Шера чохь 1,5 миллиард соьмана дебна Кадыровн фонд, Нохчийчуьрчу Соьлжан кIоштанна кхин цIе туьллур ю, ГIалгIайчохь кхо шо хьалха шайна динчу тIелатарх лаьцна Европан кхеле 8 арз чуделла бакъоларъярхоша. (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Къайлахчу сервисан (ФСБ) хьасташна тIе а тевжаш, ГIебарта-Балкхаройчуьрчу Чегем гIалахь контртерроран операци ю дIахьош, хаам баржийна ТАСС агенталло. "Iуьйранна 5 сахьт даьлча контртерроран хьоле дерзийна Чегеман цхьа дакъа", - аьлла хьасто. Оперативан штабера бинчу хаамца, гIаларчу цхьана цIа чохь экстремистийн тоба хила тарло аьлла болийна и барам. "Гезгмашин беттан 17-чохь талламаш дIахьочу низамхошка информаци кхаьчна, терроран тохарш дан кечлуш йолу тоба а, цуьнца зIе йолу нах а гулбала тарло Чегемерчу доларчу цхьана цIачохь... Читать дальше...
БIегIийла доцчу хьолехь гойтуш ву Шемара Оьрсийчоьнан тIеман полицин эскархо. Цунна тIехь боьлу Асад Башаран салтий. Ткъа иза ца кхетта Iаьрбаша шега бечу бегашах, вела а къежаш лаьтта. Амма цатайна шемахоша YouTube каналехула яржийна и видео Iаьрбийн мотт хууш болчу нохчашна. Iаьрбех дерг аьлча, уьш боьлу шаьш язъечу комментарешкахь.
Бакъоларъечу "Iазапна дуьхьалояран комитето" а, "Агора" а юкъараллашкарчу юристаша Европан кхеле делла 2016-чу шарахь ГIалгIайчоьнан а, Нохчийчоьнан а дозанашкахь журналисташна, бакъоларъярхошна тIелатарца доьзна арз. Европан конвенцица а догIуш, Оьрсийчоьно дохийна Iазапах стаг ларвен а, хетарг ала йолчу бакъонан а, зулам дуьззина талла декхаредеш долу а низамаш, боху кхелебевллачу юристашна. "Оха пхеа арздархочун цIарх дIакхачийна Европан кхеле документаш: уьш бу ши журналист, ши бакъоларъярхо, микроавтобус лелорхо Плиев Бешар а. Читать дальше...
Нохчийчоьнан парламенто шен 68-чу кхеташонехь бинчу хаамца а догIуш, кестта цо дийцаре дуьллур ду Нохчийчоьнан Соьлжан кIоштан депутаташа шайн кIоштанна керла, "Серноводский", цIе тилла дехар. Ишта хаам баржийна, спикерна Даудов Мохьмадан дешнашна тIе а тевжаш, "Нохчийчоь тахана" агенталло. Ала деза, изза цIе йолу "Соьлжан кIошт" ГIалгIайчохь а ю. Оцу хьоло кегари кхуллу кест-кеста, хьахочо билгалдаккха дезаш нисло, хьенан махкара ю юьйцу кIошт.
Кадыров Ахьмадан фондехь стохка кху хенахь хилла 2,22 млрд. сом ахча. Тахана иза ду, "Открытые медиа" портало бинчу тидамца, 3,68 млрд. сом. Алссам ахча даккха йиш йолуш, дуккха а бахамаш бу фондан долахь, масала, берраш а санна белхаш шайга дIаоьцу, миллиардаш мехах йолу тендорш долайоху фондерчу гIишлошъярхоша. Амма оцу бахамаша сом а ца делла фонданна. Шарахь 1,5 миллиард сом даьккхина фондо деккъа дIа таро йолчу нахера, "сагIийна". Оьрсийчуьрчу хьукматийн таронаш йовзуьйту "Контур.Фокус" база ю и тоьшалла дийриг. Читать дальше...
