د افغانستان د تېرو ولسمشریزو ټاکنو د شاوخوا ۳۰۰ زره جنجالي رأیو په اړه د انتخاباتي ټیمونو او سیاسي ګوندونو له استازیو سره د انتخاباتي کمېسیونونو مشورتي ناسته بې نتیجې پاې ته ورسېده.
په بګرام هوایي اډې د طالبانو تر برید وروسته د امریکا او طالبانو خبرې ځنډیدلي او خلیلزاد پاکستان ته تللی. د بریټانیا د صدراعظم بوریس جانسن محافظه کاره ګوند د پارلمان اکثره څوکۍ وګټلې. مکسیکو کې چاغو پولیسو ته د روزنې پروګرام نیول شوی. ازادي سټوډیو د شپې په ۸ بجو له پیشګام ټلویزیون وګورئ.
په پاکستان کې د تېلو له یوه ټانکر سره د یوه مسافروړونکي بس د ټکر په پېښه کې ۱۵ کسان مړه شوي دي. چارواکي وايي چې پېښه د بلوچستان ایالت په قلعه سیف الله ولسوالۍ کې شوې ده. د قلعه سیف الله ولسوال عتیق الرحمن د آزادۍ راډیو مشال څانګې ته وویل چې دا ډیزل وړونکی ټانکر په کان مهترزي سیمه کې له مسافروړونکي بس سره ټکر شو، چې په نتیجه کې یې اور واخیست. ښاغلي عتیق الرحمن وویل، ډېر مړي تراوسه هم نه دي پېژندل شوي. د ملېشه پولیسو یوه چارواکي وویل چې په مړو کسانو کې ښځې او ماشومان هم شته. چارواکي وايي، یوازې... Читать дальше...
په غزني کې د ملکي وګړو پر یوه موټر د ماین د چاودنې په پېښه کې ۱۶ ملکي وګړو ته مرګ ژوبله اوښتې ده. د غزني د والي ویاند عارف نوري نن آزادۍ راډیو ته وویل، دا کسان په یوه فلاینګ کوچ موټر کې له دایکندي ولایت څخه غزني ته راتلل چې د جغتو-غزني پر لاره د طالبانو له خوا اېښودل شوی ماین پرې وچاودېد. هغه وویل: "۱۰ ملکي وګړي د ۴ ښځو او یوه ماشوم په ګډون شهیدان شوي او شپږ تنه نور ملکیان د درېیو مېرمنو په ګډون ټپیان شوي چې دمګړۍ د غزني په ملکي روغتون کې تر علاج لاندې دي." پرون د ننګرهار ولایت د خوږیاڼیو ولسوالۍ... Читать дальше...
واشنګټن پوسټ ورځپاڼه لیکي چې په افغانستان کې د متحده ایالاتو د جګړې په اړه د ناسمو معلومات ورکولو افشا ممکن امریکایانو ته جالبه وي، مګر د افغانانو لپاره هېڅ خبر نه دی.
جلال اباد کې د هنرمندانو یوې ډلې د جاپاني وژل شوي مرستندوی تیتسو ناکامورا د یاد تازه ساتلو لپاره د ښار پر ځینو دېوالونو د هغه عکسونه نقاشي کړل. ډاکټر ناکامورا شااوخوا دوه لسیزې افغانستان کې و او په تېره بیا په ننګرهار کې د روغتیا او کرنې په برخو کې پرمختیايي پروژې عملي کولې. ویډیو: سهارګل امیرزی
د افغانستان د سولې لپاره د امریکا ځانګړي استازي زلمي خلیلزاد اسلام اباد ته تللی او د پاکستان د بهرنیو چارو له وزیر شاه محمود قریشي سره یې د افغانستان د سولې پر هڅو خبرې کړې دي. د پاکستان د بهرنیو چارو وزارت د خبرپاڼې له مخې ښاغلي قریشي ویلي چې پاکستان به د افغانستان د سولې هڅو تسهیل ته دوام ورکړي. خلیلزاد وروسته له هغه اسلام اباد ته سفر کوي چې تېره ورځ امریکايي استازو په قطر کې له طالبانو سره خبرې د لنډې مودې لپاره ودرولې. دا خبرې وروسته له هغه ودرېدې چې طالبانو په بګرام کې د طالبانو پر پوځي اډې برید وکړ.
