Новости за 06.10.2018

Украинин прокуратуро Оьрсийчоьне дIавеллачу гIалгIачунна Тумгоев Тимурана йиттина талламан изоляторе дIакхачош. И бахьана долуш жима стаг цхьадолчу декъана хилларг дага ца догIучу хьоле вьккхина. Цунах лаьцна хаам бина Кавказ.Реалиино, Швецерчу "Vayfond" гIо-накъасталлин юкъараллан белхахочунна тIе а тевжаш. Цо дийцарехь, Тумгоевн гергарчу стага телефонехула къамел дина цуьнца, Патигорскерчу номер 2 йолчу талламан изоляторехь иза волуш. Цигара дIа Бури-гIала дIавигинчух тера ду Тумгоев. Гарехь... Читать дальше...

Нохчийчоьнца доза билгалдаккхарца доьзна хаттар референдуме дилла хьакъ долчерах дацара аьлла, дIахьедар дина ГIалгIайчоьнан куьйгалхочо Евкуров Юнус-Бека Магасехь хиллачу кхеташонехь. "Шина субъектана (Нохчийчоьнна а, ГIалгIайчоьнна а) юкъахь доза дацара. Ткъа и доза билгалдаьккхинчул тIаьхьа бакъо яц, референдум а ца еш, доза хийца", - аьлла Евкуровс. Хьалхо хаам бина ма хиллара, Магасехь митинге гулбеллачу нахана дуьхьал ницкъ боккхур бац, ткъа ша и акци низаман хорша йоккхур ю аблла барт бина республикан Iедалан а... Читать дальше...

Магасехь митинге гулбеллачу нахана дуьхьал ницкъ боккхур бац, ткъа ша и акци низаман хорша йоккхур ю ГIалгIайчоьнан Iедалша. Цу кепара барт бина Iедалан а, юкъараллин а, муфтиятан а векалша. Цунах лаьцна хаам бина "Интерфаксо", митингехь цунах лаьцна дIахьедар динчу муфтиятан декъашхочунна Барахоев Ахьмадана тIе а тевжаш. ГIалгIайн цхьаболчу депутаташа прокуратуре а, Талламан комитете а латкъам бина Нохчийчоьнца доза билгалдоккхуш бина барт къобул беш кхаж тасаран жамI харцхьадаьккхина аьлла. Цара чIагIдарехь... Читать дальше...

ГIалгIайн цхьаболчу депутаташа прокуратуре а, Талламан комитете а латкъам бина Нохчийчоьнца доза билгалдоккхуш бина барт къобул беш кхаж тасаран жамI харцхьадаьккхина аьлла. Цара чIагIдарехь, дукхах болу депутаташ дуьхьал бара и документ тIеэцарна. Латтанаш цхьатеррачу барамехь хийцарх лаьцна низам тIечIагIдинера ГIалгIайчоьнан халкъан гуламан (парламент) декъашхоша ши де хьалха. Цул тIаьхьа цунна тIе куьг таIира Нохчийчоьнан а, ГIалгIайчоьнан а куьйгалхоша.

UFC латархо Макгрегор Конор терзантIе ваьлла, Нурмагомедов Хьабибца тасаваларе хьалха иза ша дан дезаш ма хиллара. Цо гайтина 70,03 кила. Цул хьалха Оьрсийчуьра спортхо а чекхвелира цу процедурех. Нурмагомедов ву 70,8 кила. Нурмагомедов а, Макгрегор а лата везаш ву Лас-Вегасехь T-Mobile​ аренехь шотан сарахь (Соьлж-ГIалахь йолчу хенаца кIирандийнахь ГIадужу-беттан 7-чохь Iуьйранна 6 сахьт даьлча).

Магасехь дIайоьдучу митингехь куьйгаш гулдан долийна, ГIалгIайчоьнан куьйгалхо Евкуров Юнус-Бек даржера дIаваккхар Iалашо йолуш. "Эхо Москвы" радионо бинчу хаамца, цу акцехь пIераскан дийнахь дакъалоцуш вара 10 эзар сов стаг. Нохчийчоьнна а, ГIалгIайчоьнна а юкъара доза билгалдаккхарх лаьцна барт бинера цу шина республикан куьйгалхоша Гезгмашин-беттан 26-чохь. ГIалгIайн конституцин кхело реза йоцуш мах хадийна цу сацамна. Суьдхошна хетарехь, цу тайпа хаттарш кхоже дахка деза референдуме. ГIалгIайчоьнан... Читать дальше...

ГIалгIайчохь дIайоьдуш ю Нохчийчоьнца латтанаш хийцарна дуьхьал хьажийна акци. Иттаннаш бахархоша Магасехь буьйса яьккхина республикан парламентана хьалха. ГIалгIашна хетарг зен Магасе вахара Маршо Радион корреспондент.