په زابل کې د طالبانو موټربم برید ۲۰ ملکیان وژلي اوله نوي تنو ډېریې ژوبل کړي. امریکا وايي له سعودي ملاتړ کوي څو خپله دفاع وکړي. افغان ولسمشر اشرف غني په ټاکنو کې د تشدد د کمښت لپاره د پاکستان مرسته غوښتې. هند د الکترونیک سګرېټ پلور بند کړ. ازادي سټوډیو د شپې په ۸ بجو له پيشګام ټلویزیون وګورئ.
د سويډن حکومت دغه جایزه د بشر حقونو، ډموکراسۍ او د خبریالۍ نړیوالو فعالانو ته چې په دې برخه کې کار کوي، ورکوي. دغه جایزه به د اکتوبر په ۱۷مه په سویډن کې دغې خبریالې ته ورکړل شي. نور جزیات د شفیع کریمي په راپور کې کتلی شئ.
په داسې حال کې چې جګړې په افغانستان کې زور اخیستی او د ملکي کسانو مرګ ژوبله هم لوړ شوي، د افغانستان مخکنی جمهور رئيس حامد کرزی وايي چې ولسمشر غني او طالبان باید د افغان وژنې څخه وشرمېږي.
راتلونکو ولسمشریزو ټاکنو ته نوماند سید نورالله جلیلي وايي، د بریا په صورت کې به د افغانستان اسلامي جمهوري نظام، اسلامي امارت ته واړوي.
په لرګیو کې ښکلي او په زړه پورې نقشونه جوړول په نورستان ولایت کې له کلونو راهیسي دود دي. خو اوس یې بازار کم رنګه شوی نور جزیات د روح الله انوري په راپور کې
د افغانستان د بشري حقونو خپلواک کمېسیون وایي، په تېره اوونۍ کې په بېلابېلو حملو کې ۷۸ ملکي وګړي وژل شوي او ۱۷۷ کسان ټپیان شوي چې دا د حملو شدت ښيي.
په خوست کې د ټرافیکي پېښې له امله درې تنه مړه او د یوې ښځې په شمول پنځه تنه زخمیان شوي دي. د افغانستان په جنوب ختیځ کې پروت د خوست ولایت امنیتي چارواکي وایي چې نن پنجشنبه د سنبلې د میاشتې په ۲۸ مه د خوست ولایت د نادرشاه کوټ ولسوالۍ اړوند د المرۍ سیمه کې د کابل - خوست پر عمومي سړک د سراچه او ټوډي موټر د ټکر له امله رامنځته شوې ده. د خوست د امنیې قوماندانۍ رسنیز دفتر وایي، په پېښه کې درې تنه مړه او د یوې ښځې په شمول پنځه تنه ټپیان شوي دي چې وژل شوي کسان او ټپیان ملي پولیسو ملکي روغتون ته انتقال کړي دي. Читать дальше...
ولسمشر اشرف غني د پاکستان له صدراعظم عمران خان سره په ټيليفوني خبرو کې د افغانستان د ولسمشرۍ په انتخاباتو کې د پاکستان د همکارۍ غوښتنه وکړه. ارګ نن په یوه خبرياڼه کې وویل، په دې ټيليفوني تماس کې چې د عمران خان له خوا نیول شوی و، د سولې او انتخاباتو پر اړوندو مسایلو خبرې وشوې. په خبرپاڼه کې راغلي دي چې ولسمشر غني په تېرو انتخاباتو کې د پاکستان ونډې ته د اشارې په ترڅ کې له ښاغلي عمران خان څخه وغوښتل چې په راروانو انتخاباتو کې د تشدد د پېښو د کمولو په برخه کې مرسته او همکاري وکړي. دا په داسې حال... Читать дальше...
په غزني کې په ټرافیکي پېښه کې د ښځو او ماشومانو په ګډون د یوې کورنۍ اووه غړي وژل شوي دي. د ملکي روغتون رئیس باز محمد همت د پنجشنبې په ورځ په دې اړه ازادي راډیو ته وویل: د دغې پېښې له ځایه روغتون ته د ۷ تنو مړي را انتقال شوي چې څلور یې ماشومان، دوه ښځې او یو نارینه دي. دغه پېښه نن غرمه شااوخوا ۱۱ نیمې بجې د غزني مرکز ته څېرمه په روضه کوتل سیمه کې رامنځته شوې ده. ټکر د سراچه او ۳۰۴ ډوله موټرو ترمنځ شوی دی. وژل شوي ټول د سراچه موټر سپرلۍ ده او په لوی موټر کې هېڅ مرګ ژوبله نه ده رامنځته شوې.
نېشل انټرسټ خپرونه بیا د افغانستان په اړه په خپره کړې مقاله کې لیکي، امریکا افغانستان ته له القاعده شبکې سره د مبارزې لپاره ولاړه او هدف دا نه و چې یو ملت تغییر کړي.
