У Беларусі 51 памерлы, 6264 выпадкі каранавірусу, Лукашэнка назваў новы сродак ад COVID-19. У ЭЗ паслабляюць карантын. Вынікі 20 красавіка
Мы сабралі для вас навіны зь Беларусі і сьвету, датычныя каранавірусу, за 20 красавіка.
Мы сабралі для вас навіны зь Беларусі і сьвету, датычныя каранавірусу, за 20 красавіка.
Цырымонія ўручэньня Букераўскай прэміі перанесеная ў сувязі з пандэміяй каранавіруснай інфэкцыі. Ляўрэатка ці ляўрэат адной з самых прэстыжных узнагародаў у літаратуры будзе абвешчаны ня ў траўні, а ў канцы лета.
YouTube-канал Радыё Свабода 20 красавіка перасягнуў мяжу ў 60 тысяч падпісчыкаў.
63-гадовага ўладыку Гурыя (сьвецкае імя — Мікалай Апалька) шпіталізавалі з падазрэньнем на каранавірус, ён у рэанімацыі.
Большасьць экспэртаў, якія спрабуюць аналізаваць своеасаблівую пазыцыю кіраўніцтва Беларусі адносна каранавірусу, тлумачаць яе ў асноўным эканамічнымі прычынамі. Маўляў, такі прагматычны, утылітарны падыход.
Пасьля таго як Генпракуратура выявіла пастаўленыя ў лякарні маскі, эфэктыўнасьць якіх складае ня больш за 10%, у канцэрне «Беллегпрам» разьмежавалі выпуск масак пад рознымі стандартамі і найменьнямі — маска бытавая, санітарна-гігіенічная і мэдычная.
Кошт травеньскіх ф'ючарсаў на амэрыканскую нафту маркі WTI упаў да нуля і падае ў мінус, гэта вынікае з дадзеных лёнданскай біржы (ICE).
Прэм'ер-міністар Ізраілю Біньямін Нэтаньягу і ягоны былы супернік па выбарах Бэні Ганц, прыйшлі да згоды аб сумесным фармаваньні ўраду.
Асуджаная тройчы прымала «матэрыяльныя каштоўнасьці» ад прадстаўнікоў менскіх крамаў «за спрыяльнае вырашэньне пытаньняў, якія ўваходзілі ў яе кампэтэнцыю».
Міністэрства абароны Расеі адправіла назад у свае часткі вайскоўцаў, якія рыхтаваліся да мерапрыемстваў у гонар 75-гадовай гадавіны перамогі на падмаскоўным палігоне Алабіна. Усе ўдзельнікі рэпэтыцый адправяцца на карантын, паведамляе ТАСС.
У прэстыжнай сталічнай гімназіі з двух дзясятых клясаў на ўрок матэматыкі прыйшоў толькі адзін вучань. У іншай гімназіі з 28 трацяклясьнікаў на занятках прысутнічалі 6. І хоць дырэктары школ давалі справаздачы ва ўпраўленьні адукацыі, атрымаць ад чыноўнікаў афіцыйную інфармацыю Свабодзе не ўдалося.
У рамках першага этапу паслабленьня жорсткіх абмежавальных захадаў 20 красавіка ў Чэхіі адкрыліся аўтамабільныя і фэрмэрскія рынкі, салёны па продажы аўтамабіляў, дзяржаўныя ўстановы.
«Шпіталі, дзе лечаць інфікаваных на каранавірус, сталі больш закрытымі, чым турмы», лічыць псыхоляг Тацяна Маладзьянава, чыя маці цяпер знаходзіцца на апараце штучнай вэнтыляцыі лёгкіх з дыягназам “каранавірусная інфэкцыя” ў 4-й лякарні Менску.
Кошт травеньскіх фьючэрсаў нафты маркі WTI упаў ніжэй за $15 за барэль, гэта вынікае з дадзеных лёнданскай біржы (ICE). Такое зьніжэньне адбылося ўпершыню з 1999 году, піша Bloomberg. Нафта Brent з пастаўкамі ў чэрвені да гэтага часу таргавалася на ўзроўні $27,22 за барэль.
Мэдыкі ў ЗША стварылі 3D-мадэль лёгкіх пацыента, інфікаванага COVID-19. Схему камэнтуе пульманоляг шпіталя ўнівэрсытэту Джорджа Вашынгтона Кіт Мортман.
Як зьвярнуць увагу на палітыку, калі ўсе сочаць за тым, як разьвіваецца эпідэмія каранавірусу? Ці варта патрабаваць пераносу выбараў і як у іх удзельнічаць? Пра гэта Свабода распытала ўдзельнікаў праймэрыз.
У кіраўніцтва Беларусі ў сытуацыі пандэміі было два варыянты дзеяньняў: інфармаваць людзей і ўвесьці карантын або рабіць, як у час Чарнобылю, калі камуністычныя ўлады не асабліва, мякка кажучы, дзяліліся інфармацыяй.
Міністэрства аховы здароўя Беларусі апублікавала дакумэнт з рэкамэндацыямі, як абыходзіцца зь целамі памерлых ад COVID-19.
«Належнае інфармаваньне і эфэктыўнае ўзаемадзеяньне з насельніцтвам зьяўляецца адным з найбольш важных умяшаньняў пры ажыцьцяўленьні мер у адказ на распаўсюд COVID-19», — сказаў прадстаўнік СААЗ ў Беларусі.
Зьмяю знайшлі ў паўночна-ўсходнім індыйскім штаце Аруначал-Прадэш. У навуковым артыкуле падкрэсьліваецца, што чараўнік, у гонар якога яна атрымала імя, меў здольнасьць гаварыць са зьмеямі.
Міністэрства інфармацыі 20 красавіка вынесла патрабаваньне за распаўсюд недакладнай інфармацыі ўласьніку «Нашай Нівы» — кампаніі «Суродзічы».
Кампанія А1 Беларусь падтрымала ініцыятыву Фонду ААН у галіне народанасельніцтва і аб’яднаньня «Гендэрныя пэрспэктывы» зрабіць званкі на агульнанацыянальную гарачую лінію для пацярпелых ад хатняга гвалту 8-801-100-8-801 бясплатнымі для сваіх абанэнтаў.
Пацьверджаны каранавірус у аднаго з афіцэраў вайсковай часткі ў Слоніме.
Паводле дадзеных на 20 красавіка ў Беларусі зарэгістраваныя 6264 станоўчыя тэсты на COVID-19, паведаміла Мінздароўя ў Тэлеграме.
У сталіцы рэспублікі Паўночная Асэтыя, Уладзікаўказе, некалькі соцень чалавек у панядзелак выйшлі на «народны сход» — ня ўзгодненую з уладамі акцыю пратэсту.