Стаг верна бехкево нохчо, вакцинаци яйта боху Межиевс, набахте хьажийна "экстремист"
Симферополан вахархо валарна нохчо бехкево; нохчийн муфтийс вакцинаци яйта боху; терроризмана бехкевинчу гIалгIачунна хан тоьхна
Симферополан вахархо валарна нохчо бехкево; нохчийн муфтийс вакцинаци яйта боху; терроризмана бехкевинчу гIалгIачунна хан тоьхна
Къилбаседа Кавказан хьалхара имам хилла шайх Ушарма. 1785-1791-чу шерашкахь халкъаш паргIат дохучу гIаттаман коьртехь лаьттина Алдара схьаваьлла нохчо. 1791-чу шеран Анапа гIап южучу деношкахь йийсаре верзийна иза. Екатерина ШолгIачун омрица воьллина Шлиссельбургерчу гIопан набахти чу. Чу серло кхеташ а йоцчу чоьнехь кхаьбна пехийн лазарх кхо шо даьлча валлалц.
Гезгамашин-беттан 19-чу дийнахь Кадыров Рамзана махкарчу информацин министраца къамел деш, хьахаделира социалан машанашкахула Нохчийчоьнан куьйгалхо, цо ша ма-аллара, винчу дийнахь мехкаршца сакъоьруш гойту суьрташ. Шен дахарна юкъагIерта цхьаьнненан а яц бакъо, бохура цо – дукха хан яра из оццул халахетта ганза.
Махкарчу Iедалхошца тIаьххьара хиллачу кхеташонехь Нохчийчоьнан муфтийс Межиев Салахьа кхайкхамбина, массаьрга а прививкаш йе аьлла. Динан урхаллан инстаграмерчу агIонехь далийна муфтин дешнаш. "Вакцинацех дерг аьлча, медицинан коьртехь болчу наха жоп луш хилча, хIара дан дезаш ду, ца дича зен хир ду бохуш а хилча, шарIо церан жоп схьа а оьций, вайна тIедожош ду. Цундела вакцинаци йе бохуш, кхайкхам бо вай!", - боху Межиевс. Хьалхо дийца даьккхира, Къилбаседа-ХIирийчоьнан пачхьалкхан медицинан академин дешархой декхаребина... Читать дальше...
Симферополехь йиттина хилла меттигера вахархо кхелхина, талламчаша бехктакхаман гIуллах долийна оцу хьокъехь. Оьрсийчоьнан ГIирмерчу Талламан комитетан векало Постнова Ольгас бина и хаам. "Байначу беттан 20-чу буса Маркс Карлан урамерчу кафена гергахь къаьркъа меллачу Симферополан вахархочун а, вевзаш воцучу кхечу стеган а дов иккхинера. Вовшех летачу заманчохь меттигерчу вахархочунна буй тоьхча, галваьлла, лаьттарчу бетонах кхетта, шолгIачу дийнахь веллера иза", - дийцина Постновас. Талламчийн хаамца... Читать дальше...
ТIаьххьарчу дийнахь-буса Къилбаседа Кавказехь коронавирусан уьнах велла 21 дархо, вирус къаьстина кхин а 671 вахархочуьнца. Эпидеми ца яржийта Iалашонца кхоьллинчу оперативан штабан зерашца, Дагестанехь кхелхина исс дархо, Краснодаран кIоштахь пхиъ, Ставрополан махкахь виъ, ГIалмакхойчохь шиъ, ГIебарта-Балкхаройчохь цхьаъ. Верриг а Къилбаседа Кавказехь пандеми йолаелчхьана велла COVID-19 вирусах 1 674 пациент. Къаьсттина дукха бу ун даьлла нах тIаьххьарчу 24 сахьтехь Ставрополан махкахь- 149 стаг... Читать дальше...
"ГIалгIайчоьнан халкъан кхеташонан" гуламехь къаьмнашна юкъахь гамо гIаттон тарлун декъашхоша дийцинчунна тIехь талламбо мехкан прокуратурано. Церан дешнашца экстремизман билгалонаш юй хьожуш, лингвистийн талламбар тIедиллина прокуратурано, яздо "Интерфаксо". "Экстремизмана дуьхьало латторан" низам дохон могуьйтур цахиларх Абадиев Идрисе дIахьедина республикан прокуроро. ГIалгIайн протестех лаьцна хьалхо Абадиев Идриса дина мукIарло зорбане даьккхинера. Лецначу протестийн жигархойх негативе вистхиллера иза... Читать дальше...
Терроризм къобалйина цо аьлла, бехкевинчу ГIалгIайчуьрчу вахархочунна Плиев Рамзанна колонехь даккха ши шой ах шой хан тоьхна. Талламчашна а, кхелана а къаьстина, 2015-чу шеран Охан-баттера 2016-чу шеран Зазадокху-батте кхаччалц Плиевс терроризм бакъйен тексташ а, экстремистийн могIаршка кхайкхамаш бен аудиош а зорбане йохуш хилла, яздо "Кавказский узел" агенталло. Ша бехкехиларна къаро йина Плиевс. Экстремистийн материалаш ю аьлла, Федералан тептаре яьхна пхи эзар сов видеоролик а, жайнеш а, брошюраш а, суьрташ а, аудиош а ю.
Еарин буса Трамп Дональда хаамбина, шена а, шен хIусамнанна Меланина а коронавирусан ун даьлла аьлла. Тестан жамIаш кара ма кхаьчча, шаьшиъ карантине дахана аьлла яздо Тармпа твиттерехь. "ЦХЬАНИЙ чекхдер ду тхойшиъ цунах", - яздина президенто. Хьалхо къаьстира, Трампан гIоьнчех Хикс Хоуках вирус кхеттта хилар, цул тIаьхьа Трампа а, цуьнан хIусамнанас а тесташ яйтинера. Президенто а, КIайчу цIийно а дуьйцуш дацара, инфекцин билгалонаш Трампца юйла. Президентан харжамаш тIекхача бутт биссина... Читать дальше...