Новости за 18.08.2018

Дүйнөлүк саламаттык сактоо уюму кыргыз өкмөтүнө Дүйнөлүк көчмөндөр оюндарында тамеки тарткандарга өзүнчө жай уюштурууну, коомдук жайларда чылым чегүүгө жол бербөөнү сунуштады. Аталган уюмдун Кыргызстандагы өкүлү Ярно Хабихттин айтымында, бул сунушка азырынча бийлик жооп бере элек. "Оң жооп болсо, анда оюндардын эл аралык аброю артып, таанымал болмок" деген пикирде Хабихт.  Өкмөттүн басма сөз кызматы мындай сунуш келип түшкөнүн тастыктап,  бул боюнча иш-план каралып жатканын билдирди.  “Азаттык”... Читать дальше...

Түркмөнстандын баш калаасы Ашхабаддагы чач тарачтарга эркектердин чачын боёого тыюу салынды. Андан тышкары уландардын башына оймо-чийме тартууну токтотуу тапшырмасы берилгенин "Азаттыктын" түркмөн кызматы жергиликтүү чач тарачтарга таянып маалымдады. Бирок бул тыюу салуу расмий жарыялана элек. Түркмөнстанда бир жылдан бери жигиттер арасында чачын ар кандай түскө боёгондор көбөйгөн.  Мамлекет башчы Гурбангулы Бердимухаммедов өзү чачын такай боёп жүрөрү айтылат. Ал 2006-жылы ошол кездеги президент... Читать дальше...

Гүлрухсор Сафиева - Тажикстанда белгилүү инсан. Анын ырлары көптөгөн тилдерге которулган. Акындын жыйнагын париждик окурмандарга атактуу Сорбонна университетинин ректору өзү тааныштырган.

Италияда ондогон өмүрү кыйылган көпүрө кырсыгына байланыштуу 18-августта улуттук аза күтүү жарыяланды. Урандыларды тазалоо иштери уланууда. Соңку расмий маалыматтарга ылайык, набыт болгондордун саны 42 кишиге жетти, анын үчөө балдар.  15-августта Генуя шаарындагы Моранди көпүрөсү урап түшүп, 50 метрдей бийиктен ондогон автоунаалар кулаган. Алдын ала маалыматка караганда, кырсыкка көпүрөнү тиреп турган устундун эскиргени себеп болгон. Астындагы турак жайлар да олуттуу зыян тартты.  Каза тапкан... Читать дальше...

Бириккен улуттар уюмунун мурдагы баш катчысы Кофи Аннан 80 жашында оорудан улам көз жумду. Ал 18-августта эртең менен Швейцариянын Берн шаарында бейтапканада дүйнө салганы кабарланды.  Кофи Аннан кайсы оорудан көз жумганы расмий айтыла элек.  Теги ганалык Кофи Аннан БУУнун баш катчысы кызматында 1997-жылдан 2006-жылга чейин иштеген.  Соңку жылдары Швейцарияда жашап, өзүнүн фондун башкарып келаткан эле.

Премьер-министр Мухаммедкалый Абылгазиев 18-августта бир күндүк жумушчу сапары менен Ысык-Көл облусуна барып, III Дүйнөлүк көчмөндөр оюндарына даярдыкты текшерди.  Расмий маалыматка ылайык, өкмөт башчы Бактуу-Долоноту айылындагы ипподромдун, Балыкчы-Корумду жолунун оңдолушун, таймаштар өтчү Кырчын жайлоосун көздөн кечирди.  Абылгазиев Балыкчы-Корумду жолунун курулушун аяктоо үчүн каржылоо маселелерин ыкчам түрдө чечүүнү Транспорт жана жол министрлигинин өкүлдөрүнө тапшырды. Бирок керектүү каражаттын суммасы маалымдалган жок. Читать дальше...

АКШда тыңчы деп айыпталып кармалган орусиялык Мария Бутина өзүн юридикалык жаткан коргоо максатында онлайн каражат чогултууга киришти. Акча топтоо үчүн сайт ачканын анын адвокаты 17-августта билдирди.   "Мен Мариямын, сенин жардамыңа муктажмын" деп жазылган анын фандрайзинг сайтында.  АКШда магистратурада окуп жүргөн орусиялык студент Бутина быйыл июлдун ортосунда кармалган. Ага "Орусиянын кызыкчылыктарын мыйзамсыз лоббилеген" деген айып тагылган. Америкалык бийликтин божомолунда бул үчүн Бутина... Читать дальше...

