Новости за 07.09.2019

د امریکا دفاع وزارت د خپل هغه سرتېري هویت ښودلی چې په وروستۍ پېښه کې په افغانستان کې ووژل شو. د یاد وزارت د جمعې د ورځې په اعلامیې کې د دغه سرتېري نوم الیس اې باریتو اورتیز ښودل شوی چې د پورتو ریکو دی. دغه ۳۴ کلن سرتېری چې د شمالي کارولینا د فورت براګ پوځي مرکز غړی و، د پنجشنبې په ورځ د کابل په شش درک سیمه کې په ځانمرګي برید کې ووژل شو. په هغه برید کې یو رومانیایي سرتېری او لږترلږه ۱۰ افغان ملکي وګړي هم وژل شوي دي. د امریکا دفاع وزارت وایي چې د دې پېښې په اړه پلټنې کوي. طالبانو د یاد برید مسؤلیت منلی دی. Читать дальше...

د افغانستان دفاع وزارت په فراه ښار کې د پرونیو عملیاتو پر مهال د ۱۱۰ وسله والو طالبانو د وژل کېدو خبره کوي. د دغه وزارت چارواکي وایي، په وژل شویو کې د طالبانو مهم غړي شامل دي. دوی وایي چې خپل عملیات یې اوس د فراه د ښار څنډو او نورو هغو سیمو ته غځولي چې د وسله والو مخالفینو له ګواښ سره مخ دي. وسله والو طالبانو د جمعې په شپه پر دغه ښار ډله ییز بریدونه وکړل. په سیمه کې د ازادي راډیو خبریال د روغتیایي مسؤلینو له قوله وایي چې د پرونیو بریدونو پر مهال ۱۹ ملکي وګړي وژل شوي دي. د طالبانو ویاند... Читать дальше...

د افغانستان تر ۱۹ کلنو کم عمره کرکټ ملي لوبډلې په اسیا جام سیالیو کې پرله پسې دوهمه بریا خپله کړه. په دغو سیالیو کې د افغان ۱۹ کلنې لوبډلې دوهمه لوبه د کوېټ پر وړاندې وه چې افغان لوبډلې په اوو ویکټو وګټله. په دغه لوبه کې کوېټ لومړی توپوهنه وکړه او د ټولو لوبغاړو په زیان سره يې په ۲۷،۳ اورونو کې افغان لوبډلې ته د ۸۶ منډو هدف وټاکه. په ځواب کې یې افغان ځوانانو ورکړی شول چې هدف د لوبې په ۱۳م اوور کې د درېیو ویکټو په زیان سره ترلاسه او په روانو سیالیو کې خپله دوهمه بریا خپله کړي. افغان لوبډلې... Читать дальше...

د افغانستان د ښځینه والیبال لوبډلې ټاکنیزې سیالۍ د سرې میاشتې لوبډلې په اتلولۍ سره پای ته ورسېدې. د افغانستان د بدنې روزنې او ورزش ریاست ویاند عارف پیمان ازادي راډيو ته وویل، چې د دغو سیالیو په پایلوبه کې د سرې میاشتې لوبډلې د هرات د والیبال د نجونو لوبډلې ته ۳ د صفر پر وړاندې ماته ورکړه. د ښاغلي پیمان په خبره، د دغو سیالیو په نیمه پایلوبه کې د سرې میاشتې لوبډلې د سولې او د هرات لوبډلې بیا د ښاروالۍ لوبډلې ته ماتې ورکړې وې. له دغو سیالیو څخه ۱۶ غوره څېرې د افغانستان د لویانو د والبیال ملي لوبډلې... Читать дальше...

د راپورونو له مخې د اوکرایین او روسیې د زندانیانو د تبادلې بهیر پیل شو. د اوکرایین دوو حکومتي چارواکو له ازادي راډیو سره په خبرو کې دا موضوع تأیید کړې ده. د دواړو هېوادونو لوړ پوړو چارواکو څو میاشتي د زندانیانو د تبادلې په اړه خبرې کړي دي. ځینو رسنیو راپور ورکړی چې احتمالاً د اوکراین او روسیې ترمنځ ۷۰ زندانیان تبادله شي. د دواړو هېوادونو حکومتونو تراوسه د زندانیانو د تبادلې د شرایطو پر وروستۍ نتیجې رسماً څه نه دي ویلي. ځینو باخبره سرچینو ویلي چې ۲۴ اوکراینې کښتۍ چلوونکي او د دې هېواد ۱۱ نور وګړي به اوکراین ته ورکړل شي. Читать дальше...

