Новости за 05.06.2021

უცხოეთში მცხოვრებმა ბელარუსებმა ლიეტუვასა და პოლონეთთან თავიანთი ქვეყნის საზღვრებთან დაიწყეს აქცია, რომელიც რამდენიმე დღე გაგრძელდება და რომლითაც ევროკავშირს მოუწოდებენ, მკაცრი სანქციები დაუწესოს ბელარუსის ავტორიტარი ლიდერის, ალიაქსანდრ ლუკაშენკას რეჟიმს. დემონსტრანტები 5 ივნისს შეიკრიბნენ ორ სასაზღვრო-გამშვებ პუნქტზე და ევროკავშირს მოთხოვეს "ძლიერი და ეფექტიანი" სანქციების დაწესება ლუკაშენკას რეჟიმისთვის. ამავე დროს, დემონსტრანტები ბელარუსის ხელისუფლებას მოუწოდებენ, სახმელეთო საზღვარი გაუხსნას... Читать дальше...

დიდი შვიდეულის (G7) ქვეყნების საგარეო საქმეთა მინისტრები პირობას დებენ, რომ გლობალური მინიმალური გადასახადების სახით დააწესებენ სულ მცირე 15 პროცენტს - რითიც მხარს უჭერენ აშშ-ის გეგმას. საეტაპო მნიშვნელობის ნაბიჯი მიზნად ისახავს იმას, რომ საერთაშორისო კომპანიებმა - განსაკუთრებით ტექნოლოგიურმა გიგანტებმა, გუგლმა, ფეისბუკმა და ამაზონმა - მეტი გადაიხადონ პანდემიით დაზარალებულ სახელმწიფო ბიუჯეტებში. შვიდი განვითარებული ქვეყნის - ბრიტანეთის, კანადის, საფრანგეთის, გერმანიის, იტალიის, იაპონიის და აშშ-ის... Читать дальше...

დაავადებათა კონტროლის ცენტრის ხელმძღვანელი ამირან გამყრელიძე ენგურის ხიდზე იმყოფებოდა, სადაც განაცხადა, რომ აფხაზეთის დე ფაქტო ხელისუფლებასთან „სერიოზული დიალოგი აქვთ“. „გვაქვს თანამშრომლობის გამოცდილება რუტინული ვაქცინების, კოვიდტესტების მიწოდებაზე. ჩვენ შევთავაზეთ მათ კოვიდვაქცინებიც. ეს არის მთავარი ღერძი, რაც გვაკავშირებს მათთან და ეს უფრო გაფართოვდება“, - განაცხადა გამყრელიძემ. მისივე ინფორმაციით, ბოლო ერთ თვეში ოკუპირებული აფხაზეთიდან საქართველოს კონტროლირებულ ტერიტორიაზე გადმოსული 11 ათასი ადამიანიდან კორონავირუსი დაუდასტურდა 44-ს. Читать дальше...

სასამართლოს გადაწყვეტილებით, ნინოწმინდის პანსიონი დაუყოვნებლივ უნდა დატოვოს თითოეულმა ბავშვმა, აცხადებს ორგანიზაცია „პარტნიორობა ადამიანის უფლებებისთვის“. „დაუყოვნებლივ, ყოველგვარი ხელშეშლის გარეშე, დღესვე, ამ წამს, უნდა დაიწყოს ბავშვების გაყვანა ნინოწმინდის პანსიონიდან“, - ამბობს ანა აბაშიძე, ორგანიზაციის იურისტი. გაყვანის შემდეგ - PHR-ის შეფასებით - ბავშვები, შესაძლებლობის შემთხვევაში, უნდა დაბრუნდნენ მშობლებთან, ან გადავიდნენ მინდობით აღზრდაში, ან მცირე საოჯახო ტიპის სახლებში. PHR-ის მტკიცებით... Читать дальше...

დიდი შვიდეულის (G7) ქვეყნების ფინანსთა მინისტრებმა 5 ივნისს ოფიციალურად უნდა გამოუცხადონ მხარდაჭერა მინიმალური ზღვრის დაწესებას კორპორაციულ გადასახადებზე, რაც საეტაპო მნიშვნელობის ნაბიჯი იქნება საიმისოდ, რომ საერთაშორისო კომპანიებმა - განსაკუთრებით ტექნოლოგიურმა გიგანტებმა, გუგლმა, ფეისბუკმა და ამაზონმა - მეტი გადაიხადონ პანდემიით დაზარალებულ სახელმწიფო ბიუჯეტებში. განცხადების პროექტის თანახმად, მსოფლიოს შვიდი უმდიდრესი ქვეყნის ფინანსთა მინისტრები და ცენტრალური ბანკების ხელმძღვანელები "ძლიერ მხარდაჭერას"... Читать дальше...

