Новости за 09.10.2018

Дарбан цIийнехь операци йинчул тIаьхьа 51 шо долу зуда ялар талламе даьккхина Соьлжа-ГIалахь. Талламчийн хьесапашца, Товбеца-баттахь гIалин дарбан хIусаме еанера и зуда, букъехь лазарш лаьтта шен аьлла. Лоьрийн таллам бинчул тIаьхьа къаьстина, цуьнан диабет а, лаккхара цIийн таIам хилар а. Эндокринологца дага а ца бовлуш, цIийн а, рентгенан а анализашка а ца хьовсуш, букъдаьIахк этIийна хилла лоьраша зудчун. Цул тIаьхьа вуон хилла лазархо масех сахьт даьллачул тIаьхьа елла. Бехкенаш къестош, талламчаша листа долийна гIуллакх... Читать дальше...

Маршо Радион таханлера боцца хаамаш

Инвестицешца Нохчийчу кхача тарло регионера бизнес аьллачу Рязанан кIоштан губернаторан Любимов Николайн дIахьедар критике даьккхина меттигерчу бахархоша. Социалан машанашкахь эргIадбахначу бахархоша комментареш йитина: "Рязанан инвестицеш? Нохчийчу?", "Рязань серлаяккха ца лаьа Любимовна? Суьранна ялх даьллачул тIахьа са а ца гуш вуьссу", бохуш. Соьлжа-ГIалин 200 шо кхачарна хIоттийначу барамахь дIакхайкхийнера Рязанан кIоштан губернаторо Любимов Николайс, Нохчийчу инвестицеш хьажо ша кийча хиларх.

"Кавказ.Реалии" портало хаамбарехь, вийначу ГасангусейновгIеран шина вешин да Гасангусейнов Муртазали дIалаьцнера ХIинжа-ГIалахь. Шахьаран коьртачу майданахь пикет дIаяхьа дагахь хиллера иза.Тахана цу акци валаран бахьана дара, республике Росгвардин куьйгалхо Золотов Виктор а, Оьрсийчоьнан чоьхьарчу гIуллакхийн министр Колокольцев Владимир а, Талламан комитетан куьйгалхо Бастрыкин Александр а, ФСБ-н хьалханча Бортников Александр а бахкарна. "Коьртачу майданахь латта дагахь хиллера иза, цига полисхоша ца витинера Муртазали... Читать дальше...

ГIалгIайчуьрчу Магасехь хьал гIоьртина лаьтта. Шайн мукъа хан мел ерг митинге схьавогIу аьлла, дийцина "Кавказ.Реалии" порталан корреспонденто. Полисхоша дуьхьало ца йо протестхошна, царех дукхахберш дечу къамелашкахь гуламхошкахьа бу. Протете бевллачаьрца цхьана ламаз до ницкъаллийн структурийн белхахоша, цаьрца хIума а кхоллу. Отелашкахь а, кафешкахь а, пачхьалкхан хьукматашкахь а бен интернет яц. Изза хьал лаьтта Несарахь а. Евкуров Юнус-Бекна а, Кадыров Рамзанна а юкъахь хилла барт бохабаллалц... Читать дальше...

Маршо Радио                                                                                                                      (оьрсийн сервис) Шайн коллега лаьттина Скрипаль хIаллакван Солсбери гIала баьхкина хилла Оьрсийчоьнан шпионаш "Боширов" а, "Петров" а, аьлла, Британи даржийна йоллушехь яьккхира талламийн "Беллингкэт" организацино хьалхарчун бакъ цIе – Оьрсийчоьнан тIеман министраллан урхаллерчу (ГРУ) иччархочун Чепига Анатолийн. Ткъа мила ву "Петров" хааза дуьсуш дара юкъараллехь, евзина хIинца оцу иччархочун цIе а. Читать дальше...

