Новости за 15.04.2019

ХIирийчохь берийн беш ян дIаелла Iаламан Iаламатийн майда Фатанга – Къилбаседа ХIирийчуьрчу Ламанан Дигорера, шена тIехь генарчу заманийн тешаш, вуно шира чхарнаш лаьтта атагIи, Iаламан Iаламатийн майда. Пайдаэца хьолахошка дIаелла халкъо шена еза лору и меттиг. Стенна иза дина, муха магийна, хала ду ала хьаькамашна: мехкан реестрехь хьаян цамагош йолу Iаламан хазна ю Фатанга. Къовсам: берийн беш я заманийн теш "Йоккха атагIи ю Фатанга. Лаьтта лаьмнийн когашна 1300-1500 метр лакхахь, тхан хьукматна юкъайогIу иза"... Читать дальше...

Москварчу университетехь доьшуш хилла, "Исламан пачхьалкх" шех олучу тобанхойх дIакхета йоьдучуьра лаьцна, набахтехь хан токхуш йолу Караулова Варвара хенал а хьалха араяккха дуьхьал хилла Вологодскан кIоштарчу набахтин администраци. ЙоьIан адвокато Бадамшин Сергейс бина и хаам. Колонин белхахойн леринчу тергонехь латтош ю Караулова адвокато дийцарехь. Кху аьхка колонин "низамаш лардо" цо аьлла, цIе яьккхира цуьнан, ткъа иза хенал а хьалха арайоккхуш кехаташ чуделлачул тIаьхьа "низамаш талхадо" цо аьлла, билгалдаьккхира аьлла Бадамшин Сергейс. Читать дальше...

ЛДПР-н лидеро Жириновский Владимира Британин Москвахь арадолучу Financial Times газетан хиллачу шеф-редакторе Кловер Чарльзе кховдийна иск юхатеттина Останкинан кIоштан кхело. Кловера шен книги тIехь "тIетаьIIина дуьйцуш дара Жириновский КГБ-н агент вара бохуш" алар ца тайнера Жириновскийна. ГIадужу-бутт бовш чуделлера цо арз. Книги тIехь ялийна информаци сий, репутаци бехъеш ю алий, и дешнаш юха а эцийтий, шена миллион сом компенсаци ялар тIедожийнера политико. Кловера чIагIдора, Жириновскийн... Читать дальше...

Шен хIусамехь талламаш бечу заманчохь ларамца чекхбевлла ницкъаллийн структурийн белхахой аьлла, дIахьедина гIалгIайн бакъонашларъярхочо, "Машр" организацин куьйгалхочо Муцольгов Мохьмада. Ишта цо билгалдаьккхина, ницкъахоша документаш а, телефонаш а, видеокамераш а дIаяьхьна хилар а. "Документаш дIадаьхна, таIийна куьг чIагIде организацин мухIар а дIадаьхьна, сан а, хIусамненан а телефонаш а дIаяьхьна. ЦIенна а, офисна а гонах хIиттийна видеокамераш а цхьана дIаяьхьна", - аьлла, дийцина "Кавказский узел" агенталле Муцольгов Мохьмада. Читать дальше...

Пачхьалкхан думан депутат Макиев Зураб улло а ваьлла, дахначу кIиранах БуьритIе цIа далийра кхо бер: ваша а, цуьнан ши йиша а. Къилба ХIирийчуьра церан да а, нана а масийтта шо хьалха дIадаханера "Исламан пачхьалкх" шех олучу тобанхойх дIакхета Iалашонца. Юьхьанца берийн да вийра тIамехь, цунна тIаьххье кхелхира нана а. Хууш дац, муха боьрзур бара берийн кхоллам, цхьа Дела къинхетам юкъа ца боьллехь.

Дено-дено политикан хьал телхаш лаьтта ГIалгIайчохь. Дозанийн хьокъехь мехкан куьйгалхоша Нохчийчоьнца  бина барт ца тайначу протестхойн лидерш лоьцуш ду Iедал. Царна гIуданаш детта, айдина массех бехктакхаман дов, ницкъхой хьоьжу хIусамех. Репрессеш чIагIлучу юкъанна шорлуш ду мехкан дега Евкуров Юнус-Беке дарж дита бохучийн аьзнаш. Евкуровга деккъа дIа дарж дита бохучул пайде хир дара протесте бевллачара шайн махке, бахархошка шаьшка куьйгалхо харжийтар, харжамаш юхаберзор лакхарчу Iедале дехча... Читать дальше...

