Новости за 04.10.2018

Нохчийчоь а, ГIалмакхойчоь а юкъаяхана Оьрсийчохь дIахьочу шайн лаамехь махкахой цIаберзоран пачхьалкхан программина, хаам бо "Регнумо". Цунах лаьцна Iедалан кхеташонехь дIахьедар дина Оьрсийчоьнан чоьхьарчу гIуллакхийн министро Колокольцев Владимира. Цо дийцарехь, цу юкъахь хIинцале а дакъалоцуш ю Оьрсийчоьнан 68 регион. Премьер-министро Медведев Дмитрийс бинчу хаамца, программа йолийначул тIаьхьа 800 эзар стаг, цIа а вирзина, ваха хиъна Оьрсийчохь.

Малайзин орцаллин сервисан 6 белхахо кхелхина карьер хиллачу меттехь гучубаьллачу Iома чу вахана кIант кIелхаьрваккха гIерташ. 17 шо долу кхиазхо вайна хилла де хьалха, цу Iома йисте шен накъосташца чIерийн леца вахханчохь. Меттигерчу Iедалша динчу дIахьедарца, орцанхой кӀуркӀмани юкъабахана хилла. ЦIеххьана хи хьадарна цхьаболу гIирс байна хилла цера. Орцанхой вовшех бихкина хилла, оьшуш болу кечамаш бина хи чу бевлла а хилла. Амма церан аьтто ца баьлла хи чура хаьалабовла. Эххаре а хьалабаха аьтто баьлча уьш белла карийна.

Эльдерханова Зайнап Яхъелла Херо ...Юха а еара иза школе, цIахь, стоьла тIехь шен ручка а йицйина. Сихъеллачохь. ХIинца дуьххьара юьтуш а яцара цо иза. Цуьнан ирс доххал хIума дацара иза-м! ХIинца, классера массарал диканиг ву, каралаьцна Iаьржа дипломат а йолуш, схьакхача везаш. Йицлуш хилар а хIумма а дац. Ручка-м шайн классерчу зудаберашкара йоккхур яра. Уллехь хиъна Iаш иза велахь а, цуьнга цо цкъа а, хIумма а йоьхур а яц.  Цхьана парти тIехь, йистехь, хиъна Iаш дара и шиъ, иштта цхьаьна, дуьне мел ду хиъна Iийр ду а моьттуш. Читать дальше...

Бексултанов Муса Лазам Кхуо тилпо кисана йиллира, пIелг таIийна, машен хьала а латош – накъосташа кхайкхинера кхуьнга, хIума а кхоллуш, жимма цхьаьна Iийр дара вай, биллиард а тухуш, волахь, аьлла. Уьш кхуьнан хьалха хиллачу хьешеш бисина бара, цхьаберш кхунна товш а боцуш, хIетте а, цхьаьна хьерчаш ханъяйарна, гIалаташ а ца хьехош, куьг а тесина, Iадда битина. Кхуьнан уьш чIогIа дукха а бара цхьана хенахь, хиллачех хIинца – ган лууш – цхьа-шиъ бен а ца вуьсуш. Хьо жима а, къона а волуш... Читать дальше...

Нохчийчоьнца шайн къоман интересашца ма-доггIу доза къастор Iедална тIедожош гулам хIоттийна Магасехь гIалгIайн жигархоша. Хьалхо шина мехкан куьйгалхоша, Кадыровссий, Евкуровссий, хIоттийначу доза къасточу бертанна резадацарш даржадо цхьаболучара, таханалера дозанаш нийса хIиттийна дац, боху кхечара. Полицин хаша лаьцна кхобу некъаш, урамаш. Делкъан ламазашна дIасабахана нах юхагуллур бу Iедалан хIусамашна хьалха, аьлла бара де шолгIачу декъе лесташ хеза хаамаш.

Тахана дуьйна керла гIала гучуяьлла Нохчийчоьнан карти тIехь. Куршлойн-эвлах хилла Куршлойн-ГIала, хаам бо "Чечня сегодня" сайто. Цу хьокъехь сацам тIеэцна республикерчу парламентан депутаташа. Куршлойн-ГIала административан юкъ ю Куршлойн кIоштан. Таханлерчу денна цигахь вехаш ву 25 эзар гергга вахархо.

