Яшчэ адзін сумны рэкорд: + 919 інфікаваных. Памерлі 79. Вынікі 28 красавіка
Мы сабралі для вас навіны зь Беларусі і сьвету, датычныя каранавірусу, за 28 красавіка.
Мы сабралі для вас навіны зь Беларусі і сьвету, датычныя каранавірусу, за 28 красавіка.
У ЗША зафіксавалі больш за мільён выпадкаў каранавіруснай хваробы COVID-19, сьведчаць дадзеныя Цэнтру сыстэмных дасьледаваньняў пры Ўнівэрсытэце Джонса Гопкінса.
У Сірыі ў выніку выбуху закладзенай у бэнзавоз бомбы загінулі дзясяткі людзей. Выбух адбыўся ў горадзе Афрын, які кантралююць паўстанцы з турэцкай падтрымкай.
Дзяржавы Эўразьвязу адзіныя ў меркаваньні, што закрытыя праз каранавірус унутраныя межы нельга адкрываць адразу. Меры процідзеяньня SARS-CoV-2 будуць аслабляцца краінамі ЭЗ толькі ва ўзгадненьні адзін з адным.
«Витебский трактир» адным з першых у горадзе пачаў бясплатна карміць мэдыкаў. На рэстараннай кухні, разьлічанай на індывідуальныя замовы, штодня гатуюць больш за сто абедзенных порцый. Прадуктамі і грашыма ініцыятыву падтрымліваюць пастаўшчыкі рэстарацыі, буйныя гандлёвыя сеткі і проста гараджане.
Кіраўнік Мэдычнай асацыяцыі Японіі Ёсітаке Ёкакура заявіў, што краіне будзе складана прыняць перанесеныя на наступны год Алімпійскія гульні ў адсутнасьць вакцыны ад каранавірусу.
«Витебский трактир» адным зь першых у горадзе пачаў бясплатна карміць мэдыкаў. Прадуктамі і грашыма ініцыятыву падтрымліваюць пастаўшчыкі, буйныя гандлёвыя сеткі і проста гараджане.
Малгажата Кідава-Блоньская, віцэ-сьпікер Сэйму Польшчы і кандыдат у прэзыдэнты краіны ад апазыцыйнай «Грамадзянскай кааліцыі» заявіла, што ня будзе ўдзельнічаць у выбарах кіраўніка дзяржавы 10 траўня, калі ўступіць у сілу закон аб галасаваньні праз пошту.
Палітоляг Аркадзі Мошэс расказвае, як Фінляндыя змагаецца з каранавірусам, тлумачыць, чаму Аляксандар Лукашэнка ставіцца да пандэміі так, як ставіцца, і заяўляе, што Захад ня дасьць Беларусі грошай без рэформаў.
Уладзімер Арлоў чытае новыя аповеды для чацьвертага выданьня сваёй кнігі «Імёны Свабоды». Пра паўстанцаў 1863 году.
У Міністэрстве адукацыі лічаць, што студэнты і школьнікі мусяць асабіста прысутнічаць на атэстацыі.
Пэрыяд непрацоўных дзён у Расеі захаваецца да 11 траўня. Краіне ўдалося стабілізаваць сытуацыю з разьвіцьцём эпідэміі каранавірусу, але самы небясьпечны момант яшчэ ня пройдзены, заявіў прэзыдэнт РФ.
Толькі раз на год можна законна наведаць могілкі ў чарнобыльскай зоне. Звычайна ў дні Радаўніцы зона ажывае. Сёньня тут надзіва ціха. Такой пабачылі Радаўніцу ў чарнобыльскай зоне Веткаўскага раёну карэспандэнты Свабоды.
У Вярхоўнай Радзе Ўкраіны не хапае галасоў для прызначэньня былога кіраўніка Адэскай абласной адміністрацыі Міхэіла Саакашвілі віцэ-прэм'ерам па рэформах.
Прэм’ер-міністар Францыі Эдуар Філіп паведаміў, што накіруе ў парлямэнт законапраект, які працягвае надзвычайнае становішча ў краіне да 23 ліпеня.
24 красавіка ў 4-м шпіталі Менску ад каранавірусу на апараце штучнай вэнтыляцыі лёгкіх памерла маці псыхоляга Тацяны Маладзьянавай спадарыня Людміла, пра гісторыю хваробы якой пісала Свабода. Ёй было 69 гадоў. 26 красавіка яе пахавалі на могілках у Каралёвым Стане.
Амэрыканскае выданьне піша, што лекары б’юць трывогу з прычыны прыкметнай колькасьці інсультаў сярод заражаных каранавірусам маладых людзей, хвароба якіх працякала ў лёгкай форме.
Аляксандар Лукашэнка падпісаў указ № 143, які павінен мінімізаваць страты ад каранавірусу для эканомікі. Глядзім, чым ён дапаможа.
Абмежавальныя меры, уведзеныя ў Партугаліі ў сакавіку, будуць адменены з 3 траўня, але аднаўленьне эканомікі будзе павольным і паступовым працэсам, заявіў прэзыдэнт Марсэла Рэбэл дэ Суса 28 красавіка.
Сьвятары і мэдыкі заклікалі беларусаў ня ехаць на могілкі ў Радаўніцу, каб пазьбегнуць распаўсюду каранавірусу. У Магілёве ўшанаваць памяць продкаў на Паўднёва-ўсходнія могілкі прыйшло значна меней людзей, чым у мінулыя гады.
Украінскі прэзыдэнт назваў падпісаньне дакумэнту «гістарычным момантам для ўсіх украінцаў» і для самога сябе.
Кім Чэн Ын, магчыма, ня стаў удзельнічаць у ключавых сьвяточных імпрэзах 15 красавіка з прычыны боязі каранавірусу, а не праз хваробу, заявіў 28 красавіка паўднёвакарэйскі міністар па справах Паўночнай Карэі.
У менскім шпіталі памёр Анатоль Тарэеў, начальнік аддзелу аптычных сыстэм прадпрыемства «Пеленг», якое падпарадкоўваецца Дзяржаўнаму вайскова-прамысловаму камітэту Беларусі.
«Апазыцыя хайпуе на тэме „кароны“? Чаму вы пастаянна піярыцеся?..»