Новости за 06.02.2018

“Бүтүн Кыргызстан” партиясынын лидери Адахан Мадумаров учурда камакта жаткан саясатчылар акыйкатсыз соттолду деп эсептейт. Ал бүгүн Бишкекте маалымат жыйынын өткөрүп, өлкөдөгү коомдук-саясий абал тууралуу пикирин билдирди. Мадумаровдун пикиринде, Кыргызстанда сот системасы бир топтун кызыкчылыгы үчүн иштеп жатат:  - Эл да, саясатчылар да сотторго ишенбейт. Талгарбеков, Жапаров, Текебаевдер акыйкатсыз камалды. Соттор - бир кишинин колундагы камчы. Эмнеге соттоп жатышканын өздөрү да билбейт. ... Читать дальше...

Пакистандын Карачи шаарында белгисиз адамдардын огунан кытайлык бир киши каза тапты, экинчиси жарадар болду. Полициянын маалыматына караганда кол салууга кабылгандар Кытайдын жүк ташыган компаниясында иштечү. Куралчан кишилер алардын машинесине ок жаадырып, анан качып кетишкен.   Кол салуу үчүн эч ким жоопкерчилик ала элек. Окуянын себеби да азырынча түшүнүксүз. 14 миллион калкы бар Карачи Пакистандагы талибдер жана башка жоочулар баш калкалаган шаар болуп эсептелет. Былтыр май айында түштүк-чыгыштагы... Читать дальше...

Жогорку Кеңештин соңку жыйынында "Улуттук энергохолдинг" компаниясынын жетекчиси Айбек Калиев тууралуу кызуу талаш-тартыш болду.

Кыргызстанда өткөн айда бажы төлөмдөрү алда канча көп чогулду. Айрыкча Ош бажысы 10 эсе көп акча топтогону белгилүү болду.

АКШда Өкүлдөр палатасынын чалгындоо иштери боюнча комитети демократтардын эксперттери даярдаган жашыруун меморандумду жарыялоону колдоду. Документте республикачылардын "ФБР Доналд Трамптын шайлоо штабынын кызматкерлерин угуп турууга ордерди мыйзамсыз негизде алган" деген маалыматы төгүнгө чыгарылат. Демократтардын меморандумунда айтылгандай, ордер берген судьялар маалыматтардын бир бөлүгүн ФБР саясий максат көздөгөн булактардан алганын билишкен. Демократтардын комитеттеги жетекчиси Эдам Шифф... Читать дальше...

Журналист Кабай Карабеков президент Сооронбай Жээнбековдун доо арызы боюнча 5 миллион сом төлөнө электигинин себебин түшүндүрдү. Бүгүн “Азаттык” радиосунун суроолоруна жооп берип жатып ал: - Адегенде мага ошол акчага муктаж болуп жаткан үй-бүлөгө төлөө үчүн каражатты иштеп табышыма шарт түзүп беришсин. Андай шарт түзүп беришкен жок да. Мени сотко берүүгө эч кандай негиз жок болчу. Бул үй-бүлөгө акча керек болуп жатат деп эле түшүндүм. Былтыр сентябрда 24.kg сайтына Кабай Карабековдун "Сочиге сапар. Читать дальше...

Орусиялык дагы 32 атлет Спорт боюнча эл аралык арбитраждык сотко кайрылды. Алардын ишин 7-февралда 3 кишиден турган атайын комиссия карайт. Сөз болуп жаткан спортчулар Пхенчхангдагы оюндарга катышуу укугунан ажыраткан Эл аралык Олимпиада комитетинин чечимин талашууда. Арыз бергендердин арасында шорт-трек боюнча Олимпиада чемпиону Виктор Ан, биатлончу Антон Шипулин жана лыжачы Сергей Устюгов бар. Бул маалымат соттун сайтына бүгүн чыкты. Мурунку күнү болсо Эл аралык Олимпиада комитети буга чейин... Читать дальше...

Автоунааларды расмий тапшыруу 6-февралда Бишкектеги эски аянтта өттү. Иш-чарага премьер-министр Сапар Исаков, Жапониянын Кыргызстандагы элчиси Есихиро Ямамура жана БУУнун туруктуу өкүлү Озонниа Ожиело катышты. Автоунаалар жапон өкмөтүнүн колдоосу менен БУУнун Туруктуу өнүктүрүү программасынын алкагында берилди. Кичиавтобустар алыскы, тоолуу райондордогу айылдардын элине ыкчам мамлекеттик кызмат көрсөтүү үчүн колдонулат. Алар маалымат чогултууга жана каттоого зарыл атайын шаймандар менен жабдылат.

