Новости за 06.03.2023

د اوکراین ولسمشر ولودمیر زلنسکي ومنله چې، د دغه هېواد په ختیځ دونباس سیمه کې روانه جګړه دردوونکې او چلنجوونکې ده. روسي ځواکونه هڅه کوي، بخموت ښار چې په تېرو څو میاشتو کې د روسیې د توپونو په ډزو زیات ویجاړ شوی، کلابند کړي. زلنسکي پرون ناوخته په خپله ورځنۍ ویډیو کې وویل: زه غواړم په دونباس سیمه کې د جنګېدونکو سرتېرو د زړورتیا، پیاوړتیا او مبارزې ځانګړی قدردانی وکړم. هغه په دې سیمه کې روانه جګړه تر ټولو سخته، دردوونکې او پېچلې وبلله. دغه جګړه د بخموت ښار پر شا و خوا متمرکزه ده، هغه ښار چې شا... Читать дальше...

د انګلستان فوټبال پریمیر لیګ په یوې سیالۍ کې د لېورپول فوټبال کلب مانچسټر یونایټیډ ته ۷-۰ ماتې ورکړه. دغه سیالي د مارچ په ۵مه نېټه د شپې ناوخته د لېورپول ښار په انفیلډ لوبغالي کې ترسره شوه. لېورپول لوبډلې د لوبې په لومړۍ نیمایي کې یوازې یو ګول و، خو د لوبې په پاتې ۴۵ دقیقو کې یې ۶ ګول ووهل. په دې سیالۍ کې د لېورپول لپاره محمدصلاح، کودي ګاکپو او ډاروین نونیاز دوه - دوه او روبېرټو فیرمیانو یو ګول وواهه. د مانچسټر یونایټیډ لوبډله د لوبې ترپایه په ګول وهلو بریالۍ نه‌شوه. لېورپول لوبډلې د دې... Читать дальше...

د پاکستان غوره لیګ یا پي‌ایس‌ایل په ۲۱مه لوبه کې چې د یکشنبې په ماښام د مارچ په ۵مه نېټه ترسره شوه، افغان چټک توپ اچونکي فضل‌حق فاروقي د لوبې د غوره لوبغاړي جایزه وګټله. فاروقي چې د اسلام‌اباد یونایټیډ په لوبډله کې لوبیږي، په ۴ اورونو کې یې ۲۵ منډې ورکړې او ۳ لوبغاړي یې وسوځول. نوموړي د انګلستاني ویل سمید، یاسرخان او محمد نواز وېکټې د لوبې په پیل او مهمو شېبو کې وسوځولې. دغه راز په دې سیالۍ کې بل افغان لوبغاړي نجیب الله ځدراڼ نیمه سلیزه ووهله. ښاغلی ځدراڼ چې د کویټې ګلیډیټرز په لوبډله کې... Читать дальше...

په کندز کې د سوک‌وهنې ملي لوبډلې ته د لوبغاړو د غوراوي سیالیو د یوولسم پړاو اتلولي د کابل لوبډلې ترلاسه کړه. دا سيالۍ چې د سوک‌وهنې ملي لوبډلي ته د لوبغاړو د غوراوي په هدف د ۲۵ ولایتونو د لوبغاړو ترمنځ ترسره شوې، اتلولي د کابل لوبډلې ترلاسه کړه. په شمال ختېځ زون کې د سوک‌وهنې د فدراسیون مسوول نصیراحمد ازادي راډیو ته وویل: "په دې سیالیو کې د ۲۵ ولایتونو د کیک بوکسینګ ورزشکارانو ګډون کړی و او په دې شپږ ورځینو سیالیو کې کابل لومړی مقام، کندز دویم مقام او بلخ درېیم مقام ترلاسه کړ. دا سیالۍ چې د کندز... Читать дальше...

پرنټ هندي ورځپاڼه: پرنټ هندي ورځپاڼې، د پاکستاني طالبانو د خطر په اړه یو راپور خپور کړی دی. په دې راپور کې ویل شوي دي، تحريک طالبان پاکستان (ټي‌ټي‌پي)د افغان طالبانو متحده جنګي ډله نه يوازې د افغانستان پولې سره نږدې، په قبایلي سیمو بلکې په نورو ځايونو کې هم د نفوذ په حال کې ده. په راپور کې راغلي چې TTP پرته له هیڅ ډول محدودیت څخه په افغانستان کې خوندي پټن‌ځایونه لري. په دې راپور کې دا هم راغلي، چې په افغانستان کې د طالبانو له بیا ځلي واکمنېدو راهیسې، تحریک طالبان پاکستان په پاکستان کې د پولیسو... Читать дальше...

