Новости за 28.09.2019

Украинехь хиллачу Iамеркан Цхьанатоьхначу Штатийн леринчу векало Волкер Курта дарж охьадиллина, яздо Ассошиэйтед Пресс а, Рейтер а агенталлаша. Iамеркан иччархойн урхаллерчу цхьана анониман белхахочо президенто Трамп Доналда тIеIаткъам бина хила тарло Украинан президентна Зеленский Владимирна аьлла, артикл зорбане яьккхинчу шолгIачу дийнахь дIатесна цо шегара дарж. Документца а догIуш, Трампа дехар динера Зеленскийга, Iамеркан вице-президент хиллачу Байден Джонан кIанта Украинехь бинчу балха тIехь талламбе аьлла. Читать дальше...

Гуьржийчуьрчу лаьмнашкарчу Тушетехь бердах вахна велла Германера турист аьлла, пIераскандийнахь хаамбина гуьржийн орцан министралло, яздо "Интерфаксо". Урхаллан информацица, ворхI стагах лаьттачу кхечу пачхьалкхашкара баьхкинчу туристех гуппа вилспеташ тIехь Абано олучу дукъах дехьайовлуш хилла. Царех цхьаъ ву бердах вахнарг. Веллачу Германерчу туристан дакъа экспертизе кхачийна.

"Исламан пачхьалкх" шех олучу тобанхошна ахчанаш латтош хиллачу, ткъе иттех стаг юкъахь а волуш Москвахь вовшахкхеттачу машанех бинчу талламах керла хаамаш бовзийтина "Коммерсант" газетано. Йохка-эцаран "Горбушка" цIе йолчу центрехь лелийна телефонаш юхкучу жимчу стага долийна хилла ахчанаш вовшахдеттар. Мисара доьдучу Оьрсийн кеманна теракт дар бахьана долуш ца дIакхачанза висина хилла иза Шема. ГIебарта-Балкхаройчуьра Бегиев Алим ву, дийцарехь, Москварчу Талламан комитетан белхахошна хаавеллераг. Читать дальше...

Украинерчу полицино Оьрсийчоьнан Талламан комитетан дехарца лаьцна Нохчийчуьра 33 шо долу вахархо Илаев Амхьад Интерполон лехамашкахь вац. Цуьнан адвокатан Ангелов Иванан информацица, Украинерчу адвокатийн хаттарна жоп луш, Лионерчу Интерполон офисан урхалхочо куьйгъяздинчу жоьпехь бина цунах хаам. "Лионера кхаьчна тхоьга ишта кехат. Цо тоьшалла до, Илаев Украинерчу полицига Оьрсийчоьно тIедилларца лаьцна хилар", - хоуьйту Ангеловс. Цо билгалдаьккхина, Инарла прокуратуре а, Илаевн гIуллакхна... Читать дальше...

ГIалгIайн политикан тутмакхаш дIахецар тIедожош, пIераскандийнахь Санкт-Петербургехь цхьааллин пикет дIаяьхьна. ГIалгIайн тутмакхийн цIераш тIеязйина плакат а карахь Неван проспектехь лаьттира меттигера жигархо Кен Марина. "Питерехь тхо вест-кеста арадовлу бакъонашIалашъяран пикете, тIаьххьарчу хенахь коьрта тема хилла дIахIоьттина – политикан тутмакхаш. Кхин дIа а царех дуккха а дуьйцуш, даржон гIуртур ду тхо. Къаьсттина тидам тIебахийта луур дара ГIалгIайчоьнна. Хаамийн гIирсашкахь ледара дуьйцу царех лаьцна... Читать дальше...

Свобода Радион медиакорпорацин президенто Флай Джеймис дIахьедар дина, пачхьалкхан чоьхьарчу гIуллакхашна юкъагIертар толлу бохуш, Оьрсийчоьнан пачхьалкхан Думан комиссино шен леларца бахархойн йозуш йоцчу хаамийн хьостех пайдаэцарна дозанаш детта аьлла. Iедалша хIотто бакъо ца еллачу Москварчу митингехь дакъалаца аьлла, халкъе кхайкхамбина, Германин Deutsche Welle медиакорпорацино низам дохийна аьлла, пачхьалкхан Думас бинчу сацамех вистхилла Флай. "Бахархошна интересе болчу хиламех дуьйцуш, шайн... Читать дальше...