د دې ولسوالۍ خلک په داسې حال کې خپلو ځایونو ته ستنېږې چې، دا سېمه د وسله والو طالبانو لخوا په ماینونو پوښل شوې ده. د ازادي راډیو خبریال منصور خسرو پرې دا راپور رالیږلی چې پښتو بڼه یې هیلۍ اسد وړاندې کوي:
د افغان فلم چارواکي وايي، د افغانستان د سینما روان وضیعت د اندېښنې وړ دی.
د افغانستان دفاع وزارت د وال ستریټ ژورنال د راپور په غبرګون وايي، په افغانستان کې د داعش ډله کلکه ځپل شوې ده.
په کابل کې د جمناستیک سیالۍ پیل شوې. د افغانستان د بدني روزنې ریاست د مطبوعاتو مسوول مجیب قاری زاده ازادي راډيو ته وویل، چې په دغو لوبو کې ۱۲۰ لوبغاړو برخه اخېستې وه. نوموړي وویل، یاد لوبغاړي د کابل له ۲۵ جمناسټيک کلپونو څخه برخه اخېستې وه. ویل کېږي چې د دغو لوبو په پای کې ۳۰ غوره لوبغاړي په بیلابیلو کټه ګوریو کې ور پېژندل شوي.
ټاکل شوې نن شپه د کابل په وخت ۸:۳۰ دقیقې د افغانستان د جوجیتسو او آزادي مبارزې مشهور لوبغاړی حسین بخش صفري د خپل روسي سیال پیټر برګ پر وړاندي ولوبیږي. دا لوبه د روسیې مسکو ښار په ادرینالین لوبغالي کي ترسره کېږي. افغان لوبغاړي حسین بخش صفري پر خپلي رسمي فیسبوک پاڼه لیکلي، چې د خپل روسي سیال پر وړاندې نني لوبې لپاره پوره چمتوالی نیولی. حسین بخش صفري تردې وړاندې هم له روسیې او اردن لوبغاړو سره لوبې کړي او بریاوې خپلې کړې دي.
د افغانستان د سولې عالي شورا وایي، اوربند ان که لنډمهاله هم وي، د طالبانو ډلې، افغان حکومت او امریکا تر منځ د بې باورۍ فضا له منځه وړي.
په افغانستان کې د هوايي دهلیزونو د کار له پیل څخه تراوسه لس زره او ۷۰۰ ټنه افغاني تولیدات بهر ته صادر شوي دي. د سوداګرۍ او صنعت وزارت ویاند سمیر رسا نن ازادي راډيو ته وویل،چې دغه کالي په څه باندې یو زرو ۴۴ پروازونو کې اسیايي، اروپايي او عربي هېوادونو ته صادر شوي دي. نوموړي وویل، چې د افغانستان محصولات هره ورځ له کابل، کندهار، مزار او هرات څخه په دریو یا څلورو پروازونو کې بېلابېلو هېوادونو ته انتقالېږي. دا په داسې حال کې ده چې تېره اونۍ د بلخ د سوداګرۍ خونې ویلي، چې له بلخ څخه اروپا ته د هوايي... Читать дальше...
چین افغانستان ته د صادرونکو هېوادونو په کتار کې لومړی ځای خپل کړی دی. دا په داسې حال کې ده چې تردې وړاندې پاکستان دغه ځای درلود او ایران هم افغانستان ته له عمده صاردونکو هېوادونو شمېرل کېده. خو د افغانستان د سوداګرۍ او صنعت خونې ویاند جان اقا نوید ازادي راډيو ته وویل، چې د چین بازرونه افغانانو ته تر ډيره ارزانه تمامیږي او ډيری افغانان هم د ارزانۍ له امله چینايي ټوکي اخلي. هغه زیاته کړه: “له چین څخه د کالیو واردات زیات شوي دي، تر ډېره الکترونیکي وسایل انتقالیږي او دلیل یې دا دی چې له چین څخه... Читать дальше...
په ۱۹۸۰ میلادي کال کې افغانستان کې د پخواني شوري اتحاد د "پټې جګړې" کم پیدا کېدوونکي رنګه انځورونه.
ارزګان کې یو شمېر ځوانان وايي، غواړي د پوځ لیکي پیاوړې کړي.
پر ټاکنو د څار یو شمېر بنسټونه وایي، د شکایتونو کمېسیون دې ثبت شویو شکایتونو ته د څېړلو لپاره د اړتیا وړ لازم وخت مشخص کړي.
افغان ۱۳ کلن ماشوم بصیر چې د نیمې ورځې لپاره یې په سمبولیک ډول په خوست کې والیتوب کړی وايي ، په ځان باوري شوی چې دا کار کولای شي.
د افغانستان د بشري حقونو خپلواک کمېسیون ټینګار کوي چې هغه کسان باید ژر تر ژره وپېژندل شي چې په بادغیس کې یې پر یوې لس کلنې نجلۍ جنسي تیری کړی دی. د دې کمیسیون ویاند شکر اله مشکور ازادي راډیو ته وویل: "واقعاً د خواشینۍ ځای دی چې دا پېښه شوې ده، د افغانستان د بشري حقونو خپلواک کمېسیون دا موضوع تعقیبوي." د بادغیس د ښځو چارو مشرې راحلې نادري پرون ازادي راډیو ته وویل چې پر دې نجلۍ د پنجشنبې په ورځ د قلعه نو په ښار کې په یوې دیني مدرسې کې جنسي تیری شوی دی. د میرمن نادري په وینا، دا نجلۍ اوس په روغتون... Читать дальше...