د افغانستان حکومت د تلې ۲۹ مه نېټه رسما د ازبکي ژبې د ملي ورځې په توګه نومولې ده. جمهوري ریاست په یوه خبرپاڼه کې چې پرون خپره شوه ویلي چې ولسمشر اشرف غني پرون پنجشنبې له یوشمېر ازبک فرهنګیانو او د فرهنګي او ټولنیزو بنسټونو له مشرانو سره په کتنه کې په کلیزه کې د دې ورځې د نومولو او د ازبکي او ترکمني ژبو د مرکز د پرانیستو وړاندیز منظور وکړ. د زنان راه ابریشم د فرهنګي مرکز مشرې فوزیې آرال حبیبي چې په پرونۍ غونډه کې حاضره وه آزادۍ راډیو ته وویل: "لومړی وړاندیز، د هېواد په کلیزه کې د تلې ۲۹مه د... Читать дальше...
ولسمشر اشرف غني جرمني سبستیان هاینه ته د علامه سیدجمال الدین افغان دولتي نښان ورکړ. د ارګ د رسمي ویبپاڼې د راپور له مخې ډاکټر هاینه ته چې پرځان یې زمری خان نوم ایښی، دا نښان د افغانستان د ژبو او فرهنګ د ودې لپاره د هغه د څېړنو او خدمتونو د ستاینې لپاره پرون د پنجشنبې په ورځ په ارګ په یوه غونډه کې ورکړل شو. د جرمني د بن پوهنتون استاد سبستیان کورت هاینه د پښتو، دري، ازبکي، ترکمني، پشه يي، بلوڅي او پامیري ژبو او په مجموع کې د افغانستان د فرهنګ په برخو کې ګټورې څېړنې کړې دي.
د امریکا سنا هغه پرېکړه لیک د رایو په اکثریت تصویب کړ چې یوه پېړۍ مخکې د عثماني امپراتورۍ له خوا د ارمنانو ډله ییزه وژنه پکې جینوسایډ یا قتل عام بلل شوې ده. د نیوجرسي ديموکرات سناتور باب مینیندیس پرون پنجشنبې د دې پریکړه لیک له تصویبېدو وروسته وویل چې د دوی کار سم و او د امریکا سنا په دې کار سره وښوده چې د تاریخ د سمې تګلارې ملاتړ یې کړی دی. د ارمنستان صدراعظم نیکول پاشینیان دا اقدام ستایلی دی او دا یې د حقیقت او عدالت بریا بللې ده. ښاغلي پاشینیان پر ټویټر لیکلي دي چې د نړۍ د ټولو ارمنانو په استازیتوب د امریکا د سنا مننه او ستاینه کوي. Читать дальше...
د عراق د شیعه مشر مقتدی صدر پر یوه قرارګاه په دوو انتحاري حملو کې د نوموړي یوولس وسله وال ووژل شول. د عراق پوځ په یوه خبرپاڼه کې چې تېره شپه خپره شوه ویلي چې لومړۍ حمله د سمارا ښار په سل کیلومترۍ کې، ثرثار سمندرګي ته نژدې په هغه سیمه کې وشوه چې د اوږدې مودې لپاره د سني جهادي ډلې داعش مرکز پکې و. د عراق پوځ وايي په دې انتحاري حمله کې د مقتدی صدر اوه تنه وسله وال وژل شوي او ۳ تنه نور ټپیان دي. د عراق د پوځ خبرپاڼه وايي چې دوهم برید هم تېر ماښام ناوخته د لومړي برید په ځای کې وشو چې د مقتدی صدر د وسله والې ډلې څلور کسان پکې ووژل شول. Читать дальше...
