند محکوم کړی او تراوسه یې اووه کاله په زندان کې تېر کړي دي. سترې محکمې د احمدي لپاره د ابتدائیه محکمي لخوا د ورکړل شوي شل کلن بند حکم لغوه کړی او د قضیې د بیا څیړلو سپارښتنه یې کړې ده. احمدي اووه کاله پخوا د بامیان د بودا مجسمې د تخریب پر عواملو یوه مقاله لیکلي وه، خو هغه مقاله چې خپره شوې نه ده، ویل کیږي چې دیني مقدساتو ته پکې سپکاوی شوی وو. Читать дальше...
د راپورونو له مخې په فرانسه کې ښایي نننی پراخ اعتصاب د ولسمشر امانویل ماکرون د اصلاحاتو مخه ونیسي.
د افغانستان د سولې لپاره د امریکا متحده ایالتونو د بهرنیو چارو وزارت ځانګړي استازي زلمي خلیلزاد له ولسمشر اشرف سره په کتنه کې په افغانستان کې د اوربند پر امکاناتو خبرې وکړې.
