Новости за 21.08.2018

Кошмо Штаттар шейшембиде Орусиянын эки жаранын жана орусиялык, словакиялык компанияларды мурда санкция киргизилген ишканалар менен байланышып, чектөөлөрдү айланып өтүү аракетин жасаганы үчүн айыпка жыкты. АКШнын Каржы департаменти санкциялардын тизмесине орус жарандары Марина Царева менен Антон Нагибинди, орусиялык "Vela-Marine", словакиялык "Lacno" компанияларын киргизди.   Бул жарандар менен компаниялар АКШнын аймагында киберчабуулдарга тиешеси бар деп айыпталган «Дайвтехносервис» ишканасы менен байланышта экени белгиленет. Читать дальше...

Кыргызстандык балбан Каныбек Жолчубеков Индонезияда өтүп жаткан Жайкы Азия оюндарында 60 кг салмак категориясында грек-рим күрөшү боюнча финалдык таймашта күмүш медалга татыды. Жарым финалдык беттеште Жолчубеков казакстандык атаандашы Майрамбек Айнагуловду 9:0 эсеби менен жеңген. Андан мурдагы кармаштарда кыргызстандык спортчу Түндүк Кореядан жана Кытайдан келген балбандарды уткан. Алтын байге үчүн беттеште жапониялык Шинабу Отага жеңилди. Ал эми спорттун ушул эле түрү боюнча 67 килограммга чейинки... Читать дальше...

Ооган бийлиги баш калаа Кабулдун борборунда президент Ашраф Гани Курман айт майрамы менен элин куттуктап жатканда ракета аткан үч согушкер өлтүрүлгөнүн билдирди.  Шаардын чок ортосунда ооган армиясынын тик учактары Кабулдагы мечиттин үстүнөн айланып учуп, ракета аткан согушкерлерди бутага алды. Ички иштер министринин басма сөз катчысы Нажиб Даниш шаардын эски бөлүгүндөгү мечиттин жанындагы имаратты ээлеп алган үч согушкер өлтүрүлгөнүн бышыктады. Даниш куралчандарды “террорчулар” деп сыпаттап... Читать дальше...

Түркия АКШнын үстүнөн Дүйнөлүк соода уюмуна даттанды. Дүйшөмбүдө Чеченстанда бир канча жерде полицияга куралдуу кол салуу болду. Тажикстанда Курман айт алдында азык-түлүк кымбаттады.

Ушу тапта Индонезияда өтүп жаткан Жайкы Азия оюндарында кыргызстандык спортчу Айпери Медет кызы кыз-келиндер арасындагы эркин күрөш боюнча мелдеште коло медаль утту. 18-августта башталган Жайкы Азия оюндары 2-сентябрга чейин уланат. Ага Кыргызстандан жалпысынан 150 спортчу катышып жатат. XVIII Азия оюндарынын программасында спорттун 40 түрү бар. Кыргыз спортчулары спорттун 28 түрү боюнча күч сыноодо. Кыргызстандын эсебинде буга чейин үч медаль бар болчу. Балбандар Магомед Мусаев менен Айсулуу Тыныбекова бирден күмүш... Читать дальше...

АКШда ата-энеси менен жашаган он бир жаштагы Билал акча чогултуп, Кыргызстандагы майып балага жардам берди. Бул Билал Ибрагимдин Кыргызстанга биринчи жолу келиши. Баатырбекти ал "Фейсбуктан" көрүп, боору ооруган экен. Ошол күндөн тарта күнүмдүк акчасын үнөмдөп, тааныштардан сурап жатып миң доллардан ашык каражат топтогон. Жаш кезинде шал оорусуна чалдыгып, баспай калган Баатырбекке Билалдын жардамы чоң дем берди. Ал келечекте океан ары жагына барып, жаңы тапкан досу менен катташып турууну каалайт.

Индонезияда өтүп жаткан Азия оюндарында Кыргызстандан барган Мээрим Жуманазарова кыз-келиндер арасындагы эркин күрөш боюнча беттеште коло медаль утту. 18-августта башталган Жайкы Азия оюндары 2-сентябрга чейин уланат. Ага Кыргызстандан жалпысынан 150 спортчу катышып жатат. XVIII Азия оюндарынын программасында спорттун 40 түрү бар. Кыргыз спортчулары спорттун 28 түрү боюнча күч сыноодо. Кыргызстандын эсебинде буга чейин эки медаль бар болчу. Балбандар Магомед Мусаев менен Айсулуу Тыныбекова бирден күмүш байгеге ээ болушкан. Читать дальше...

