د کندهار اوسېدونکې د اوبو د کمښت سره مخ دي او دا ستونزه ورځ تر بلې په پراخېدو ده. د دغه ولایت اوسېدونکي اړ دي چې د اوبو راوړلو لپاره څو کیلومتره مزل وکړي او هلته د څښاک اوبو د ترلاسه کولو په خاطر ساعتونه ساعتونه د اوبو خیریه ذخیرو ته په نوبت ودرېږي. بلخوا د کندهار د اوبو رسولو ریاست مسوولان وايي، د کندهار ښار د اتیا زره کورنیو څخه یوازې شاوخوا ۹ زره کورنیو ته اوبه رسولي دي. نور جزییات د لاندې لېنک په کېکاږلو سره اورېدلی شئ:
په مراکش کې د جمعې ورځې د زورورې زلزلې په نتیجه کې د مړو شمېر پرون یکشنبه ۲۱۲۲ ته ورسېد. په دغه هېواد کې ژغورونکي لا هم تر نړېدلو ودانیو لاندې په نورو ژوندیو پاتې شویو کسانو پسې د پلټنې عملیات پرمخ بیايي، خو په ځینو غرنیو سیمو کې د دوی کارونه له خنډ سره مخامخ شوي دي. اټکل کېږي چې د مړو او ټپیانو شمېر به لا پسې زیات شي. د مراکش د کورنیو چارو وزارت د پرونیو شمېرو له مخې، په دې زلزله کې د ټپیانو شمېر ۲۴۲۱ ته رسېدلی دی. تېره شپه هم د مراکش په مراکش نومې سیمه کې خلکو په خلاصه فضا کې تېره کړه.
د اسراییل یوې ورځپاڼې راپور ورکړی چې د اسراییل د استخباراتي ادارې مشر پرون ویلي، د ایران لهخوا روسیې ته د میزاییلو د ورکولو هڅې شنډې کړای شوي دي. د ټایمز اف اسراییل له راپور سره سم د موساد ادارې مشر ډیویډ بارنیا په اسراییل کې د تروریزم ضد کلني کنفرانس ته په وینا کې دا توضیحات ورنه کړل چې د میزایلو ورکولو دغه هڅې څنګه او د چا لهخوا ټکنۍ شوې دي. هغه د جزییاتو له ورکولو پرته ویلي: "زه داسې احساس کوم چې ډېر ژر به نورې موافقې هم شنډې شي." روسیې د میزاییلو په ګډون د نورو مهماتو ترلاسه کولو لپاره... Читать дальше...
د زده کړې د فعالې او د نوبل د سولې د جایزې د ګټونکې ملالې یوسفزۍ پلار ضیاالدین یوسفزی له یو شمېر هغو افغان ښځینه فعالانو سره یوځای شو چې په جرمني کې یې د ډوډۍ نه خوړولو اعتصاب کړی دی. یوسفزي پرون یکشبنې په خپله ټولنیزه شبکه ایکس کې له خپل یوه تصویر سره لیکلي چې د جرمن کولن ښار ته ځي چې د ده په وینا، د زړورو افغان ښځو د خوړو نه خوړلو له اعتصاب سره یوځای شي. هغه زیاته کړې چې له نړیوالې ټولنې غواړي، افغانستان د هغه ځای په توګه وپېژني چې په کې جنسیتي اپارټایډ حاکم دی. د جرمني په کولن ښار کې د یو... Читать дальше...
د خوړو نړیوال پروګرام یا 'ډبلیو ایف پي' ویلي چې که په افغانستان کې زیانګالو خلکو ته مرستې ونه رسېږي، د دې هېواد میلیونونه وګړي به په راروان ژمي کې خپلو سیمو پرېښودو ته اړ شي. د دې پروګرام د کاناډا څانګې پرون یکشنبې په خپله ایکس شبکه کې د افغانستان لپاره د دې پروګرام د عملیاتو د مشرې 'هسیو وي لي' یو ویډیویي پیغام خپور کړی چې نوموړې په کې ټینګار کړی چې د افغانستان په میلیونونه وګړي د راروان سخت ژمي لپاره تیاری نه لري. هغې له بسپنه ورکوونکو هېوادونو وغوښتل چې هر څومره ژر چې کېدای شي د خوړو له نړیوال... Читать дальше...
د ملګرو ملتونو د بشري چارو د همغږۍ اداره یا اوچا وایي، روان ۲۰۲۳ کال د بودیجې شدید کموالی سبب شوی چې سل زره افغانان لومړنیو روغتیایي خدمتونو او تغذیې ته محدود یا هم هېڅ لاسرسی ونه لري. د دې ادارې د افغانستان څانګې پرون یکشنبې په خپله ټولینزه شبکه ایکس کې لیکلي چې د مالي سرچینو د وچېدو په نتیجه کې دغه راز په هغو ولایتونو کې چې لومړیتوب ورکړل شوی، له پنځو کلونو کمعمره ۳۶ زره او شپږسوه ماشومان د تغذیې د پیاوړي کېدو لپاره د خوراکي موادو له بستو پاتې شوې دي. د اوچا په وینا، که د بودیجې کموالی دوام... Читать дальше...
