Декхарелахь хиларна Оьрсийчоьнан дозанал арабовлар дихкинчу Нохчийчуьрчу бахархойн терахь ду 22 эзар. Цунах лаьцна хаам бина республикерчу суьдан пурстоьпийн урхаллан векло. Шайн декхар дукха кIезиг хилар бахьана долуш Iедало дина дехкар тIех сов хета цхьаболчу бахархошна, яздо "Кавказский узело".
Цкъа ца хиллачу кепара шуьйра талламаш дIахьош бу Дагестанехь. Республикехь болх беш бу Москохара талламхой. Интерфаксо дийцарехь, Дагестанехь хуьлург ду "регионан Iедалан структурашна декриминализаци яр". Документаш схьадохуш ду финансийн министраллехь а, могушаллан министраллехь а, дешаран министраллехь а, ткъа иштта Чоьхьарчу гIуллакхийн министраллехь а, суьдан пурстоьпийн урхаллехь а. Дагестанехь хийцина берш некъаца йолчу посташкахь лаьтташ болу полисхой. Церан меттана дIахIиттийна Оьрсийчоьнан... Читать дальше...
Кехаташ схьа а дохуш, Дагестанерчу суьдан пурстоьпашна таллам беш бу лерринчу сервисийн белхахой, хаам бо "Интерфакс-Юг"агенталло. Цуьнан хьастано дийцарехь, лехамаш дIахьош бу Федералан пурстоьпийн сервисан урхаллан, Орджоникидзен урамехь йолчу коьртачу хIусамехь.
Вашингтонехь Оьрсийчоьнан векалаллана хьалха йолчу майданна цIе тиллина Москох вийначу оппозицин политикан Немцов Борисан. Цунах лаьцна низаман проект тIечIагIйина хиларх а, и низам болх бан доладелла хиларх а лаьцна хаам бина Немцовн Фондан гIантдайх цхьаъ волчу Кара-Мурза (жимаха волу) Владимира. Цо дийцарехь, керла цIе тиллина майда схьайоьллуш официалан церемони хир ю Немцов вийна кхо шо кхочуш -- Чиллан-беттан 27-чу дийнахь.
Цхьаьнатоьхначу Штатийн президенто Трамп Доналда дехар дина Пентагоне, Iамеркан тIеман ницкъаш дIагайта 2018-чу шарахь Вашингтонехь йоккха тIеман парад дIахьо аьлла. Цунах лаьцна хаам бина Чиллан-беттан 6-чу дийнахь Washington Post газето. И хаам тIаьхьо тIечIагIбина КIайн ЦIийнан зорбанан секретаро Сандерс Сарас. Парад хир йолу де цкъачунна билгалдаьккхина дац. Сандерса дийцарехь, президент Трамп гIортор еш ву мехкан кхерамазалла ларйеш шайн дахар ца кхоош болчу тоьллачу Iамеркан эскархошна. Читать дальше...
Кадыров Рамзана Нохчийчу кхойкхучу безачу хьешех ву вевзаш волу продюсер, Валерия иллиалархочун цIийнда Пригожин Иосиф. Дуккха а дийцарш ду "гламуран десантна" гуонах – Нохчийчоьнан куьйгалхочо дечу дезачу совгIатех, гонорарерх. Пригожина "Кавказ.Реалии" портале дийцира, ма дарра аьлча, хIун гергарлонаш ду шен политикца. - Ахчанна тIера долор вай къамел. Соьлж-ГIала яхарх гонорараш елирий Валерияна? - Iаламат корректе дац хьан хаттар. Ас цунах лаьцна дуьйцур дац. Тайп-тайпана ситуаци нисло. Читать дальше...