Армениянын өкмөт башчысы Никол Пашинян өлкөдө коррупция менен күрөш уланарын, апта сайын жемкорлукка каршы ийгиликтүү иштер боло берерин айтты. Бул тууралуу Пашинян армян элинин сүрү менен бийлик алмашканынын жүз күндүгүнө карата уюштурулган жүрүштө "Азаттык" радиосунун кабарчысы Али Токтакуновдун суроолоруна жооп берип жатып билдирди.

Армениянын өкмөт башчысы Никол Пашинян өлкөдө коррупция менен күрөш уланарын, апта сайын жемкорлукка каршы ийгиликтүү иштер боло берерин айтты. Бул тууралуу Пашинян армян элинин сүрү менен бийлик алмашканынын жүз күндүгүнө карата уюштурулган жүрүштө "Азаттык" радиосунун кабарчысы Али Токтакуновдун суроолоруна жооп берип жатып билдирди: - Коррупция менен мен эмес, армян эли күрөшүп жатат, - деди Пашинян. Быйыл майда мурдагы президент Серж Саргсянга, анын түзүмүнө каршы эл толкуп, бир нече күндүк демонстрациялардан кийин бийлик алмашып... Читать дальше...

Индонезияда 18-августта жайкы Азия оюндары расмий ачылат. Баш калаа Жакартадагы Олимпиада шаарчасында башка мамлекеттердин катарында Кыргызстандын желеги да 17-августта көтөрүлдү. Аземге Кыргызстандын Улуттук олимпиада комитетинин вице-президенти Ырысбек Мааткабылов баштаган Кыргызстандын делегациясы катышты. Жайкы Азия оюндарына Кыргызстандан 150 спортчу катышат. 7-августта президент Сооронбай Жээнбеков алар менен жолугуп, улуттук курама команданын капитаны, балбан Каныбек Жолчубековго өлкөнүн желегин тапшырды. Читать дальше...

Буту баспай, арабада отурган Мадина чакан тоок чарбасын иштетип, жумуртка сатып киреше табууда. Андан тышкары Мадина майыптарга жардам берүүнү көздөп, атайын курста окуп жатат.

19-августта Ысык-Көл, Нарын облустарынын айрым жерлеринде, Чүй, Талас, Ош, Жалал-Абад, Баткен облустарынын тоолуу райондорунда өткүн өтүп, күн күркүрөйт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй, Баткен, Ош, Жалал-Абад облустарында түнкүсүн 15...20, күндүз 30...35, Талас жергесинде түнкүсүн 9...14, күндүз 25...30, Ысык-Көл дубанында түнкүсүн 10...15, күндүз 22...27, Нарын облусунда түнкүсүн 10...15, күндүз 24...29, Бийик тоолуу райондордо түнкүсүн -2...+3... Читать дальше...

Президент Сооронбай Жээнбековду кемсинтип сүйлөп, видеосу Интернетке тараган адамдын тек-жайы аныкталды. Ички иштер министрлигинин басма сөз кызматы билдиргендей, 17-августта социалдык тармактарда жайылган тасмада Улан аттуу жигит мамлекет башчынын кадыр-баркына доо кетирген сөздөрдү айткан. Ал маңзат колдонуу ыкмасын үйрөтүп, өлкөдө маңзат таратууга уруксат берүүнү талап кылган.  Видео тараган соң ички иштер органдарынын жана Улуттук коопсуздук боюнча мамлекеттик комитетинин кызматкерлери ыкчам-иликтөө жүргүзүп... Читать дальше...

Ички иштер министрлиги Интернетте тарап жаткан "Момо" аттуу оюн балдар жана өспүрүмдөр үчүн зыяндуу экенин эскертти. Интернет колдонуучулары "Момо" балдар менен сүйлөшүп, аларды "Көк кит" оюну сыяктуу суицидге түртөрүн жазып чыгышкан. Психологдор адатта мындай оюндардын таасирине үй-бүлөдө көңүл сыртында калган балдар бат кабылаарын айтышат.

