Новости за 19.09.2019

«Йохк-эцаран центрехь яьлла цIе шор ца йолуьйтуш, дIаяйина. Низамхойн информаци ю, стагга а лазийна вац, аьлла. Эладитанаш кхолла а, даржо а тIераболучарна хоуьйту, цIеяларх йолу информаци къайленехь яц, дисинарг дерриг а эладитанаш ду» - боху Кадыров Рамзана шен телеграм-каналехь. Соьлж-ГIаларчу йохк-эцаран а, садаIаран а «Гранд-Парк» центрехь цIеяьллера еарин сарахь. «Центран лахарчу гIат тIерачу цхьана туьканах летта цIе, кхераман шолгIа категори хIоттийна оха, тIеоьзна цIейойу техника», - элира орцанхоша журналисташка хьалхо. Читать дальше...

Соьлж-ГIаларчу йохк-эцаран а, садаIаран а «Гранд-Парк» центрехь цIеяьлла еарин сарахь. Оцу хьокъехь хаам баржийна РИА Новости агенталло, меттигерчу орцан урхаллина тIе а тевжаш. «Центран лахарчу гIат тIерачу цхьана туьканах летта цIе, кхераман шолгIа категори хIоттийна оха, тIеоьзна цIейойу техника», - аьлла орцанхоша. I2 техника а, 50 цIеяйархо а ву, цо бахарехь, бохам шор ца болуьйтуш хьийзаш. Йогучу чоьнийн дукхалла цкъачунна хьехош яц. Амма социалан машанашкахь даьржинчу видеотоьшаллаша а... Читать дальше...

Европан векал – Нохчийчохь, Шегахь хиллачу зудчунна урс диттина, Шаман дIакхочур вац Москох, Нохчийчу ваха новкъаваьлла Европан Кхеташонан Парламентан Ассамблеян векал, Урс диттина шен беран нанна Теховс. (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Нохчийчу ваха новкъаваларца Москох кхаьчна Европан Кхеташонан Парламентан Ассамблеян векал Швабе Франк Оьрсийчоьнан Пачхьалкхан Думин арахьарчу гIуллакхийн комитетан куьйгалхочуьнца Слуцкий Леонидца цхьаьнакхетта еарийдийнахь. И хаам бина журналисташка Слуцкийс, яздо РИА Новости агенталло. Карарчу беттан 18-20-чу денош ду парламентарийна Нохчийчохь адамашкарчу бакъонийн хьал зен къастийна. Цхьана декъанна, цуьнан хаа лаам бу махкахь мел маьрша бу стен-боршаллах боьхна нах.    "Мел бакъ ду хьажа... Читать дальше...

БуьрийтIехь 30 шарера ваьллачу Техов Вадима, шена тешаме яц аьлла, урс диттина шегахь марехь а хилла, ша йитинчу Гагиева Регинина кхаарийдийнахь, хаамбо "Кавказ.Реалиин" хьасташа. 22 шо долу Гагиева шен белхан меттехь, компьютерийн туьканахь, хилла Техов иза йолчу веача. Видеотергаман камераша гойту цо зудчунна хьалха телефон лестош а, кисанара урс хьаладоккхуш а, иттазза зудчунна логах тухуш а. Гагиева дуьхьало ян гIиртина, амма ца лараеллла. "Кавказ.Реалиига" Техов вевзачара дийцарехь, дуьххьара... Читать дальше...

Гезгамашин-бутт, аьхке чекхъяла лууш яц. Ткъа, даима а иза ма хиллара, ца лаьа хиланза ца йолучу гуьйренах а, кхин долчу ца хилча ца долучу хин долчух ойла ян.

Еарин буса Якутехь лаьцна, дIавигина Путин Кремлера "эккхо" араваьлла, Москох некъ эцна воьду шаман Габышев Александр, хаамбо "Сибирь.Реалии" проекто. Цо дийцарехь, Иркутск мехкан дозанерчу Выдрино юьртахь буьйса йоккхуш хилла иза, цуьнан Iойла йолчу массех машен еача. ТуьтмIаьжигашкахь болчу наха шен йийбар, духар чохь лелочу гIудалкхца цхьаьна иза дIавигина меттиг хууш яц. "Некъ къевлинера герзаш карахь долчу наха, сихха гобира шаманан а, цуьнца некъбечийн а четаршна. Иттаннашкахь бара баьхкинарш", - дуьйцу шаманца хиллачара. Читать дальше...

Тахана къастор ю кхелахоша Дагестанехь вице-премьер лаьттинчу Юсуфовн воI лацаран кеп, хаамбина низамхошларчу  "Кавказ.Реалиин" хьасташа. Селхана, Гезгмашин-беттан 18-чу дийнахь лаьцна иза. Шен ден адвокат Хасавов Дагир а санна, иза бехкево шен дена а, экс-премьерна Гамидов Iабдусаламна а ечу кхеланна тIеIаткъам бан, цига кхайкхинчу тешашка харцдерг дийцийта гIортарна. Селхханехь Москох кхачийна Юсуфов Вадим. Ткъа тахана Лефортоворчу кхело къастор ю иза жоьпе озош лоцу кеп. Цо тIе ца эцна шена бехк. Читать дальше...

Дуккха а шерашкахь Германерчу нохчийн диаспоран дахар толлуш схьайогIу социолог Кремер Марит. 1993-чу шарахь Берлинехь кхоьллинчу "Мемориал" организацехь  (Дуьненаюкъарчу "Мемориалан" дакъа) болх беш ю иза. Нохчийчуьра баьхкинчу мухIажирийн тIаьхьенан дахар, церан хьежамаш, интеграцино церан мехаллашна тIеIаткъамбар а толлу Марита. Миграцин Iедалхоша а, социалан хьукматашкарчу белхахоша а пайдаоьцу талламчас бечу балхах. Мел лахара а итт шерашкахь Германехь дIатарбелла бехачу нохчийн кегийрхой зуьйш, талламаш беш ю Марит карарчу заманчохь.