7-февралда түнкүсүн  Чүй, Талас, Ысык-Көл, Нарын облустарынын көпчүлүк аймактарында, Ош, Жалал-Абад, Баткен облустарынын кээ бир райондорунда кар жаайт. Күндүз кар айрым жерлерде жаайт. Жолдор тоңголок, тайгак болот. Батыш тараптан келген шамалдын ылдамдыгы секундасына 4-9 метрден, Ыссык-Көл акваториясында 15-20 метрге жетет. Абанын температурасы: Чүйдө түнкүсүн -10...-15, күндүз -3...-8; Таласта түнкүсүн -11...-16, күндүз -3...-8; Баткенде түнкүсүн -5...-10, күндүз -2...+3; Ош, Жалал-Абадда түнкүсүн -4...-9... Читать дальше...

Бразилиялык спортчунун быйыл октагонго чыкпайт турганы айтылды

Кыргызстандык укук коргоочулар тобу Жогорку Кеңешке жана акыйкатчы Кубат Оторбаевге кайрылып, журналисттердин укугун коргоону өтүнүштү. Жарандык активист Адил Турдукуловдун “Азаттык” радиосуна билдиргенине караганда, акыйкатчы эл алдына чыгып, миллиондогон доолор аркылуу сөз эркиндигине, журналисттерге жана укук коргоочуларга басым көрсөтүлүп жатканына байланыштуу билдирүү жасашы керек. Ошондой эле алар депутат Дастан Бекешовдун Жарандык кодекске сунуштап жаткан өзгөртүүлөрүнө юридикалык баа берилиши керек экенин... Читать дальше...

Жети-Өгүз районунун Кызыл-Суу айылында эки баласы шал оорусуна чалдыккан үй-бүлө өлбөстүн күнүн көрүп келет. Жубайлардын туруктуу жашай турган жери жок, бирөөнүн батиринде баш калкалап турушат. Алардын майып уулдары эл катары басып, чуркап ойносок деп кыялданат.

Бишкек шаарында курал колдонуу менен дүкөндү карактоого байланыштуу шектүү үч киши кармалды. Бул тууралуу Ички иштер министрлигинин басма сөз кызматы кабарлады. Билдирүүдө айтылгандай, 3-февралдан 4-февралга караган түнү Жал кичирайонунда жайгашкан дүкөнгө беткапчан белгисиз жарандар кирип келип, сатуучуну тапанча менен коркутуп 80 миң сомун алып кеткен. Факты боюнча Кылмыш-жаза кодексинин 168-беренеси ("Карактоо") боюнча кылмыш иши козголуп, иликтөө башталган. Ыкчам аракеттердин натыйжасында... Читать дальше...

Таласта 6-класстын окуучусунун өлүмү иликтенүүдө. Баштапкы маалыматка караганда, ал асынып алган. Окуя жекшемби күнү болгонун "Азаттыкка" жергиликтүү бийлик өкүлдөрү тастыкташты, бирок анын себеби азырынча тактала элек экенин кошумчалашты. Маркум бала Талас районунун Көпүрө-Базар айылындагы Рысбек Айдаралиев атындагы орто мектепте окуп жаткан. Анын асынган сөөгү өз үйүнөн табылган. Күч органдары бул окуя боюнча маалымат бере элек.  Жакында эле Кара-Сууда 7-класстын окуучусу асынып алганы кабарланган. Читать дальше...

Чыгармачыл адамдардын автордук укуктарын коргоого кепилдик берет деген жаңы долбоор ишке кирди. Эми Кыргызстанда телерадиолордон уктурулган чыгармаларды компьютердик программанын негизинде так эсептеп, авторлорун аныктаса болот.

Бишкектин мэри Албек Ибраимов жергиликтүү депутаттардын “ТЭЦтеги авария убагында шаар башчы элге көрүнбөй койду” деген дооматтарына жооп кайтарды. “Улам эле телевизорго чыккыдай мен диктор эмесмин” деген мэр авария маалында 2162 кабат үйдө жылуулук жетишсиз болгонун, бул шаар тургундарынын 85% түзөрүн билдирди. Анын маалыматына караганда, “түнкүсүн -26га чейин түшүп кетип жаткан аба үйдүн ичинде температураны тиешелүү деңгээлде кармап турууга мүмкүнчүлүк берген жок”.  - 208 жерде электр өчтү... Читать дальше...