د پاکستان پولیس پرون ونه توانېدل چې، پخوانی صدراعظم عمران خان چې د توقیف حکم یې صادر شوی، ونیسي. د پاکستان پولیسو وویل، پرون له اسلام اباده  لاهور ته د عمران خان کور ته چې د هغه ملاتړو شاوخوا محاصره کړی و، ورسېدل خو د هغه په نیولو بریالي نه‌شول. د عمران خان د نیولو حکم وروسته له هغې صادر شو چې نوموړی د فبرورۍ په ۲۸مه د فساد په یوه قضیه کې محکمې ته حاضر نه‌شو. عمران خان تورن شوی دی چې، د واکمنۍ پر مهال یې دولتي سوغاتونه په پټه پلورلي دي.

د ملګروملتونو د خوړو او کرنې اداره یا FAO په بادغیس کې له زیان‌ګالو مالدارانو سره د مرستې خبر ورکوي. دغې ادارې پرون په یوه ټویټ کې ویلي چې، د اسیایي پراختیایي بانک په ملاتړ په بادغیس ولایت کې هغو ۴۵۰۰ زیان‌ګالو مالدارو کورنیو ته ۲۲ نیم ټنه واښه برابروي چې، هم یې د وښو زېرمې زیاتې شي او هم یې ورسره د خوړو خوندیتوب ښه شي. دغې ادارې همدارنګه ویلي، د څارویو د سالمې ساتنې او تولید د دوام لپاره خورا مهمه ده چې خوراکي مواد د لاس‌رسي وړ وي. بادغیس یو د افغانستان له هغو ولایتونو دی چې، ډېری خلک یې پر... Читать дальше...

د ماشومانو لپاره د ملګروملتونو د صندوق يا یونېسف د تغذیې د برخې مسووله میلاني ګالوین وایي، د تېرې ډسمبر میاشتې په پرتله په جنوري میاشت کې په افغانستان کې پر حادې خوارځواکۍ اخته د هغو ماشومانو شمېر شل سلنه کم شوی چې بستري شوي دي. نوموړې پرون په څو ټویټونو کې ویلي، دا په دې معنا نه‌ده چې په دې هېواد کې په خوارځواکۍ د اخته ماشومانو شمېر کم شوی بلکې په ژمي کې چې هوا سړیږي او لارې بندیږي، میندې او پلرونه د تغذیې مرکزونو ته د خپلو ماشومانو په وړلو کې له ستونزو سره مخ وي. هغې د یوې بلې ستونزې یادونه... Читать дальше...

د افغانستان لپاره د اروپایي ټولنې استازی توماس نېکلاسن وایي، افغانستان ته یې سفر پای ته ورساوه او د قطر پلازمېنې دوحې ته ستون شو. نېکلاسن پرون په یوه ټویټ کې یوازې دومره ویلي چې، افغانستان ته په دې سفر کې چې تقریبا یوه اوونۍ یې دوام وکړ، په کابل کې او کندهار کې یې د ده په خبره ډېرې جالبې غونډې درلودې. هغه په دې اړه نور جزیات نه‌دي ورکړي خو پرون یکشنبې یې په کابل کې وویل، له طالب چارواکو سره په خبرو کې یې د نورو موضوعاتو ترڅنګ د افغانستان د اوسني بحران د حل لپاره د افغانانو ترمنځ د خبرو په ترسره کېدو ټینګار وکړ. Читать дальше...

د ملګروملتونو د بشري مرستو د همغږۍ اداره یا اوچا وایي، ښځې په غیر دولتي مؤسسو کې له ۳۵ نه تر۴۰ سلنې پورې د کاري ځواک برخه تشکيلوي او هغوی په افغانستان کې د مرستې رسولو د عملیاتو یوه لازمه برخه ده. خو اوچا پرون یکشنبې په یوه ټویټ کې ویلي چې، دوه میاشتې مخکې ښځې له دې کار څخه راګرځول شوې دي. اوچا د خدیجې په نوم په کابل کې د یوې ځوانې مرستندویه کارکونکې یادونه کړې چې هم راتلونکې ته ویره او هم هیله لري. دا یوازې خدیجه نه‌ده بلکې د طالبانو دغې پرېکړې ډېری ښځې په تېره هغوی چې د خپلې کورنۍ نفقه ګټونکې دي، له ورته حالت سره مخامخې کړي دي. Читать дальше...

د طالبانو د لوړو زده‌کړو وزارت له اعلان سره سم نن د افغانستان په سړو سیمو کې د پوهنتونونو دروازې يوازې د نارينه د محصلانو پرمخ پرانیستل کېږي. د لوړو زده‌کړو وزارت وياند حافظ ضياءالله هاشمي په يوه ويډيويي پيغام کې ويلي: "د افغانستان د اسلامي امارت د لوړو زده‌کړو د رهبرۍ شورا د پرېکړې مطابق به ان شاالله د روان کال د کب په پنځلسمه د افغانستان سرد سیرو ولایتونو پوهنتونونه به انشاالله و تعالی شروع کېږي. ټول محصلین دې په همدې یاد شوي تاریخ باندې درسو ته ځانونه حاضر کړي." د لوړو زده کړو ویاند حافظ ضياءالله... Читать дальше...