Новости за 16.04.2019

Магасехь керла митинг хIоттор ю аьлла, оршотдийнахь дIахьедина жигархо Кациев Хьасан дIалаьцна шинаридийнахь йохка-эцаран "Ковчег" гIишлочуьрчу ламаз дечу хIусамчуьра араволучу хенахь. Стенга вуьгу а ца хоуьйтуш, дIавигина иза аьлла, дуьйцу "Кавказ.Реалии" порталан корреспонденто, гIалгIайн юкъаралхошна тIе а тевжаш. "Тхоьгарчу информацица, масех машенашкахь баьхкинера полисхой. Экстремизмна дуьхьало латточу Центрера ду шаьш аьлла хиллера цара, амма кехаташ ца гайтина. Кху беттан 26-чохь хIотто... Читать дальше...

Караулова Варвара набахтехь яккха тоьхначу хенал а хьалха маьршаяккхар доьхуш, цуьнан адвокато чуделлачу дехарна жоп делла Вологодск гIалин кхело аьлла, хаамбина адвокато Бадамшин Сергейс. Караулова жоьпалле озийнера "Исламан пачхьалкх" шех олучу тобанах дIакхета гIортарна. Кхело тIедожийна цунна, баттахь цкъа тIе а йогIуш, ша ехачу меттигера дIаса а ца йолуш хан яккха. Нагахь низамаш дохадахь, юха а декхаре йийр ю иза йисина хан набахтехь яккха, яздо ТАСС агенталло. Москварчу пачхьалкхан университетан... Читать дальше...

ГIалгIайчоьнан Iедалхоша лелочу политикана резабоцуш цхьааллин пикете ваьлла виъ стаг дIалаьцна Москвахь. Тверской а, Китай-гIала а олучу кIоштийн полицин декъашка балийна лецнарш. "МБХ медиа" гIирсе пикетехь дакъалаьцначу Аушева Фатимата дийцарехь, протестхойн карахь плакаташ хилла "ГIалгIайчоьнан къам коррупцина дуьхьал ду" аьлла йоза тIехь долу. Цо дийцарехь, уьш дIалецаран бахьана хилла, пикетехь лаьттачарна юкъахь 50 метар ца кхоччуш меттиг хилар, ткъа иза митингех долчу низамца бIостане ду. Читать дальше...

ГIалгIайн протесташкахь дакъалаьцначарна тIехIиттар доьхуш, дуккхаъчу инстанцешка дехарш а, дIахьедарш а дина шаьш аьлла, "Кавказ.Реалии" портале хаамбина цхьахволчу хьалханчас Погоров Ахьмада. "Оьрсийчоьнан омбудсмене Москалькова Татьяне а, бакъонашларъярхочуьнга Лев Пономаревга а, Москварчу Хельсинкан группе а, Оьрсийчоьнан Юкъараллан палате а, чоьхьарчу гIуллакхийн министралле а, Оьрсийчуьрчу бусулбачийн урхалле а девлла тхо. Массанхьа а гIо доьху оха - амма тхо хезаш стаг а вац", - аьлла Погоровс. Читать дальше...

Оьрсийчохь бакъболу къонахий спецназашкахь бен ца бисина аьлла, дIахьедина доьзалийн хеттаршкахула йолчу Патриаршин комиссин куьйгалхочо Смирнов Дмитрийс, орцан министраллан белхахошца хиллачу къамелехь. "30-чу шерашкахь хиллачу жимчу стагца таханалераниг вуьстича - вайн пачхьалкхехь спецназехь бен бисина бац бакъ болу стегарий", - аьллачу Смирновн дешнаш далийна "Интерфакс" агенталло. Кху заманан оьрсийн рекруташ къонахаллица къаьсташ бац, уьш "рекрутяташ" бу аьлла Смирновс. "Парадашкахь бIаьрг бетташ хуьлу со цаьрга - кегий... Читать дальше...

Оьрсийчоьнан миллиардеро Керимов Сулеймана ша ваьхначу гIалина сихаллин гIо кхачо медицинан 6 машен а, ши реанимобиль а елла совгIатна. Дербентерчу сихаллин лоьрийн гIо кхачочу станцин дола схьаялийна машенаш. Кху заманан мел оьшу реанимацин гIирс чохь болу машенаш ю уьш. Станцин коьртачу лоьро Мирзаханов Девлетхана билгалдаккхарца, керлачу машенаша а, Дербентан мэрин гIоьнца дIахIоттийначу керлачу сихаллин гIоьнан пункто а, таро лур ю нахана сихаллица орца кхачо.

Оьрсийчоьнан омбудсмено Москалькова Татьянас кхайкхамбина Вологодск гIалин кхеле, Караулова Варвара хенал а хьалха араяккхарна тIетар доьхуш. 4,5 шо хан тоьхна цунна "Исламан пачхьалкх" шех олучу тобанах дIакхета гIортарна. "МБХ медиа" гIирсо бина цунах хаам. Вологодскан кхело луьстур ду тахана Караулова араяккхар доьхуш, цуьнан адвокато чуделла кехат. Ша йоI кхеле ялор яц, видеозIе латтор ю цуьнца суьдхоша. Москварчу университетехь доьшуш хилла, "Исламан пачхьалкх" шех олучу тобанхойх дIакхета йоьдучуьра лаьцна... Читать дальше...

Йохьанца Парижерчу килсан тховх хьаьрчира цIе. ЦIе кхарстаран бахьанаш цкъачунна хууш дац, говзанчашна хетарехь, дукха хан йоццуш болийначу белхашца доьзна хила тарло иза.

Къилбаседа-Кавказан тIеман кхело набахтехь даккха ворхI шо хан тоьхна Нохчийчуьрчу 24 шо долчу вахархочунна Габзаев Шемална, шена бевзарш Шемарчу тIамехь дакъалаца ийзорна, яздо "Кавказский узел" агенталло. Талламчийн версица, Соьлжа-ГIалахь шена вевзачу шина накъостца цхьана а кхетта, и шиъ Шема ваха ира-кара хIитто гIиртина иза. Кхел йоьдучу юкъанна Габзаевс бехкаш тIе ца лаьцна. Ницкъаллийн структурийн белхахоша тIехь ницкъ а бина тIелацийтинера шега бехкаш аьлла, дIахьединера цо.

Дуьненан синбахамаллан тIаьхьалонан хIоллам лерина – Парижера килс (Собор парижской богоматери) ягарца доьзна дуьненаюкъарчу политикаша а, католикан килсийн лидерша а шаьш саготта хилар дIахаийтина Францин бахархошка. Катастрофа хиллачу меттиге кхаьчначу Францин президенто Макрон Эммануэла хIора францхочун "цхьа дакъалг" ду даьгнарг аьлла. "Тхан дог-ойла массо а католикашца а, массо а францхошца а ю. Вайн махкахой а санна, хIокху сарахь со чIогIа дог доьхна ву, вайн хIораннах а цхьа дакъалг охьахарцарна", - аьлла Макрона. Читать дальше...