Индонезияда өтүп жаткан Азия оюндарында Кыргызстандан барган Мээрим Жуманазарова кыз-келиндер арасындагы эркин күрөш боюнча беттеште коло медаль утту. 18-августта башталган Жайкы Азия оюндары 2-сентябрга чейин уланат. Ага Кыргызстандан жалпысынан 150 спортчу катышып жатат. XVIII Азия оюндарынын программасында спорттун 40 түрү бар. Кыргыз спортчулары спорттун 28 түрү боюнча күч сыноодо. Кыргызстандын эсебинде буга чейин эки медаль бар болчу. Балбандар Магомед Мусаев менен Айсулуу Тыныбекова бирден күмүш байгеге ээ болушкан.

“Таза коом” долбооруна мамлекеттик бюджеттен бөлүнгөн 500 млн. сомдун 365 млн. сому ушул долбоорду ишке ашырууга жумшалды. Бул тууралуу өкмөткө караштуу Маалыматтык технологиялар жана байланыш комитетинин төрагасы Бакыт Шаршембиев “Азаттык” менен болгон маегинде билдирди.  - Бул долбоор саясатка байланыштуу токтоп калган жок, аны ишке ашыруу улантылып жатат. Негизи “Таза коом” долбоорун азыркы президент Сооронбай Жээнбеков премьер-министр кезинде 2017-жылдын башында баштаган. Программаны алкагындагы... Читать дальше...

Кыргызстандык суучул Денис Петрашов Индонезияда өтүп жаткан Жайкы Азия оюндарында 5-орунга ээ болду. 21-августта "GBK Aquatic Center" комплексинде медалдардын 7 комплекти ойнотулду. Финалдык таймашка сегиз спортчу катышкан. Петрашов 200 метр аралыкты 2 мүнөт 12.19 секундалык мөөнөттө сүзүп өттү. Алтын жана күмүш медалдарды жапон спортчулары утуп алышты.

Кыргызстандык суучул Денис Петрашов Индонезияда өтүп жаткан Жайкы Азия оюндарында 5-орунга ээ болду. 21-августта GBK Aquatic Center комплексинде медалдардын 7 комплекти ойнотулду. Финалдык таймашка сегиз спортчу катышкан. Петрашов 200 метр аралыкты 2 мүнөт 12.19 секундалык мөөнөттө сүзүп өттү. Алтын жана күмүш медалдарды жапон спортчулары утуп алышты.

Британ тышкы иштер министри Жереми Хант Евробиримдикке кирген өлкөлөрдү мурдагы орус чалгынчысы Сергей Скрипал менен анын кызы ууландырылгандан кийин Орусияга каршы санкцияларды киргизүүгө чакырарын билдирди. Бул тууралуу Хант шейшембиде Вашингтондо сүйлөй турган сөзүндө айтат. Британ министринин белгилешинче, Евобиримдик Москвага карата санкцияларды катаалдаштырууга камынып турган Кошмо Штаттардын демилгесине кошулуусу керек. Хант Скрипалдарга болгон кол салуудан жана Крымдын аннексиясынан кийин Брюссел Москвага басымды күчөтүп... Читать дальше...

Түркия Дүйнөлүк соода уюмуна (ДСУ) АКШга каршы даттанды. Расмий Анкара бул кадамы аркылуу Вашингтон Түркиянын болот жана алюминий өндүрүмүнө кошумча бажы салыгын киргизгенине нааразылык билдирүүдө. АКШ НАТО боюнча өз өнөктөшүнө каршы экономикалык санкция киргизип жаткан кезде Түркиянын улуттук валютасы лиранын дагы бир сыйра куну кетти.

Бишкек шаарындагы Осмонкул атындагы көчөдө №3 өрт өчүрүү жана куткаруу бөлүгү жайгашкан. Анда алты өрт өчүрүүчү унаа жана 60 кызматкер бар.

Балалык кезимде кат тааныгандан баштап колума тийген кыргыз тилиндеги китептерди тишим өтсө да, өтпөсө да окуй берчүмүн. Авторлору менен деле ишим жок. Өспүрүм кезимде да мектептин китепканасынан чыкчу эмесмин. Ал кездеги көркөм адабият жалаң советтик идеологияга ылайыктап жазылаар эле.

Кыргызстанда Жогорку соттун кийинки төрагасы боло тургандардын аты атала баштады.

“Кыргызгидромет” борбору билдиргендей, 22-августта түнкүсүн көпчүлүк аймактарда мезгил-мезгили менен жаан жаайт. Тоолуу райондордо жайгашкан жайлоолордо жаан карга айланат жана бийик тоолуу райондордо кар жаашы ыктымал. Күндүз тоо этектеринде жана тоолуу райондордо өткүн өтүп, күн күркүрөшү күтүлөт, өрөөндөрдө жаан-чачын болбойт. Батыштан соккон шамалдын ылдамдыгы секундасына 4-9 метрге, Ысык-Көл акваториясында 15-20 метрге жетет. Абанын температурасы: Чүй өрөөнүндө түнкүсүн 12...17, күндүз 24...29... Читать дальше...

