Новости за 22.10.2020

Нохчийчохь а, Къилбаседа ХIирийчохь а зуламаш кIезиг до, угггаре лакхара кхерамзалла ю оцу шина махкахь, Оьрсийчуьрчу регионашца дуьстича. Иштта гойту хьал пачхьалкхан чоьхьарчу гIуллакхийн министралло йовзуьйтучу карарчу шеран исс беттан криминалан статистико*. Хастош болчу шина махкахь 9 бетта чохь, стохкалерчу беттанашца дуьстича, зуламаш лахделла 20,7%. Хьал дика гойту Iедало Адыгейхь а, Тывахь а, Бурятехь а, Оьрсийчоьнан йистошкарчу кхин а масех махкахь а. Уггаре эшна ду криминалан хьал Оьрсийчоьно аннекси йинчу Севастополехь а... Читать дальше...

Вийначу хьехархочух къастаран церемони дIаяьхьина Парижехь; cтаг вен кхачор меттахIоттаде боху Адаман бакъонийн кхеташонан Нохчийчуьрчу векало; гихтахочуьнга нах къинтIерабахийтина WhatsApp-хула хаам баржорна

Педофилашна а, бер дийначунна а кхелехула вен кхачор меттахIотто деза, аьлла, кхайкхам баржийна Оьрсийчоьнан Юкъараллин палатин а, Адаман бакъонийн кхеташонан а Нохчийчуьрчу декъашхочо Солтаев Мансура. Цо президенте а, Пачхьалкхан Думе а, пачхьалкхан Юкъараллин кхеташоне а хьажийна шен дехар. Шен кхайкхам нийса бу аьлла хета Солтаевна, бухе дуьллу цо Дагестанехь 8 шо долу Омарова Калимат яда а йина, хийзор, цул тIаьхьа ер. Оцу зуламна бехкево Iедало 36 шо долу Леваши юьртара вахархо. Оьрсийчохь... Читать дальше...

WhatsApp-месенджерехула Нохчийчуьрчу нахе шена къинтIерабовлар доьхуш Гихтарчу вахархочо даржийна къамел довзийтина пачхьалкхан "Грозный" телеканало. Репортажо бахарехь, фейк-хаам баржийна хилла гIойтIахочо, махкахула берашна кхерамаш туьйсуш, Ford машенца ваьлла лелаш ву цхьа стаг, аьлла. "Шен дагахь, бераш нийса Iамадайта, Довтаев Лоьмас доттагIчуьнга хаам бахьийтина. Ткъа вукхо и хаам шор а беш WhatsApp-е биллина, цунах алссам фантази йолу деза адам деш", - яздина телеканало шен инстаграм-агIонехь. Читать дальше...

Дахначу бIешерийн юккъехь Советан Iедало хьизийначу шен дайх хьахийра дукха хан йоццуш Нохчийчоьнан куьйгалхочо Кадыров Рамзана. "Грозный" телехьожийлан сюжетехь цо дийцира, шен деден вежаршна тIаьхьабовларх, ткъа царех Сулим цIе ерг набахте а хьажийнера, бусулба дин Iамош хиларна аьлла. Оцу юкъанна, дуьйцуш лаьтташехь Кадыровс тоьшалле кхойкху мехкан чоьхьарчу гIуллакхийн министр Алханов Руслан, цо а тIечIагIдо.  Министран деда Халкъан чоьхьарчу гIуллакхийн комиссариатехь (НКВД) гIуллакх кхочушдина ву. Читать дальше...

Парижан йистехь кху беттан 16-чу дийнахь вийначу хьехархочух Пати Самуэлах къастаран церемони дIаяьхьина Сорбоннехь. Тезетан бараме венера массийтта бIе стаг, шайлахь Фрнацин президент Макрон Эммануэль а, 100 гергга дешархой а болуш. Макрона шен къамелехь билгалдаьккхира, хьехархо кIиллоша вийна, цо дуьненан, демократин мехаллаш яржош хиларна, аьлла. "Оха букъ тухур бац карикатурашна", — элира Францин президента. Хьалхо хаийтина ма-хиллара, тезетан барам болалале Макрона Лараме Легионан совгIат дина хьехархочунна. Читать дальше...

Зугдиди гIаларчу "Гуьржийчоьнан банкехь" нах закъалте лецна Iийна стаг полицин машенахь ведда, хаам бо "Эхо Кавказа" проекто. Гуьржийн телеканалаша шайн эфирехь гайтина камуфляж йоьхна стаг, ши куьг а айдина, карахь, гарехь, граната а йолуш, шеца вихкина валош масех стаг а волуш, банка чуьра араволуш. Цо шеца буьгучу нахах цхьаъ ву тоьрмиг а эцна воьдуш – ахча хуьлучух тера ду цу чохь. Иза меттигерчу полицин буьйранча ву, аьлла бу официалера боцу хаам. Шеца и нах а эцна, полицин машенахь къайлаваьлла зуламхо. Читать дальше...

1997-чу шарахь Пермера еара Лилия Шема дуьххьара. Пермерчу пачхьалкхан фармацевтан институтехь цуьнца цхьаьна доьшуш хиллачу шемахочо кхайкхинера иза хьошалгIа. Ахьмад кхуьнга безам болуш хиллера, шега йола а аьллера цо, амма Лилия реза ца хиллера. Шо хьалха хIусамда а велла, жимачу кIантаца ша йиссинера иза. ТIаьхьо, воккха хилча, кхуьнан воI Шемарчу набахте кхочу, ткъа Ахьмада Iеха а йой, декхаре йо иза шега маре ян. Оьрсийн Свобода Радионо а, Настоящее Время телеканало а юкъахь йолийначу "Iарбийн буьйса. Читать дальше...