د کډوالۍ نړیوال سازمان یا 'آی او ایم' وایي، په هرات ولایت کې یې ټیمونو د اوبو شل لاسي بمبې رغولې چې کولای شي له لس زره زیاتو کسانو ته پاکې اوبه برابرې کړي. د دې سازمان د افغانستان څانګې پرون یکشنبې په خپله ټولنیزه شبکه ایکس ويلي چې ۷۹ سلنه افغانان کافي د څښلو اوبو ته لاسرسی نه لري. د کډوالۍ نړیوال سازمان که څه هم نه دي ویلي چې دغه بمبې یې د هرات په کومو سیمو کې رغولې خود نذیر په نوم د هرات د یوه اوسېدونکي څرګندونې یې هم رااخیستي چې ویلي یې دي: "اوس کولای شو چې اوبه راوباسو، پرته له دې چې تر تېز... Читать дальше...
د اوکراین چارواکو پرون وویل چې د دې هېواد په ختیځ کې د روسیې په بریدونو کې دوه بهرني مرستندویان وژل شوي او دوه نور یې ټپیان شوي دي. د راپورونو له مخې د د دغو بهرنیو مرستندویانو پر موټر د سپټمبر په نهمه چاسیو یار ښار ته نژدې د روسیې له خوا برید شوی و. د روډ تو ریلییف موسسې په یوه اعلامیه کې ویلي چې بهرني مرستندویه کارکوونکي چې په دغه برید کې وژل شوی، یو یې کاناډایی او بل یې هسپانیایی پېژندل شوي او ټپیان هم د جرمني او سویډن اتباع دي. روسي چارواکو تر اوسه د دغې ادعا په اړه څه نه دي ویلي. روسیې... Читать дальше...
د فرانسې ولسمشر په هند کې د جيشل ډلې په سرمشریزه کې له ګډون وروسته د بنګلهدېش پلازمېنې ډاکه ته ورسېد. د فرانسې د ولسمشر ایمانویل مکرون د سپرلۍ الوتکه پرون ماښام د پلازمېنې بنګلهدېش په نړیوال هوایي ډګر حضرت شاه جلال کې کېناسته. د مکرون هرکلي ته د بنګلهدېش صدراعظمه شیخ حسینه هوایي ډګر ته ورغلې وه. د جرمني د خبري آژانس د راپور له مخې ټاکل شوې چې د فرانسې ولسمشر او د بنګلهدېش صدراعظمه به نن دوشنبي په غونډه کې د سوداګرۍ، پانګونې، قانوني مهاجرت، امنیت، پایداره پرمختګ او د اقلیم د بدلون د اغېزو په ګډون پر یو لړ موضوعاتو خبرې وکړي. Читать дальше...
نن پر امریکا د ۲۰۰۱ کال د سپټمبر د ۱۱مې ترهګریزو بریدونو ۲۲ کاله پوره شول. امریکایي متقاعد جنرال فرانک مککنزي چې په افغانستان کې یې د دغې جګړې د پای ته رسولو چارې سمبالولې په دې باور دی چې د امریکا د ولسمشر جو بایډن تګلاره یوه لویه تېروتنه وه چې د ده په خبره تاریخي پایلې به ولري. د امریکایي ځواکونو د مرکزي قومندانۍ دغه پخواني قومندان دغه څرګندونې له امریکایي فاکس نیوز سره په تازه مرکه کې چې د شنبې په ورځ خپره شوې، کړي. نوموړي ویلي، دی ډېر خواشینی په دې دی چې ولې دغه جګړه په افغانستان کې دا ډول پای ورسېده. Читать дальше...
واشنګټن پوسټ: واشنګټن پوسټ ورځپاڼې د ملګرو ملتونو د مخدره موادو ادارې د یوه راپور له قوله لیکلي چې د یکشنبې په ورځ خپور شوی او په کې راغلي چې افغانستان په نړۍ کې د میتامفیتامین تر ټولو چټک تولیدونکی هېواد دی. په مقاله کې راغلي چې که څه هم طالبانو د ۲۰۲۱کال په اګست کې واک ته له رسېدو وروسته د مخدره توکو پر وړاندې مبارزه اعلان کړې، خو بیا هم د ملګرو ملتونو په راپور کې راغلي چې د افغانستان د تریاکو او هیرویینو لوی تولیدونکی هم دی. مقالې د راپور په حواله لیکلي چې په افغانستان کې د میتامفیتامین... Читать дальше...
