Новости за 14.02.2019

د روسیې ولسمشر ولادیمیر پوتین پر ترکيه او ایران غږ کړی چې د سوریې د ثبات ټینګولو لباره پر خپلو پلانونو کار ته دوام ورکړي. پوتین نن په سوچي کې د ایران او ترکیې د جمهورو رئيسانو کوربه و. هغه حسن روحاني او رجب طیب اردغان ته ویلي چې له سوریې د امریکايي عسکرو تر وتلو وروسته د ثبات ټينګولو پر پلانونو باید عملي کار وشي. د امریکا د متحدو ایالاتو ولسمشر ویلي چې له سوریې خپل ټول عسکر باسي. امریکا په سوریه کې ۲۰۰۰ عسکر لري او د افراطي ډلو او داعش سره د مبارزې لپاره د سوریې د عربو او کُردانو د ګډ ائتلاف ملاتړ کوی. Читать дальше...

د نوي انتخاباتي قانون له مخې د جمهوري ریاست راتلونکي انتخابات نه بلکې له هغه وروسته هر ډول انتخابات به د څو اړخېز یا مختلط انتخاباتي سیسټم په اساس ترسره کیږي.

د کابل د شهرنو ګل فروشي کوڅه د ښار د نورو بازارونو په شان په بېلابېلو ګلانو سمبال شوې، خو د نورو دوکانونو په پرتله دا کوڅه د میینانو لپاره نن یو ښه ادرس ګرځېدلې. ویډیو او ایډیټ: لېمه هادي

د ناټو تړون عمومي منشي ینس سټولټنبرګ وویل د ناټو ماموریت په افغانستان کې یو مهم لومړیتوب دی. په کشمیر کې یوې چاودنې ګڼو هندي پوځیانو ته مرګژوبله اړولې او د فبروري څوارلسمه ویلنټاینز ډې یا د مینانو ورځ ولمانځل شوه. ازادي سټودیو د شپې په ۸ بجو له پيشګام ټلویزیون وګورئ.

د متحدو ایالاتو د دفاع سرپرست وزیر پاتریک شانهان ویلي چې امریکا به له خپلو نړیوالو متحدانو سره له مشورې پرته له افغانستانه ځواکونه نه باسي. شانهان نن د فبرورۍ په ۱۴مه په بلجیم کې د ناټو د دفاع وزیرانو په غونډه کې د دې پوځي تړون نورو غړو ته ډاډ ورکړ چې په یو اړخېز ډول به د عسکرو د کمولو لپاره اقدام نه کوي. هغه د دفاع له وزیرانو سره تر کتنې وروسته، خبریالانو ته وویل چې د دوی ترمنځ هماهنګی لا زیاته شوې ده. پاتریک شانهان د دوشنبې په ورځ کابل ته ولاړ او هلته یې وویل چې په افغانستان کې د عسکرو د شمېر د کمولو دستور نه‌دی ورکړ شوی.

د امریکا د ولسمشر مرستیال مایک پنس نن د فبرورۍ په څوارلسمه پر خپلو اروپايي متحدانو غږ وکړ چې له ایران سره له اټمي موافقې ووځي. د نړۍ شپږو قدرتمندو هېوادونو په ۲۰۱۵ میلادي کې له ایران سره د هغه هېواد د اټمي پروګرام په اړه موافقه وکړه، خو امریکا تېرکال له موافقې ووته. د امریکا د ولسمشر مرستیال، مایک پنس نن د پولند په پلازمېنه وارسا کې د منځني ختيځ په اړه په نړیوال کنفرانس کې وویل چې ایران د منځني ختیځ سولې او امنیت ته تر ټولو ستر خطر دی. پنس وویل چې له ایران سره د معاملې په برخه کې د امریکا یو شمېر مخکښو متحدانو همکاري نه ده کړې. Читать дальше...

د سالنګ لویه لار بیا د موټرو لپاره خلاصه شوې ده. د سالنګونو د څارنې او ساتنې د ادارې مشر، عبدالبصیر حبیبي نن، د فبرورۍ په څوارلسمه ازادي راډیو ته وویل چې په وروستیو دوو ورځو کې په سالنګونو کې د واورې د شدت او برفکوچونو له امله دموټرو پر تګ راتګ بندیز و . ښاغلي حبیبي ویلي چې په سالنګونوکې د واورې شدت او برفکوچونه ساری نه لري. هغه وویل چې د احتیاط له مخې ، موټرو ته د شپې له خوا د حرکت اجازه نه ورکوي.

