Новости за 09.10.2020

Оьрсийчоьнан, Азербайджанан, Эрмалойчоьнан арахьарчу гIуллакхийн министраш бу ша-шех пачхьалкх кхайкхийначу Ломан Карабахан хьокъехь дийцарш дIахьош. Цунах лаьцна хаийтина Оьрсийчоьнан дипломатийн векала Захарова Марияс. Президента Путин Владимира, Ломан Карабахера тIом сацорах хьелаш дийцаре дахкар хьоьхуш бина кхайкхам тIеоьцуш, хьовсийна Бакуно а, Еревано шен векалш Москва. Хьалхо Путина гуманитаран Iалашонца тIом сацор дехнера шина а агIоне – белларш а, лецнарш а вовшашка дIасабалийтархьама. Читать дальше...

Оьрсийчоьнан а, Германин а юкъаметтигашна тIеIаткъам бен болу кхелан процесс йолаелла Берлинерчу коьртачу лаьттанан кхелехь. Стохка Марсхьокху-беттан 23-чохь Берлинехь герз тоьхна вийна, нохчийн гIаттамхойн хиллачу тIеман буьйранчан, Гуьржийчуьрчу вахархочун Хангошвили Зеламханан гIуллакх ду дуьйцург. Бехкевийриг ву, Оьрсийчоьнан Iедалхойн омраца лелаш хилла аьлла, шеконаш йолу Оьрсийчоьнан вахархо. Хьем ца хуьлуш лецира иза. Соколов Вадиман цIарах долчу паспортца Германи кхаьчна хиллера иза, делахь а... Читать дальше...

Ракета иккхина Дагестанан лаьмнашкахь. Карабахера еъначух тера ду иза; vинистран дарж эца гIортарна 9 шо набахтехь доккхур ду Дагестанерчу полковника Хизриевс; "Исламан пачхьалкхан" декъашхо лаьцна ша Ставрополехь, боху ФСБ-но

Нохчийн, гIалгIайн кхача кечбечу MagGroz (МагасГрозный) ресторано гойту шина къоман вовшашка, марзо йоцург, кхин цхьа а "гамо" хуьлийла йоцийла. Ткъа Петербургерчу оцу хIусамехь иза дац коьртаниг – ду цига вайн шина къоман нахал а дукха оьрсийн а, кхечу къаьмнийн а векалш лела буьйлабалар. Царна вуно тайна баIарш, далнаш, чIепалгаш, кхидолу нохчийн, гIалгIайн даарш. Амма, вайна ма-хаъара, чомехь кечдинчу текхо хазйо адамийн юкъаметтигаш!

Оьрсийчоьнан хIора регионехь йолуш ю, церан декъахоша набахтешкахь латточу тутмакхийн бакъонаш ларъярехь терго а латтош, юкъараллийн тергамчийн комиссеш (ОНК). Къилбаседа Кавказехь церан шайн специфика ю: нагахь санна, Дагестанехь оцу организацеша къепе латтош хиларх, Нохчийчохь онлайнехь йоьдучу кхеташонера ши-кхо сурт зорбане даккхар тоаме лору, ткъа ГIалгIайчохь бицло, ур-атталла, шаьш бинчу балхах информаци сайте яккха а. Бозуш боцу бакъоларъярхой цхьа наггахь бен кхочуш бац оцу юкъараллийн могIаршка... Читать дальше...

Селхана дийнахь а, яхначу буса а Къилбаседа Кавказерчу лоьрийн тован аьтто ца болуш, кхелхина дарбан хIусамашкахь коронавирусах 15 стаг. Керла цомгуш т1екхиина регионехь 710. Иштта ду Оьрсийчоьнан уьнна духьалоечу оперативан штабан терахьаш. Дагестанехь велла уьнах 6 вахархо, Краснодар-махкахь – виъ, Ставропол-махкахь – кхоъ, ГIебарта-Балкхаройчохь а, ГIалгIайчохь а – цхьацца. ТIекхиина а, пандеми йолаелчхьана кхуьуш йолу а дархойн статистика иштта ю: Ставропол-мохк +157 (17443) Краснодар-мохк... Читать дальше...

Москвахь кхело 9 шо хан кхайкхийна набахтехь яккха Дагестанан чоьхьарчу гIуллакхийн министраллин декъан куьйгаллехь лаьттинчу полковникна Хизриев Мохьмадна. 6 миллион долларх даржехь лакхавала, министр хIотта гIерташ хилла иза, боху ькхелан сацамо. Эпсаран даржах а ваьккхина Хизриев. Иза воцург кхин а ворхI стаг ву кхелан сацамна кIел – Хизриевна дарж эца гIодеш хьийзина уьш, хенаш кхайкхийна царна а. Уггаре дукха хан токхур ю набахтхь юкъалелархочо Мержоева Луизас – 11 шо. Хизриевна доцург,... Читать дальше...

Оьрсийчоьнан ФСБ-но хаам баржийна, ша Ставрополехь "Исламан пачхьалкхан" декъашхо хила тарлуш волу жима стаг лаьцна аьлла. 23 шо ду цуьнан. Цо даредина, къайлахчу сервисо бахарехь, прокуратурин а, кхелан а цIенош лелхийта кечлуш вара ша аьлла. Шина баттана изоляторе хьажийна иза. Талламан версица, ша йина бомбанаш лелхийта дагахь хилла жима стаг. Ткъа оцу герзанна оьшу коьчалш оьцуш хилла цо цIенош ден гIирс бухкучу туьканашкара. Лаьцнарг зулам дан кечлуш хилла алар доцург, цхьа а тоьшалла дац далош ФСБ-но... Читать дальше...

Дагестанан Агулийн кIоштарчу Чираг юьртан бахархошна деза герз оьккхуш хезна шайн лаьмнашкахь масех де хьалха. Карийна цо даьккхина 15-20 метр шуьйра ор а, гонаха Iохку ракетан гаьргаш а. Ца хаьа ламанхошна герзан тайп а, иза стенгара кхаьчна иккхина а, амма царна а, гонахарчу ярташкарчу «эксперташна» а хетарехь, Азербайджаной, Эрмалойчоьной къуйсуш, тIемаш бечу Ломан Карабахера еъна хила тарло ракета. Иза аьлла хета Агулийн кIоштан администрацин векалшна а. Герз иккхинчу метте баьхкинчу Орцан министраллин а... Читать дальше...