Новости за 29.08.2018

Кхааридийнахь телевизионехь пенсин реформех вистхилла Оьрсийчоьнан президент.  Цо бахарехь, зударий пенси баха беза 60 шо кхаьчначул тIаьхьа. Ткъа хьалхо йийцареян кховдийначу низаман проектехь 63 шо дуьзча аьлла дара. Божарийн пенси боьлху хан 65 шо кхаьчча магош ю. Тахана долчу низамашца, зударийн болх бан йиш ю 55 шо дуззалц, ткъа божарий 60 шо кхаьчначул тIаьхьа боьлхура пенси. Иштта Путина дийцаредар хьехна, доьзалехь дукха бераш долу зударий пенсе хан кхачале бохуьйту агIонаш. Пенси воьду... Читать дальше...

Оьрсийчоьнан Инарла прокуратура кийча ю Туркойчоьне мигрантийн урхаллан куьйгаллехь лаьттинчу Дудуркаев Асун йоI Седа схьаеха. Прокуратуран хаамашна тIе а тевжаш, "Керланаш" агенталло бо и хаам. Официалехь Дудуркаева Седа дIалацарх хаам гучубаьллачул тIаьхьа, иза схьайоьхуш кехат кхачор ду Туркойчу аьлла прокуратурехь. Иштта урхалло тIечIагIдо, Дудуркаева Седа даIишхойн тобанехь латттина хилар а. "Интерполехула дуьненаюкъарчу лехамашка елла Дудуркаева, иза лаца а, цунна дуьхьал бехкзуламан гIуллакх доло а Iалашонца"... Читать дальше...

Мисарарчу футболан федерацин директорийн кхеташонан декъашхочо Латиф Халида кхерамаш тийсина "Ливерпулан" ловзархочун Салахь Мухьаммадан нанна, яздо Al Jazeera News хьостано. Мисаран футболан куьйгалла компетенте дац аьллера Салахьа дуьненан футболан чемпионат йирзинчул тIаьхьа. Цунна жоп луш, хьо дозанал а арахьа вехачу юкъанна хьан нана Мисарахь юьсуш ма ю аьллера Латифа. "Хьо кхечу пачхьалкхехь вехаш ву, хьайна луъург дан аьтто а болуш, ткъа хьан нана кхузахь яха юьсуш ю. Хуучарна хаьа хьуна ас хIун боху", - яздинера Твиттерехь Латифа. Читать дальше...

"Настоящее время" хьостано хаамбарца, Шела кIоштан културан цIийнехь гулам вовшахтухуш бу, нохчийн полисхошна тIелатар дина кхиазхой емалбеш.ТIелатарехь хиллачу кIентан дас Шела гIалин мэран гIовс лаьттинчу Мусаев Рамзана хIинцале а неIалт кхайкхийна, вийначу шен воIан докъанна тIе а хIоьттина. "НеIалт хуьлда кхунна а, зуламан новкъа мел ваьллачунна а, бераш галдохучарна а. Сийначу цIарах богийла уьш! Дега, нене ла а ца доьгIна, тахана со а, сан доьзал юьхьIаьржа хIоттийна кхо. Суна ца оьшу ишта кIант!"... Читать дальше...

Шена лоьраш тIекхачийтар дехна Словакино Оьрсийчоьне схьавеллачу 39 шо долчу Яндиев Аслана прокуроре. Цуьнан адвокато Сабинин Андрейс бина и хаам "Кавказ.Реалии" портале. Жимчохь дуьйнна зорхаца бала хьоьгу Яндиев лоьрех чекхваккха хьажийна талламхойн изоляторчуьрчу лоьро. Къилбаседа Кавказан федералан гонашкарчу Талламан комиетето зуламан гIуллакх долийна Яндиевна дуьхьал. Маршо Радионо яздира, байначу баттахь Словакин Iедалша ворхI шарахь шайн лаьтта тIехь ваьхначу Яндиевна Оьрсийчу экстрадици ярх. Читать дальше...