د افغانستان د سولي او پخلاینې لپاره د امریکا د بهرنیو چارو وزارت ځانګړی استازی زلمی خلیلزاد به نن د امریکا د استازو جرګې د بهرنیو اړیکو کمېټې په یوه غونډه کې ګډون وکړي. دغې کمېټې ویلي چې خلیلزاد یې وروسته له هغې احضار کړ چې څو وارې یې د دې کمېټې له غړو سره یې له کتنې ډډه کړې وه. د هغې موافقې له مخې چې د بهرنیو چارو وزارت او د دې کمېټې ترمنځ شوې، خلیلزاد به نن سهار د دغې کمېټې په یوه محرمانه غونډه کې برخه واخلي او له هغې وروسته به د جنوبي او مرکزي اسیا لپاره د بهرنیو چارو وزارت مرستیاله الیس وېلز... Читать дальше...
د پاکستان صدراعظم عمران خان وايي، د امریکا او طالبانو ترمنځ د خبرو په درېدو خواشینی دی او هڅه کوي چې دا خبرې بیا پیل شي. ده دا څرګندونې د چهارشنبې په ورځ په تورخم پوله هغو جوړو شویو مراسمو ته د وینا پرمهال وکړې چې د دغې پولې د ۲۴ ساعته پرانیستلو لپاره جوړ شوي وو. عمران خان په دغه غونډه کې د تورخم دروازه په رسمي ډول د ۲۴ ساعتونو لپاره پرانیسته چې اوس به دغه دروازه ټوله اوونۍ ۲۴ ساعته شپه او ورڅ پرانیستې وي. د امریکا او طالبانو ترمنځ د خبرو اترو د لړۍ د ځنډېدلو په اړه د یوې پوښتنې په ځواب کې... Читать дальше...
د زابل په مرکز کلات کې د ملي امنیت پر قراول په موټربم چاودنه کې لږترلږه ۱۱ تنه وژل شوي او لسګونو نور ژوبل شوي دي.
د جلال اباد په درېیمه ناحیه کې د الکترونیکي تذکرو د وېش پر مرکز په حمله کې څلور تنه وژل شوي او دولس تنه زخمیان شوي دي. د ننګرهار والي شاه محمود میاخېل ویلي چې درې حمله کوونکي هم وژل شوي دي. میاخېل پرون د سپټمبر په اتلسمه په یوه ویډیويي پیغام کې چې رسنیو ته استول شوی، د تلفاتو په اړه ویلي: متاسفانه زموږ دوه پولیس او دوه ملکي وګړي شهیدان شوي، یو پولیس زخمي دی، دولس کسه مامورین او ملکي وګړي سطحي زخمي شوي وو، خو یوازې درې مامورین او یو ماشوم لا په روغتون کې بستر دي، نور ټول خارج شوي دي. په ننګرهار... Читать дальше...
په پاکستان کې د پښتون ژغورنې غورځنګ د دوو مشرانو او د پاکستان د مرکزي اسمبلۍ د غړو علي وزیر او محسن داوړ ضمانت په مشروط ډول منل شوی دی. د علي وزیر او محسن داوړ وکيل سنګین خان پرون د سپټمبر په اتلسمه خبریالانو ته وویل چې د بنو سیمه ییزې محکمې د هغوی ضمانت په مشروط ډول منظور کړی دی. دواړه به هره میاشت د خیبر پښتونخوا پولیسو ته د خپل حال رپوټ وړاندې کوي. په خیبر پښتونخوا کې یوه بل وکیل عبدالطیف افریدي د ازادي راډيو مشال څانګې ته ویلي چې د بنو د محکمې قاضي د محسن او علي د خوشې کېدو لفظي حکم ورکړی او لیکلي مکتوب ته یې انتظار دي. Читать дальше...
د اروپايي اتحادې د بهرني سیاست مشرې فدریکا موګریني ولسمشر محمد اشرف غني ته ویلي چې له وسله والو طالبانو سره مخامخ خبرې د دوامدارې سولې د ټینګښت یوازنۍ لار ده. غني او موګریني پرون د سپټمبر په اتلسمه پر ټيليفون غږېدلي دي. په دې اړه د ارګ په خبرپاڼه کې لیکل شوي چې د اروپايي اتحادیې د بهرني سیاست مشرې د سولې د مذاکرو لپاره اوربند مهم بللی او ویلي یې دي چې افغانان سوله غواړي او اروپايي اتحادیه د افغانانو د دې هیلې کلک ملاتړ کوي. ولسمشر محمد اشرف غني موګریني ته ویلي چې سولې ته اولویت ورکوي او د شفافو ټاکنو ترسره کولو ځانګړی اهمیت ورته لري.