د نورستان په کانتیوا دره کې وروسته له اتلس کلونو افغان ځواکونه ځای پرځای شول. د نورستان والي حافظ عبدالقیوم نن ازادي راډيو ته وویل: "د کانتیوا د ولسونو په همکارۍ د دولت حاکمیت دې سیمې ته غځول کېږي او دلته به د دولت امنیتي پرسونل ځای پرځای کېږي." کانتیوا د مرکز پارون په جنوب کې پرته دره ده چې پنځه دیرش کلي لري او تر دې مخکې په کې طالبان واکمنان وو خو اوس د قومي مشرانو په منځګړیتوب هلته افغان ځواکونه رسیدلې دي.
د ترکیې ولسمشر له لومړي بریښنایي موټر څخه چې د ترکیې ساخت دی، پرده پورته کړه. پر دې موټرو نږدې درې میلیارډه او اووه سوه میلیونه ډالر لګښت شوی دی. رجب طیب اردوغان پرون استانبول ته نږدې په یوه کمپیوټري مرکز کې د ( ایس یو في) موټرو د معرفي د مراسمو پرمهال وویل: "دا د ترکیې لپاره یوه تاریخي ورځ ده، د ترکیې خوب وروسته له شپیتو کلونو رښتیا شو."
د امریکا د دفاعي برخې یو ملکي قراردادي په عراق کې ووژل شو. د امریکا دفاع وزارت وایي، دا کس د عراق په کرکوک ښار کې د عراقي پوځیانو پر یوې اډې د توغنديو د برید پرمهال وژل شوی دی. امریکایي چارواکي وایي، د دې برید له امله یو شمېر عراقي سرتېري هم ټپیان شوي دي. د امریکایانو په وینا پر ( کې یو) پوځي اډې پرون لږ تر لږه دېرش توغندي لګېدلي دي. دا اډه د عراقي عسکرو ده چې یو شمېر امریکایان هم ورسره یوځای دي. تر اوسه کومې ډلې د دې برید مسوولیت نه دی منلی. د امریکا د بهرنیو چارو وزیر تر دې مخکې پر... Читать дальше...
د هلمند په سنګين ولسوالۍ کي افغان ځواکونو ته درانه زیانونه اوښتي دي. د هلمند د والي وياند عمر ځواک وايي چې په دې پيښه ۴ سرتېري وژل شوي او ۲ نور ټپيان دي. ځواک ازادۍ راډيو ته وويل دافغان ځواکونو زیانونه ممکن نور هم ډېر شي. عمر ځواک وايي پيښه تېره شوې ده. ده زياته کړه اول يوه درنه چاودنه شوې چې بڼه يې نه ده معلومه او وروسته جګړه هم شوې ده. ده طالبانو ته هم د ور اوښتو زیانونو خبر ورکړ خو دقيقه شمېره یې وړاندې نه کړه. طالبانو د بريد پړه پرغاړه اخیستې او ويلي يې دي چي د ملي اردو يوې پوستي... Читать дальше...
افغان سیمه ییز چارواکو په ارزګان کې د ۵ طالبانو د وژلو خبر ورکړ. د ۲۰۵ اتل قول ادرو مسؤلین خبر ورکوي چې تېره ورځ ناوخته د ارزګان ولایت په خاص ارزګان ولسوالۍ کې افغان هوايي ځواکونو بریدونه کړي چې پرمهال یې ۵ وسله وال طالبان وژل او ۷ نور ټپیان دي. د دغه قول ادر ویاند محمد صادیق عسی ازادي راډيوته وویل چې یاد وژل شوي کسان د ملا عبدالله او ملاحیمد الله کسان دي. دی وايي، دغلته یو شمېر وسلې او مهمات هم له منځ وړل شوي دي. وسله والو طالبانو تراوسه په دې اړه څه نه دي ویلي.
د هوا د ککړتیا د مخنیوی ارګانونه وایي چې په کابل ښارکې د هوا د ککړتیا د مخنیوي په برخه کې د ولسمشر غني لارښوونه د یکشنبې له ورځې عملي کېږي.
په افغانستان کې د ټاکنو لانجمنېدو د عامو خلکو ستونزې زیاتې کړي دي.
کابل چاپ ورځپاڼو په خپلو نننیو ګڼو کې تر ډېره د جدي شپږمې او د کابل زهرجنې هوا په اړه لیکنې او تبصرې خپرې کړې دي.
د نړۍ مطبوعاتو د افغانستان د جګړې، او د داعش پر وړاندې د امریکا پر مبارزې تبصرې او لیکنې خپرې کړي دي.
د بریټانیې د بهرنیو چارو وزارت یوه افغان ډاکټر ته په روغتيايي برخه کې د نه ستړې کېدونکي خدمت په خاطر د روغتیا د اتل جایزه ورکړه.
د افغانستان دفاع وزارت وايي، په بدخشان ولایت کې په یوه هوايي برید کې اته طالبان وژل شوي دي. د دې وزارت مرستیال ویاند فواد امان ازادي راډیو ته وویل چې دا حمله پرون د جمعې په ورځ د بدخشان ولایت په نُسي ولسوالي کې پر هغه ځای وشوه چې طالبان په کې راټولېدل. د افغانستان د ملي اردو ځواکونو د عملیاتو په دوام کې په نُسي ولسوالي کې یوه هوايي حمله وشوه چې په نتيجه کې يې د طالبانو د ډلې اته کسان ووژل شول او ګڼ شمېر نور يې ټپيان شول. دا هوايي حمله هغه مهال وشوه چې طالب جګړه مارانو غوښتل په دې ولسوالي کې د ملي اردو پر پوستو حمله وکړي. Читать дальше...