Латвиялык ырчы Лайма Вайкуле Орусияда концерт коюуга укугу бар же жогун Ички иштер министрлигинин Коомдук кеңеши талкуулайт. Буга анын Крым тууралуу айткан пикири себеп болушу мүмкүн экени кабарланууда.   Жумушчу топтун башчысы Александр Хаминскийдин РБК каналына берген маалыматына караганда, башка чет элдик артисттердин Орусияга келип концерт коюшунун мыйзамдуу жагы каралат. Ал башка мамлекеттен келген ырчылар туристтик виза менен Орусияга кирип, коммерциялык мүнөздөгү ар кандай майрамдык кечелерге катышып жатканын кошумчалаган. Читать дальше...

Тажик бийлиги 29-июлдагы чет элдик туристтерге кол салууга шектүү беш кишини камакка алып, окуяга тиешеси бар адамдарды издөөнү кеңейтти. Теракттын уюштуруучу катары шек саналган жигиттин энеси баласы башкалардын азгырыгына кабылганын айтып жатат. Анын айтымында, уулу издөөдө жүргөн кылмышкерлердин сөзүнө кирип, адам өмүрүн алган кылмышка барган.

Вашингтон тынчтык сүйлөшүүлөрүнөн кийин гана Сирияга жардам бере турганын 17-июлда АКШнын Мамлекеттик департаменти билдирди.  "Сириядагы саясий жараян Бириккен улуттар уюмунун талаптарына ылайык жүрүп, ишенимге кирмейинче Вашингтон бул өлкөгө каржылык жардам көрсөтпөй турганы" белгиленген маалыматта.  АКШнын Ирактагы мурдагы элчиси Жим Жеффри мамлекеттик катчы Майк Помпеонун Сирия боюнча атайын кеңешчиси болору да расмий маалымдалды.  Жеффри Сириядагы саясий жараян боюнча сүйлөшүүлөргө байкоо салмакчы.

Өзбекстан менен Тажикстан биргелешип Зарафшан дарыясынын боюна 320 мегаваттык эки гидроэлектр станция курушат. Бул тууралуу 17-августта эки өлкө президенти Ташкентте чогуу өткөргөн басма сөз жыйында Өзбекстандын мамлекет башчысы Шавкат Мирзиёев айтты. Өкмөт аралык комиссия Сарез көлүн ичүүчү суу катары колдонуу маселеси да талкууланып жатканын кошумчалады.  - Аймактык өнөктөштүктө гидротехникалык курулуш олуттуу маселе. Бир аз убакыт өтөт, биз биргеликте куруп, көйгөйлөрдү чогуу чечебиз,- деди Мирзиёев. Читать дальше...

“Куугунтук курмандыктары” түрмөгүндө атактуу советтик арабист Теодор Шумовскийдин сталиндик доордо жазыксыз жерден абакка эки ирет салынгандыгы жана көөнөргүс мурасы тууралуу макаланы сунуштайбыз.

Мэр шайлоого байланыштуу журналист жана жарандык активист Канышай Мамыркулованын Бишкектин район аралык сотуна жазган доо арызы артка кайтарылды.  Мамыркулова "Азаттык" радиосуна билдиргендей, сот маселени Борбордук шайлоо комиссиясы (БШК) карашы керектигин айтып, арызды кабыл алган эмес.  Буга чейин анын даттануусун Бишкектин Биринчи май райондук соту "биздин ыйгарым укукка жатпайт" деп кайтарган.   Мамыркулова Бишкек шаарынын мэрине талапкер Азиз Суракматовдун мамлекеттик тил боюнча сынагы мыйзамсыз өткөнүн көрсөткөн. Читать дальше...

Бишкек Жылуулук электр борборуна көмүр сатып алуудагы тендерге байланыштуу кайрадан чыр чыкты.

Жалал-Абаддын Ноокен районунда президент Сооронбай Жээнбековго жолугам деп, сот жообуна тартылган аялдардын иши териштирилет.  Мамлекет башчынын басма сөз катчысы Толгонай Стамалиева окуянын чоо-жайын Ички иштер министрлиги тактап жатканын "Фейсбукка" жазды.  "Ноокен районунун акими бул апалар менен жолугат, алардын арыздарын мазмунуна карата тийиштүү мамлекеттик органдар карап чыгат. Эгер президентке тийиштүү болсо, Президенттин аппараты жооп берет. Ноокен районунун акими бизге билдиргендей... Читать дальше...