څه باندې دوه لسیزې عمر یې د ښځو د کالیو په اغوستلو تېر کړ او په پای کې پوه شو چې لږه ښځه او ډېر نارینه دی. په جلال اباد ښار کې له عملیاتو وروسته د عادلې د نارینه کېدو خوب په حقیقت بدل شو. شفیع کریمي د ننګرهار ولایت د روداتو ولسوالۍ ته تللی او دغه راپور یې جوړ کړی دی.

د افغانستان په جنوب ختیځ کې د پکتیکا امنیتي چارواکي وایي چې د دې ولایت شپږ تنه خبریالان د پکتیا ولایت د زرمت ولسوالۍ په سورکۍ سیمه کې نامعلومو وسله والو له موټرو ښکته کړي دي.  د پکتیکا د ولایت مقام ویاند د شنبې په ورځ ازادي راډیو ته وویل چې په یادو کسانو کې د کلید راډیو خبریال خیرالدین ذکي، د یاران راډیو رئیس اسدالله صمیم، د مېلمه راډیو خبریال الهام، د ملي راډیو تلویزیون خبریال طارق ذکي، د یاران راډیو خبریال وهاب او د پښتون غږ راډیو خبریال رووف ذهین شامل دي.  د پکتیا امنیتي چارواکي بیا دا نه... Читать дальше...

د ارزګان ولایت د امینې قوماندانۍ مسؤلین وايي، تېره شپه د دغه ولایت په ګیزاب ولسوالۍ کې د جګړي پرمهال ۵ پولیس وژل شوي او یو ټپي دي. د دغه ولایت امنیه قوماندان محمد خطاب خنجري نن شنبه ازادي راډيو ته وویل چې یاد پولیس هغه مهال وژل شوي، کله چې تېره شپه لسکونه وسله والو طالبانو په دره سنجد سیمه کې پر مېشتو امنیتي پوستو بریدونه وکړل. قوماندان وايي، د یادې جګړي پرمهال وسله والو طالبانو ته هم مرګ ژوبله اوښتې، خو وايي چې په اړه یې کره معلومات نه لري. وسله والو طالبانو تراوسه په دې اړه څه نه دي ويلي.

ایراني خبري اژانسونو نن راپور ورکړی چې د دغه هېواد ساحلي ساتونکو په فارس خلیج کې یوه کښتۍ له ۱۲ تنه عملې سره نیولې ده. چارواکي د دې کښتۍ فلیپینۍ عمله د تېلو په قاچاق تورنوي.  ایسنا خبري اژانس وایي، په دې کښتۍ کې ۳۰۰ زره لیتره ډیزل تېل انتقالېدل.

د افغانستان د کورنیو چارو وزارت وایي، که د شهید اوونۍ او عاشورا په ورځو کې هر چا ولسي وګړو ته مزاحمت وکړ، جدي قانوني چلند به ورسره وشي.

د افغانستان د حج او اوقافو وزارت سرپرست عبدالحکیم منیب ادعا کوي چې په ارګ کې د جمعې د لمانځه له ادا کولو وروسته د ملاتره خېل محمدي او د نوموړي وروڼو له لوري ورته سپکې سپورې وویل شوې او وروسته یې ورباندې حمله وکړه.

د افغانستان دفاع وزارت وايي، دمګړۍ ددغه هېواد په دولسو ولایتونو کې د دولتي ځواکونو او مخالفینو ترمنځ جګړه روانه ده. امنیتي چارواکي پر مخالفینو د یرغلیزو عملیاتو خبره کوي، خو د ملي شورا غړي وایي چې دولتي ځواکونه په دفاعي حالت کې دي.

یو شمېر لویدیځو چاپي رسنیو د امریکا او طالبانو ترمنځ احتمالي توافق ته کتنه کړې او پر افغانستان یې د هغې اغیزو ته اشاره کړې ده.

