Новости за 24.04.2018

Армениянын оппозициялык лидери, 11 күн бою массалык демонстрациялардын башында турган Никол Пашинян эгер андан өтүнүшсө, "өлкөнү башкарууга даярдыгын" билдирди.    “Эгер эл мага жоопкерчилик артса, мен аны алууга даярмын”, -  деди оппозициячыл депутат 24-апрелде Еревандагы маалымат жыйынында. Дүйшөмбүдө 10 жылдан ашуун бийликте туруп, кайра өкмөттүн башына келген Серж Саргсян элдин каарынан улам кызматтан кетүүгө мажбур болду. 25-апрелде Пашинян премьер-министрдин милдетин аткарып жаткан Карен Карапетян менен жолугуп... Читать дальше...

Беларус президенти Александр Лукашенко Армениядагы "баркыт ыңкылабы" тууралуу өз оюн билдирип, "жалгыз болсок ушинтип сындырышат" деп айтты. "Чогуу акылга келип, маселени чечкендин ордуна бири-бирибизди төшкө түртүп, жаакка чаап атабыз", - деди беларус лидери парламентке жылдык кайрылуусунда.    БУУнун баш катчысы Антониу Гуттериш Армениянын өзүндө жана жалпы эле чөлкөмдө тынчтык менен туруктуулукту сактоонун маанисин баса белгилеп, бийликти жана оппозицияны мындан ары да сабырдуу болуп, адам укуктарын жана мыйзамды сактап... Читать дальше...

АКШ президенти Дональд Трамп эгер Иран өзөктүк программасын кайра баштаса “мурда болуп көрбөгөндөй олуттуу көйгөйлөргө туш болоорун” эскертти. Шейшембиде Ак үйдө Трамп француз президенти Эммануэл Макрон менен жолугушканда 2015-жылкы Иран менен алты чоң державанын ортосундагы макулдашууну “толук кандуу эмес” деди.   Трамп мурдагы президент Барак Обаманын тушунда жетишилген макулдашууну Тегерандын баллистикалык курал программасын жана Ирандын Жакынкы Чыгышта куралчан топторду колдоосун токтото албайт деп баалаган. Читать дальше...

Орозбек Бакытов Италиянын Козенца шаарында өткөн сынакта Моцарттын "Дон Жованни" операсындагы Лепореттонун ариясын аткарып жатат.

Армениянын премьер-министрликке келген мурдагы президенти Серж Саргсян кызматынан чегинүүгө мажбур болду. Оппозиция жаңы өкмөт башчы ушул жумада дайындаларын билдирди. Казакстандын парламенти Кытайдагы казактардын кысымга кабылганына кабатыр. Тажикстандагы кургакчылык дыйкандардын үмүтүн үздү. Өзбекстандын бийлиги имамдарга бекер үй бергени жатат. Сауд Арабиясында алгачкы кинотеатр пайда болуп, улуу, кичүүлөрдүн баары чоң экрандан тасма көрүүгө агыла баштады. Тажикстанда аялдарга кандай кийим кийүү керектигин үйрөткөн китеп пайда жарык көрдү.

Казакстандын Караганды шаарында Украинанын чыгышында Орусия колдогон жикчилдердин катарында согушкан казак жаранынын соту башталды. 31 жаштагы казак жаранына 2015 жана 2016-жылдары “чет өлкөдө куралдуу жаңжалга катышкан” деген айып тагылган. Шектүү ошондой эле "Караганды шаарынын эки тургунун өлтүрүүгө тиешеси бар" деген кинеден кутулду. Ал сотто кылмыш жасалганы тууралуу полицияга кабар бербегенин мойнуна алды. Буга чейин бир нече казак жараны "Украинанын чыгышында орусиячыл топтордун катарында... Читать дальше...

Казакстандын Караганды шаарында Украинанын чыгышында Орусия колдогон жикчилдердин катарында согушкан казак жаранынын соту башталды. 31 жаштагы казак жаранына 2015 жана 2016-жылдары “чет өлкөдө куралдуу жаңжалга катышкан” деген айып тагылган. Шектүү ошондой эле "Караганды шаарынын эки тургунун өлтүрүүгө тиешеси бар" деген кинеден кутулду. Ал сотто кылмыш жасалганы тууралуу полицияга кабар бербегенин мойнуна алды. Буга чейин бир нече казак жараны "Украинанын чыгышында орусиялык топтордун катарында... Читать дальше...

Арменияда он жыл президент болуп, анан дароо премьерликке келген Серж Саргсянды кетиргенден кийин эми өкмөт башына ким келет деген суроо кабыргасынан коюлду.

