Машанашка бийлар доьхкур ду нохчийн кегийрхошна
Нохчийчоьнан парламентан спикеро Даудов Мохьмада шога критика йина социалан машанашкахь хан йойучу мехкан бахархошна."Къоман ламасташца догIуш доцург" республикан Iедалша могуьйтур дац аьлла цо
Нохчийчоьнан парламентан спикеро Даудов Мохьмада шога критика йина социалан машанашкахь хан йойучу мехкан бахархошна."Къоман ламасташца догIуш доцург" республикан Iедалша могуьйтур дац аьлла цо
Оьрсийн оппозиционерна Навальный Алексейна Сахаров Андрейн цIарах долу "Маьршачу ойлане" преми делла Европарламенто. Хаам бина цунах лаьцна Свобода Радиога церан шина хьастано. Официалехь толамхо дIакхайкхор волуш ву кху деношкахь. Свобода Радионо хаам зорбане баьккхинчул тIаьхьа политика толам баккхарх лаьцна дIахьедина иза хьалхатеттинчу Европан халкъан партино а. Адамийн бакъонашкахула кхачош долу Сахаровн преми – Евробертан коьрта совгIат ду. Оьрсийн оппозиционеран кандидатура хьалхатттинера Европарламентерчу йоккхачу фракцино ... Читать дальше...
Юсупов Iилман "ПОЭТ" Нохчийчуьрчу цхьана кIоштахь дIадаханчу бIешеран 70-чу шерашкахь цхьа гIеххьа хенара стаг хилла яздан буьйлалуш болчу поэтийн могIаршка хIотта сатуьйсуш, республикехь мел йолчу редакцешка шен йозанаш почтехула дIатуьйсуш. Газетийн агIонашна тIехь масийтта стихотворени зорбане яьллачух «яздан волалуш волу поэт» олура оцу хенахь. Цхьаъ я шиъ киншка арахецначух «къона поэт» олура. Ткъа, тахана-м цхьа тайп-тайпанчу дешнех могIанийн цхьа гIучIа бинарг а «гIараваьлла поэт» лоруш берш а бу... Читать дальше...
Нохчийчоьнан парламентан спикеро Даудов Мохьмада шога критика йина социалан машанашкахь хан йойучу мехкан бахархошна, "Тик-Ток" къаста а еш. Инстаграмерчу шен агIонехь дIахьочу эфирехь дина хьаькамо оцу кепара дIахьедар. Даудовна ца тайна, нохчийн кегийрхой машанехь бевзаш боцучу шайн махкахошца-зудаберашца къамелашкахь хилар, "къоман ламасташца догIуш дац иза" боху цо. Спикеро кхерам тесна, социалан машанашкахь хан йойучарна, республикан Iедалша "оцу кепара социалан машанашкахь лелар" могуьйтур дац аьлла. Читать дальше...
Кху кIиранах дуьххьара юкъадаьккхина, билгалдаьккхира Оьрсийчохь Ден Де. Оцу денна лерина Маршо Радион корреспонденто хаттам бира Соьлжа-ГIалин урамашкахь: доьзал бухучу далахь, хьаьнца дисса деза бер – деца йа ненаца?
Терроризмана ахчанаш латтийна аьлла, бехкейинчул тIаьхьа Туркойчу дIаяхначу Ростов-ГIаларчу яхархочун Сухих Аленин кхо бер Таганрогерчу социалан хIусамера Ростоврчу номер 7 йолчу буоберийн цIийне дехьадаьхна. Оцу юкъанна, бахьана ца дийцина йа адвокате а, йа берийн нене а – хьалххе ца хаийтина йа буоберийн хIусаман куьйгалле а. Кавказ.Реалиица хиллачу къамелехь Сухих Аленас дийцина, буоберийн хIусамера хьелаш Таганрогерчу бераш тIеоьцийлехь хиллачух къаьсташ хиларх – коронавирус бахьана долуш гергарчийн аьтто хир бац царна тIекхача цигахь. Читать дальше...
ГIадужу-бетан 18-чохь Нохчийчохь дуьненчу дийлинчу божаберийн дайшна-наношна бIе эзар соьмаш делла совгIатна регионерчу Кадыров Ахьмадан цIарахчу фондан чоьтера. Акци лерина хилла Мохьаммад пайхамар винчу денна, яздо меттигерчу хаамийн гIирсаша. Бусулбачийн беттан рузмехь Мохьаммад пайхамаран вина де билгалдоккхуш ду кхозлагIчу беттан 12-чохь. Кху шарахь нисделлера и де ГIадужу-беттан 18-чохь. Нохчийчоьнан вице-премьеро Дааев Хож-Бауддис бахарехь, оцу дийнахь махкахь вина 67 кIант, царех 12 перинаталан центрехь. Читать дальше...
Могушалла Iалашъяран а, демографин а программаш кхочушъярна тIехь терго латточу Оьрсийчоьнан вице-премьеро Голикова Татьянас хьехна президентана Путин Владимирна, пачхьалкхехь ГIадужу-беттан 30-чу дийнера Лахьан-беттан 7-чу дийне кхаччалц мукъаденош хилийта аьлла. Цуьнан инициативана тIетайна премьер-министр Мишустин Михаил а. Оьрсийчохь яьржинчу коронавирусан инфекцин керлачу кепаца лаьттачу хьолана оцу барамо гIо дийр ду аьлла хета цунна. Эпидемиологин хьал эшначу регионашна бакъо ло тIедогIучу шоьтан... Читать дальше...