ولسمشر محمد اشرف غني په کابل کې د هندوستان له سفیر سره تېر ماښام د دواړو هېوادونو د سوداګریزو اړیکو پر پراختیا خبرې کړي. د ولسمشرۍ ماڼۍ د معلوماتو له مخې، ښاغلي غني د افغانستان د زېربنايي پروژو په برخه کې د هند همکاري ګټوره بللې او ویلي یې دي چې هند د افغاني محصولاتو په ځانګړي توګه د تازه مېوو لپاره اوسمهال ښه بازار دی. په کابل کې د هند سفیر ویني کومار ولسمشر غني ته د کابل او نوي ډیلي ترمنځ د سوداګریزو اړیکو د پراختیا ډاډ ورکړی او ویلي یې دي چې هېواد به یې د افغانستان سوداګرو ته د سوداګرۍ او ټرانزیټ په برخه کې لازمې اسانتیاوې برابرې کړي.

ځایي چارواکي وایي چې په ارزګان او زابل کې ۵۱ طالبان وژل شوي. په جنوب کې د ۲۰۵ اتل قول اردو مسؤلینو ازادي راډيو ته په استولې خبرپاڼه کې ویلي چې یاد وسله وال طالبان د افغان هوايي او ځمکنيو ځواکونو د عملیاتو پرمهال وژل شوي. دغه خبرپاڼه زیاتوي چې تېره ورځ او تېره شپه د ارزګان ولایت په چهارچینو او دهراوود ولسوالیو کې د وسله والو طالبانو پر پټنځایونو عملیات ترسره شوي چې پرمهال یې ۴۴ طالبان وژل شوي او دغه راز د وسله والو طالبانو یو شمېر پټنځایونه هم له منځه وړل شوي دي. خبرپاڼه زیاتوي چې تېره ورځ يې... Читать дальше...

د کابل د نن ورځې چاپ ورځپاڼو کابل ته له سفر وروسته بېرته قطر ته د زلمي خلیلزاد د سفر او د سولې د روانو هلو ځلو په اړه مقالې او تبصرې خپرې کړي دي.

د افغانستان لپاره د امریکا د متحدو ایالتونو درېیو پخوانیو سفیرانو خبرداری ورکړی چې له طالبانو سره د امریکا د سولې د توافقنامې مسوده چې له مخې به یې ټول بهرني ځواکونه له دغه هېواده وځي، ښایي خطرناکې کورنۍ جګړې ته لار هواره کړي.

د افغانستان د بهرنیو چارو وزارت چارواکي وایي، نن په اسلام اباد کې د افغانستان، چین او پاکستان د بهرنیو چارو وزیران د افغانستان د سولې او له ترهګرۍ سره د مبارزې په ګډون پر بېلابېلو مسایلو خبرې کوي. ددغه وزارت ویاند صبغت الله احمدي ازادي راډیو ته وویل، د نن ورځې (شنبه، وږي ۱۶مه) ناسته د درېیو هېوادونو د بهرنیو چارو وزیرانو ترمنځ د خبرو درېیم پړاو دی. ښاغلي احمدي وویل: "نن به پر ډېرو مسایلو بحث وشي چې عمده موضوعات یې د سیاسي اړیکو پیاوړتیا، د افغانستان د سولې له بهیر سره مرسته، د ترهګرۍ پروړاندې... Читать дальше...

په قطر کې د طالبانو مرکچي پلاوي تېره شپه د افغانستان د سولې لپاره د امریکا ځانګړي استازي زلمي خلیلزاد، په افغانستان کې د امریکایي ځواکونو عمومي قوماندان سکاټ مېلر او د قطر د بهرنیو چارو وزیر سره کتلي. په قطر کې د طالبانو د سیاسي دفتر ویاند سهیل شاهین پر خپله ټوېټرپاڼه لیکلي چې طالب استازو د ملا برادر په مشرۍ له دغو امریکايي او قطري چارواکو سره د شپې تر دوه نیمو بجو خبرې کړي. ښاغلي شاهین ویلي چې خبرې ښې وې او د افغانستان د سولې د خبرو په تړاو پکې پرمختګ شوی، خو په دې اړه یې نور جزیات نه دي ورکړي. Читать дальше...

