Францехь вийначу хьехархочун гIуллакх толлучу юкъанна полицино лаьцна 22 шо долу нохчо; Ростов гIалахь лаьцна, полисхоша тIехь ницкъбина семаьIашкахой шина баттана чохь буьтур бу; Нохчийчохь лакхара ю белхазалла.
Бакъоларъярхойн хаамца, Ростов гIалахь полисхоша лаьцна, тIехь ницкъбина Нохчийчуьрчу СемаьIашкара Дотмерзаев Адам а, Ашаханов Муса а шина баттана чохь вуьтуш, сацамбина аьлла, дийцина ТIехьа-Мартанарчу кхелахоша.Яздо цунах лаьцна "Кавказский узел" агенталло. И шиъ бехкевина гIаттамхошца цхьана лелла ву аьлла. Шина кIентан гергарчара дIахьедо, Ростов машен эца вахана вара и шиъ бохуш. Маршо Радионо яздира, бакъоларъяран центран хаамашна тIетевжина, кху беттан 4-чохь Ростов-гIалахь лецарх цига бахана хилла СемаьIашкара кегийнах... Читать дальше...
Бангладешан кьортачу шахьарахь Даккехь протесташ дIахьуш ю, Мухьаммад пайхамарна карикатураш яхкарна а, Францин президента Макрон Эммануэла динчу дIахьедаршна а дуьхьал. Протесташка арабевллачара кхайкхамаш бо, францхойн сурсаташна байкот ян еза, бохуш.
Къилбаседа Кавказехь яхначу буса-дийнахь коронавирусан уьнах велла 29 дархо, кхин тIе цомгаш хилла 871 стаг. Эпидемица къийсам латто вовшахтоьхначу оперативан штабан зерашца, Краснодаран кIоштахь велла ялх пациент, Ставрополан махкахь кхелхина виъ, ГIалмакхойчохь а, Адыгейхь а, ГIебарта-Балккхаройчохь а кхоккха велла, Дагестанехь цхьаъ. Пандеми яьржичхьана Къилбаседа Кавказехь верриг а велла COVID-19 вирусах 2 080 стаг. Къаьсттина дукха бу, тIаьххьарчу 24 сахьтехь билгалбовларца, ун даьлла нах... Читать дальше...
Тахана, ГIадужу-беттан 26-чу дийнахь Iорадаьхначу зерашца, Нохчийчохь ерриг а 340 761 тест йина коронавирусан ун толлуш. ТIаьххьарчу дийнахь-буса 2 173 вахархо чекхваьлла тестех. Бинчу талламашца, 2 586 пациент ву вирус кхетта, тIаьххьарчу 24 сахьтехь кхин а 9 стагаца къаьстина ковид. Иштта ю Нохчийчуьрчу Роспотребнадзоро йовзийтина статистика. "2 985 дархо гIоле а хилла, лоьрийн Iуналлера дIаваьккхина, 45 пациент кхелхина", - аьлла бу хаам.
Уггар лакхара хааелла балхазалла Оьрсийчоьнан регионашлахь - ГIалгIайчохь. Къилбаседа Кавказан мехкашлахь лидершлахь къастийна Нохчийчоь а ю аьлла ду Новости агенталло динчу зерийн жамIашкахь. ГIалгIайчохь 30,7 проценте кхиъна белхан къоьлла, цунна тIаьхьа ю Тыва (22,2%) а, Нохчийчоь а (21,7%). Дахначу шерашца дуьстича, йоллу Оьрсийчохь хаало белхазалла лакхаялар аьлла, тIетоьхна талламаш бинчу авторша. Стохка пачхьалкхехь ялх регион яра билгаляьлла белхазалла 10 проценте кхиъна, ткъа кху шарахь 13 % лакхадаьлла терахь. Читать дальше...
Францерчу Конфлан-Сент-Оноринехь вийначу хьехархочун Пати Самуэлан гIуллакх толлучу юкъанна полицино лаьцна 22 шо долу нохчо, яздо ТАСС агенталло. Полисхоша бинчу хаамца, Твиттерехь корта баьккхинчу хьехархочун зорбане хIоттийначу суьртана лайк хIоттийна хиллера цо. Нохчийчуьра вахархо лоцуш операци дIаяьхьна кIирандийнахь Блуа олучу гIалахь, хаамбина ТАСС агенталло, францхойн BFMTV канална тIеетвжина. Терроризм яржорна бехкево жимстаг, полицин информацица. "Оьрсийчохь вина и жимстаг, шен цIера лаьцна дIавигина ву. Читать дальше...
