Новости за 05.08.2018

Венесуэлан Iедалша дIахьедар дина, шайн президент Мадуров Николас цхьаъ вен гIоьртина аьлла. Цара дийцарехь, иза хилла шотдийнан Iуьйранна, цу пачхьалкхан коьртачу гIалахь Каракасехь хиллачу тIеман церемонехь. Интернетехь гучуяьлла Мадурос къамел деш яьккхина видео. Цу тIехь цхьаъ эккхаш санна тата хезаш ду. Цул тIаьхьа стигал хьежа волало президент, ткъа цуьнан гIароло дIакъовла иза лерринчу гIагIа диллинчу турсашца. Хаамехь билгалдаьккхина ду, 7 стаг лазийна хилар.   Венесулан Iедалша дийцарехь... Читать дальше...

Юккъерчу Африкан Республикехь вийначу Джемал Орханан а, Расторгуев Александран а, Радченко Кириллан а декъий дIакхачийна Москох. Цунах лаьцна хаам бина ТАСС агенталло.   Тезет хир ду кху беттан 8-чохь. Оццу дийнахь дIавуллур ву Джемал а, Рсторгуев а, Радченко а. Вагнеран тIеман компанех лаьцна таллам бар Iалашонца вахана волу Оьрсийчуьра кхо журналист вийна Товбеца-беттан 30-чу дийнахь, Юккъерчу Африкан Республикехь. Иза билггала муха хилла хууш дац.

Iамеркера актер Сигал Стивен хIоттийна оьрсийн-Iамеркан гуманитаран уьйрашкахула волу Оьрсийчоьнан арахьарчу гIуллакхийн министраллан леррина векал. Цхьаьнатоьхначу Штатийн Москох векал хиллачу Макфол Майкла цунна комментари йина. "СабӀарзделлар", - яздина цо шен  твиттерехь, Оьрсийчоьнан дипломатин хьукмато бина хаам а гойтуш. ТIаьхьо оццу твиттерехь цо кхин цхьа материал хIоттийна: "Сигал хIинца оьрсийн махкахо ву? Иза "самукъане" хир ду". Iамеркан Пачхьалкхан департаменто комментари ца еш битина и хаам. Читать дальше...