Новости за 19.08.2018

Ирандын тышкы иштер министри Мохаммад Жавад Зариф АКШны өлкөнүн бийлигин кулатуу максатында "аракеттенген топ" түзүп жатат деп шектенип турганын билдирди. Министр бул тууралуу "Твиттердеги" баракчасына жазды.   Зариф 65 жыл мурун АКШ бийлиги Иранда "эл шайлаган демократиялык өкмөттү кулаткан, эми дагы ошону жасагысы келип жатат" деди.  Бейшембиде АКШнын мамлекеттик катчысы Майк Помпео Вашингтондун Иранга «басымын» координациялай турган демилгелүү топ түзүлөрүн билдирген. АКШ президенти... Читать дальше...

Ооганстандын президенти Ашраф Гани Курман айтта “Талибан” кыймылын ок атышпоого чакырды. Ок атышпоо режими 20-августта башталып, үч айга созуларын Гани Ооганстандын эгемендик майрамына арналган салтанатта билдирди.  “Биз ок атышпоону Арапа күнү баштайлы деп жарыяладык. Ал пайгамбардын туулган күнүнө (10-ноябрь - ред.) чейин уланат. Ок атышпоо режими “Талибан” көнсө киргизилет”, – деди Гани. Ооган президенти “Талибан” кыймылы ок атышууну токтотууга макул болгонун айткан жок. Кабул өкмөтү менен... Читать дальше...

Берлиндин алдындагы Мезерберг сепилинин жанында Орусиянын президенти Владимир Путин менен Германиянын канцлери Ангела Меркел жолугушуп жаткан маалда ​Олег Сенцовду боштондукка чыгарууну талап кылган пикет өттү. Украин режиссерунун Орусиянын абагында ачкачылык кармап отурганына 100 күндөй болду.   Пикеттин катышуучулары Орусия каратып алган Крымда кармалган саясий туткундардын сүрөттөрүн жана “Олег Сенцовду өлтүрүүнү токтоткула”, “Олег Сенцовду сактап калгыла” деген жазуусу бар плакаттарды көтөрүп турушту. Читать дальше...

Израил чек аралаш аймактагы нааразылык акцияларынан улам Газа тилкеси менен чектеш жердеги "Эрез" текшерүү-өткөрмө бекетин жапты. Бекет кайрадан качан ачылары белгисиз. Азырынча ал жерден эки тарапка тең медициналык жардамга муктаждар гана өтө алышат. Израил менен Газа тилкесинин чек арасында эки өткөрмө бекет иштеп жатат. Ал жерден жүк өткөрүүгө гана уруксат берилген. Жакында Палестин автономиясынын лидери Махмуд Аббас аймактагы көз карандысыздыкка жетишүү үчүн өз элин Израил бийлигине "зордук-зомбулуксуз каршылык көрсөтүүгө" үндөгөн. Читать дальше...

"Солчул фронт" кыймылынын координатору Сергей Удальцов атайын кармоочу жайда кургак ачкачылык кармай баштаганынын бешинчи күнү ооруканага жеткирилди. Бул тууралуу оппозициялык активист "Твиттер" баракчасына өзү жазды. Ал Москвадагы №52 ооруканага "организмине суу жетпей калган" деген диагноз менен жаткырылды.   Августтун ортосунда Москванын соту Удальцовду митинг уюштурууда мыйзамды кайрадан бузганы үчүн 30 күнгө камаган. 28-июлда активист шаардык бийлик уруксат берген Орусиядагы пенсиялык реформага каршы митингге катышкан. Читать дальше...

Сахалин облусунун Поронайcк шаарында мурдагы кагаз чыгарган заводдун чатыры түшүп кетип, бир адам каза болду. Кырсык болгон учурда имаратта 10 кыргыз мигрант иштеп жаткан. Орусиянын Өзгөчө кырдаалдар министрлигинин маалыматы боюнча, урандынын алдынан сегиз адам чыгарылып, беш адам ооруканага жаткырылды. Бир адам каза болуп, сөөгү өлүкканага жеткирилди. Учурда Кыргызстандын Орусиядагы элчилигинин кызматкерлери бул окуя боюнча маалымат алууга аракеттенип жатышат. Каза болгон жана жаракат алгандардын... Читать дальше...

Орусиянын пайдасына тыңчылык кылган деп АКШда кармалган Мария Бутина Вашингтондогу абактан Виржиния штатындагы абакка которулду. Анын адвокаты Роберт Дрисколл билдиргендей, башка абакка которуунун себептери азырынча белгисиз. Дрисколл ТАСС агенттигине курган маегинде Бутинага бул тууралуу  алдын ала айтылбаганын, себеби да түшүндүрүлбөгөнүн белгиледи.  АКШда магистратурада окуп жүргөн орусиялык студент Бутина быйыл июлдун ортосунда кармалган. Ал "саясий топторго таасир этүүгө аракеттенген", "чет элдик агент" деп айыпталган. Читать дальше...