وروستیو سېلابونو د هرات ولایت په بېلا بېلو برخو کې د کورونو تر څنګ بې‌ځایه شويو ته هم مالي زیانونه اړولي چې په خبره‌یې اوس بېړنیو مرستو ته اړتیا لري. د ازادي راډیو خبریال شاه‌پور صابر پرې وېډيويي راپور جوړ کړی چې ابراهیم صافی یې دراوروي. اېډېټ: ابراهیم صافی

د واشنګټن یوې محکمې داسې حکم کړی چې د واشنګټن چارواکي دې د میخاییل لېسن د مړیني په اړه د عدلي طب او د تحقیقاتو نور اسناد وړاندې کړي.

د انتخاباتي کمېسیونونو د ممنوع الخروجو رئیسانو او غړیو څېړنې چې له دندو نه په ناوړه استفادې تورن شوي، پیلېدو ته نېږدې شوي دي.

د امریکا متحد ایالات او اسرائيل نوې هڅې پېل کړي چې پر ایران فشار زیات کړي. هغوی به د منځني ختيځ پر حالاتو په کنفرانس کې چې د واشنګټن په مالي ملاتړ د پولنډ په پلازمېنه وارسا کې جوړ شوی، پر تهران د فشار زیاتولو هڅه وکړي.  تهران په پولنډ کې نننۍ غونډه د سرکس ننداره بللې ده. د امریکا د بهرنیو چارو وزیر، مایک پامپیو، د ولسمشر مرستیال مایک پنس او د اسرائیل صدراعظم بنیامین نتانیاهو به نن د فبرورۍ په ۱۴مه د وارسا په غونډه کې ویناوې وکړي. په‌دې غونډه کې تقریباً د ۶۰ هېوادونو استازي ګډون لري. پامپیو... Читать дальше...

افغان حکومت وایي، د افغانستان په پنځو ولایتونو کې د ټاپي پروژې د سروې کار بشپړ شوی او تمه ده چې په روان کال کې به ...

د ناټو عمومي منشي وايي، په افغانستان کې د غوڅ ملاتړ مأموریت اولویت ورته لري. ینس سټولتنبرګ نن د ...

د افغانستان د انتخاباتي شکایتونو کمېسیون وايي، د شکایتونو د څېړلو او ارزونې ډېری چارې د دارالانشاء په ریاست پورې اړه لري، نو ...

تمه ده چې د سعودي عربستان ولیعهد محمد بن سلمان راتلونکې اوونۍ د یوه رسمي سفر په ترڅ کې اندونیزیا ته ولاړ شي. د جاکارتا ...

د افغان حکومت اجرائیه ریاست پاکستان ته د طالب استازو سفر او په هغه هېواد کې له امریکايي پلاوي او پاکستاني چارواکو ...

د افغانستان د ښځو شبکې، د ښځو پر وړاندې د تاوتریخوالي پرضد له نړیوال یو بیلیوني پاڅون سره د یوځای کېدو ورځ ولمانځله.

د افغانستان د سوداګرۍ او صنایعو خونه وایي، د واورو له شدید ورښت سره د ټرافیکو پر مخ د سالنګ لویې لارې تړلو له امله سوداګرو ته مالي زیانونه اوښتي دي. د دغې خونې مرستیال خان جان الکوزي نن ازادي راډيو سره په خبرو کې اندېښنه وښوده چې په سالنګ کې د واورو شدید ورښت دغه لار تړلې چې په ورځني ډول په بېلابېلو موادو بار له سلو تر ۲۰۰ موټرو د تګ راتګ مخه ډب شوې ده. د نوموړي په خبره، له دغې لویې لارې کابل ته د ساختماني توکو تر څنګ زیات خوراکي او د سونګ توکو صادرات هم کېږي. د سالنګونو د ساتنې او مراقبت ادارې... Читать дальше...

د افغانستان د کانونو او پترولیم وزارت وایي، هند له دغه هېواد سره د ګازو، نفتو او کانونو په برخه کې تخنیکي همکاري کوي. د دغه وزارت ویاند عبدالقدیر مطفي نن ازادي راډيو ته وویل چې د افغانستان د کانونو او پترولیم سرپرسته له خپلې هندي سیال سره د ګازو او نفتو د ۱۳م نړیوال کنفرانس په څنډه کې په‌دې سلا شوي چې هند به له افغانستان سره د ظرفیت لوړونې، سوداګرۍ، د ګازو او نفتو، د ټاپي پروژې په برخه کې همکاري او پانګونه کوي. د نوموړي په خبره، په بامیانو کې د حاجي‌ګک کان د پانګونې په برخه کې هم دوو بهرنیو شرکتونو سره هوکړې وشوې. Читать дальше...