Ушул күндөрү Бангладештин Дакка шаарында өтүп жаткан волейбол боюнча Азиянын аймактык чемпионатында (борбордук зона) Кыргызстандын улуттук курама командасы Өзбекстандын командасын жеңип, жарым финалдык таймашка чыкты. Тайпалык мелдештердин акыркы оюну бүгүн, 24-апрелде өттү. Беттештин жүрүшүн Бангладештин волейбол федерациясы Фейсбуктагы баракчасынан түз эфирде көрсөттү. Оюн жыйынтыгында кыргыз волейболчулары 3:2 эсебинде (25-18; 24-26; 19-25; 25-18; 15-13) жеңишке жетти. Бул оюнда мыкты оюнчу наамын кыргызстандык Жамал Мусаев алды. Читать дальше...

Таласта окуучулар катышкан жапырт мушташ боюнча иш козголду.

Татарстандын коопсуздук күчтөрү "Орусияда тыюу салынган “Хизб-ут-Тахрир” уюмунун мүчөсү" деген шек менен 14 кишини кармады.   Орусиянын Федералдык коопсуздук кызматынын (ФСБ) аймактык бөлүмү алар Казань шаарында 14 үйдө тинтүү жүргүзгөндөн кийин кармалып, камакка алынганын билдирди. ФСБнын офицерлери экстремисттик мазмундагы китептерди конфискалациялашкан. “Ислам мамлекети” экстремисттик тобу жаштар арасында радикалдуу идеяларды жайылтып, аларды Сирия жана Ирактагы согушка тартуу стратегиясында “Хизб-ут-Тахрир” уюму маанилүү роль ойнойт. Читать дальше...

Канададагы эң ири шаар Торонтодо автоунаа көчөдө бараткан элди сүзүп, он киши мерт болду. Арменияда Серж Саргсян кызматын тапшыргандан кийин ким премьер-министр болоору талкууга түштү. Шанхай Кызматташтык Уюмуна мүчө мамлекеттердин тышкы иштер министрлери Бээжинде чогулуп, июнда Кытайдын Циндао шаарында өтө турган уюмдун саммитине даярдыкты талкуулашты.

Жогорку Кеңештеги коалициялык көпчүлүк башкы прокурорлукка Өткүрбек Жамшитовдун талапкерлигин жактырды.

Таласта 11-класстын окуучулары менен мурда мектепти бүтүп кеткен уландардын жапырт мушташына катышкандардын биринин абалы оор бойдон турат. Анын саламаттыгы бир калыпта. Бул тууралуу «Азаттыкка» Талас облустук ооруканасынын директору Нурдин Усупбеков билдирди. 20 жаштагы жигитке 23-апрелде бир саатка чукул операция жасалган. Учурда ал реанимация бөлүмүндө дарыланып жатат. Окуяга тиешеси бар эки бала убактылуу кармоочу жайга киргизилди. Алар мектепти былтыр аякташкан. 23-апрелде Талас шаарындагы... Читать дальше...

Армяндар Осмон султандыгы маалындагы коогалаңда кыргынга кабылган кандаштарын эскерип жатышат. Дүйшөмбүдө 10 жылдан ашуун бийликте туруп, кайра өкмөттүн башына келген Серж Саргсян элдин каарынан улам кызматтан кетүүгө мажбур болду. 11 күн бою тынбай өткөн нааразылык демонстрацияларынын башында турган, оппозициячыл депутат Никол Пашинян Еревандагы мемориалдык комплексте өтчү эскерүү иш-чараларына катышат.     25-апрелде Пашинян премьер-министрдин милдетин аткарып жаткан Карен Карапетян менен жолугуп... Читать дальше...

Жогорку Кеңештин "Бир Бол" фракциясынын лидери Алтынбек Сулайманов абактагы саясатчы Өмүрбек Текебаевдин ишин кайра карап чыгуу керек экенин билдирди. Бул тууралуу ал "Азаттык" менен болгон маегинде айтты: - Ал маселе азыр коомчулукта көтөрүлүп жатат. Ал кишинин маселесин башынан караса деген ойдомун. Туура эмес иштер болгонун коомчулук көрүп турат да. Бул жеке позициям. Ишин башынан караса, туура болот эле. Ал киши менен бир убактарда каршы болуп турган мезгилдерибиз болду. Ал деле адилеттүүлүк үчүн болчу. Читать дальше...

Көрүнүктүү мамлекеттик-коомдук ишмер Жусуп Абдырахманов жөнүндө даректүү тасма тартыш үчүн кинорежиссерлор арасында сынак жарыяланды. Бул тууралуу аны уюштуруп жаткан «Аскар Салымбековдун фонду» кабарлады.  “Сынактын максаты – залкар коомдук жана саясий ишмер тууралуу даректүү фильм тартуу аркылуу кино тармагында кесипкөйлүктү, новаторлукту, инновациялык идеяларды, жаңы технологияларды колдонууну өнүктүрүү. Жусуп Абдрахмановду улуттук лидер катары бейнесин ачып, кыргыз мамлекеттүүлүгүн чыңдоодо келечек муундардын мекенчилдик сезимин ойготуу”... Читать дальше...