Ош-Ташкент багытында жаңы авиакаттам ачылып, Ташкент-Бишкек багытындагы каттамдардын саны көбөйөт. "Gazeta.uz" сайты кабарлагандай, бул тууралуу "Өзбекстан аба жолдору" улуттук компаниясынын жана Кыргызстандын "Air Manas", "Avia Traffic" компанияларынын өкүлдөрү жолугушкан жыйында айтылды. Жолугушуу 17-августта Өзбекстандын баш калаасында болду. Маалыматка караганда, Ош-Ташкент каттамын Кыргызстан тарап аптасына бир жолу аткарат. Ташкент-Бишкек каттамы азыркыдай эки жолу эмес, аптасына төрт жолу болот. Читать дальше...

19-августта Сауд Арабияда ажылык амалдары башталды. Быйыл 2 миллион мусулман парзын аткарганы барары кабарланган.  Зыяратчылар алдыдагы беш күн бою мусулмандардын ишениминде кудайдын үйү саналган Каабаны жети жолу айланып, Арафат тоосунда диний амалдарды жасашат.  Сауд Арабиясы быйыл Кыргызстанга 5485 орун бөлгөн. Алгачкы тобу 25-июлда, акыркысы 7-августта жөнөп кетишкен.  Ажылык сапар - ислам дининдеги беш парздын бири. Зыяратчылар Курман айт майрамын ошол жакта белгилеп, артка кайтышат. Курман айт быйыл 21-августта белгиленет. Читать дальше...

Дүйнөлүк басма сөзгө баяндама (13-20-август).

Нарын шаарындагы 87-кесиптик лицейдин мугалими, маданияттын мыкты кызматкери, кесиптик билим берүүнүн отличниги, 58 жаштагы Казыбек Мамырканов 2016-жылы өткөн Көчмөндөр оюндарында кол өнөрчүлүгү менен баш байгени алган. Быйылкы оюндарга ал кийизди ийри ийне менен тешип жасаган жаңы ыкмадан жаралган кызыктуу композицияларын алып чыгууга камданып жатат. Уз кишинин уулу Арчабек 300-400 жыл мурдагы кыргыздын улуттук күмүш сөйкө, шакектерине заманбап ыкмада жан салып, чет элдик меймандарды таң калтырууга аракеттенип жатат.

Журналист, жарандык активист Канышай Мамыркулова Бишкектин мэри Азиз Суракматовдун кыргыз тилин билүү деңгээлин аныктаган жараянга нааразы болууда.

Жалал-Абад облусундагы Арстанбап айылында 19-августта алыш күрөшү боюнча эл аралык мелдеш уюштурулду. Өзбекстан жана Кыргызстандын түрдүү аймактарынан чогулган 200гө чукул балбан 70-90 кг чейинки салмакта күч сынашууда. Мелдешти өкмөттүн облустагы өкүлчүлүгү өткөрүүдө.  Жеңүүчүлөргө үч токулма ат жана акчалай сыйлыктар каралган. Мындай таймаш былтыр да болгон.  Быйылкысы Аймактарды өнүктүрүү жылынын алкагында облуста белгиленген 100дөн ашуун иш-чаранын бири катары өтүүдө. Таймаштарды көрүүгө Жогорку Кеңештин депутаттары... Читать дальше...

Түркияга 2018-жылдын алты айында 19 миллионго жакын чет өлкөлүк турист келип, бул тармак 11 миллиард доллар киреше тапкан. Бул өткөн жылга салыштырмалуу отуз пайызга көп дегенди билдирет.

Кыргызстанда 20-августта жаан-чачын болбойт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй, Ош, Баткен, Жалал-Абад облустарында түнкүсүн 16...21, күндүз 30...35, Талас жергесинде түнкүсүн 16...21, күндүз 30...35, Ысык-Көл дубанында түнкүсүн 10...15, күндүз 22...27, Нарын облусунда түнкүсүн 8...13, күндүз 22...27, Бийик тоолуу райондордо түнкүсүн -1...+4, күндүз 12...17 градус болот. Бишкек шаарында жамгыр жаабайт. Түнкүсүн 19…21, күндүз 33…35 градус ысык болот.

Узап бараткан аптанын урунттуу окуяларына сереп.

Төлөгөн Касымбеков чыгармачылыгынын башталышында кенже эпикалык жанрга кайрылып, бир топ аңгемелерин, повесттерин жарыялаган. Алары азыркы турмушка арналган чыгармалар болчу.