Falcon Heavy олучу ракетаца Марсана тIе хьажийна йолу "Тесла" машен дIакхочур яц хьаржичу орбите. SpaceX компанин куьйгалхочо Маск Илона бинчу хаамца, машен тIемаяьлла йоьдуш ю астероидийн асана тIе. Гарехь, бахьана ду "Тесла" Марсана уллерчу орбите яккха езачу космосан аппаратан мотораша тIех сов болх бар. Falcon 9 олу 3 ракета вовшахтесна кечйина йолу Falcon Heavy космосе хьажийна Флорида штатерчу Канаверал олучу меттера Чиллан-беттан 6-чу дийнахь. Цуьнан кхуьа хьалхара дакъа лаьтта тIе охьахаа дезаш дара, царах юха а пайда эца. Читать дальше...
Масех кIира а дара Германехь „оьрсийн мафи“ аьлла цIе тиллинчу тобанна тIехь кхел дIайоьдуш йолу. Оьрсийчуьрий, Украинерий талорхойн цхьа дакъа 2016-чу шарахь лаьцнера Берлинехь. Амма полици и гIуллакх талларехь кIарг мел ло а, инзаре йоккха криминалан структура гучуелира Iедалхошна, шерашкахь миллионаш еврона пачхьалкхана зенаш деш хилла йолу. Дюссельдорфехь, Франкуртехь а, Кельнехь а, Лейпцигехь а – гезгамаша санна боллучу немцойн махкахь шайн талорийн схема яржийна хилла цу наха. Мафин кепехь вовшахкхеттачу структурийн леламаш а... Читать дальше...
Журналист хилла Мусаев Руслан кхелхина Москох. Цуьнан дара 50 шо. Нохчийчоьнах баккъала а дог лозуш, шена хетарг майра дIаолучех вара Руслан. Нохчийчохь ши тIом боьдуш "Ассошиэйтед пресс" телевизионан агенталлан видеокорреспондент вара Мусаев. 2000-чу шерашкахь кхин рицкъ лохуш хиллехь а, журналистика юьтуш вацара иза. Нохчийчуьрчу хиламашна комментари еш Мусаевс шена хетарг, оза а ца луш, дIаолура Маршо Радион эфирашкахь ша вистхуьлуш. Даиман а хьекъале а, чулацам болуш а хилара цо дуьйцург.
«Бож-Iела» (дуьххьара цуьнан цIе яра "Бож-Iелин вожар" спектакль нохчийн театран сцени тIехь гойтуш йолу 53 шо ду. Тахана а ю иза хьовсархошна уггаре езачерах. Хамидов Iабдул-Хьамидан пьесина тIехь хIоттийначу цу спектаклца схьайоьллуш Iедал ду шен рогIера сезон Нохчийн драмин театро.
Евкуров Юнус-Бекан вешин кIентан дакъа карийна ГIалгIайчохь. Иза бакъ хилар тIечIагIдина РБК агенталле карарчу хенахь махкал арахьа волчу ГIалгIайчоьнан куьйгалхочо. Хьалхо Евкуровн гергара стаг велла карийна аьлла, хаам бинера 360 телеканало. Журналисташа дийцарехь, Евкуров Хьасан коьртах герз тоьхна вийна карийна Чиллан-беттан 6-чу сарахь Троицкехь. Цунна уллехь карийна таллархочуьнан топп. ГIалгIайчоьнан талламан комитето цкъачунна цхьа а комментари йина яц цу хьокъехь, хаам бо Кавказ.Реалиино.
Суьдо бехке винарг ву Гуьмсан кIоштара вахархо. Цо "ВКонтакте" йолчу шен агIона тIехь дIахIоттийна хилла нохчийн вевзаш волчу эшаршлакхархочо Муцураев Тимура дIааьлла цхьа йиш. Муьлхарниг ю дуьйцуш дац. И бахьана долуш и стаг бехке вина экстремистийн материалаш яржорна. Суьдо 2 эзар сом гIуда тоьхна цунна. "Кавказский" узело бинчу хаамца, цу кеппара бехк а буьллуш лаххара а 6 стагана таIзар дина Нохчийчохь кху тIаьхьарчу хенахь.