Америкалык "Microsoft" компаниясы ноябрда АКШнын Конгрессине болчу шайлоого Орусия тараптан таасир этүү аракеттери байкалганын билдирди. Бул тууралуу "Associated Press" агенттиги жазды. Компаниянын билдиргенине караганда, Орусиянын өкмөтү менен байланышы бар хакерлердин тобу АКШдагы Хадсон институту менен Эл аралык республикалык институттун интернет-домендеринин жалган көчүрмөсүн түзүшкөн. Хакерлер ошондой эле АКШ Сенатынын сайтына окшош дагы үч жалган дарек жасашкан.   Эл аралык республикалык... Читать дальше...

Президент Сооронбай Жээнбеков Кыргызстандын тышына, оффшордук чөлкөмдөргө мыйзамсыз, кылмыш жолу менен чыгарылып кеткен акча каражаттарын издөө жана кайтаруу үчүн кошумча механизмдерди түзүүнү тиешелүү кызматтарга тапшырды. Бул тууралуу президенттик аппарат кабарлады. Анын маалыматында айтылгандай, президент “Террористтик ишти каржылоого жана кылмыштуу кирешелерди мыйзамдаштырууга (адалдоого) каршы аракеттенүү жөнүндө” Кыргыз Республикасынын мыйзамына кол койду. Мыйзамды Жогорку Кенеш 2018-жылдын 28-июнунда кабыл алган. Читать дальше...

Дүйшөмбүдө Чеченстанда бир канча жерде полицияга куралдуу кол салуу болду.

Мындан туура 50 жыл мурун, 1968-жылдын 21-августунда "Варшава келишимине» кирген өлкөлөрдүн армиясы Чехословакияга басып кирген. «Дунай» деп аталган операцияга жүз миңдеген жоокерлер, миңдеген танкалар тартылган. Чехословакияга кирүү тууралуу чечимди СССРдин жетекчилиги кабыл алып, советтик армия негизги күч болгон. Операциянын максаты “Прага жазы” деп аталган реформачыл кыймылдын жана аны ишке ашырууга белсенген чехословак бийлигинин мизин кайтаруу болгон. Чет элдик аскерлер Чехословакиянын бийлигинин макулдугусуз эле киргизилген. Читать дальше...

Индонезияда өтүп жаткан Азия оюндарында Кыргызстандык балбан Каныбек Жолчубеков 60 кг салмак категориясында грек-рим күрөшү боюнча финалга чыкты. Жарым финалдык беттеште Жолчубеков Казакстандык атаандашы Майрамбек Айнагуловду 9:0 эсеби менен жеңди. Андан мурдагы кармаштарда кыргызстандык спортчу Түндүк Кореядан жана Кытайдан келген балбандарды уткан. 21-августта Кыргызстандан барган Мээрим Жуманазарова да аялдар арасындагы эркин күрөш боючна беттеште коло байге үчүн күрөшөт. Азия оюндарында ошондой... Читать дальше...

АКШнын президенти Дональд Трамп Орусияга каршы киргизилген санкцияларды алып салууну караштыра элек экенин билдирди. Ал эгер Москва Украина жана Сирия маселесинде Вашингтондун каалоосун аткарса гана санкцияларды кайра карап көрөрүн "Reuters" жаңылыктар агенттиги менен болгон маегинде айтты. "Бизде бири-бирибизге пайдалуу иш кыла турган толтура тармактар бар. Сирия жана Украина маселеси бар", - деди президент Трамп 20-августта жарыяланган интервьюда. Трамп ошондой эле орус президенти Владимир... Читать дальше...

Бакен Кыдыкеева атындагы жаш көрүүчүлөр театры Чыңгыз Айтматовдун "Биринчи мугалим" повестин жаңыча сахналаштырды. Адистердин айтымында улуу жазуучунун аталган чыгармасы театр сахнасында өткөн кылымдын 60-жылдарынан бери дээрлик коюлган эмес. Спектаклдин бет ачары аншлаг менен өтүп, көрүүчүлөр спектакль актуалдуу көйгөйлөрдү камтыганын, бүгүнкү коом да биринчи мугалимдерге муктаж экенин белгилешти. Оюнду Казакстандын Тараз облустук орус драма театрынын көркөм жетекчиси, режиссеру Камат Касенов койду.

Украинанын башкы прокурору Юрий Луценко журналист Павел Шереметти ким өлтүргөнүн, андан кийин ага ким буйрук бергенин аныктоо үчүн тергөө ишинде «илинчек» табылганын билдирди. Бул тууралуу баш прокурор «Украинская правда» гезитине берген интервьюда айтты. Бирок кандай илинчек экенин чечмелеген жок. Журналисттин курман болгонунан бери эки жыл өтсө дагы эмдигиче шектүүлөр табылбаганын кошумчалады. Беларус, орус журналисти Павел Шеремет 2016-жылы 20-июнда Киевдин борборунда машине айдап баратып жардырууга дуушар болгон. Читать дальше...