Новости за 07.04.2020

Мы сабралі для вас галоўныя навіны зь Беларусі і сьвету, датычныя каранавірусу, за 7 красавіка.

У раённы шпіталь трапілі 39 жыхароў пасёлку Камунар, што пад Буда-Кашалёва. Зь іх 24 — трэцяклясьнікі. Прычына — у аднаго з трэцяклясьнікаў знайшлі каранавірус. Ён займаўся ў Гомельскай СДЮШАР-4, два трэнэры якой захварэлі на COVID-19.

68-гадовая жыхарка Полацку Лідзія Мацьвеева памерла 2 красавіка ў Віцебскім абласным клінічным шпіталі. Пасьля сьмерці сям’я даведалася, што ў яе быў каранавірус. Сын упэўнены, што заразілася яна ў шпіталі.

Заслужаная артыстка Беларусі, былая вакалістка гуртоў «Чараўніцы» і «Верасы», 67-гадовая сьпявачка і кампазытарка Надзея Мікуліч захварэла на каранавірус.

У вёсцы Нарчы́ Шчучынскага раёну 7 красавіка згарэлі 20 хат з прычыны выпальваньня травы, паведамляе Сьледчы камітэт.

Lufthansa абвясьціла ў аўторак, 7 красавіка, што спыняе дзейнасьць сваёй даччынай кампаніі Germanwings і выводзіць з эксплёатацыі больш за 40 самалётаў.

Асацыяцыі па абароне правоў работніц і работнікаў сфэры сэксуальных паслуг зьвярнуліся да прэзыдэнта Францыі з просьбай аб дапамозе.

Цяжарныя жанчыны турбуюцца, што на прыём да лекараў цяпер трэба хадзіць у тое ж месца, дзе знаходзяцца шпіталі з інфікаванымі COVID-19. Адміністрацыя сьцьвярджае, што гэта, наадварот, зроблена для бясьпекі пацыентак.

У Камітэце дзяржаўнага кантролю прааналізавалі цэны на некаторыя тавары ў беларускіх крамах і ўзяліся за іх стрымліваньне.

Прадпрымальнікі абласнога цэнтру аб’ядналіся, каб супольнымі намаганьнямі падтрымаць мэдыкаў і пацыентаў. Ініцыятыву падтрымалі некалькі дзясяткаў прадстаўнікоў бізнэсу.

WhatsApp абмежаваў перасылку паведамленьняў у чаты з пяці да аднаго для барацьбы з распаўсюджваньнем ілжывай інфармацыі пра каранавірус, паведамляецца ў блогу кампаніі.

У Таджыкістане афіцыйна не зафіксавана ніводнага выпадку заражэньня каранавіруснай інфэкцыяй. Многія жыхары краіны вераць, што ад хваробы іх ратуюць часнык, лімоны і гармала, перадае Current Time.

Свабода сабрала тры пэтыцыі да чыноўнікаў, складзеныя беларусамі на хвалі каранавірусу.

Як мяняюцца камунікацыі і мэдыя ў эпоху пандэміі? Ці сталі «каралі інтэрнэту» адзінымі лідэрамі апазыцыі? За ці супраць карантыну, за ці супраць Лукашэнкі – ці супадаюць цяпер гэтыя падзелы грамадзтва?

Колькасьць загінулых у выніку спажываньня таксычнага забруджанага алькаголю ў Іране ўжо перавышае 600 чалавек. Прычынай масавага атручваньня зьяўляецца чутка пра тое, што алькаголь абараняе ад каранавіруснай інфэкцыі.

У Беларускім дзяржаўным тэхналягічным унівэрсытэце пацьвердзілі, што на каранавірус захварэла супрацоўніца тэхнічнай службы, якая працуе гардэробшчыцай.

Як мяняюцца камунікацыі і мэдыя ў эпоху пандэміі? За ці супраць карантыну, за ці супраць Лукашэнкі – ці супадаюць цяпер гэтыя падзелы грамадзтва?

Тэлеканал «Настоящее время» дапамагае разабрацца ў новых лідэрах тэлесувязі і зразумець, якія праграмы могуць спатрэбіцца вам для відэаканфэрэнцый.

Усясьветная эканоміка цярпіць крызіс з прычыны пандэміі, а дзяржавы трацяць рэзэрвы на падтрыманьне сваёй эканомікі. Штогод Беларусь бярэ крэдыты ў іншых краін. Але ці працягнецца гэта ва ўмовах пандэміі і ці вытрымае беларуская эканоміка без замежнай падтрымкі?

У прэм’ер-міністра Вялікабрытаніі Борыса Джонсана, шпіталізаванага з каранавіруснай інфэкцыяй, не дыягнаставаная пнэўманія і ён не падключаны да апарату штучнай вэнтыляцыі лёгкіх. Пра гэта днём у аўторак заявіў прэсавы сакратар Джонсана.

Выхавацелька дзіцячага садка № 455 у Менску захварэла на каранавірус, — гэта пацьвердзілі Свабодзе ў раённым аддзеле адукацыі.

На 7 красавіка ў Беларусі зарэгістраваны 861 выпадак каранавірусу, новых сьмерцяў за мінулы дзень не зафіксавалі.

Нягледзячы на працяг чэмпіянату, аматары футболу пачалі масава ігнараваць матчы. Застацца дома просяць нават самі клюбы.

2 выпадкі каранавірусу выявілі ў Акцябрскім раёне, адзін — у Жлобінскім, паведамляе БелаПАН па спасылкай на прэсавую службу Гомельскага аблвыканкаму. Агульная колькасьць захварэлых у рэгіёне не паведамляецца.

Новы сэрыял пад назвай «Каханьне падчас кароны» раскажа пра жыцьцё ў Празе ва ўмовах пандэміі каранавірусу, паведамляе «Нямецкая хваля».