Ницкъаллин структурийн белхахоша ирх герз диттина митинге гулбеллачу нахе вистхила ГIалгIайчоьнан куьйгалхо Евкуров Юнус-Бек тIевеанчу хенахь, хаам бо РБК-но.   Цу дуьхьалонан акцехь дакъалоцуш бара Магасехь Нохчийчоьнца доза билгалдаккхар хьокъехь бинчу сацамна реза боцу нах. RTVi телеканало дийцарехь, церан терахь дара 10 эзар гергга стаг.   Уьш гулбеллера бина барт парламенто къобалбеш бу аьлла хезна. ББС-но бинчу хаамца, ницкъаллин структурийн белхахоша депутаташ арабаьхна парламентан гIишло чуьра. Читать дальше...

ГIалгIайчоьнан депутаташа тIечIагIбина доза хьокъехь Нохчийчоьнца бина барт. Цунах лаьцна ТАСС агенталле хаам бина цу республикан куьйгалхочо Евкуров Юнус-Бека. Хьалхо нохчийн а, гIалгIайн куьйгалхоша доза тIечIагIдарх лаьцна бина барт, дуьхьал цхьа а воцуш, къобалбира Нохчийчуьрчу парламентан декъашхоша.

Нохчийчоьнан парламенто тIечIагIбина республикан ГIалгIайчоьнца доза тIечIагIдарх лаьцна бина барт. Парламентан куьйгалхочо Даудов Мохьмада дийцарехь, и сацам тIеэцна депутаташа, духьал цхьа а воцуш, хаам бо ТАСС агенталло.

Нохчийчоьнна а, ГIалгIайчоьнна а юкъахь хиллачу конфликтан духе кхион гIерта эксперт Малашенко Алексей

Оьрсийчоьнан президенте Путин Владимире тешам хиларан рейтинг охьаяьлла 2013-чу шарахь хиллачу тIегIантIе. Иза гойтуш бу социологаша бина талламаш. Гезгмашин-баттахь 58% Оьрсийчуьрчу бахархоша къобулдора пачхьалкхан куьйгалхочо дийриг. Цунах лаьцна хаам бо "Коммерсанто" "Левада-центро" бинчу талламна тIе а тевжаш. Путинах теша мега дац аьлла хетачу нехан дакъа алсамдаьлла 13% кхаччалц. Мангал-баттахь "Левада-центро" арахийцира ша бинчу талламан жамIаш. Царца а догIуш, 51% респондент лууш вара... Читать дальше...

Карарчу хенахь лаххара а 2000 стаг ву Магасерчу Iедало делла пурба а доцуш вовшахкхеттачу гуламехь дакъалоцуш. Полицино къевлина Iедалан хIусамашна тIебоьлху некъаш, нах гIаш боьлху мехкан дозанаш хийцарна дуьхьаллаьттачу тобанна тIе, хаамбина "Яблоко" партин меттигерчу декъан лидеро Муцольгов Руслана.  "Кавказский Узело" кеп-кепара даладо дакъалацархойн терахьаш, 2000 тIера 5000 тIекхаччалц. Гуламхошлахь дуккха а бу фото, видео йоху нах, шайлахь ницкъхойн векалш а тIехь болуш, яздина Муцольговс шен фейсбук-агIонтIехь. Читать дальше...

ГIалгIайчоьнан Iедало кхойкху мехкан бахархой Нохчийчоьнца долчу дозанех лаьцна дечу къамелашкахь оьзда хилар. Парламенто билгалдоккху, лаьттанаш къасторца долу гIуллакх пачхьалкхо бакъо еллачу хьукматийн карахь хилар, митингашкахь луьстуш дацар. Оцу хьокъехь документ арадаьккхина Республикан Халкъан Гуламо. "Интернетехула йоккхуш ца хуьлу нийсо а, низамаш а, ца хуьлу къастош я гуламашкахь а. Оцу гIуллакхна тIебехкина бу шайнначул бакъонаш карахь йолу профессионалаш", - боху парламенто ша баржочу кхайкхамехь. Читать дальше...