Негледзячы на эпідэмію і заклікі лекараў заставацца дома, шмат менчукоў (і ня толькі) скарысталіся сонечным надвор’ем і выходным днём каб наведаць Менскае мора. Тое, што мы пабачылі, у фотарэпартажы Свабоды.
Мы сабралі для вас галоўныя навіны зь Беларусі і сьвету, датычныя каранавірусу, за 5 красавіка.
Эпідэміёлягі лічаць, што лічбы інфікаваных і памерлых ад COVID-19 могуць не адлюстроўваць рэальнасьці, у першую чаргу праз досыць нізкі ўзровень тэставаньня. Яшчэ адна прычына – некаторыя ўрады наўмысна скажаюць статыстыку і недаацэньваюць сур'ёзнасьць праблемы ў сваіх краінах.
У штаце Нью-Ёрк у нядзелю, 5 красавіка, зафіксавана першае падзеньне сьмяротнасьці ад каранавірусу, заявіў губэрнатар штату Эндру Куома, выступаючы перад журналістамі.
Фотарэпартаж Свабоды з Чырвонага касьцёлу ў Менску.
Лекары дыягнаставалі COVID-19 у намесьніка Кіева-Пячэрскай лаўры мітрапаліта Паўла (Лебедзя). Пра гэта 5 красавіка паведаміў царкоўны партал «Рэлігійная праўда» са спасылкай на свае крыніцы ў асяродзьдзі мітрапаліта.
З пашырэньнем каранавірусу пусьцеюць рэчавыя рынкі ў вялікіх гарадах. Свабода пабыла на найвялікшым рынку Магілёва — Віленскім.
«Расспажыўнагляд» мае намер правесьці дасьледаваньне на колькасьць грамадзян краіны, якія ўжо атрымалі імунітэт да каранавірусу. Пра гэтую заяву кіраўніцы ведамства Ганны Паповай інфармуе Інтэрфакс.
На працягу наступнага тыдня ў Беларусі будуць працаваць школьныя лягеры, дзе вучні будуць занятыя мінімум палову дня.
У рэдакцыю Свабоды зьвярнуўся жыхар Менску, бацькі якога не маглі атрымаць належнага абсьледаваньня ва ўчастковай паліклініцы і зьвярнуліся ў прыватны мэдыцынскі цэнтар, дзе ім дыягнаставалі пнэўманію і падазрэньне на каранавірус.
Прэзыдэнт ЗША Дональд Трамп заявіў, што Злучаныя Штаты могуць ўвесьці мыта на імпарт сырой нафты для таго, каб абараніць амэрыканскую нафтавую галіну ад рэзкага абвалу цэн на сусьветным рынку.
Галіна Шастоўская пайшла з жыцьця на два дні раней за віцебскага актора Віктара Дашкевіча, у якога таксама былі і пнэўманія, і станоўчы вынік на каранавірус, які выклікае COVID-19.
Улады ўкраінскага гораду Дняпро загадалі работнікам могілак вырыць 600 магіл для магчымых ахвяр каранавірусу.
Папа Францішак, які піша агенцтва Reuters, адзначаў сюррэалістычную Вербную нядзелю ў пустой базыліцы Сьвятога Пятра ў Рыме. Гэтак незвычайна ў католікаў пачаўся Вялікі тыдзень.
Колькасьць выяўленых выпадкаў заражэньня каранавірусам у сьвеце да сярэдзіны дня 5 красавіка перавысіла 1 мільён 200 тысяч, колькасьць памерлых з прычыны каранавіруснай інфэкцыі – 65 тысяч. Ачунялі больш за 250 тысяч чалавек.
Вернікі ўдзельнічаюць у богаслужэньні праз інтэрнэт, а гандляры ўпрыгожаных галінак губляюць заробак, на які працавалі цэлы год. Як Горадня адзначае Вербную нядзелю ва ўмовах пандэміі — у рэпартажы Свабоды.
Старшыня Эўрапейскай камісіі Ўрсула фон дэр Ляен лічыць, што Эўразьвязу для пераадоленьня наступстваў пандэміі каранавіруснай інфэкцыі будзе неабходны новы «плян Маршала».
Міністэрства аховы здароўя Беларусі апублікавала сьвежую статыстыку па каранавірусе за 5 красавіка.
Студэнты застануцца на карантыне ў інтэрнаце прынамсі на 14 дзён. Ежу ім перадаюць сваякі. Заняткі будуць праходзіць праз skype і zoom.
За мінулыя суткі ў Віцебскай вобласьці зарэгістравалі 5 новых выпадкаў каранавірусу, паведаміў старшыня Віцебскага аблвыканкаму Мікалай Шарсьнёў на пасяджэньне абласнога штабу па барацьбе з распаўсюджваньнем COVID-19.
Сусьветныя цэны на прадукты харчаваньня рэзка зьніжаюцца з прычыны скарачэньня попыту, зьвязанага з наступствамі пандэміі каранавірусу COVID-19, паведамляе Харчовая і сельскагаспадарчая арганізацыя ААН (FAO).
У Беларусі арганізатараў масавых мерапрыемстваў абавязалі заключаць дамовы зь міліцыяй, хуткай дапамогай і службамі ЖКГ да атрыманьня дазволу на іх правядзеньне ад выканкамаў.
У Камітэце дзяржаўнага кантролю Беларусі «ў мэтах апэратыўнага кантролю за сытуацыяй на спажывецкім рынку» арганізуюць «гарачую лінію» для грамадзян па пытаньнях наяўнасьці тавараў у крамах і росту цэнаў.
Цяпер тых, хто не прытрымліваецца абвязковай 14-дзённай самаізаляцыі пасьля вяртаньня з-за мяжы, могуць прымусова шпіталізаваць.
Ян Максімюк размаўляе зь пісьменьнікам Маратам Баскіным, які ад 1992 году жыве ў Нью-Ёрку і піша на беларускай і расейскай мовах.