د بدخشان ولایت امنیتي مسؤلین خبر ورکوي چې د دغه ولایت وردوج ولسوالي په بشپړه توګه د افغان امینتي ځواکونو لاس ته ورغله. د دغه ولایت د پولیسو ویاند ثناالله روحاني په سیمه کې ازادي راډیو ته وویل چې د وسله والو مخالفینو پرضد د لسو ورځو ځمکنیو او هوايي عملیاتو په نتیجه کې یاده ولسوالي له وسله والو مخالفینو پاکه شوه. د ښاغلي روحاني په خبره، په دغو لس ورځنیو عملیاتو کې شااوخوا ۱۲۰ وسله وال چې بهرنیان هم په کې وو، وژل شوي دي. دده په خبره، اوسمهال د وردوج او د کران او منجان ولسوالیو په شااوخوا سیمو کې تصفیوي عملیات روان دي.

په نورستان کې زده کوونکي او ښوونکي د ښونځیو د تعمیرونو له نشتوالي شکایت کوي. دوی وایي چې له درس او مکتب سره بې حده مینه لري،خو د تعمیرونو نشتوالي له ستونزو سره مخ کړي او ډېری وختونه یې درسونه د باد او باران په وجه پاتې کېږي. د نورستان والي حافظ عبدالقیوم وايي چې په دوو کالو کې به په نورستان کې ټولو ښونځیو ته ودانۍ ورغول شي. ده وویل: تقریباً ۵۵ بابه ښونځي جوړوو چې په هغوی کې د ۴۰ بابه لپاره پېسې را انتقال شوي. ۳۷ بابو ته پېسې ورکړل شوي او پرې عملاً کار پیل شوی، په راتلونکو دوو کالو کې به په... Читать дальше...

د ننګرهار د وروستۍ پېښې د څېړلو لپاره چې ویل کېده ملکي خلک پکې وژل شوي، دولتی پلاوی جلال اباد ته تللی.

له نشه يي موادو سره د مبارزې پولیسو په څو ولایتونو کې څه د پاسه لس قاچاق کوونکي او نشه يي موادو خرڅوونکي نیولي دي. د کورنیو چارو وزارت ویاند نصرت رحیمي ازادي راډیو ته وویل، دا عملیات چې د سنبلې د میاشتې په دوولسمه نېټه په اوو ولایتونو کې وشول، په نتیجه کې یې (۱۴) قاچاق کوونکي او واړه خرڅوونکي ونیول شول، له دوی سره (۷۳) کیلو ګرامه چرس، هیروئین، ښیښه او تاریاک هم نیول شوي دي. نیول شوي کسان له نشه يي موادو سره یو ځای د مبارزې عدلي او قضايي مرکز ته معرفي شوي دي.

په کابل ولایت کې (۱۳) تنه ونيول شول چې نشه يي مواد يې د پرچون په بڼه خرڅول. د کابل ولایت د امنیې قوماندانۍ ویاند فرامرز فردوس ازادي راډیو ته وویل، پولیسو د سنبلې د میاشتې په ۱۳مه نېټه د کابل ښار په اوومه او یوولسمه ناحیه او دغه ډول پغمان ولسوالۍ کې دیارلس تنه ونيول چې نشه يي مواد يې د پرچون په بڼه خرڅول. له دې کسانو سره نږدې لس کیلو ګرامه نشه يي مواد هم نیول شوي دي. ده وویل: نیول شوي کسان هغه څوک دي چې په ښار کې ګرځېدل راګرځېدل او نشه يي مواد به یې خرڅول او یا یې د نشه موادو د خرڅلاو لپاره... Читать дальше...

په ننګرهار ولایت کې پولیسو په دوو عملیاتو کې پنځوس کیلو ګرامه نشه يي مواد ونیول. د ننګرهار ولایت د امنیې قوماندانۍ ویاند مبارز اتل ازادي راډیو ته وویل، لومړي عملیات چې د سنبلې د میاشتې په لسمه په جلال اباد ښار کې وشول، په نتیجه کې یې (۴۷) کیلو ګرامه هیروئین ونیول شول. په دوهمو عملیاتو کې چې په سرخ رود ولسوالۍ کې وشول، په نتيجه کې يې پولیسو (۱۳) کیلو ګرامه چرس ونیول چې یوه ګاونډي ولایت ته قاچاق کېدل. د دې موادو د قاچاقو او ساتنې په تور درې تنه هم نیول شوي دي.