Оьрсийчоьнан президентан омраца ницкъаллийн структурашкара 15 инарла мукъаваьккхина, хаамбо "Керланаш" агенталло. Даржаш охьадехкина Томскан, Мурманскан, Сахалинскан кIошташкарчу орцан министраллийн урхалхоша. Цул совнах хийцамаш бина Путина чоьхьарчу гIуллакхийн министраллийн системехь а. Брянскан, Ульяновскан кIоштийн чоьхьарчу гIуллакхийн министраш дIабаьхна. Нижегородскан, Кемеровон  кIоштийн чоьхьарчу гIуллакхийн министрийн гIовсаш даржера бохийна. Ишта дарж охьадиллина Кемероверчу Талламан комитетан куьйгалхочо а. Читать дальше...

Нобелан комитете ша дахьийтина кехат социалан машанерчу шен агIонехь зорбане даьккхина Нохчийчоьнан куьйгалхочо Кадыров Рамзана. Мьянман урхалло рохинджашна тIехь геноцид ярх ООН-ан мониторинган миссино арахецна рапорт тидаме эцна Кадыровс. Оцу республикехь къизаллаш совцаяйтархьама бехкечарна дуьхьал санкцеш яхаре кхойкху ООН-о. Нохчийчоьнан куьйгалхо реза вац Нобелан совгIат дала хьалхатеттиначеран тептарехь Мьянман пачхьалкхан хьехамча Су Чжи  Аун Сан хиларна. "Адамийн бакъоаншкахьа а, демократигахьа... Читать дальше...

Немцойн Лейпциг гIалахь дуьххьара туристашна лерина Visit Chechnya информацин центр схьайиллина кху деношкахь. Гергарчу хенахь Францехь а, Цхьанатоьхначу Iарбойн Эмираташкахь а елла Iалашо ю цу кепара центраш, яздо ТАСС агенталло, Нохчийчуьрчу туризман министраллан куьйгалхочунна Байтазиев Муслимна тIе а тевжаш. Цо бахарехь, оцу центрехь Нохчийчоьнах, Соьлжа-ГIалех, историн сийлаллин меттигех, културан барамех лаьцна муьлхха а информаци хаа таро ю. "Тхан лаам бу, республикера туризм массарна а евзаш хилийта... Читать дальше...

Мисарарчу футболан тобан ловзархочо Салахь Мухьаммада даредина, дуьненан футболан чемпионат йоьдучу заманчохь Нохчийчохь шаьш лайначу халонех. Мисаран футболан Федерацина къаьсттина реза вац Салахь, шен а, футболхойн а кхерамзалла лаккхарчу тIегIанехь Iалаш ца ярна. "Со ларвина а ца Iаш, йоллу команда Iалашъе аьлла дехнера ас. ХIунда аьлча, дукха новкъарлонаш йора тхуна чемпионат йоьдучу хенахь. Масала, шозза ресторанчу хIума кхалла ваха аьтто ца белира сан, цигахь гулделла дукха адам хиларна"... Читать дальше...

Бакъонашларъярхоша Оьрсийчоьнан президенте Путин Владимире дахьийтина кехат "гIучIа" бу, шайна терго яйтархьама язбина аьлла РБК агенталле зорбан минитсро Умаров Джамбулата. "И доцург а ду, шайна терго яйта лелош хIуманаш ду. Рамзан Ахматовича бакъонашларъярхошна кхерамаш тийсина бац. Юьхьанца бакъонашларъярхой дош къовларш юккъехь яздора, къепе боцу журналисташ а, бакъонашларъярхой ду шаьш бохуш, Нохчийчоь сийсазъян оьхурш а бу буьйцурш", - аьлла Умаровс. Министро бахарехь, бакъонашларъярхоша "хIинццалц а бина болх, кхи дIа а бийр а бу". Читать дальше...