Меттигерчу 56 шо долчу вахархочун довхаттар дирзина Гуьмсерчу кхелехь. Талламчийн версица, Гелдаганарчу цхьана доьзалехь шина вешина юкъахь иккхинчу девнехь воккхахволчу вашас шен жимахволчунна шозза урс тоьхна хилла. Дийцарехь, къовсам хилла хIусамна тIехула. Экспертийн жамIашца, вешина могушаллина даккхий зенаш дина хиларца, кхеле хIоттийнера воккхахволу ваша. Талламчаша тоъал тоьшаллаш гулдина, прокуроро бехк тIечIагIбеш, куьйгъяздина долийначу бехкзуламан гIуллакхан хьокъехь.

Нохчийчуьрчу яхархочун Тимагова Шеман латкъамехула зударшца лело дискриминаци эшорехь болх бечу CEDAW ООН-ан Комитето дахначу пIераскандийнахь зорбане даьккхина шайна хетарг. "S.T. Оьрсийчоьнна дуьхьал" – аьлла, хIусамехь латточу Iазапах Оьрсийчохь дуьххьара гIуллакх ду и, Комитето жоьпалла пачхьалкхна тIехь дуьтуш, хаамбина "Правовая инициатива" организацино. Зударийн бакъонаш хьешар юкъарадаккхарехь йолчу ООН-ан Конвенци Оьрсийчоьно тIехтесна, хIунда аьлча, Тимагова Шеман бакъонаш метта ца хIиттина цигахь аьлла... Читать дальше...

КIайчу цIийнан "Iамеркан Аз" хьостан куьйгалхо Херман Стив хилира Мэрлин штатерчу базехь дIахьочу Iаморашкахь. Цигахь автомобил лело Iамош бу Iамеркан Цхьанатоьхначу Штатийн къайлахчу сервисийн массо а белхахой.

ГIалгIайн гоьваьллачу юкъаралхочо, "МАШР" организацин куьйгалхочо Муцольгов Мохьмада шен Фейсбукерчу агIон тIехь хаамбина, Карабулакерчу шен цIийнах хьовсуш бу полисхой аьлла. "Хетарехь, сан рагI кхаьчна Евкуровн харцо лан. Карабулакера сан цIа а, офис а гоне ерзийна ницкъахоша. Коьртаниг, цаьрга кхералур дац ГIалгIайчоьнан къам, толам тхоьгахьа хир бу. Тхайн цхьааллех а, Делан къинхетамах а тешарца, оха йоьхург нийсо а, бакъо а ю", - яздина Муцольговс. Бакъонашларъярхочун телефон яйина ю, аьтто... Читать дальше...

Наьсаран кIоштарчу Аьлти-Юьртахь газ дIаихна дIавш даьлла велла 13 шо долу кIант аьлла, хаамбина меттигерчу газан урхалло. Компанин хаамашца, инцидент нисъелла буса церан хIусамехь. "13 шо долу кIант кхелхина. Орцах баьхкинчу белхахошна гучудаьлла, газ ягоран низамаш лардеш ца хилла цигахь", - алла, хаамбина газан компанино шайн сайтехь.

2016-чу шарахь ворхI стаг а вуьйш, хилла некъахьовзам бахьана долуш, куьйгбехкечун Ходжаев Iаламан гергарнаш Нохчийчуьра дIабахарх сюжет гайтина пачхьалкхан телевизионан эфирехь. Шаьш шайн лаамехь арадевлира махкара аьлла, дIа а хьедина, емалвина цара, шаьш Iедало бертаза республикера лехкина бохуш, даржон нохчийн блогер. Цара вуьйцург Абдурахманов Тумсо ву аьлла, тешна бу  бахархой. Ши шо хьалха Ford машен хаьхкина вогIучо, "Приорех" а, ВАЗ-21014 машенех а кхеташ инцидент йинера "Кавказ" трасси тIехь. Читать дальше...

Нохчийчуьрчу хаамийн гIирсийн атворитет лакхаяккха еза аьлла, кхайкхамбина пачхьалкхан  "Грозный" телевизионан куьйгалхочо Дудаев Ахьмада. Зорбан цIийнехь дIаяьхьначу кхеташонехь дина цо и дIахьедар, мехкан куьйгалхочун Кадыров Рамзанан тIедилларца. Нохчийчуьрчу зорбанан гIирсашна хийцамаш оьшу питанашца къийсам латто аьлла, дIахьедар динаа Кадыров Рамзана аьлла, хаам бира ТАСС агенталло. Цу хьокъехь оьшуш йолу проекташ кечъяр цо тIедиллинера "Грозный" телевизионан куьйгалхочунна Дудаев Ахьмадна. Читать дальше...