Türkmenistanda BBC, Reuters ýaly çeşmeleriň saýtlaryny we sosial ulgamlary öz içine alýan azyndan 133 saýt petikli
Täze barlagyň netijelerine görä, Türkmenistanda häkimiýetler azyndan 133 saýty petikli saklaýar.
Täze barlagyň netijelerine görä, Türkmenistanda häkimiýetler azyndan 133 saýty petikli saklaýar.
Geçen hepde Türkmenistanyň prezidenti Gurbanguly Berdimuhamedow döwlet-edara kärhanalarynda aýlyklaryň ýokarlandyrylmagy barada permana gol çekenden soň, ýurduň bazarlarynda harytlaryň bahalary ýene-de gymmatlady.
Azatlyk Radiosynyň habarçylarynyň we çeşmeleriniň sözlerine görä, goşa raýatlyga eýe bolan adamlaryň Türkmenistanyň daşary ýurt pasportyny almak üçin migrasiýa gullugyna ýüz tutanlarynda dokumentler çäklendirmeler bilen kabul edilýär. "Aşgabatda Orsýetiň raýatlygyny 2015-nji ýylyň maý aýyndan soň alan şahslaryň dokumentlerini kabul etmekden ýüz öwürýärler. Dokumentler kabul edilende, karara entek gol çekilmändigi duýdurylýar we muňa haçan garaşmalydygyny aýtmaýarlar" diýip, gizlinlik şertlerinde söhbetdeş bolan çeşmämiz aýdýar. Читать дальше...
Gyrgyzystanyň ozalky prezidenti Almazbek Atambaýew Içeri işler ministrliginiň Bişkekdäki edarasyna aýdyňlaşdyrylmadyk jenaýat derňewi boýunça soraga gelmek baradaky çagyryş hatyna boýun bolmakdan ýüz öwürdi. Gyrgyzystanyň Içeri işler ministrliginiň resmileri çagyryş hatyny Atambaýewiň Bişkegiň etegindäki Koi-Taş obasyndaky jaýyna 8-nji iýulda gowşurdylar. Dokumentde Atambaýewiň 9-njy iýulda jenaýat derňewi boýunça “şaýat hökmünde” polisiýa gelmelidigi aýdylýar. Emma iş bilen baglylykda başga goşmaça maglumat berilmeýär. Читать дальше...
Türkmen pälwanlary Madridde geçirilen erkin göreş boýunça “Ispaniýanyň Gran-pri” halkara ýaryşynda bir altyn we bir bürünç medallary almagy başardylar. 5-8-nji iýul aralygynda geçirilen ýaryşa dünýäniň 47 ýurdundan türgenler, şol sanda Türkmenistandan hem üç sportsmen gatnaşdy diýip, TDH habar berýär. Balkanabat şäheriniň sport mekdebiniň tälimçisi Batyr Borjakow 70 kilogram derejesinde bäsdeşlerinden üstün çykyp, altyn medaly eýeledi. Türkmen döwlet bedenterbiýe we sport institutynyň 5-nji... Читать дальше...
Gürjüstanyň oppozisiýa tarapyndan dolandyrylýan Rustawi-2 tele-kanaly žurnalist Giorgi Gabuniany – onuň rus prezidenti Wladimir Putine garşy aýdan gödek we paýyş sözleri üçin – 2 aý möhlet bilen işinden çetleşdirdi. 8-nji iýulda Rustawi-2 özüniň efirini alty sagat kesipdi. Mundan öň, ýüzlerçe demonstrant žurnalistiň Putin baradaky belliklerine garşy protest geçiripdi. Giorgi Gabunianyň “Postscript” gepleşiginde rus dilinde eden bellikleri gürji prezidenti Salome Zurabişwili tarapyndan “prowokasiýa” atlandyrylyp, ýazgaryldy. Читать дальше...
Gibraltaryň kenar ýakalarynda Eýranyň nebit tankeriniň Britaniýanyň deňiz güýçleri tarapyndan ele geçirilmegi “jogapsyz galdyrylmaz” diýip, Eýranyň harby güýçleriniň baş ştabynyň başlygy, general-maýor Mohammad Bagheri belledi. “Eýranyň nebit tankeriniň toslama aýyplamalar esasynda ele geçirilmegi... jogapsyz galdyrylmaz. Zerur halatynda Tähran degişli jogaby berer” diýip, Bagheri 9-njy iýulda çykyş etdi. 4-nji iýulda britan deňiz güýçleri Gibraltaryň kenar ýakalarynda Eýranyň Grace 1 supertankerini... Читать дальше...
Russiýanyň Inguşystan regionynyň ozalky başlygy Russiýanyň goranmak ministriniň orunbasary wezipesine bellenildi. Rus prezidenti Wladimir Putiniň 8-nji iýulda kabul eden kararyna laýyklykda, Ýunus-Bek Ýewkurowyň harby çini hem general-leýtenant derejesine çenli ýokarlandyryldy. Inguşystana 11 ýyllap ýolbaşçylyk eden Ýewkurow wezipesinden geçen aý çekilipdi. Inguşystanda goňşy Çeçenistan bilen ýer böleklerini çalyşmak baradaky dawaly ylalaşykdan soň tolgunmalar döräpdi. 2018-nji ýylyň sentýabrynda Ýewkurow we çeçen lideri Ramzan Kadyrow... Читать дальше...
ABŞ-nyň Owganystan boýunça ýörite wekili Zalmaý Halilzad ABŞ-“Talyban” gepleşikleriniň soňky tapgyrynyň “iň netijeli” bolandygyny aýtdy. Azatlyk Radiosyna beren interwýusynda Halilzad “uly progresiň” gazanylandygyny hem belledi. Halilzad Katarda geçýän Owgan-ara dialogynyň ilkinji gününiň jemleri boýunça, ýagny 7-nji iýulda Azatlyk Radiosynyň Owgan gullugyna interwýu berdi. Iki günläp dowam etjek Owgan-ara dialogyna ilkinji gezek owgan hökümetiniň resmileri hem gatnaşyp, “Talybanyň” wekilleri bilen ýüzbe-ýüz duşuşdylar. Читать дальше...