ГIалмакхойчуьрчу шина стаге бехк кховдийна 46 шо долу Нохчийчохь йина йолчу Дудаева Табарикна еттарна. Бехктакхаман гIуллакх долийна цу шинна дуьхьал Оьрсийчоьнан криминалан кодексан 213-чу артиклан "Б" пунктехула, хаам бина «Чечня Сегодня» агенталле Нохчийчоьнан куьйгалхочуьнан ГIалмакхойчохь векал волчу Исаев Романа. Цуьнца а догIуш, уггаре чIогIа тIаIзар ду цу тайпа зулам дарна нуьцкъаша 5 шарахь болх байтар я оццу ханна набахте хьажор. Суьдан медицинан эксперташа бинчу сацамца, цу зудчуьнан могушаллана бай эшам хилла. Читать дальше...
Оьрсийчоьнан президентан зорбанан секретаро Песков Дмитрийс комментари йина Нохчийчоьнан куьйгалхочо Кадыров Рамзана низамаш лардечу органашна новкъарло ечу бакъонашларъярхойх аьллачунна. И дешнаш цхьа дакъа хила мега, Кадыровс аьллачунна юкъа схьаэйна долу, аьлла хета цунна. Цунах лаьцна Песковс дIахьедар дина журналисташка, хаам бо РБК-но. Песковс дийцарехь, бакъонашларъярхой а вошах къасто беза. "Цхьаболчу бакъонашларъярхоша вуно оьшуш йолу функцеш кхочуш йон, уьш хаькъдолуш лоруш а бу", -... Читать дальше...
69 соме гIоьрттуш бу Москох долларан мах пIераскан Iуьйранна. 79 соьмал совъиккхина еврон мах. Шина шеран максимум ю иза, боху тергам бечара.Дужуш ду сом хIара бутт болалбелчхьана а. Бехкебо Цхьаьнатоьхначу Штаташа керла сакцеш юкъайоху аьлла баьржина хаам. Юкъаяха кечйина санкцеш йоьзна шина мехкан агент хилла волчу Оьрсийчоьнан иччархочунна Скрипаль Сергейна а, иза волчу яхначу цуьнан йоIана а Британехь дIовш даларца. Советан заманара тIеман гIирс - "Новичок" дIовш – до уьш дарбан цIийне кхачорна бехке. Читать дальше...
Нохчийчуьрчу прокуратуро теллина чекхдаьккхина Шелан кIоштарчу вахархочунна дуьхьал стаг верна кхоьллина долу бехктакхаман гIуллакх. Республикан прокуроран когаметто Душин Максима бинчу хаамца, Бувайсар Б. цIе йолчу стага 2016-чу шарахь Марсхьокху-баттахь 5-зза тапча тоьхна вийна шен безам боцу стаг, цуьнан керта а вахана. Цунна кхел йийр ю хIинца Шеларчу гIалан кхело.
ГIалмакхойчохь нохчийн зудчунна еттар хьокъехь болийна таллам шен Iуналле эцна Кадыров Рамзана, яздо Chechnyatoday.com сайто. Цунах лаьцна хаам бина меттигерчу зорбанан министро Умаров Джамбулата. Цо дийцарехь, Нохчийчуьра Iедал а, республикан куьйгалхочуьнан ГIалмакхойчуьра векал а Iуналла деш бу таллам барна, ткъа зуламхо лаьцна ву низамаш лардон органаша. "Цу стагана догIуш долу таIзар дийр хиларна шеко йолуш цхьа а вац, цунна тIехьожуш Кадыров Рамзан хиларна", - боху Умаровс. Нохчийн къомах... Читать дальше...
Москох валютан биржехь долларан курс хьалаяьлла 69 соьме. Оццул деза хилла дацара Iамеркан ахча соьмаца дуьстича 2016-чу шеран Оханан-баттахь дуьйна. Сом дайлуш ду Iамерко Оьрсийчоьнна дуьхьал юкъайохуш йолу керла санкцеш бахьана долуш. Оьрсийчоьнан Коьртачу банко сацийна валюта эцар еарин дийнахь Марсхьокху-беттан 23-чохь дуьйна. Еврон бах хIоьттина пIераскан дийнахь 79 сом 75 кепек.
Крым. Реалии 100 дийнал а совъялла Оьрсийчоьно набахтехь латточу украинахочо Сенцов Олега мацалла лаьцна хан. Иза тероран тохар дан воллура аьлла вигира ГIирмера – цигахь еха цуьнан къена нана Людмила Георгиевна. Маршо Радион корреспондентна цо гайтира, Олег оьрсаша дIахецна аьлла, эладита шега кхаьчча, дог кIадделла, охьаюжуш шен лазийна куьйгаш. Даржийнарг бакъ ца хиллехь а, ненан аьтто баьлла деношкахь воI хаза. Сенцова Людмилин 75 кхаьчна кху деношкахь. Иза декъалъян веара гIирма-гIезалойн жигархо Джелял Нариман... Читать дальше...
Украинахоша даймахкахь а, арахьа а шуьйра даздо шайн пачхьалкхан Маршонан Де. ТIаьххьарчу шерашкахь а санна, Венерчу Украинан векалте дезчу дийнан бараме кхайкхинчу хьешашлахь бара Австрехь беха нохчий. Векало Александр Щербас довха дешнашца хьахийра украинахошний, нохчашний юкъадоьлла гергарло, довхачу дешнашца баркалла элира хьешашна шайн мехкан ларам барна.
"Новая газето" дIахьедина, мэро Собянин Сергейс дехка деза Кадыров Рамзан Москох витар. Бахьана ду Нохчийчоьнан куьйгалхочо кхиазхоша полисхошна тIелатарш дина аьлла гулбинчу Нохчийчуьрчу ницкъаллин структурийн белхахошна хьалха къамел деш дийцинарг. Шен вистхиларехь Кадыровс элира, бакъонашларъярхой "ямарта нах а, питанчаш а" бу, Нохчийчуь бахкар доьхкур ду ша царна, "Мемориалан" меттигерчу декъан куьйгалхочуьнан Титиев Оюбан кхел дIайирзинчул тIаьхьа аьлла. Газето билгалдоккху, цу тайпачу... Читать дальше...
Оьрсийчоьнан чоьхьарчу гIуллакхийн министрало дийцарехь, Москох, герз а тухуш, полисхошна дина тIелатар доьзна дацара Нохчийчохь кху беттан 20-чохь хиллачуьнца. Цунах лаьцна хаам бина ТААС агенталло. Хаамийн агенталлаша бинчу хаамца, еарин сарахь Москох 31 шо долчу стага тапча йиттина полицин белхахошна. Лента.ру хаам барехь, иза ву ГIебартойн-Балкхаройчуьра Кунашев Ренат. Дуьхьал герз а тоьхна, чевнаш хилла иза охьавиллинера клинике. Цигахь и стаг велла. Цу жимачу стага полисхошна тIелатар даран бахьана хууш дац. Читать дальше...