Новости за 28.10.2018

Шемара тIом боьрзур бац Вашингтонна а, цхьа могIа Европан яккхийчу пачхьалкхашна а лаъалц аьлла Нохчийчоьнан куьйгалхочо Кадыров Рамзана. Цо бахарехь, "Шеман Iедалхошна а, шемахошна шайна а мел чIогIа лаарх а, тIом боьрзур бац, Iамеркана, Израилна, Европана, кхечу коалицин пачхьалкхашна а цхьана лууш дацахь. Шемахь цIий Iенор ду, оцу пачхьалкхийн цхьа барт хиллалц",- аьлла Кадыровс, яздо "Керланаш" агенталло. Шемара конфликт ерзош политикан процесс йоло еза Цхьанатоьхначу Къаьмнийн Организацино (ООН) шен тIома кIел а лаьцна аьлла Германин... Читать дальше...

Футболисташ Кокорин Александр а, Мамаев Павел а набахте хьажор маьIне ца хета Нохчийчоьнан куьйгалхочунна Кадыров Рамзанна. Цаьрца кхетош-кхиоран болх бан дагахь ву иза, нагахь и шиъ "Ахмат" клубе дехьавалахь. "Оьрсийчоьнан футболна боккха эшам хир бу, нагахь уьш чубохкахь. Оха кхетор вара и шиъ, тхуна дика футболхой а хир бара царех", аьллачу Кадырвн дешнаш далийна ТАСС агенталло. Ишта Кадыровс билгалдаьккхина, ша и шиъ бакъвеш цахилар а. Шаьшингара даьллачунна Кокорин а, Мамаев а дохковаьлла хиларна... Читать дальше...

Пенсильванин штатерчу Питтсбургехь синагогехь динчу тIелатарехь 11 стаг вийна шоьтадийнахь. Питтсбурган полисхоша гоне ерзийна синагога герзаца стаг цу чохь хаавеллачул тIаьхьа. CBS телеканалан хаамашца, тIелатархо шоьтадийнахь синагогехь нах гулбеллачу заманчохь гIишлонна чу а иккхина, адамашна тIе герз детта волавеллера. "Массо а жуьгтий байа безаш бу" бохуш, мохь бетташ хилла цо, дийцина полисхойн хьастано. ABC телеканалан а, Reuters агенталлан а хаамашца, герз кхийсина "кIайчу аматара маж йолу стаг" дIалаьцна. Читать дальше...

Шемара конфликт ерзош политикан процесс йоло еза Цхьанатоьхначу Къаьмнийн Организацино (ООН) шен тIома кIел а лаьцна. Еа пачхьалкхан (Германи, Франци, Туркойчоь, Оьрсийчоь) куьйгалхойн шоьтадийнахь Истанбулехь хиллачу цхьанакхетарехь официала дIахьедар дина цу кепара. Шо дерзале конституцин реформи тIехь болх бан Шеман комитет гулъяр кхайкхийра агIонаша. Цу кепара процесс ерзош "диаспоран а цхьана, массо а шемахочун бакъо хила еза маьрша харжам бан" аьлла, билгалдаьккхина Германин канцлеро Меркель Ангелас. Читать дальше...