Курман айттын урматына 23-августта Бишкекте майрамдык сейил уюштурулат. "Умма" ислам журналынан кабарлашкандай, иш-чара Түштүк дарбазада, Дайыр Асанов атындагы паркта өтөт. Катышуучулар арасында сынактар, спорттук мелдештер жана кол өнөрчүлөрдүн сабактары болот.  Ушундай эле майрам 22-августта Ош шаарындагы "Алымбек датка" эс алуу жайында болот.  Уюштуруучулар бул иш-чара коммерциялык мүнөздө эместигин, түрдүү дин өкүлдөрүнүн ортосундагы ынтымакты бекемдөө максатын көздөрүн билдиришти.  Курман айт 21-августта белгиленет.

18-августта Кыргызстанда велосипед ышкызбоздору демилгелеген “Жибек Жолу” аттуу эл аралык веложүрүш башталды. Ага дүйнөнүн чар тарабынан 95тей велоспортчу катышарын “Азаттыкка” жүрүштү уюштуруучу британиялык Нелсон Трис билдирди. Жарыштын аралыгы 1700 чакырым жана 26 миң метр бийиктикке чыгуу каралган. Велосипедчилер тамак-ашын өздөрү менен кошо алып жүрүп, тоо-ташта конуп түнөшөт. Соң-Көл, Көл-Суу, Чычкан капчыгайы жана Ысык-Көлдүн түштүк жээгинен да өтүшөт. Жарышка катышкан ар бир адам коопсуздукту камсыздоо үчүн GPS трекерди алып жүрөт. Читать дальше...

Индонезия Жакарта шаарында 18-августта жайкы Азия оюндары расмий ачылды.

"Талибан" тобунун лидери тышкы күчтөрдүн кийлигишүүсү токтомоюнча Ооганстанда тынчтык болбой турганын билдирди.  18-августта Курман айтка байланыштуу кайрылуусунда молдо Хайбатуула Ахунзаде талиптер "исламчыл максаттарын" жана Ооганстандын эгемендиги маселесинде турумун өзгөртпөй турганын белгиледи. Ал Ооганстандагы согушту токтотуу үчүн АКШ менен түздөн-түз сүйлөшүүлөрдү өткөрүүгө даяр экенин айтты.  Талиптер акыркы кездери Ооганстандын бир канча аймагын ээлеп, көзөмөлдү күчөттү. Алар ушул аптада Газни облусундагы беш районду ээледи. Читать дальше...

Өзбекстандын Эл акыны Халима Худайбердиева 17-августта 71 жашында көз жумду.  "Азаттыктын" өзбек кызматы билдиргендей, маркум мурдагы президент Ислам Каримовдун тушунда көп чектөөлөргө кабылган. Маалымат каражаттарында, телерадиого чыкпай калган.  Анын жолдошу Мавлян Умрзаков эгемендик жылдардын башында Каримовдун кеңешчиси болуп иштеп, 1994-жылдын аягында жемкорлукка айыпталып, алты жылга камалган. Андан соң жубайы Халима Худайбердиева да Аялдар комитетинин төрайымы кызматынан алынган. Ага чейин... Читать дальше...

Бишкектин жаңы мэри Азиз Суракматов 18-августта жыйын куруп, жашылдандыруу, парктарды калыбына келтирүү маселесинде адистерге тогуз талап койду.  Мэриянын басма сөз кызматы билдиргендей, калаа башчысы сейил бактарга берилген жерлердин чек арасын тактоо, парктарга тиешелүү жерлердин жеке менчикке өтүп кетишинин мыйзамдуулугун карап чыгуу, жаңы конуштарды жашылдандыруу өңдүү маселелер боюнча тапшырма берди.  Андан тышкары Түркиянын элчилигине кайрылып, Мустафа Кемал Ата-Түрк атындагы сейил бакка бөлүнгөн каражатты колдонуп... Читать дальше...

Орусиянын Тышкы иштер министрлиги кыргыздын залкар жазуучусу Чыңгыз Айтматовдун 90 жылдыгынын урматына дүйнөлүк флешмоб өткөрүү демилгесин көтөрдү. Бул тууралуу мекеменин өкүлү Мария Захарованын маалыматына таянып, ТАСС агенттиги кабарлады.  Флешмобдун шартына ылайык, адамдар 2018-жылдын аягына чейин Чыңгыз Айтматовдун чыгармаларынан үзүндү окуп, аны социалдык тармактарда жарыялашы керек. Жөн гана жарыялабай, орус, англис тилдеринде #читаемАйтматова жана #readAitmatov деген хэштег жазылышы кажет. Читать дальше...

Кыргызстандыктар сыймыктанган ажайып кооз Жети-Өгүз капчыгайында 1931-жылы курулуп, 1965-жылдан бери иштеп келаткан айтылуу Жети-Өгүз курорту жайгашкан.