په هرات کې پرون دسپټمبر په اتلسمه ۱۵۲ زندانیان چې دیارلس ښځې په کې وې، له بنده خوشې شول. د هرات محبس عمومي مشر میوند صمدي د ازادي راډیو خبریال ته ویلي چې پر دې ټولو کسانو تر پنځو کلونو د کم زندان حکم شوی و. ښاغلي صمدي وویل چې په دې کې هغه کسان چې مکرراً یې جرمونه کړي، نه دي شامل. په هرات کې د ۷۰ زندانیانو د بند موده هم کمه شوې ده. دا پرمختګ د لوی اختر او د افغانستان د خپلواکۍ د سلمې کلیزې په مناسبت د ځانګړو فرمانونو پر اساس شوی دی. د ازادي راډیو د خبریال په حواله، د روان کال له پیل راهیسې ۱۸۰۰ کسان د هرات له محبسه خوشې شوي دي.
د امریکا د متحدو ایالاتو ولسمشر پرون د سپټمبر په اتلسمه په سعودي عربستان کې د تېلو پر تاسیساتو د حملو په اړه په خبرو کې خبریالانو ته وویل چې پر ايران به بندیزونه ولګول شي. ټرمپ چې د ملي امنیت نوی سلاکار یې هم ورسره و، لاس انجلس ته تر پرواز مخکې خبریالانو ته وویل: موږ به ډېر اغېزمن بندیزونه پر ایران ولګوو، موږ به یې په را روانو ۴۸ ساعتونو کې اعلان کړو. دا په داسې حال کې ده چې د سعودي عربستان دفاع وزارت پرون د بې پیلوټه الوتکو او د کروز مزائيلو ټوټې خبریالانو ته ورښکاره کړې او ويې ویل چې په دې... Читать дальше...
په زابل کې موټربم بريد ۷ کسان وژلي او ۶۷ نور يي ټپيان کړي. بريد نن سهار د زابل په مرکز کلات ښار کې د ملي امنیت پر قراول شوی دی. د چاودنې پرمهال له ملي امنیت سره نږدې د زابل ولایتي روغتون ته ډېر زیان اوښتی دی. د زابل د والي ویاند ګل اسلام سیال ازادي راډيو ته وويل چې ټپيان یې شخصي روغتونونو ته انتقال کړي او د کندهار ميرويس حوزوي روغتون ته لېږدول شوي دي. د ميرويس روغتون يوې سرچینې ازادي راډيو ته وويل چي تر دې مهاله د ۷ وژل شویو کسانو مړي او شااوخوا ۶۷ ټپيان دغه روغتون وروړل شوي دي. ويل... Читать дальше...
د امریکا د متحدو ایالاتو ولسمشر ډونالد ټرمپ رابرت اوبراین د ملي امنیت سلاکار نومولی دی. رابرت اوبراین په وروستیو دوو کلونو کې څلورم وګړی دی چې د امریکا د جمهور رئیس د ملي امنیت د سلاکار په توګه ګمارل کېږي. د امریکا د متحدو ایالاتو ولسمشر ډونالد ټرمپ پرون د سپټمبر په اتلسمه خبریالانو ته وویل: ښاغلی اوبراین ښه نوم لري، هغه ته ډېرو خلکو چې حتی زه نه وم خبر چې دی پېژني، ډېر احترام درلود. د امریکا د متحدو ایالاتو ولسمشر څو ورځې وړاندې جان بولټن د ملي امنیت د سلاکار له څوکۍ لېرې کړ. دا په داسې... Читать дальше...
د اروپايي پارلمان غړو پرون د سپټمبر په اتلسمه الکسي نوالني د سخروف د فکر د ازادۍ جایزې ته کاندید کړ. الکسي نوالني د روسیې د حکومت له سترو منتقدانو دی او په هغه هېواد کې له اداري فساد سره مبارزه کوي. د اروپا د خلکو ښي اړخي مرکزي ګوند چې د اروپا په پارلمان کې لوی ځای لري، وویل چې نوالني یې د دې لپاره غوره کړی چې هغه یوازې په روسیه کې د فکر د ازادۍ دفاع نه کوي، بلکې د حقیقت لپاره یې غږ اوچت کړی دی. د چین د ایغور مسلمانانو د حقونو مدافع الهام توتي هم چې د بېلتون غوښتنې په تور په عمر قید محکوم شوی، په کاندیدانو کې دی. Читать дальше...
د امریکا د بهرنیو چارو وزیر مایک پامپیو په افغانستان کې د جمهوري ریاست د را روانو ټاکنو پر شفافیت ټینګار کړی دی.
د سعودي عربستان دفاع وزارت پرون د سپټمبر په اتلسمه د بې پیلوټه الوتکو او د کروز مزائيلو ټوټې خبریالانو ته ورښکاره کړې او ويې ویل چې په دې کې د پوښتنې ځای نه شته چې د دوی د تېلو پر تاسیساتو د وروستۍ حملې شاته ایران دی.
