Новости за 28.02.2018

15 шо долу Iабдул-Малик цIе йолу нохчийн кхиазхо лоьхуш бу Францера цуьнан гергара нах. Цуьнан ненан цIарах социалан машанашкахь баржочу кхайкхамца, Чиллан-беттан 23-чохь сарахь араваьлла кхин чу ванза ву. Иза волу меттиг хIетахь дуьйна цхьанна а хууш яц.  ПIераскан сарахь Орлеанан а, Тулузан а, Парижан, Марселан  а агIор йоьдучу цIерпошта чу хууш гина и кIант аьлла, яздина ду хаамехь. И кIант гинарг я иза волу меттиг хууш верг шеца зIене валахьара аьлла шен телефон а йитина хаамехь цуьнан нанас. Читать дальше...

"Россия 1" телеканалан эфирехь харжамех дискусси йоьдучу хенахь ЛДПР-н партин цIарах харжамашкахь дакъалоцучу Жириновский Владимира боьха мотт лебина Собчак Ксенига, яздо Новости агенталло. Цунна дуьхьало еш, хи тоьхна Жириновскийна Собчака, политикан багахь товш доцу дешнаш цо зудчуьнга бохуш хилар билгал а доккхуш программа дIахьочуьнга. КарабогIучу беттан 18-чу дийнахь хир бу Оьрсийчоьнан президентан харжамаш.

Оьрсийн "Керланаш" агенталло зорбане даьккхина шайн пачхьалкхна а, цуьнан бахархошна а критика ечу актерийн тептар.  Цу юккъе бахна Оьрсийчохь йохучу киношкахь дакъа а лоцуш, ахча оьцурш.  2012-чу шарахь дуьйнна Канадехь шен доьзалца  веха Серебряков Алексей а, Дюжев Дмитрий а, Донбассехь украинхошца тIом бен Пашинин Анатолий а ву тептаре язвина. Иштта агенталло билгалваьккхина "Сатирикон" театран исбаьхьаллин куьйгалхо, "даим а пачхьалкхна луьйш волу" Райкин Константин а. Тептар вовшахтоха... Читать дальше...

Германерчу Тюринген лаьттарчу Мюлхаузен гIалахь цабевзачара цIе тесна маьждигах. И бахьана долуш 14 стагана, шайна юккъехь бераш а долуш, эвакуаци ян дезна. 7 стаг чевнаш йина а, ягаран газех дIавш даьлла а лоьрийн цIийне кхачийна. Маршо Радион корреспонденте Мюлхаузен гIалахь вехачу Нохчийчуьра орамаш долчу тешо дийцарехь, маьждиган гIишло ерриге а яьгна дIаьялла, иза чукхета там боллуш ю. Маьждигал сов кхин цхьа могIа фирманийн офисаш йохь йолу йоккха гIишло ерриге а хIаллакйина цIаро. Тюрингерчу полицин дIахьедарца... Читать дальше...

Австрера урхалла керла низам юккъедаккха гIерта, къайлахчу сервисашна бахархоша WhatsApp а,  Skype а программашца деш долчу къамелийн чулацам талла бакъо луш долу. Цул совнаха, цу махкахь Iедалхойн наха телефонашкахула дечу къамелашка ладогIа а, нахана тIехь видеоталламаш бен бакъо шоръян Iалашо а ю австрихойн керлачу урхаллан. Оцу хьокъехь дIахьедарехь билгалдаьккхина ду, Iедало даккхийчех зуламаш дарна шеконе лаьцначу нехан телефонаш бен ладогIаме хIиттор яц, аьлла. Ишттачу зуламех лору, масала, пхи шо сов хан тоха йиш йолу зуламаш. Читать дальше...

"Кавказ" федералан некъа тIехь ши машен вовшахкхетта меттигера ши вахархо велла, шайлахь 84 шо долу къано а волуш. Чоьхьарчу гIуллакхийн министраллан пресс-гIуллакххоша бина и хаам. "Ши машен ВАЗ-2117030 а, ВАЗ-2140 "Нива" а тIетта а кхетта хилла бу и некъан бохам Нажин-Юьртахь. Оццу кIоштара бу машенийн долахой, 27 шо долу жима стаггий, 84 шаре ваьлла къано а. Ший а велла йина чевнаш бахьанехь", - яздо хаамехь. Хьенан бехках хилла бохам толлуш бу полисхой. Оршотдийнахь ши машен вовшахкхетаран бахаьанашца виъ стаг а леш... Читать дальше...

Александриехь (Вирджиния штат) Нохчийчуьра cхьаваьлла ши вахархо Сыдыков Тенгиз а, Резванов Эльдар а  лаьцна, хаамбо Iамеркан Цхьанатоьхначу Штатийн финансийн министралан сайтехь. Полисхоша бахарехь, Александриин шина вахархочо 100 герз эцна хилла, Нохчийчу дIакхачорхьама. "Бехкебечара эцна хилла кеп-кепара 100 герз. Лицензи а йоцуш Нохчийчу дехьадаккха Iалашо хилла цушиннан. Герз вовшах а даьккхина, цIен тIехь оьшу йийбар санна хьулдина, къайладаккха лаам хилла церан", - яздо хаамехь. Сыдыковна а... Читать дальше...