Новости за 05.04.2019

Кху шеран Немцов Борисан Фондо 4-гIа луш ду Немцовн цIарах совгIат.  Оьрсийчохь демократин мехаллаш Iалашъярехь къонахалла гайтинчарна аьлла, оппозиционеран Немцов Борисан сий дарца юкъадаьккхина ду и преми. Дахначу шерашкахь цуьнан дакъа кхечира Шлосберг Левна а, Дадин Ильдарна а, Митюшкина Надеждина а. СовгIатан коьрта Iалашо ю - маршо къуьйсуш нах Оьрсийчохь кIезиг цахилар юкъараллана дIакхайкхор. Номинанташ хьалхататтарехь дакъалаьцна Науманн Фридрихан Фондо а, "Голос", "Солидарность" боламаша а... Читать дальше...

Соьлжа-ГIаларчу "Ахмат" футболан клубан куьйгалло сацамбина, "Ахмат Арена" стадионера Косовон байракх дIаяккха. "Чемпионат" гIирсо яздо, стадионан пресс-атташен Умаров Рамзанан дешнашна тIе а тевжаш, "Ахмат" клубехьа ловзучу массо а векалийн пачхьалкхийн байракхаш стадионера дIаяьхна аьлла. Лоруш йоцчу Косово Республикан байракх Соьлжа-ГIаларчу "Ахмат" футболан клубан "Ахмат Арена" стадионехь кхозуш хилар къастаде аьлла, тIедожийнера Сербино Оьрсийчоьнна. Ситуацина тIе тидам бахийтинера Оьрсийчоьнан арахьарчу гIуллакхийн министралло а. Читать дальше...

ГIалгIайн тейпо дIахьедар дина республикан куьйгалхочуьнга Евкуров Юнус-Беке, яздо меттигерчу оппозицин "ФортангаОРГ" ресурсо. "МальсаговгIара Евкуров Юнус-Беке дIахьедина, иза а, цуьнан вежарша а жоп лур ду, нагахь церан куьйгах шайн некъех волчу цхьана векална зен хилахь", - яздо хьостано. ГIалгIайчохь уггар а Iаткъамечех а, доккхачех а ду МальсаговгIеран тукхум.

Оьрсийчоьнан могушаллин министран гIовса Яковлева Татьянас хаамбина, вакцина ма яйта бохуш, информаци  яржор дехка Iалашонца урхалло низамийн проектийн пакет ю кечъеш аьлла. Цо бахарехь, низам хьашнарг жоьпалле озор волуш ву. Хаамийн гIирсашкахула а, интернетехула а, динан тобанашкахула а шуьйра харц информаци ю яржош вакцинаци ярх лаьцна аьлла, билгалдаьккхина министраллан векало. "Карарчу хенахь вакцинацис зен до бохуш, кхайкхамаш беш яржочу материалаша дуьхьало йо иммунопрофилактика ярехь", - аьлла Яковлева Татьянас. Читать дальше...

Азербайджано а, Нохчийчоьно а барт бина Бакох нохчийн векалалла схьаелла. Иза хилла Оьрсийчоьнан пачхьалкхан Думан депутат Делимханов Адам Азербайджанан президентца Алиев ИлхIамца цхьаьнакхеттачул тIаьхьа.

Пхи миллион ах миллион ахча луш ду Нохчийчоьнна виртуалан концертан хIусамаш кхолла. 2024-гIа шо чекхдалале Оьрсийчохь вируталан концертан 500 чоь кхолла дагахь бу Iедалхой. Оцу хьашташна аьлла, 33 регионна юкъахь 200 миллион доькъуш омрана куьйгъяздина Оьрсийчоьнан премьер-министро Медведев Дмитрийс. Кабинетан министрийн сайт тIехь Iорабаьккхина и хаам. Синбахамаллин центршна генахь бехачу нахана таро лур ю оцу виртуалан хIусамаша гоьбевллачу артистийн концерташка уьш йоьлхучу заманчохь хьовса.

Лоруш йоцчу Косово Республикан байракх Соьлжа-ГIаларчу "Ахмат" футболан клубан "Ахмат Арена" стадионехь кхозуш хилар къастаде аьлла, тIедожийна Сербино Оьрсийчоьнна. Сербин Оьрсийчуьрчу векало Терзич Славенкос дина и дехар аьлла, яздо "Известия" газетано. Белградехь реза боцуш инзарбевлла, Косовон символ Соьлжа-ГIаларчу стадионехь гича аьлла, дIахьедина Терзича. Ситуацина тIе тидам бахийтина Оьрсийчоьнан арахьарчу гIуллакхийн министралло а. Мехкан куьйгалхочун пресс-секретаро Каримов Iаьлвис, гIуллакх толлур ду шаьш аьлла. Читать дальше...