د روسیې ولسمشر ولادیمیر پوتین به نن په سوچي تفریحي ښارګوټي کې د ایران او ترکیې د ولسمشرانو د درې اړخیزې غونډې کوربه وي. په پام کې ده چې په‌دې غونډه کې د درې واړو هېوادونو ولسمشران له سوریې د امریکایي ځواکونو له وتلو وروسته د دې هېواد لپاره پر پلانونو خبرې وکړي. کرملېن وویل، ولسمشر پوتین، د ترکیې ولسمشر رجب طیب اردوغان او د ایران ولسمشر حسن روحاني به په سوریه کې د اوږدمهاله حل‌لارې په اړه د نورو اقداماتو لارې چارې وڅېړي. درې واړو هېوادونو ویلي چې د سوریې د اووه کلنې کورنۍ جګړې د پای ته رسېدو لپاره د یوې سوله‌ییزې حل‌لارې غوښتونکي دي. Читать дальше...

د سختې واورې د ورېدو له امله له دوو ورځو راهیسې د سالنګ لار د ټرافیکو پر مخ تړل شوې. د سالنګونو د ساتنې او مراقبت د چارو د ادارې رئیس عبدالبصیر حبیبي وایي چې د سې شنبې له ورځې راهیسې د واورې د ورېدو، توپانونو او برف‌کوچونو له امله دغه لاره تړل شوې. هغه ویلي چې په تېرو ۲۴ ساعتونو کې شااوخوا ۲۰ برف‌کوچونه راغلي چې له لارې د واورې د توږلو هڅې هم درېدلې دي. د ښاغلي حبیبي په وینا اوس هم په سیمه کې واوره اوري او ضخامت‌یې له دوو مترو لوړ شوی دی.

د افغانستان په ټولو ولایتونو کې د پام وړ واورې او بارانونه وریدلي، خو دغو ورښتونو په هرات کې خلکو ته زیانونه هم رسولي دي.

د ناټو دفاع وزیران نن د بلجیم په پلازمېنه بروکسل کې د افغانستان پر وضعیت خبرې کوي. سوله او له افغان ځواکونو ‎څخه ملاتړ به د ناتو د ۲۹ غړیو هېوادونو د دفاع وزیرانو د نننۍ غونډې مهمې کلیدي مسئلې وې. د ناټو عمومي منشي ینس سټولټنبرګ پرون په بروکسل کې په افغانستان کې د سولې د روانو هڅو ملاتړ وکړ: "موږ یوې سیاسي، سوله‌ییزې حل لارې ته د رسېدو د هڅو کلک ملاتړ کوو. د دې لپاره موږ د افغانستان لپاره د امریکا له ځانګري استازي سفیر خلیل‌زاد سره په نژدې تماس کې یو." سټولټنبرګ زیاته کړه چې د افغانستان د... Читать дальше...

طالبان وایي چې د سولې د روانو هڅو په ترڅ کې به له امریکایي پلاوي سره د راتلونکي دوشنبې په ورځ د پاکستان په پلازمېنه اسلام‌اباد کې وګوري خو د امریکا د بهرنیو چارو وزارت یوه چارواکي وویل چې مرکچي پلاوي یې تراوسه د خبرو بلنه نه‌ده ترلاسه کړې. د طالبانو ویاند ذبیح الله مجاهد پرون په یوې خپرې کړې خبرپاڼه کې وویل چې دواړه لوري به مخکې له دې چې د فبرورۍ په ۲۵مه په قطر کې غونډه وکړي، په اسلام آباد کې سره وګوري. خو د امریکا د بهرنیو چارو وزارت یوه ویاند وویل چې د طالبانو له دغه اعلانه خبر شوي خو د خبرو رسمي بلنه یې تراوسه نه‌ده ترلاسه کړې. Читать дальше...

د امریکا د استازیو جرګې چې ډموکرتان په‌کې برلاسې دي، یو پریکړه‌لیک تصویب کړ چې د یمن په جګړه کې له سعودي عربستانه د واشنګټن ملاتړ پای ته رسوي. ډېر کسان دغه اقدام د ولسمشر ډونالډ ټرمپ په وړاندې یوه هڅه بولي. دغه پریکړه‌لیک ته ۲۴۸ وکیلانو مثبتې او ۱۷۷ منفي رأیې ورکړې. ۱۸جمهوري غوښتونکو هم د دې پریکړه لیک ملاتړ وکړ. ټرمپ ژمنه کړې چې پریکړه‌لیک به ویټو کړي خو له نتیجې یې ښکاري چې د دې ویټو د ردولو لپاره په کانګرس کې کافي ملاتړ نشته. دغه پریکړه‌لیک د یمن په جګړه کې الوتکو ته د سونګ موادو د... Читать дальше...