ანა რობაქიძე, მაკა მახათაძე და ანანო დოლაბერიძე, მოკლედ რომ ვთქვათ, არიან ქალები, რომლებიც კომპიუტერული ტექნოლოგიების სფეროში თავიანთი საქმიანობით სხვებს ეხმარებიან განვითარებაში. მათ ამის გამო გრეის ჰოპერის ჯილდო მიიღეს სხვადასხვა ნომინაციაში. 27 წლის ანა რობაქიძემ მომავლის ლიდერის კატეგორიაში გაიმარჯვა, ის 2018 წელს ფორბსის 30 Under 30-ის სიაშიც მოხვდა. პროგრამირება 13 წლიდან დაიწყო - მაშინ, როცა არც გუგლის გამოყენება იცოდა და არც იუთუბის არსებობა იყო მისთვის ცნობილი. მან ცდისა და შეცდომის მეთოდით თავისი ვებსაიტი შექმნა. Читать дальше...

საქართველოს ყოფილი პრემიერ-მინისტრის, გიორგი გახარიას პარტია „პრიმიტიულ ტყუილებს“ უწოდებს „ქართული ოცნების“ თავმჯდომარის ბრალდებებს და გამოძიების დაწყებას მოითხოვს. „ასეთი აბსურდული განცხადებების რეაგირების გარეშე დატოვება კიდევ უფრო მეტად დააზიანებს სახელმწიფო ინტერესებს და ქვეყნის საერთაშორისო რეპუტაციას. შესაბამისად, მოვითხოვთ, მმართველი პარტიის ამჟამინდელი თავმჯდომარის გუშინდელ კომენტარებზე გამოძიება დაიწყოს დაუყოვნებლივ!“, - აცხადებს კახაბერ ქემოკლიძე, პარტიის „საქართველოსთვის“ პოლიტსაბჭოს წევრი. Читать дальше...

სოციალური მუშაკები დარჩებიან ნინოწმინდის პანსიონში და შეისწავლიან თითოეული ბავშვის საჭიროებას. ამის შესახებ ცნობილი გახდა „ოცნების“ დეპუტატებს, პანსიონის ხელმძღვანელ მღვდლებსა და ზრუნვის სააგენტოს წარმომადგენლებს შორის შეხვედრის შემდეგ. „ამ ეტაპზე გვეძლევა საშუალება, რომ თითოეულ არასრულწლოვანთან ჩვენი კომპეტენციის ფარგლებში ვიმოქმედოთ“, - ამბობს ელენე მარტაშვილი, ზრუნვის სააგენტოს პროფესიული ზედამხედველობის სამმართველოს უფროსი. მისივე თქმით, ჯგუფი გაფართოვდა და ახლა უფრო მეტი სპეციალისტია ადგილზე... Читать дальше...

სპორტული ჟურნალისტი, ძიუდოს საერთაშორისო ფედერაციის კომენტატორი გიორგი ჭანიშვილი რადიომსმენელებს მიაწვდის მსოფლიოს მომავალ ჩემპიონატთან დაკავშირებულ ინფორმაციებს, გააცნობს საქართველოს ნაკრების შემადგენლობას და სხვა სიახლეებს.

ბოლნისის მუნიციპალიტეტიდან გატაცებული 15 წლის გოგო - რომელიც 3 ივნისს გაუჩინარდა - კახეთში იპოვეს. ახლა არასრულწლოვანი გამოკითხვაზეა თელავის პოლიციაში. შემდეგ კი იგეგმება ექსპერტიზა. გოგოს ოჯახის წევრები დღეს მედიასთან აღარ ურთიერთობენ. სკოლის მოსწავლე, სავარაუდოდ, კახეთში მცხოვრებმა 20 წლის კაცმა გაიტაცა - მისივე ოჯახის წევრების ინფორმაციით - ცოლად მოყვანის მიზნით. არასრულწლოვნის ოჯახის წევრებმა რადიო თავისუფლებას უთხრეს, რომ არც გოგო და არც მშობლები სავარაუდო გამტაცებელს არ იცნობდნენ. საქმე აღძრულია სისხლის სამართლის კოდექსის 143-ე... Читать дальше...

