Новости за 21.02.2018

Малхбалера Гута олучу гIаттамхоша Iуналла дечу Димашкана гергарчу кIошта бомбанаш еттарна саготта ву ша аьлла, дIахьедар дина Цхьаьнакхеттачу Къаьмнийн Вовшахтохараллан инарлан секретаро Гутерриш Антониус. Цо дийцарехь, цигарчу бахархошкахь вуно ирча хьал ду. Цхьаьнакхеттачу Къаьмнийн Вовшахтохараллан кхеташонехь вистхуьлуш Гутерриша билгалдаьккхира, кху тIаьхьарчу шина дийнахь Малхбалерчу Гутехь 100 сов маьрша стаг вийна хилар. Цу хеннахь Оьрсийчоьнан арахьарчу гIуллакхийн министро Лавров Сергейс бакъ лерина шаьш цу кIошта бомбанаш еттар. Читать дальше...

Германерчу Мюнхен гIалахь кешбеш бу нохчийн мухIажарий берийн сартийн гайтам. 1944-чу шарахь нохчийн къам Сталинан омрица махках даккхарна лерина бу и гайтам. Баварерчу мухIажарийн юкъарIойлашкахь хан йоккхуш хиллачу бераш а, кхиазхоша а дехкина шаьш Нохчийчуьра девдда Европе дахкарх лаьцна сурташ. ТIамах а, некъан халонех а, хийрачу махкахь кхоллалучу цхьаллех а, цIахь бисинчу гергарчу нахана сагатдарх а ду цу берийн сурташ. Маршо Радион информацица, меттигерчу цхьана банкан гIишлонна чохь гойтур ду уьш. Читать дальше...

Оьрсийчуьрчу оппозицин политико Навальный Алексейс кхайкхам бина Къилбаседа Кавказерчу бахархошка, президентан харжамашна тергам беш дакъалацахьара аьлла. Цо леррина видео дIаязйина, Дагестанерчу а, Нохчийчуьрчу а, ГIебартойн-Балкхаройчуьрчу а, Къилбаседа ХIирийчуьрчу а, ГIезалойчуьрчу а, Башкортостанерчу а бахархошка вистхуьлуш. Навальныйна хетарехь, цу республикашкахь Iедалша шайна лууш долу терахьаш дIахIиттадо харжамашкахь. Шинарин дийнахь хиина ОБСЕ-н цIарах 50 тергамхо хирг хилар Оьрсийчохь президентан харжамаш дIабоьлхуш тIехьожуш.

Нохчийчохь дIатардинчу Оьрсийчоьнан Къилба тIеман гонан 58 армин гIашсалтийн декъан артиллеристаша яккхийн тоьпаш кхиссина тIеман Iамораш дIахьош. Цунах лаьцна хаам бо grozny-inform.ru агенталло. Цо дийцарехь, лаьмнаш а, хьун а йолчу меттигашкахь эскархоша 122 милиметр биргIа йолчу "Акация" гаубицийн яккхийн тоьпаш а кхиссина, "Сани" минометаш а тоьхна, «Град-М» ракеташ а йиттина.

Нохчийн иллиалархойн тоба ю кху деношкахь Европерчу гIаланашкахь концерташ луш. Венехь цуьнца цхьаьнакхийтира Маршо Радион корреспондент. Композиторо, иллиалархочо Димаев Iелас дийцира Европах, цигахь бехачу нохчех, шех, шен кхолламах, тIекхочучу вайнехан Дагалецаман Дийнах а лаьцна.

Оьрсийчоьнан Пачхьалкхан Думо низаман проект тIеэцна, Росгвардина бакъо луш долчу, Оьрсийчуьрчу регионашкара лаккхарчу даржашкарчу Iедалхойн а, "кхин болчу нехан" а хан дан. И документ тIеоьцуш реза хиларца кхаж тесна 333 депутато, 2 куьг ца ойуш сецна. И низаман проект 2017-чу шарахь Думе кховдийнарг вара президент Путин Владимир. Цо куьг таIийначул тIаьхьа ах шо даьлча болх бан долалур ду керла низам. Цу низамехь буьйцуш болу "кхин болу нах" муьлш бу хууш дац. Росгвардера ха лур долу даржой билгалбохур бу президенто.

Оьрсийчоьнан Пачхьалкхан Думо низаман проект тIеэцна, Росгвардина бакъо луш йолу, Оьрсийчуьрчу регионашкара лаккхарчу даржашкарчу Iедалхойн а, "кхин болчу нехан" а хан дан. И документ тIеэоьцуш реза хиларца кхаж тесна 333 депутато, 2 куьг ца ойуш сецна. И низаман проект 2017-чу шарахь Думе кховдийнарг вара президент Путин Владимир. ТIе цо куьг таIийначул тIаьхьа ах шо даьлча болх бан долалур ду керла низам. Цу низамехь буьйцуш болу "кхин болу нах" муьлуш бу хууш дац. Росгвардера ха лур долу даржой билгалдохур бу президенто.

Нохчийчуьрчу Iедалшна Дагестанера жима кIант карийнера Иракъерчу бобераш дехачу хIусамехь. Иза цIаверзо оьшуш долу кехаташ кечдийна девлла. Цунах лаьцна хаам бина РИА Новости агенталло, Оьрсийчоьнан Федерацин Кхеташонан декъашхочунна Сабсаби Зиядана тIе а тевжаш.  Хьалхо цу кIентан ненадас Абдулаев Ахьмада дехар динера Кадыров Рамзане кIант цIавалош гIо дахьара аьлла. Цо бина видеокхайкхам интернетехь шуьйра баьржина хилар билгалдоккху РИА Новостино. Агенталло бинчу хаамца, кIант Нохчийчу кхачор волуш ву тахана, Чиллан-беттан 21-чу дийнахь.

Нохчийчуьрчу Iедалшна нохчийн кIант карийнера Иракъерчу бобераш дехачу хIусамехь. Иза цIаверзо оьшуш долу кехаташ кечдийна девлла. Цунах лаьцна хаам бина РИА Новости агенталло, Оьрсийчоьнан Федерацин Кхеташонан декъашхочунна Сабсаби Зиядана тIе а тевжаш.  Хьалхо цу кIентан дедас Абдулаев Зейда дехар динера Кадыров Рамзане шен кIентан кIант цIавалош гIо дахьара аьлла. Цо бина видеокхайкхам интернетехь шуьйра баьржина хилар билгалдоккху РИА Новостино. Агенталло бинчу хаамца, кIант Нохчийчу кхачор волуш ву тахана, Чиллан-беттан 21-чу дийнахь.