Новости за 23.10.2020

Дуьненаюкъара низам а дохош, лело магош йоцу кассетан бомбанаш йиттина йозуш йоцу пачхьалкх шех кхайкхийначу Карабахна тIе масийттазза Азербайджанан эскарша, дIахьедина Дуьненаюкъарчу цхьаьнакхетаралло Human Rights Watch. Каарачу баттахь юьйцу бомбанаш лаххара а доьаззна тоьхна хилар документе дерзийна бакъоларъярхоша. Ткъа хьалхо Азербайджано Эрмалойчоь бехкейира Гянджа гIалаина тIе кассетан бомбанаш тохарна. "Кассетан бомбанаш еттар цасацоро – къаьсттина нах дукха бехачу меттигашка – гойту бахархойн кхерамзаллин балабацар. Читать дальше...

Оьрсийчуьрчу ММА-латархочо къобалдина Францехь хьехархо вер; Кхарачой-Чергазийчохь а, Дагестанехь а экстремистийн тобанаш лецна ша боху ФСБ-но; Ставропол-мохк: йохийначу шен машен чохь лазийнарг а йитина, ведда автоинспектор

Вийначу жигархочун Ведзижев Юнусан дакъа дIадолла схьа ца ло ГIалгIайчуьрчу ницкъаллийн структураша. Адвокато Оздоев Басира бина цунах лаьцна хаам. Карарчу беттан 16-чохь иза лоцучу заманчохь вийна ву Ведзижев. Нохчийчоьнца латтанаш хуьйцуш бинчу бертана дуьхьал хиларца гоьваьллера иза дуьххьара. Ведзижевн гергарчарна хетарехь, иза вен тIаьхьабевллера цунна Iедалхой. Оцу гIуллакхца болчу цакхетамех яздо Кавказ.Реалиино. Стохка Зазадокху-баттахь дуьйна бIаьрг тIехIоьттинера полисхойн Ведзижев Юнусна... Читать дальше...

"Кхарачой-Чергазийчуьрчу Малокарачаевски кIоштахь а, Дагестанехь - ХIинжа-ГIалахь а, Каспийскехь а, Избербашехь а дуьненаюкъарчу "Ат-Такфир Вал-Хьиджра"  цхьаьнакхетараллин 20 сов декъашхо лаьцна", - аьлла бу РИА Новости агенталле ФСБ-но бина хаам. Таллам беш оцу нахера яьхна гранаташ, тапчанаш, топ, динан литература, билгалдоккху ТАСС агенталло а. Шина а махкахь лецначу шина тобанна бехке дуьллу экстремизман юкъарлонаш кхоллар. Экстремистийн тобанера хилар зуьйш тахана Ставропол-махкахь а лаьцна ши стаг. Читать дальше...

Некъахьовзам а баьлла, йоьхначу шен машен чохь лазийна Iуьллу пссажир а йитина, ведда, къайлаваьлла автоинспертор, хаам бо Ставропол-махкарчу Талламан комитетан декъо. ГIадужу-беттан 18-чу дийнахь "Георгиевск-Новопавловск" трасси тIехь Ford Focus нийсъелла некъахьовзаме. Иза лелош хилла Ставропол-махкарчу Предгорный кIоштара автоинспектор. Талламчаша дийцарехь, балхах мукъа хилла иза оцу дийнахь. Цуьнца хилла пассажир чIогIа лазийна. Машена чуьра араяла гIодина цунна некъаца нисбеллачу машенлелорхоша. Читать дальше...

Оьрсийчоьнан Нохчийчуьра схьаваьллачу ММА-латархочо Имадаев Зелима къобалдина Парижна гергахь шен къомах волчу Анзоров IабдуллахIа дIадахначу кIиранах хьехархочун Пати Самюэлан корта баккхар. Шен инстаграм-агIонехь цо "Исламан турпал" аьлла стаг вийначух. Ткъа кхечу Оьрсийчоьнан ММА-латархочо, Дураев Альберта, хьехархо верах лаьцна яздина, "Францехь дешан маршонан юхьиг а яйна", аьлла, йоза чекхдоккхуш хIоттийна самукъане васт – смайл. Спортхоша аьлларг "терроризм къобалъярца" мел догIу къастор доьхуш... Читать дальше...