ფეისბუკი აცხადებს, რომ კიდევ ორი წლით გაახანგრძლივებს აკრძალვას აშშ-ის ყოფილი პრეზიდენტის, დონალდ ტრამპის ანგარიშებზე სოციალურ მედიაში.  "იმ ვითარების სიმძიმის გათვალისწინებით, რომელმაც გამოიწვია ბატონი ტრამპისთვის აკრძალვის დაწესება, ვთვლით, რომ მისი ნაბიჯები წარმოადგენდა უხეშ დარღვევას ჩვენი წესებისა, რაც ითვალისწინებს ყველაზე მაღალ სასჯელს, ახალი პროტოკოლის თანახმად. ჩვენ მის ანგარიშებს ორი წლის განმავლობაში ვკრძალავთ, და ამ ვადის ათვლა იწყება პირველი აკრძალვის თარიღიდან, 7 იანვრიდან" - წერს ფეისბუკის ვიცეპრეზიდენტი... Читать дальше...

გამოძიების ფედერალური ბიუროს (FBI) ხელმძღვანელმა, კრისტოფერ რეიმ ამერიკელები გააფრთხილა ე.წ. გამომძალველი პროგრამებით განხორციელებული კიბერთავდასხმების შესახებ - მისი თქმით, მისი სააგენტო ამჟამად იძიებს ამ მავნე სოფტვერის 100-დე ტიპს, რომელთაგან ბევრის კვალი რუსეთამდე მიდის. რეი Wall Street Journal-ს 4 ივნისს გამოქვეყნებულ ინტერვიუში ეუბნება, რომ ამ 100-მდე ვარიანტიდან ყველა იყო გამოყენებული აშშ-ზე განხორციელებულ კიბერთავდასხმებში.  რეის განცხადებებს წინ უძღოდა გამომძალველი პროგრამების მიერ ჩრდილოეთ... Читать дальше...

ამოქმედდა ევროკავშირის მიერ დაწესებული აკრძალვა ბელარუსის თვითმფრინავებზე, რომელიც ეხება წვდომას ევროკავშირის აეროპორტებზე და ფრენას ევროკავშირის საჰაერო სივრცეში. ევროკავშირმა აკრძალვა 4 ივნისს დააწესა, პასუხად ბელარუსის მიერ სამგზავრო თვითმფრინავის იძულებაზე, მინსკში დაშვებულიყო, და ბორტზე მყოფი დისიდენტი ჟურნალისტის დაპატიმრებაზე. ევროკავშირის 27 წევრ ქვეყანას "მოეთხოვება, ბელარუსის ავიაკომპანიების ნებისმიერ თვითმფრინავს უარი უთხრას დაფრინდეს, აფრინდეს ან მათ ტერიტორიებს გადაუფრინოს", - წერს ევროკავშირი განცხადებაში. Читать дальше...

თურქეთმა აღმოაჩინა დამატებითი 135 მილიარდი კუბური მეტრი ბუნებრივი აირი შავი ზღვის სამხრეთ ნაწილში, განაცხადა პრეზიდენტმა რეჯეფ ტაიპ ერდოანმა პარასკევს და აღნიშნა, რომ საერთო ჯამში, გაზის რაოდენობა ამ რეგიონში 540 მილიარდ კუბურ მეტრს აღწევს. ანკარა გეგმავს, რომ ჩართოს საკარიის საბადოდან მოპოვებული გაზი ტავის მთავარ ქსელში 2023 წელს, ხოლო მდგრადი წარმოება დაიწყოს 2027 ან 2028 წელს. სულ მცირე 160 კმ სიგრძის მილსადენი იქნება საჭირო ახალი ჭაბურღილების მთავარ ქსელთან დასაკავშირებლად. მიმღები სადგური კი ანკარამ ორი წლის განმავლობაში უნდა ააშენოს. Читать дальше...

სერბეთის პრეზიდენტის თქმით, რამდენიმე დღეში განახლდება მოლაპარაკება კოსოვოსთან კავშირების ნორმალიზების მიზნით, რომელიც ევროკავშირის შუამავლობით მიმდინარეობს. პრეზიდენტ ალექსანდარ ვუჩიჩს არ დაუკონკრეტებია შარშან შეჩერებული მოლაპარაკების განახლების თარიღი, თუმცა თქვა, "საუბარია დღეებზე და არა კვირებზეო". ვუჩიჩმა 4 ივნისს დასძინა, რომ სერბეთი "ყოველთვის მზად არის მოლაპარაკებისთვის" და მას არ სურს "გაყინული კონფლიქტი" ჰქონდეს. ვუჩიჩის ამ განცხადებებს წინ უძღოდა სერბეთში აშშ-ის სახელმწიფო მდივნის მოადგილის... Читать дальше...

