Новости за 12.01.2020

Инстаграме яьккхинчу видеотIерчу Гуьмса кIоштарчу жимчу стага Алмаскаев Хизира шена къинтIера баьхна Нохчийчуьра полисхой. "ЧП/Чечня" инстаграм-паблико шен пена тIехь зорбане яьккхина Алмаскаевс дIаязйина видео.   Камера хьалха хIоьттинчу кIанта ша Гуьмса кIоштарчу Ойсхарара ву боху. "Эвтарахь некъан полисхойн машен тIех йолучу заманчохь, "Дала йойла шун кхел", аьлла, айса дIаязйина видео тхайн группи чу кхоьсинера ас. Ледара хIума ду соьгара даьлларг, боьршачу стагехь товшдоцу. Массаьрга а сайна къинтIера довлар доьху ас"... Читать дальше...

Шоьтадийнахь Тегеранехь протестхойн акци дIаяьхьна пачхьалкхан урхаллана дуьхьал. Reuters агенталло бина цунах лаьцна хаам, меттигерчу Fars хьостан хаамашна тIе а тевжина. Цхьа наггахь бен арабовлуш бац гIажарой Iедална дуьхьал. Украинан пассажирийн кема шайн исламан революцин гIаролхойн Корпусо дохийна аьлла, Iедалхоша дIахьедар динчул тIаьхьа протесте бевллера бахархой. Юхьанца чIагIдора гIажаройн куьйгалло, кема доьхна хилла, мотор чохь цIе а яьлла бохуш. Инарлан Сулеймани Касема суьрташ этIадора гулбеллачара бохуш... Читать дальше...

Нохчийн блогерна Носаев Моххьамадна прокуратуре арздина Волгоградан кIоштан думан депутато Осипов Александра. Кху беттан 6-чохь майданахь 200 эзар сом кхоьсинера цо Инстаграмерчу шен агIоне язбеллаачу волгоградхошна. Фейсбукерчу шен пена тIехь яздина Осиповс, "бинчу талламо дерриг а шен метта дIанисдийр ду аьлла тешна ву со" аьлла. Социалан машанашкахь Альфредо Аудиторе аьлла, вевзачу блогеро "Мармелад" олучу центран хьалха гулбеллачу меттигерчу бахархошна юкха ахча кхоьсинера. Росгвардин белхахой а хиллера оцу акцин терго еш, лаьтташ. Читать дальше...

Терроризме кхайкхамаш бина аьлла, меттигера оппозиционер Ямадаев Карим лаьцна Набережные Челны гIалахь, хаамбо "Интерфакс" агенталло. Иза лаца бахьана хIоьттина, Оьрсийчоьнан президентна Путин Владимирна а, цуьнан пресс-секретарна Песков Дмитрийна а, "Роснефть" компанин куьйгалхочунна Сечин Игорна а тIехь кхел еш, кечйина видео ютьюбехь яржийча. Хьалхо полицехь болх бинчу жигархочо кхелахочун рол ловзош, дIадоьшу адамашна дуьхьал лелийна зуламаш бахьана долуш дина вердикт. Песков а, Сечин а вен кхайкхаво... Читать дальше...