Канаданын Торонто шаарында автоунаа көчөдөгү элди сүзгөн окуядан каза тапкандардын саны 10го жетти. Атайын жасалганга окшогон окуядан дагы 16 адам жарадар болгон. Полициянын маалыматы боюнча, 25 жаштагы жигит машинесин тротуарга айдап, адамдарды тебелетип кеткен.

«Чоң жетиге» кирген мамлекеттердин тышкы иштер министрлери эгер зарыл болсо Орусияга каршы санкцияларды кеңейтүүгө даярдыгын билдиришти. Бул тууралуу Канаданын Торонто шаарындагы министрлердин биргелешкен билдирүүсүндө айтылат. Дүйнөнүн өнүккөн жети өлкөсүнүн министрлери Орусияны «бүлүк салган аракеттерин» токтотууга, «башка өлкөлөрдүн демократиялык системаларына кийлигишүүдөн» алыс болууга жана эл аралык милдеттенмелерин аткарууга үндөштү. Буга чейин британ тышкы министри Борис Жонсон «Чоң жетиге»... Читать дальше...

Ош шаардык ички иштер башкармалыгына калаадагы кумарканаларды үч күн ичинде жабуу тапшырылды. Ички иштер министринин биринчи орун басары Сүйүн Өмүрзаков 24-апрелде шаар милициясынын жаңы башчысы Мурат Бороновдун алдына ушундай милдет койгонун министрликтин басма сөз кызматы билдирди. Өмүрзаков тургундардан оюн клубдарына байланыштуу көп арыздар түшүп жатканын, айрымдар мүлкүн, ири акча каражаттарын уттуруп жиберген учурлар бар экенин белгилеп, Бороновго маселени жеке көзөмөлүнө алууну буйруду.... Читать дальше...

АКШ Сенатынын Эл аралык мамилелер комитети Майк Помпеонун талапкерлигин мамлекеттик катчынын кызматына сунуш кылды.    Анын талапкерлигин 11 сенатор колдоп добуш берсе, тогузу каршы болду. Добуш берүүгө чейин президент Дональд Трамп республикачыл сенатор Пол Рэндге телефон чалып, Помпеонун талапкерлигин колдоп берүүгө ынандырды. АКШнын Борбордук чалгын башкармалыгынын (ЦРУ) жетекчиси Майк Помпео мамлекеттик катчы Рекс Тиллерсон кызматтан кеткенден кийин ушул орунга көрсөтүлгөн.  Бирок анын талапкерлигин демократтар катуу сындап... Читать дальше...

Окурман журту үчүн басмадан чыккан ар бир жаңы китеп чоң сүйүнүч. Былтыр басмадан чыгып, жакында окурмандардын колуна тийген “От детдома до Олимпийских игр” деген китеп өзүнчө сөзгө арзыйт.

Бишкек шаарынын мэри Албек Ибраимов кызматын тапшырууга камынып жатканы тууралуу маалыматтар чындыкка дал келбейт. Бул тууралуу мэриянын басма сөз катчысы Калперизат Айдарбекова "Азаттыкка" билдирип, шаардын жетекчиси ушул күндөрү Бишкектин 140 жылдык мааракесине даярдык көрүү менен алектенип жатканын билдирди.  Буга чейин социалдык тармактарда "Албек Ибраимов кызматын тапшырууга арыз жазганы, шаардын 140 жылдык майрамы өткөндөн кийин иштен кетери" тууралуу айың кеп тараган.  Бишкек шаарынын мааракеси 29-апрелде өтөт. Читать дальше...

29-апрелде Бишкек шаарынын 140 жылдыгы белгиленет. Майрамдык иш-чаралар башкалаанын борборунда жана башка эс алуу жайларында өтөт. Мэриянын басма сөз кызматы "Азаттыкка" берген маалыматка караганда, юбилейди өткөрүүдө маданий жана спорттук иш-чараларга басым жасалмакчы. Ага шаар бюджетинен канча акча коротулаары азырынча так айтыла элек.  Кыргызстандын баш калаасы 1878-жылдан 1926-жылга чейин Пишпек деп аталып келген. 1926-1991-жылдары Фрунзе деп өзгөргөн. Эгемендикти алгандан бери борбор калаа Бишкек баатырдын атын алып жүрөт. Читать дальше...

Жогорку Кеңештин депутаты Дастан Бекешев Жарандык кодекске өзгөртүү киргизүү тууралуу мыйзам долбоорунан баш тартаарын билдирди. Ага ылайык Интернетте негизсиз сын жазгандарды жоопкерчиликке тартуу камтылып, моралдык чыгым катары айыпталуучуга салынган айыптын өлчөмү 20 миң сомдон кем болбошу керек экендиги жазылган. - Тилекке каршы, мыйзам долбоору айрым журналисттер тарабынан туура эмес талданып, коомчулукка бурмаланып көрсөтүлгөн. ЖМКлар "демилге социалдык тармактардагы жана Интернеттеги сөз... Читать дальше...