პოლონეთში მცხოვრები ბელარუსები 5 ივნისს საზღვართან მასშტაბური აქციის ჩატარებას გეგმავენ, რათა ევროკავშირს მოუწოდონ უფრო მკაცრი სანქციების დაწესებისკენ ავტორიტარი ლიდერის, ალიაქსანდრ ლუკაშენკას რეჟიმისთვის. დემონსტრანტები მოითხოვენ, სანქციები "ძლიერი და ეფექტიანი" იყოს და ბელარუსის ხელისუფლებამ მოქალაქეებს სახმელეთო საზღვრები გაუხსნას. ეროვნული ანტიკრიზისული გაერთიანების ხელმძღვანელი, პაველ ლატუშკა ამბობს, რომ მისი ჯგუფი სწრაფ მოქმედებას უჭერს მხარს, თუმცა შიშობს, რომ ევროკავშირი არ გადადგამს რეალურ ნაბიჯებს ლუკაშენკას რეჟიმის დასასჯელად. Читать дальше...

თალიბანის ექსტრემისტებმა 5 ივნისს ქვეყნის ჩრდილოეთით მდებარე ბაღლანის პროვინციაში იერიში მიიტანეს ავღანეთის უსაფრთხოების ძალებზე, რასაც სულ მცირე რვა ადამიანი ემსხვერპლა, - იუწყება უსაფრთხოების სტრუქტურების წარმომადგენელი. დაღუპულებს შორის არიან ოლქის პოლიციის ორი ხელმძღვანელი და ექვსი ოფიცერი, - ამბობს ოფიციალური პირი, ანონიმურობის დაცვის გარანტიით. თავდასხმა შუაღამიდან მალევე, სხვადასხვა ადგილიდან დაიწყო და გათენებამდე გაგრძელდა. გახშირებულმა ძალადობამ, და თალიბანსა და ავღანეთის დასავლეთის... Читать дальше...

ამერიკის შეერთებული შტატების სახელმწიფო მდივნის მოადგილის მოვალეობის შემსრულებელი ევროპისა და ევრაზიის საკითხებში, ფილიპ რიკერი ეწვევა სამხრეთ კავკასიის სამივე ქვეყანას - საქართველოს, აზერბაიჯანსა და სომხეთს. აშშ-ის საელჩოს ინფორმაციით, ვიზიტი 6-13 ივნისს შედგება და მისი მიზანი ორმხრივი და რეგიონალური პრიორიტეტების ხელშეწყობა და რეგიონში დემოკრატიული და ეკონომიკური განვითარების მხარდაჭერა იქნება. საქართველოში ფილიპ რიკერი შეხვდება მთავრობას, ოპოზიციას და სამოქალაქო საზოგადოებას, რათა განიხილონ... Читать дальше...

ასპინძის მუნიციპალიტეტში სოფელ ტოლოშის 70-მდე მცხოვრების საპროტესტო აქცია გაიმართა. ადგილობრივები მომთაბარე მწყემსებს არ აძლევენ მთაში წასვლის უფლებას და აცხადებენ, რომ ასი ათასამდე ცხვრის გადარეკვის დროს მათი ნათესები და საძოვრები ნადგურდება. „არ გავატარებთ! წელს ყინვამ ისედაც მოგვისპო ყველაფერი, საძოვრების იმედადღა ვიყავით, რომ ზამთარში პირუტყვისთვის გვეჭმია და წუხელ ამ ფარის ნაწილმა ეგეც გაგვინადგურა“, - ეუბნება რადიო თავისუფლებას ანზორ დავლაშერიძე. მისივე თქმით, სოფლის მოსახლეობა პრობლემის გადაჭრას 10 წელია მოითხოვს, თუმცა უშედეგოდ. Читать дальше...