ГIалгIайчоьнца доза тоьхначу ГаланчIожан-кIоштахь ворхI эвла юхаденъян сацамбина шаьш, шайн дай баьхначу ярташка берза лаам бу 1400 гергга доьзалан аьлла, дIахьедина Нохчийчоьнан Iедалхоша. "Кавказский узел" агенталло хаттамбинарш тешна бу, белхан меттигашца а мехкан Iедало цхьа амал бийр бу аьлла. Дахначу шеран чакхенехь дIакхайкхийра Нохчийчоьнан урхалхоша, ГаланчIожан-кIошт юхаметтахIотто Iалашо ю шайн аьлла. Цигарчу ярташкахь баха луучех информаци гуляън дуьйладелира шаьш, цхьана кIиранчохь 200 гергга доьзало дIахьедира... Читать дальше...

Нохчийчоьнан куьйгалхочо Кадыров Рамзана а, Думан депутато Делимханов Адама а, парламентан спикеро Даудов Мохьмада а тIедогIучу рицкъах Iорабаьхначу хаамашлахь низамаш дохийна меттиг хаабелла бац Оьрсийчоьнан президентан администрацина а, пачхьалкхан Думана а, Нохчийчоьнан парламентна а. Стохка гурахь "Трансперенси интернешенл" организацино дийцира, мехкан куьйгалхочо дойучу ахчан барам тIехсов бу аьлла. 128 говр ю цуьнан долахь, хетарехь 100 миллион сом пайда беана цара цунна тIаьххьарчу 4 шерачохь... Читать дальше...

Испанехь дIаяьхьначу леринчу операцехь дIалаьцна Гуьржийчоьнан 25 вахархо. Царна бехке диллина къоланаш дар а, зуламечу тобанашкахь дакъалоцуш хилар а, яздо "Новости-Грузия" агенталло. Дуьненаюкъарчу полисхоша юкъахь болхбаран гурашкахь "Мерлин-така" аьллачу кодаца дIаяьхьна ю и операци. 250 полисхочо, шайлахь гуьржийн ницкъахой а болуш, кхочушйина лерина орпераци. Барселонехь цхьана хенахь школа лаьттинчу гIишло чохь куп тоьхна хилла цхьана зуламхойн тобан декъашхоша. Кеп-кепарчу пачхьалкхашкара верриг а 100 сов ву дIалаьцнарг... Читать дальше...

Кхааридийнахь 10 дей, буьйсий чохь даккха витинчу гIалгIайн къоман цхьааллин комитетан а, меттигерчу къанойн кхеташонан а декъашхочо Барахоев Ахьмада мацалла кхайкхийна. Бакъонашларъярхочо Муцольгов Мохьмада бина цунах хаам "Кавказский узел" агенталлан агIон тIехь ша лелочу блогехь. Барахоевн адвокато Урусова Фатимас чIагIдарехь, еаридийнахь дIахьедар дина къаночо, ша мацалла кхайкхорах, ишта цуьнан камера чуьра араяьхна массо а кхачан сурсаташ. Ша кхайкхийна  акци ойла а йина, кхетамчохь волуш йолийна ша... Читать дальше...

Соьлжа-ГIаларчу оьрсийн Лермонтовн цIарахчу театран актеро Дебишев Тимура бакъонашларъярхошка латкъамбина, нохчийн полисхоша шена тIехь ницкъбарх. Талламчаш дуьхьал хилла бехкечарна дуьхьал гIуллакх доло, цул тIаьхьа махкара аравала дезна Дебишевн. 27 шо долчу жимчу стага дийцарехь, стохка аьхка тIаьхьабевлира цунна полисхой. Кхунна евзачу йоIах хеттарш динера кхуьнга. Ницкъахойн версица, наркотикаш юхкуш ю аьлла, шеконашка эцна хиллера цара и йоI, ткъа цуьнан телефон чохь кхуьнан лоьмар карийчхьана, хеттарш дан буьйлабеллера Дебишевга. Читать дальше...