Атта дац Нохчийчохь къам махках дохош гина, 1944 шеран къизалла лайна нах каро. Амма карийча, ца могу дагна хIетахьлерачу берийн, тахана - къанойн, дагалецамашка парггIат ладегIа. Депортаци чекхъяьлча а ца хилла, цкъа а ца хилла оцу нехан ирс. Дац Чиллан-беттан 23-гIа де дицдойла...
Немцойн Дрезден гIалахь лаьцна нохчийн зуда. СаидовгIеран доьзалан нана 28 шо долуш ю. Деа беран нана ю иза, 2 шарера 8 шаре кхаччалц хенаш йолчу. Масех де ду цу зудчунна орцахдовларе дехар деш болу кхайкхам социалан машанашкахула лелаш болу. Цу тIехь чIагIдо, и зуда йолу меттиг хоуьйтуш а яц, цунна тIе адвокат кхочуьйтуш а вац, ткъа цуьнан диъ бер нанна сагатдеш ду бохуш. Маршо Радион информацица, и зуда даханчу шарахь цхьамогIа зуламаш лелорна Дрезденехь лаьцначу нохчийн къомахчу талорхойх цхьанан хIусамнана ю. Читать дальше...
"Газпромана" хьалха долчу Нохчийчуьрчу бахархойн декхаран терахь ду 14,4 миллиард сом. Цунах лаьцна дуьйцуш ду республикан куьйгалхо Кадыров Рамзан а, "Газпроман" директорийн кхеташонан куьйгалхо Зубков Виктор а цхьаьнакхеттачул тIаьхьа цу компанино бинчу хаамехь, яздо Кавказ.Реалиино. Кхеташонехь сацам бина шина агIоно декхар дIадоккхуш бийр болчу балхах лаьцна.
Бохам хилла еарин буса. Соьлж-ГIаларчу Республикан клиникан дарбанан хIусаме ялийна хилла вуно чIогIа ягийна 6 бутт болу йоI, хаам бо "Нохчийчоь тахана" агенталло. Вовшашца дагабевллачу лоьраша сацам бина иза Лахара Новгородерчу багийна нах тIеоьцучу центре кхачо. Иза дина Орцаллан министраллан лоьрийн оьшуш болу гIирс тIехь болчу лерринчу кеманца.
2017-чу шарахь Къилбаседа Кавказехь адамийн бакъош кIоршаме талхийна хиларх лаьцна дуьйцуш ду Amnesty International адамийн бакъонашкахула йолчу вовшахтохаралло динчу дIахаийтаарехь. Цо дийцарехь, цу регионехь сецна дац адамаш лечкъор а, царна тIехь къизаллаш лелор а, кхел а ца еш, адамашна таIзарш дар а, иштта дIа кхин а. Бакъонашларъярхоша билгалдаккхарехь, федералан талламан органаша дукха меллаша тIеэцара цу хьокъехь болу хаамаш, ткъа бехктакхаман гIуллакхаш долош меттиг нисбелча а, цара сихонца дерзадора уьш... Читать дальше...
ГIалгIайчохь Плиево эвларчу юьртдена урс тоьхна цуьнан когаметто, дов а даьла. Цунах лаьцна хаам бина "Интерфаксо". Карарчу хенахь чов хилла юьртда клинехь ву. Дар-дацар стенна тIехула хилла хууш дац. Полисхой бу хилларг къастош.
Кадыров Ахьмада а, Адама а жоп делла шайх лата луучу Казахстанерчу 10 шо долчу кIантана Тажибай Абайна, хаам бо "Нохчийчоь тахана" агенталло. "Тхуна ца хаьа, хьо хIун латархо ву, амма хьан менеджер дика волчух тера ду. Абай, хьо баккъалла а къонах ву. Иштта дIахьо айхьа юьхьарлаьцнарг. Нагахь кхоллам хилахь гур ду вай цIелигана уллехь, ткъа дахарехь вежарий хир ду вай. ХьошалгIа вола республике. Тхо хазахеташ ду хьаша тIеоьцуш", -- аьлла Кадров Рамзанан воккхах волчу кIанта Ахьмада. Алматарчу... Читать дальше...
Оьрсийчоьнан тIеман министралло телефонаш яла йолийна къайлаха документашца болх бечу лаккхарчу даржашкахь болчу эпсаршна. Лаккхара дуьхьало йолу уьш йина ю Оьрсийчохь. Цунах лаьцна яздо "Известия" газето, тIеман министраллан векалшна тIе а тевжаш. Оьрсийчохь йинчу "Атлас" мобилан телефонан мах бу 115 эзар сом. Иза болх беш ю Оьрсийчохь шифран зIе йолчу "Мегафонан" могIарерчу GSM sim-карташца.
Масех кIира хьалха Австрин Iедалхоша Оьрсийчу депортаци йинчу ТикаевгIеран доьзалан массо а документ меттигерчу полицехь дисина. Шина кIирнахь Iедало хадеш а долуш, махкара арабаха кечбинчийн лагерехь латтийна болу доьзал, цхьа а кехат а доцуш, Москох аэропортехь дIахецна хилла австрихойн хьукматхоша. И бахьана долуш Нохчийчохь я бераш ишколе дIахийта а, я шаьш Iен-баха Iалашо йолчу адресца регистраци ян а бакъо йоцуш бисина ТикаевгIеран доьзал. Царна Австрехь гIо деш хиллачу юкъараллин жигархочо Ландау Даниэлас бинчу хаамца... Читать дальше...