საქართველოში, გასული დღე-ღამის განმავლობაში გარდაიცვალა COVID-19-ით დაავადებული 17 პაციენტი. სამთავრობო საიტ StopCov.ge-ზე გამოქვეყნებული მონაცემებით, ბოლო 24 საათში ჩატარებული 31 409 ტესტირებიდან გამოვლენილია კორონავირუსის 832 შემთხვევა. დადებითობის მაჩვენებელია: დღიური - 2.65%; ბოლო 7 დღის - 2.98%; ბოლო 14 დღის - 3%. გასული დღე-ღამის განმავლობაში 624-ით გაიზარდა კორონავირუსისგან გამოჯანმრთელებულთა რიცხვი. გასული დღის განმავლობაში აიცრა 5 791 ადამიანი. 15 მარტიდან გაკეთებულია 167 332 აცრა. Читать дальше...

ლიტერატურის მუზეუმში ცოტა ხნის წინ გაიხსნა თავის დროზე ძალიან ცნობილი ენათმეცნიერის და ეთნოლოგის, ადოლფ დირრის ფოტოგამოფენა, რომელიც ასი წლის წინ საქართველოსა და კავკასიაში გადაღებულ ფოტოებს მოიცავს. ადოლფ დირრი, რომლის დამსახურებაც განსაკუთრებით დიდია კავკასიური ენების შესწავლის საქმეში და მას, როგორც ლიტერატურის მუზეუმის დირექტორი, ისტორიკოსი ლაშა ბაქრაძე მოგვითხრობს, 13-მდე ენის გრამატიკაც აქვს დაწერილი, საქართველოში პირველად 1900 წელს მოხვდა და როგორც შემდგომ თავადაც წერდა, კავკასია მისთვის "დიდ ენათმეცნიერულ ლაბორატორიად" იქცა. Читать дальше...

10 წლის წინ დამწვრობის ცენტრში 15 წლის გოგონა მიიყვანეს. ექიმებს მანამდე მსგავსი არაფერი ენახათ, საუბარია არა დამწვრობის ხარისხზე, არამედ მის გამომწვევ მიზეზზე. უცნაური ფაქტი მასმედიით გაშუქდა და ასე ჩაეყარა საფუძველი „ტრადიციას“, რომელიც დღეს „ლეღვის ნახარშის“ სახელით არის ცნობილი. რადიო თავისუფლება დამწვრობის ცენტრის ხელმძღვანელს გუგა ქაშიბაძეს ესაუბრა. „ახლა დიდი ქალბატონი იქნება ის გოგო, პირველმა ვინც ლეღვის ფოთოლი მოხარშა. მე რომ მცოდნოდა, 10 წლის მერეც ამ თემაზე ვილაპარაკებდი, დავუჯდებოდი და დაწვრილებით გამოვკითხავდი... Читать дальше...

ნინოწმინდის ბავშვთა პანსიონატის შესახებ ილაპარაკა მმართველი პარტიის თავმჯდომარემ ირაკლი კობახიძემ „რუსთავი 2“-ის ეთერში. როგორც ის აღნიშნავს, ომბუდსმენს ჰქონოდა შესვლის სურვილი და აქ გამოხატა წინააღმდეგობა მთავარეპისკოპოსმა სპირიდონმა. დეპუტატის თქმით, სხვა შემთხვევაში მას წინააღმდეგობაა არ გამოუხატავს. „მაგრამ როდესაც სახელმწიფო სტრუქტურებს და კონსტიტუციურ ორგანოებს ეხება საქმე, ყველას უნდა ჰქონდეს, შესვლის საშუალება“, - განაცხადა კობახიძემ. შეკითხვაზე, „თქვენ ძალიან რბილ განცხადებას აკეთებთ მეუფე სპირიდონთან დაკავშირებით... Читать дальше...

ადგილობრივი მცხოვრების ინალ ჯაბიევის მკვლელობაში ბრალდებულებმა ოკუპირებული ცხინვალის ციხეში შიმშილობა შეწყვიტეს. ამის შესახებ დე ფაქტო შინაგან საქმეთა სამინისტრო იუწყება. ბრალდებულებმა შიმშილობის აქცია 1 ივნისს დაიწყეს. 6 დაკავებულიდან 4 მათგანმა: სერგეი კოზონოვმა, ალან ბაგაევმა, ირბეგ სლანოვმა და მარატ ხუგაევმა განცხადებები შიმშილობის გამოცხადების შესახებ დაწერეს. ოსური მედიის ცნობით, ისინი აღნიშნავდნენ, რომ უკანონო პატიმრობაში იმყოფებოდნენ, მტკიცებულებების არარსებობის და დაუსაბუთებელი ბრალდებების გამო. Читать дальше...