Новости за 24.04.2019

СаIудийн Iаьрбийн пачхьалкхехь кхелаша бехке вина 37 стаг вийна шинарин дийнахь, Оханан-беттан 23-хь. Цунах лаьцна хаам бо CNN телекомпанино, СаIудийн чоьхьарчу гIуллакхийн министраллан тIе а тевжаш. Кхеле озийнарш бехке бина "динан бух тIехь девнаш кхоллар Iалашонца эксремистийн терроран идеологеш яржорна" а, ткъа иштта "терроран тобанаш кхолла гIортарна" а, аьлла ду Iедалша бинчу официалан хаамехь. Дийцарехь, кхелан сацамаш кхочуш бина мехкан тайп-тайпанчу регионашкахь. Байинчарна юкъахь ву лаххара а 33 шиIат. Читать дальше...

Iамеркан некъахойн авиацин урхалло (FAA) Wing Aviation компанина бакъо елла, махкахь дронашца (тIехь пилоташ боцучу беркеманашца) цхьацца хIуманаш дIасакхехьа. Iамеркехь дуьххьарлера цу тайпа сертификат ю иза. Wing Aviation дакъа ду Google корпорацин. Дуьххьарлера хIуманаш дIасакхехьа йолор ю дронашца Вирджиния штатерчу шина гIалахь, Wing Aviation компанино меттигерчу Iедалшца барт бинчул тIаьхьа.  2014-чу шарахь дуьйна, керла гIуллакх зуьйш, Австралехь Wing Aviation компанино дронашца дIасакхоьхьуш ю кофе а... Читать дальше...

"Исламан пачхьалкх" шех олучу тобанхойн декъашхоша видео яржийна, 8 стага цуьнан хьалханчана Абу-Бакр аль-Багдадина байIат деш. Де хьалха радикалаша шайна тIеийцира, 300 сов стаг а вуьйш, Шри-Ланкехь дина лелхийтарш.

ГIалгIайчоьнан Джейрахан кIоштан а, бахаман а латтанашна терго ярехула министраллан а куьйгалхой дагахь бац Маьтлоам Къиласеда ХIирийчоьнна дIабала, хаам бо «Обзор» хаамийн ресурсо. И лам бу ГIалгIайчоьнан Пригородни кIоштан дозанца. Цуьнан сурт ду ГIалгIайчоьнан а, ткъа иштта Буру-гIалан а гербашна тIехь. ГIалгIайчоьнан бахаман а латтанашна терго ярехула а министраллан векло Плиев Мусас дIахьедар дарца, Маьтлоам Къилбаседа ХIирийчоьнна дIабала мегаш бу бохург эладиташ ду. И лам ГУП (пачхьалкхан... Читать дальше...

Демократин партин цIарх президентан харжамашкахь дакъалаца лаам болчу Вермонт штатерчу сенаторо Сандерс Бернис дIахьедар дина, Iамеркехь харжамашкахь кхаж таса бакъо хила еза массера а, шайна юкъахь террорца доьзна зуламаш динарш а болуш аьлла. Цунах лаьцна хаам бо NBC News. Чубохкинчу наха харжамашкахь кхаш тасарх лаьцначу хаттарехула шена хетарг алар дийхира Сандерсе, Бостонерчу марафонехь терроран тIелатар дарна вен кхел кхайкхийна карарчу хенахь луьрча хьелашкахь набахтехь латто Царнаев ЖовхIар масална а валош. Читать дальше...

Политковская Аннин доьзалан адвокаташа талламхошка дIаделла нохчийн политико Закаев Ахьмада "Новая газетан" журналист ер хьокъехь дина тоьшаллаш. Адвокато Ставицкая Аннас "Интерфаксе" дийцина ма хиллара, стокха гурахь Лондонехь Закаевс тешош дагара хаийтина, ша хIунда вацара Политковская ен еза аьлла хеташ бохург. Ставицкаяс бинчу хаамца, Талламан комитет официалан кепара реза хилла Закаев Британехь леван. И процедура маца хир ю цкъачунна хууш дац. Закаев Ахьмад Британехь вехаш ву 2003-чу шарахь шена политикан тховкIело елччхьана дуьйна. Читать дальше...