Ош облусунун Араван районунун мурдагы имам-хатиби эл аралык террордук уюмдарга тиешеси бар деген шек менен кармалды. Бул тууралуу Улуттук коопсуздук боюнча мамлекеттик комитеттин басма сөз катчысы Рахат Сулайманов “Азаттыкка” билдирди. Анын айтымында, диниятчы Кыргызстандын аймагында террордук иш-аракеттерди жасаган деп шек саналууда. Сулайманов ошондой эле факты боюнча иликтөө жүрүп жатканын, кошумча маалыматтар кийинчерээк берилерин кабарлады. Имамдын аты-жөнү жүйөлүү себептерге байланыштуу айтылган жок. Читать дальше...

Мелдештин биринчи күнү чоңдор күч сынашса, кийинки күнү балдар беттешет.

Президент Сооронбай Жээнбеков Бишкектеги Мамлекеттик тарых музейине “улуттук статус ыйгаруу жөнүндө" жарлыкка кол койду. Бул тууралуу президенттик  аппараттын маалыматтык саясат бөлүмү кабарлады. Билдирүүдө айтылгандай, “улуттук” статусун ыйгаруу Кыргызстандын өнүгүшүнүн негизги баскычтарын чагылдырган уникалдуу экспонаттардын коллекциялары коюлган маанилүү маданий объект катары музейдин маанисин билдирип турат. Бул чечим ошондой эле музейди башкаруу системасын оптималдаштырууга, анда иштеген... Читать дальше...

Бишкек Жылуулук электр борборун модернизация кылууда бир МВттын баасы 1 млн 219 миң долларга айланган.

Оштун мэриясы шаар бюджетинен бөлүнгөн 50 миң сомго бодо мал сатып алып, союп көргөндөн кийин шаарда эттин баасын арзандатты. Бул тууралуу Ош шаарынын биринчи вице-мэри Замир Аскаров “Азаттыкка” билдирди. - Шаарда эттин баасы 330-340 сомдон сатылып жатканы тууралуу бизге көп арыз түшкөн. Биз мэриядан, Антимонополия жана башка кызматтардан түзүлгөн, тогуз кишиден турган комиссия түздүк. Уй сатып алып, аны касапканада союп, бир килограммын калтырбай сатып, касапчынын чыгаша менен кирешесин изилдедик. Читать дальше...

Бишкекте жылуулукту борбордук системадан алган жарандардан январь айынын беш күнү үчүн акы алынбайт. Бул тууралуу бүгүн шаардык кеңештин сессиясында айтылды. “Бишкекжылуулуктармагы” ишканасынын абоненттеринин январь үчүн төлөмүн кыскартуу чечими бир нече күн батирлерде жылуулук тиешелүү деңгээлде болбогонуна байланыштуу кабыл алынды. Мындан тышкары, “Түндүкэлектр” ишканасынын Бишкектеги абоненттерине да ушундай жеңилдик берүү сунушу айтылды. 26-январда Бишкек ТЭЦинде авария болуп, жылуулук берүү дээрлик токтогон. Читать дальше...

Кыйноого шектелген милиция кызматкерлерине карата чыккан баштапкы сот өкүмү күчүндө калды. Бул тууралуу “Азаттыкка” Кыйноолорго каршы коалициянын өкүлдөрү кабарлашты. 2009-жылы эки жаранды милиционерлер “адам өлтүрдү” деген шек менен кармап кетишкен. Кийин алар күч кызматкерлеринин кыйноосуна кабылганын айтып чыгышкан. 2016-жылдын 7-октябрында Бишкектин Октябрь райондук соту беш милиционерди айыптуу деп таап, соттогон. Бирок 2017-жылдын октябрь айында Бишкек шаардык соту алардын экөөнү актаган. Читать дальше...

Ала-Бука районунда өзбек чек арачыларынын огунан жарадар болгон Асан Үсөнбаев окуя боюнча жаңы жагдайларды ачыкка чыгарды. Ал Өзбекстандын аймагына өтүп кеткенин четке кагып, аны коңшу өлкөнүн аскерлери Кыргызстанга кирип келип атканын айтууда.

Бишкек шаардык сотунда депутат Аида Салянованын адвокаты Рабига Садыкова жарыш сөзгө даярдануу үчүн кошумча убакыт сурады. Ал жалпы иш 12 томдон турарын, анын ичинен 8 тому менен гана таанышууга  жетишкенин айтып, калгандарына түшкө чейин убакыт сурады. Буга судья Ирина Воронцова каршы чыгып, соттолуп жаткан тараптын ишти атайылап созуу аракети катары баалады. Жыйынтыгында сот кошумча убакыт бербестен, жарыш сөздү баштады. Мындай чечимге нааразы адвокат судьянын одоно мамилесин Соттор кеңешинде талкуулоо керектигин айтты. Читать дальше...