Къилбаседа-Кавказехь карарчу шарахь 6 теракт юкъахдаьккхина аьлла, дIахьедина ХIинжа-ГIалахь йоьдучу Къоман антитерроран комитетан кхеташонехь ФСБ-н директоро Бортников Александра. "Долчу жамIашца, кечдеш хилла 6 теракт гучудаьлла. ДIалаьцна 63 зуламхо а, церан 142 декъашхо а", - дIахьедина Бортниковс. Цул совнах, билгалъяьккхинчу заманчохь вийна 50 тIемало, шайлахь Нохчийчохь а, Дагестанехь а зуламаш лелийначу гIаттамхойн тобанийн хьалханчаш а болуш.

Дагестанерчу Кизляран кIоштан полисхошна арздина Нохчийчоьнан омбудсмено Нухажиев Нурдис. Мехкан куьйгалхочуьнга Васильев Владимире а, республикан прокуроре а кехат дахьийтина цо. Карладоккху, байначу беттан тIаьххьарчу деношкахь бакъонашларъярхочуьнга латкъам бинера телефонехула Нохчийчуьрчу зударша. Цара бахарехь, ялх зуда тIехь а йолуш, Москохара йогIу автобус Нохчийчоьнан а, Дагестанан а дозанехь латтийнера некъан полисхоша кхаа дийнахь, бусий "Кизляр" постехь. Шайна хоуьйтуш дацара аьлла зударша... Читать дальше...

Ирландин латархочуьнца Макгрегор Конорца хиллачу латарехь толам баьккхинчу Нурмагомедов Хьабибан совгIат дIа ца ло Iамеркан Невада штатан атлетикан комиссино. Латархойн чемпионатан куьйгалхочо Уайт Дэйна бина и хаам, яздо TMZ хьостано. "Хьабибна ахча дIа ца кхачо гIерта уьш. Лахь а, доллу ахча лур дац цунна. Чемпионан доьхка дуьтур ду цуьнгахь, амма дисквалификаци йийр ю, схьахетарехь, 4-6 баттана. Iамеркан Цхьанатоьхначу Штатийн территори тIехь лата бакъо юьтур яц цунна, я кхечу пачхьалкхашкахь... Читать дальше...

"Беллингкэт" талламан организацино чIагIдо, Британин Солсбери гIалахь Скрипаль Сергейна а, цуьнан йоIна а дIавш даларна шеконашкахь латточу шолгIачун цIе а билгалъяккха аьтто хилла шайн, бохуш. Талламчийн хаамашца, цуьнан бакъйолу цIе ю – Мишкин Александр. Беллингкэто зорбане даьккхина цуьнан паспорт тIера сурт. СкрипальгIарна "Новичок" дIавшца пайда а оьцуш, кIелойинарш, Зазадоккхучу-баттахь Британи веана хилла ГРУ-н ши белхахо "Петров Александр" а, "Боширов Руслан" а хилла бохуш, чIагIдо Британин полицино. Читать дальше...

ГIалгIайчохь шолгIа кIира ду Нохчийчоьнца официалехь хIоттийначу дозанна реза боцчу наха протест айина. Магасера гуламхой реза бац Кадыров Рамзана а, Евкуров Юнус-Бека а куьйгаш яздинчул тIаьхьа дозанах долу документ тIечIагIдинчу парламентна а, мехкан кхиболчу куьйгалхошна а. Кремле гIуллакх таллар а, листар а доьху жигархоша. Евкуровс бакъо елла барам кху беттан 15-гIа де тIекхаччалц латто.

Оьрсийчоьнан президент Путин Владимир винчу дийнахь Восстанин урамехь "набахтехь йоккхийла ахь ехха хан" аьлла, баннер даржийна оппозицин жигархой лецна Петарбухарчу Дзержинскан кIоштан кхело. Граф Андрей 15 дийнахь-бусий чохь латтор ву, Иванчо Влад а, Рубцов Иван а 10 дийнахь. Лаьцначех 4-гIа Уткина Светлана юьссу Петарбухарчу полисхойн 78-чу декъехь. Прокуроран пурба доцуш административан жоьпалла цунна тIе дожадойла яц, хIунда аьлча, харжаман комиссин декъашхо иза хиларна. "Медиазона" хьостан хаамашца... Читать дальше...