د لیبیا د ملي پوځ په نوم د وسله والې ډلې مشر اعلان کړی چې د دې هېواد د پلازمېنې طرابلس د نیولو لپاره به قاطعانه جګړه پیل کړي. طرابلس اوس مهال د هغه حکومت په لاس کې دی چې نړیوالې ټولنې په رسمیت پېژندلی دی، خو جنرال خلیفه هفتر ویلي دي چې غواړي تر خپلې ولکې لاندې یې راولي. خلیفه هفتر په تېره اپریل میاشت کې خپل ځواکونه د طرابلس د نیولو لپاره چمتو کړل، خو یوازې ښار یې محاصره کړ او په دې ونه توانېد چې د فایز السراج په مشرۍ د ملګرو ملتونو له خوا په رسمیت پېژندل شوی حکومت نسکور کړي. د هغه مهال په جګړو... Читать дальше...
په بریتانیا کې د پارلماني انتخاباتو رسمي پایلې ښيي چې له اروپايي ټولنې څخه د بریتاینا د وتلو پلوي محافظه کار ګوند د دې هېواد په پارلمان کې د پام وړ څوکۍ ګټلي دي. دا به ددې هېواد صدراعظم بوریس جانسن ته ددې قوي واک ورکړي چې له اروپايي ټولنې د وتلو برخه کې خپله ژمنه عملي کړي. د بوریس جانسن ګوند تر اوسه پورې د بریتانیا د پارلمان له ۶۵۰ څوکیو څخه ۳۴۶ ګټلې دي چې نوموړي ته په پارلمان کې اکثریت ورکوي. دا چې د رایو شمېرل دوام لري ددې خبر د لیکلو ترمهاله د ۲۵ څوکیو برخلیک نه دی اعلان شوی چې کېدای شي ورسره دا تفاوت نور هم زیات شي. Читать дальше...
د سالنګ لویه لاره د درنو واورو ورېدو له کبله د ټریلري او باروړونکو موټرو پرمخ وتړل شوه. د سالنګ د مراقبت او څارنې د ادارې اجراییه مدیر سمیع الله ولیزاده پرون آزادۍ راډیو ته وویل چې له چهارشنبې ورځې راهیسې په سالنګ کې د واورې ورښت او سخت توپان پیل شوی نو پر دې لاره د موټرو د ګڼې ګوڼې او د خطر مخنیوي په خاطر دې ادارې وپتېیله چې پر دې لاره به ټریلري موټرو ته د تګ راتګ اجازه نه ورکوي. د راپورونو له مخې په سالنګ کې د پنجشنبې تر شپې د ۲۵ او ۳۰ سانتي متر ترمنځ واوره پرته وه. د سالنګ د مراقبت او څارنې... Читать дальше...
لسګونو کسانو پرون په سوات کې د پاکستان د مسلم لیګ ن ګوند د سیمه ییز مشر فیروز شاه د جنازې په مراسمو کې د ګډون پر مهال پر حکومت غږ وکړ چې د هدفي وژنو مخه ونیسي.
په دوحه کې د امریکايي او طالب استازو ترمنځ خبرې په باګرام هوايي اډې ددې ډلې د وروستي برید له کبله یو وار بیا تر نامعلومې مودې پورې ځنډیدلې دي.
د ننګرهار اچين ولسوالي چې يو مهال افغانستان کې د داعش ډلې يو مهم مرکز و اوس ددې ډلې له وسلوالو پاکه شوې ده. خو هغه څه چې دې سيمه کې داعش تر شا پريښي لا هم د سيمې د خلکو ژوند او هوساينه ګواښي. اجمل اند په دې راپور کې له داعش وروسته سيمه کې د خلکو ژوند تصوير کړی دی. ویډیو: شفیع کریمي
