Соьлжа-ГIалара тIелатар, Москвара нохчийн кхел, Хазбиев бехкевар
Виъ тIемало а, ши полисхо а вийна Соьлж-ГIалахь; ткъа Москвахь яккхий хенаш йиттина шина нохчочунна; ГIалгIайчуьрчу оппозиционерна арз дина юха а
Виъ тIемало а, ши полисхо а вийна Соьлж-ГIалахь; ткъа Москвахь яккхий хенаш йиттина шина нохчочунна; ГIалгIайчуьрчу оппозиционерна арз дина юха а
Ша шех Къилба ХIирийчоь аьлла, дIакхайкхийначу махкахь тIейогIучу хенахь Советан Iедалан хиллачу баьччан Сталин Иосифан хIоллам хIоттор болуш бу. Оьрсийчоьнан коьртачу тренеро, Къилба ХIирийчоьнан парламентан депутато Тедеев Дзамболата хьехна ша винчу Знауран кIоштарчу Цорбис юьртахь Сталинан бюст хIоттор. Оцу эвлахь Сталинан цIарах аьлла, майда ян ахча а делла цо. Къилбаседа ХIирийчохь гоьваьллачу скульпторан Хаев ИбрахIиман белхан хIусамчохь кечбина буьйцу хIоллам. "Юьхьанца сайна аьлла, беш бара ас и болх. Читать дальше...
Нохчийчуьрчу шина вахархочунна Исаев Мохьмадна а, Кудаев Хьусейнна а 10 а, 9 а шераш хенаш кхайкхийна Москварчу Гагаринан кIоштан кхело. "Коммерсанто" яздо, бизнесхо Дадуев Алим вен гIортарна бехкево и шиъ аьлла. 2017-чу шеран Гезгамашин-беттан 19-чохь Toyota машенахь воьдучу Дадуевна Москварчу Вернадскан проспектехь тIаьхьакхаьчначу таксичуьра кхоазза герз тоьхнера. Чолхечу чевнашца дарбан хIусаме кхачийра Дадуев. ТIаьхьо талламо къастийра, иза вен кхайкхийнарг лехамашкахь хилла Нохчийчуьра Турлуев СаьIид хилар. Читать дальше...
ТIаьххьарчу 24 сахьтехь динчу зерашца, коронавирусан уьнах велла Къилбаседа Кавказехь 16 дархо, вирус къаьстина кхин а 733 стагаца. Эпидемица къийса Iалашонца вовшахтоьхначу оперативан штабан информацица, Дагестанехь кхелхина ялх, Краснодаран кIоштахь пхиъ, Ставрополан махкахь виъ, ГIебарта-Балкхаройчохь цхьаъ. Пандеми яьржичхьана велла COVID-19 уьнах Къилбаседа Кавказехь 1822 пациент. ТIаьххьарчу дийнахь-буса бинчу талламашца, Ставрополан кIоштахь алсам бу вирус кхеттарш - 156 стаг: • Ставрополан... Читать дальше...
Тахана, шинарин дийнахь, Соьлж-ГIалахь байъина тIемалой, кхечу пачхьалкхера баьхкина хила а тарло, уьш лоьху дикка хан яра аьлла, дIахьедина Нохчийчоьнан куьйгалхочо Кадыров Рамзана шен Telegram-каналехь. "Террорхойн боламех Нохчийчоь дIацIанйина дуккха а хан ю. Хьалхе дуьйна ницкъаллийн структурашка кхаьчна информаци яра, регионе арахьарчу мехкашкара чубаьхкина зуламхойн тобанхой бу аьлла. Уьш лаца дагахь барамаш бара дIахьош", - яздина Кадыровс. Мехкан урхалхочо дийцарехь, террорхой цхьана... Читать дальше...
Оршотан дийнахь экстремизмна дуьхьало латточу Центро (ЦПЭ) хеттарш дан тIекхайкхина хиллера ГIалгIайчуьра оппозиционер Хазбиев Мохьмад, Сунжан кIоштан полицин декъан хиллачу хьаькамо Беков Мохьмада арз а дина. Хазбиевс ша вуьйр ву аьлла, кхерам тесна шена аьлла, дIахьедина хилллера Бековс, оппозиционеро дийцарехь. Карладоккху, бакъо йоцуш герз лелорна а, хIетахь мехкан куьйгаллехь хилла Евкуров Юнус-Бек аьшнашварна а аьлла, стохка аьхка ши шой, бархI буттийн колонехь а даьккхина, маьршаваьккхира Хазбиев. Читать дальше...
Ницкъаллийн структурийн белхахошна герзаш диттина виъ тIемало вийна Соьлж-ГIалахь аьлла, хаамбина ТАСС агенталле Къоман антитерроран комитето (НАК). Вийна иштта кхо полисхо а. "Герз охьа а диллий, шайна дуьхьал дуьйла аьлла, тIедожийча, зуламхой автомат йетта буьйлабелира. Оцу тасадаларшкахь виъ гIаттамхо вийна",- аьлла НАК-н зорбанчаша. Иштта, дIахьедо цара шайн могIаршкахь а эшам хиларх. "Ницкъаллийн структурийн кхо белхахо вийна", - аьлла НАК-ан векало. Полисхошларчу хьостанан зерашца, Росгвардин ши белхахо вийна... Читать дальше...